Jeremiah 22:10 - Ohiatonhseratokénti

¹⁰ Tiónkwe ne Judah, tó꞉sa tesehwaséntʼtho ne Rononhtí꞉io Josiah aharihónni; tó꞉sa sehwaktiónnion tsi rahwenhéion. Ók katsitowáhnenh tesehwahséntʼtot ne Joahaz rahoriwáhke, ne roiénha; hiahonwahiaténhaʼwe, iáh nonhwénhton thatahónthare, iáh nonhwénhton tahonshaʼhatkátho nonhwénhtsa tsi nónhwe niʼhonahkeráhton.

Jeremiah 22:10 ပူးပေါင်းရင်းမြစ်များ

2 Kings 22:20

tánon kíʼ ne kaʼrewathátshera tsi nenhtékhá꞉we nahonháke ne Jerusalem iáh taʼón꞉we tsi nióre ienshí꞉heʼie, Kwáh kíʼ enkonríh꞉on ne skénnonʼk tsi ashí꞉heie.” Né ronnón꞉kwe Ronnontí꞉ioke Josiah nionsahón꞉ʼne ratirihwenháwi.

2 Kings 23:29

Tsi nikaʼríhwesʼkwe ne Josiah ronontí꞉iokwe, né Ronontí꞉iokwe Neco ne Egypt nón꞉we iahanenhríhsere tsit kaniatarathátse ne Euphrates nahosniénon ne Rakó꞉raʼkwe ne Assyria. Ne Ronnontí꞉iokwe Josiah waʼhateniénten ne thasakótaste ne Egyptró꞉nons ronterí꞉ios ne Megiddo nón꞉we ók tsi waʼterí꞉iokwe nón꞉we nahonwaʼnonwariákon.

2 Chronicles 36:4

Né ronnontí꞉io ne Egypt Eliakim waʼhoiataráhko, né iathatekénʼa ne Joahaz, né ahonsahatenonhtí꞉iosʼte ne Judah tánon ne Jerusalem, tánon waʼhosenhnateʼne Jehoiakim saoná꞉tonhkwe. Ethóhʼne ne Neco Egypt iahoiaténhaʼwe ne Jehoahaz nahonóton.

Ecclesiastes 4:2

Khenósas tsi niháti nónenh ronenhéion tánon sohnaténhtion; sénha ronónha ronahteraswí꞉io tsi ní꞉ioht nónhka shé꞉kon iakónhnhe.

Isaiah 57:1

Né tionkweʼtaiéris ronhnihé꞉ions, tánon iáh ónka othé꞉non tehionsterístha; né rotirihwiʼióstons iehonwatiʼhiathénha, tsi ná꞉he iáh ónhka teiakonikonraiéntas. Asèken ne tionkwetaiéris tsi tiontatsatón꞉ne tsi nó꞉kwah nateraswakʼsénhtshera,

Jeremiah 16:7

Kwáh iáh ónhka skátke thatahiontskáhon iáh ó꞉ni thaʼhatinikírah naʼhionthatenikonhrahníraʼthe nónen ne tehionthatenorónkwah enhiahiéheʼie. Kwáh iáh ónhka thaʼiénesthe ne kanikonhraniráttshera, akwékon iáh ó꞉ni ne ónhka wahakóthonse ne kanísehra tó꞉ka ó꞉ni kanisténsera.

Jeremiah 22:11

Ne Roiá꞉ner ráton ne rahoriwáhke ne Josiah roiénha Joahaz, né teshonatʼthakwénni ne roʼníha ne ronnonhtí꞉ioʼkwe ne Judah, “Éhren rahwèthon ne kén nónhwe, iáh nonhwénhton tahthahontáʼre.

Jeremiah 22:18

Éhtho káti, ne Roiá꞉ner ráton tsi nòkwah ne Josiah roiénha Jehoiakim, ne ne ronnonhtí꞉io ne Judah: “Iáh ónhka thahiontiónnion tsi rahwenhéion iáh ó꞉ni tahiaiéron, ‘Tsi niwahétken, onhtiaténro, tsi niwahétken!’ Iáh ónhka tahiakonikonhrátsen ne rahorihwáhke iáh ó꞉ni tathahionséntho, ‘Ratianer! Rakenonhtí꞉io!’

Jeremiah 22:27

Kwáh entiaskáneke ne shé꞉kon ahonsehtiatkáto kí꞉ken kanakeráhsehra, ók iáh nonhwénhton thaʼtahontèsehne.”

Jeremiah 25:27

Ethóhʼne ne Roiá꞉ner wahakénhase, “Sehró꞉ri nonhkweshón꞉a Í꞉i, ne Watiá꞉ner Keshastsʼtensetrowáhnen, kheʼNí꞉io ne Israerʼró꞉nons, kheró꞉ris nahatiʼnekírahthe tsi nióre enhothinonhwahráhthon ó꞉ni enthónstiʼke, tsi nióre ne enhatiʼhiatiénenhne tánon iáh tahatikwéni ne tahonshaʼhatíthaʼne, tsioríhwa naʼteriʼiósehra hiakhehiatenieténnireh.

Jeremiah 28:4

Kwáh ó꞉ni tenthihiaténhaʼwe ne ronnonhtí꞉io ne Judah, Jehoiachin ne roʼníha ne ne Jehoiakim, enhatiʼkwekonhátie nonhkweshón꞉a ne Judah tsi nikáien ne rohnahnakeráhkwen Babylonia niehonénon. Hén, tentiáke ne raoshastsʼténsera ne ronnonhtí꞉io ne Babylonia. Í꞉i, ne Watiá꞉ner, wakatáti.”

Jeremiah 42:18

“Ne Roiá꞉ner, ne sakoʼNí꞉io ne Israel, ráton, ‘Kwáh tsi niwahkenahkwénhen ó꞉ni waʼkatenahkwahwenhráhti tsi niʼtewahwénhron nonhkwéthake ne Jerusalemró꞉nons, káti tsi niwahkatenahkwahwenhráhti entewahwehrónhthake ne shonháke tó꞉ka iénseh ne Egypt. Kwáh íken tsi enhiotʼteronhthónhake tsi nenhsatʼkahthohtsheroténhake; nonhkweshón꞉a kwáh thenhiesahierónhsehke tánon enhathiriwahʼhieshá꞉thake ne sahsénhna. Kwáh iáh nonhkwénhton shé꞉kon thahonshaʼsatkátho ne kénʼen wahtenáhthaien.’”

Jeremiah 44:14

Kwáh iáh ónhka nonhkweshón꞉a ne Judah nónhwe nihonahthaténron tánon ne thó꞉nonh ne Egypt nónhwe nahonsahatiʼnáhkerehke iáh thahatiʼniékenhʼne iáh ó꞉ni tahonshaʼhonnónhnheʼke. Iáh ne sahiáta Judah tshiaʼhonsàhre, tsi nónhwe enshonskáneke shé꞉kon niaʼhonsahonnáhkerahte. Kwáh iáh ónhka éhtho tsiahonsáhien nekʼkhók ne tohʼkàrah niháti ne rotiʼnahtenháwis.”

Lamentations 4:9

Tsi niháti ne tsi waterí꞉io non nihonenhéion sénha ne tioʼiánere tsi ní꞉ioht ne tsi nikáien nonakènke ronenhéion, ronónha ne ronathonkariákon tánon kwáh skenénha tsi wahonnihéion, kwáh iáh thènen tehothikhwaiéntakwe nahonathonʼnhéston.

Ezekiel 24:16

“Rónhkwe iaiénha,” wahénron, “nénhskak khók ièntienthe ienhihiaténhawe tsi nikáien ianorónhkwa. Tó꞉sa seriwahkáhtat tó꞉sa ó꞉ni teshasénhtho, tó꞉sa ó꞉ni tesakásehren.

Luke 23:28

Nok ne Iesos tontahatkarhateni nok ȣahenron: Jerusalem-ronon, tosa teseȣasentho nii akeriȣake; ise tanon teseȣatatasenthos, nok oni neh ne ietsiienhokonha.