Jeremiah 21:14 - Ohiatonhseratokénti

¹⁴ Ók enkonhréhwaʼthe ne tsi nisahtiéren. Enʼkatenonhkwahtékʼthe tsi sahnónhsohthe, tánon nótsireh akwékon enwátʼtsahaʼte nakthatsieshón꞉a. Í꞉i, ne Watiá꞉ner, wakatati.”

Jeremiah 21:14 ပူးပေါင်းရင်းမြစ်များ

2 Chronicles 36:19

Wahatenonkwénhtaʼwe Nononsatokentiʼkó꞉wa tánon ne kanatowanénhke, akwé꞉kon ne kanontiʼiótshera tsi kanonshó꞉ton ó꞉ni nahokwahséhtshera, tánon waʼthasonhtarihthánion ne tsi tewaʼsonthothaʼkwe ne kanatowanénhke.

Proverbs 1:31

Tho ká꞉ti enhshié꞉na tsi naʼtesatén꞉tshon tánon tsi nihsatieránion né꞉ʼe ensanonhwaktá꞉ten.

Proverbs 12:14

Ne tkaiatawenní꞉io tsi nahò꞉ten tensaterihwaʼserákwahse tsi nahò꞉ten enhsì꞉ron tánon tsi nenhsátiere, ne enhshié꞉na tsi kiʼ nahò꞉ten tesatèn꞉tshon.

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 10:16

Ne kíʼaorí꞉wa ne Ronontí꞉io, ne ne Roiá꞉ner, ó꞉ni Sakoiá꞉ner ne rontirí꞉ios ratiʼronhiakeró꞉nons, kwáh ienhaténiete ne iahotenen kanhrakaiónsehras rononháke ne ronahrésens rahonkwetashón꞉has ronhterí꞉ios, tánon thóh raoiatanerakwahtsherákon entewatásawen entkatsiró꞉ten nahióteke, kwáh tsi ní꞉ioht ne iohtonkwatétkha.

Isaiah 24:21

Ne thóh entewenhniseráteke ne Roiá꞉ner kwáh ensakoréwaʼte ne ratironhiakeró꞉nons thóh karonhiáke, tánon nonwenhtsáke ne rotinontí꞉ios ne tsi ionwenhtsáte.

Isaiah 37:24

Sanhá꞉tshera nón꞉we nontá꞉we tsi thatsiéron ne Roiá꞉ner, tánon í꞉sen, “Né tsi wé꞉so wakeserethá꞉ien nó꞉tionkwas Iewakenontaráhon né kwáh tiotenontatón꞉nions, né kwáh ahí꞉non ít꞉ken ne Lebanon; Wakerontsenénhton ne kwáh tkaronhtésons nonenhtaʼkwenhtétshera, ne kwáh tkaʼronhtí꞉ioskwe ne cypress; Iewáko né kwáh ahí꞉non ítʼken ne tiótʼte, né kwáh ioteratóhon.

Jeremiah 11:16

Iehioterátsʼthon ne khenathónkwen ne iotenerahthakáte iakenʼiehwátha karónta, kwáh titkáhere ne wahí꞉ios; ók nónhwa, thóh ní꞉ioht tsi iotsarókwen tsi ní꞉ioht ne iowérenh enkatékʼkahte nahonerahthasónha tanon tentiákon ne ahonenhrahsónha.

Jeremiah 11:22

Sók káti ne Roiá꞉ner Roshaststenserowánenh wahénron, “Kwáh enkheréwahte! Ne kenʼnithothihiónsa rahonnonhkwetaʼshón꞉a tsi wahterí꞉io nónhwe nenhonwatírhio; ne shaʼkotiʼiohokón꞉a athonkarhiákon enhotírhiote.

Jeremiah 17:10

Í꞉i, ne Watiá꞉ner, kenikonhrísaks tánon khehiaterhiaʼsátkenʼse nonhkweshón꞉a. Shaʼthihiatátʼtsions tsi ní꞉ioht tsi tekheriwásnieʼseh né entewahnónhton tsi ní꞉ioht tsi ronónhnhe, ne entewahnónhton tsi nihontiérah.”

Jeremiah 17:27

Ók ónenk tsi enhionkewénhnarahkwe tánon enhatikwéniensʼte ne tsatákhaton nónhta ne tsi iawenhthatokénti. Kwáh iáh tehiówenhk ne thènenh ahathikaréni ne iorhiénatsthe ne tahonnhóhetsthe tsi iotenhenrahkáronthe ne Jerusalem né nenhwenhniseráhteke, asèken tó꞉ka éhtho nenhatíhiere, kwáh enkahté꞉kaʼthe ne tsi iotenhenrénton ne Jerusalem. Enwahtenonhkwentsahatónhake tsi rotinonhsóhtons ne rontinonhtí꞉ios ne Jerusalem, tánon kwáh iáh ónhka thahiekwéni nahiónswahthe.”

Jeremiah 22:1

Ne Roiá꞉ner wahatró꞉ri iehke ne tsi thohnónsohte ne Rononhtí꞉io ne Judah nónhwe, ne ne tsi tahawatsiratátie ne Táwit. Tánon thóhʼnónhwe hiahtsióri ne rononhtí꞉io, ó꞉ni ne rahonkwetaʼshón꞉as, ó꞉ni nonhkweshón꞉a ne Jerusalem nahiontahonshá꞉tahte tsi nahó꞉ten ne Roiá꞉ner wahénron:

Jeremiah 22:7

Ronónhkwe wahkheʼhiatheniétahne nahatirihwáthonʼte. Akwékon enthatíhaʼwe ne rahothitó꞉kens, enhathihiákons ne watʼkathotsherí꞉ios ne onentahkwénte kanahwaható꞉tons, tánon otsiʼráhke ienhonatiésehron.

Jeremiah 32:19

Í꞉se ne sanikonhrowáhnenh ó꞉ni tehiotenonhianíton ne iorihwaʼnerahkwahténions tsi nishiéra; akwékon nieʼsatʼkháthos tsi nihontieráhnions nonhkweshón꞉a, tánon ne tehsehriwahʼsehrakwénnis tsi nitkáhas ne rahothiwehiénnas.

Jeremiah 46:23

tánon wahathiriwénhtʼtho ne iotehrató꞉hon ráton ne Roiá꞉ner. Nahonkwetaʼshón꞉a ne ronhterí꞉ios iáh tahónton nahonwahnáhsehthe; sénha ne ronhatsiokowáhnenh tsi ní꞉ioht ne tsistáraʼre.

Jeremiah 50:32

Ó í꞉se ne tionhontsáien ne sewahnáhie, enthiʼsehwahshítiaʼke tánon ensehwahiatiénenhʼne, tánon iáh ónhka thaʼtahonsahietʼtsítasʼthe. Asèken entʼtsirothónnion ne kanatahkónhsons ne Babylonia nónhwe ne꞉ne kwáh akwékon enhióteʼke natʼthatsesónha.”

Jeremiah 52:13

Wahatenónhkwahtekʼte Nononhsatokentiʼkówa, tánon ne tsi rohnónhsohte ne Ronhnonhtí꞉io, tánon ne tsi rohtiʼnonhsóhtons ne ronhnonhkweʼtowáhnenhs ne Jerusalem;

Jeremiah 6:19

Shathahónsahtat, onhwénhtsia! Né꞉ne kahrewahthátsheras norihwahkwékon tsi nihonahtenikonhrónni takháwi ne kahkaronniátshera rononháke kí꞉ken onhkweshón꞉ʼa, tsioríhwa tsi wahathikénron nahkerihonniennítshera tánon iáh tehonahtewenhnaráhkwen nakewénhnas.

Jeremiah 6:29

Ne karisthatsi kwáh íken tsi watharihatha, ók ne kahiase karisthatsis iáh tekawistahnahwenhtha iáh ó꞉ni tahtekanahwenhtha. Kwáh iáh othènen tekariwastha nahonsahkhekwatahko nakonkwetahshón꞉ʼa, tsioríhwa tsi nikáien ne ronnonhkwetahetkens iáh éhren tehonwathihiatenhawitha.

Jeremiah 9:25

Ne Roiá꞉ner ráton, “Ienkáhewe nónenh enkheréwahte nonkweshón꞉a ne Egypt, Judah, Edom, Ammon, Moab, tánon ne kahentahkeʼkówa nónwe nihathináhkere, ne ne kénk nisohthinonkwíseres tsi rohnatateʼnónkaron. Onhkwetahkwékon tsi iáh tehonatewarahkwétaron, tánon tsi niaʼtekanonhsáhkes ne Israel ne rahonerhianéson tsi iáh tehonatewarahkwétaron.”

Lamentations 2:3

Thóh rahonhakwatserákon wahtarhéniaʼte nahosasténsera ne Israerʼró꞉non; Wahateriwhaiésahte nasonkwasniénonke sahónʼnewe ne teiakwatátshons. Tashonkwatiathónti tsi ní꞉ioht nótsire, kwáh akwékon wahariwéntho.

Ezekiel 21:3

Né Í꞉i, ne Watiá꞉ner kathónhnions: Í꞉i ne kónhsonhs. Enkahsahró꞉tsion nakahsarehkówa tánon sewahkwéhkon enkwahnonhwahrhiákon, ne iakohiánere tánon ne iakoriwáhneren sahtenhiothónhake.

Micah 7:13

Ók ne tsi ionwenhtsá꞉te kwáh karihwaiesáhtshera enkénhake, ne ne ratinákere enhatirihón꞉ni; asè꞉ken ne naokarhiá꞉tshera tsi nihatiweienó꞉tens.

Zechariah 11:1

Teshanonhónti, Lebanon, ne nahónton nótsire ahontsáhate ne sahronthashónha nonenhtakwenthétshera!