Jeremiah 21:10 - Ohiatonhseratokénti

¹⁰ Iáh tewahkeriwahiéntahse ne tó꞉sa akenónhsthaʼte kíʼ kénʼen kanatowáhnenh, ók ne nakáthonte. Ók ne ne Babylonia rononhtí꞉io tentʼthónnion, tánon okenráhke enrónni tsi enhatenaténtahwe. Í꞉i, ne Watiá꞉ner, wakatáti.”

Jeremiah 21:10 ပူးပေါင်းရင်းမြစ်များ

2 Chronicles 36:19

Wahatenonkwénhtaʼwe Nononsatokentiʼkó꞉wa tánon ne kanatowanénhke, akwé꞉kon ne kanontiʼiótshera tsi kanonshó꞉ton ó꞉ni nahokwahséhtshera, tánon waʼthasonhtarihthánion ne tsi tewaʼsonthothaʼkwe ne kanatowanénhke.

Psalms 34:16

Né Roiá꞉ner kwáh í꞉ken tsi sakoteniakatsténhnis ne waʼhét꞉ken tsi nihiontiéra, ensahkó꞉iatse ne ronhnonwenhtsakeró꞉nons ne tó꞉sa ahonsahonwenhnehiárake.

Jeremiah 17:27

Ók ónenk tsi enhionkewénhnarahkwe tánon enhatikwéniensʼte ne tsatákhaton nónhta ne tsi iawenhthatokénti. Kwáh iáh tehiówenhk ne thènenh ahathikaréni ne iorhiénatsthe ne tahonnhóhetsthe tsi iotenhenrahkáronthe ne Jerusalem né nenhwenhniseráhteke, asèken tó꞉ka éhtho nenhatíhiere, kwáh enkahté꞉kaʼthe ne tsi iotenhenrénton ne Jerusalem. Enwahtenonhkwentsahatónhake tsi rotinonhsóhtons ne rontinonhtí꞉ios ne Jerusalem, tánon kwáh iáh ónhka thahiekwéni nahiónswahthe.”

Jeremiah 26:6

Tó꞉ka iesehwahthasónteren ne iáh tahisehwahtewénhnarahkwe, ethóhne kíʼ éhtho nenhtiérahse kí꞉ken Ononhsatokentiʼkówah tsi nitiérahse ne Shiloh, tánon onhkwetaʼkwékon ne tsi ionwenhtsiáte ne énhionsthe kíʼ kanatowáhnenh ahosénna naʼieriwahiesáhtaʼkwe.”

Jeremiah 33:5

Ótiakes enhonterí꞉io ne Babyloniaró꞉nons, enhatínhane ne tsi kanonhsóhton ne rahotiʼierontahshón꞉as tsi nikáien ne khehiawénhthon naʼkenhakwahtsherákon tánon tsi niʼwahkatenhakwahwenhráhthiʼkwe. Kheʼhiaskwahténion kíʼ kénʼen kanáhthaien tsioríhwah tsi nikarihwáksen tsi nihonhatiéren ne ahonkwethashón꞉a.

Jeremiah 34:2

Ne Roiá꞉ner, ne shakoʼNí꞉io ne Israel, wahakró꞉ri ne iáke tánon nahiʼiénhaʼse ne Ronnonhtí꞉io Zedekiah ne Judah nónhwe, “Í꞉i, ne Watiá꞉ner, enhítatʼtse kí꞉ken kanatowáhnen ne Ronnonhtí꞉io ne Babylonia, tánon enhatenahténthaʼwe.

Jeremiah 34:22

Í꞉i enkaténnhaʼne, tánon tentʼthónʼne ne kénʼen kanatowáhnenh. Ienkonhwahtiatónti, enkonhwahiéna, tánon enhontenonhkwéntahwe. Ne enkónhniaʼthe ne tsi kanathaiéntons ne Judah tsi ní꞉ioht ne iahonwenhtsatʼténhhake tsi nónhwe ne iáh ónhka teienáhkere. Í꞉ih, ne Watiá꞉ner, wakatáti.”

Jeremiah 38:17

Ethóhʼne wahiró꞉ri ne Zedekiah nètho Roiá꞉ner Roshastsʼtensherowáhnen, ne sahkoNí꞉io ne Israel, tsi ráhwenh, “Tó꞉ka ienshaʼthatátkaʼwe ronhnónhake ne Ronnonhtí꞉io rahonkwetaʼshón꞉a ne Babylonia nónhwe, ensehniákenʼte tsi sónnhe, tánon kíʼ kénʼ kanatowáhnen iáh tahonthenenhtenthákwen. Sehwahkwéhkon níse tánon ne sahwátsireh enietʼtsinónhsthaʼthe.

Jeremiah 38:18

Ók tó꞉ka iáh thashaʼtiakwahríshi, ethóhʼne kíʼ kí꞉ken kanatowánen Babyloniaró꞉non entʼthonhwénhnon, rohnónha enhonthenenhténhthaʼwe, tánon iáh thasehiatéʼkwahse.”

Jeremiah 38:23

Ethóhʼne hiakahwénhthaʼte, “Konhtiʼkwékon ne konhnónhkwe ó꞉ni ne rahtiksahokónhas tsi thónnes ne Babyloniaró꞉nons nienkonhwahnahshá꞉rihne, tánon níse kwáh shonháhak iáh thasehniákenhse. Ne Ronhnonhtí꞉io ne Babyloniaró꞉non enhianhóton, tánon kí꞉ken kanatowáhne okenráhke enhionníhake tsi enwahtsaháthonʼke.”

Jeremiah 38:3

Tánon kíʼ ó꞉ni kheroʼrhiánionhsʼkwe nètho Roiá꞉ner ráhwenh, “Ne kanahtowáhnenh Babyloniaró꞉nons ronterí꞉ios enthekhéhion, tánon ronónha enkhonwahiéna.”

Jeremiah 39:16

nahiró꞉ri ne Ebedmelech ne ne Ethiopianró꞉nonh nètho Roiá꞉ner Roshastsʼtenserowáhnen, ne sahkoʼNí꞉io ne Israel, ráhwenh, “Kwáh tsi niwàhken tsi eh nénhtiereh, tsi enthekahwíten kíʼ kénʼen kanatowáhnenh ne kahkaronniátshera tánon iáh ne kahkwahséhtshera. Tánon nónenh kí꞉ken eh nenhiáwenhne, thóh ensehshé꞉ke nahsatkáhtho.

Jeremiah 39:8

Tsi nikaríwes, ne Babyloniaró꞉nons wahontenonhkwaʼtekthánion ne tsi rohnónhsohte ne ronnonhtí꞉io ó꞉ni tsi rohthinonhsóhtons nonhkweshón꞉ʼa tánon wahthonshontharihthánion ne tsi tekahnahthatátʼthonkwe ne Jerusalem.

Jeremiah 44:11

“Ne káti, Í꞉i, ne Watiá꞉ner Keshastsʼtenseroʼwáhnen, ne kheʼNí꞉io ne Israerʼró꞉nons, kwáh kíʼ enkonhiatʼkónhten tánon enkenahkerahsehráhthonʼthe ne Judah.

Jeremiah 44:27

Asèken kwáh enkonhiatennikonhráhren tsi nenhtkonhawíten ne kakahronhniátshera tánon iáh othènen ne aiohiánerehke. Kwáh ensehwahronhiáken tsi nòkwah ne ateriʼiósehra ó꞉ni nathonkarhiákon tsi nióre ne kwáh sehwahkwékon ensewénheie.

Jeremiah 52:13

Wahatenónhkwahtekʼte Nononhsatokentiʼkówa, tánon ne tsi rohnónhsohte ne Ronhnonhtí꞉io, tánon ne tsi rohtiʼnonhsóhtons ne ronhnonhkweʼtowáhnenhs ne Jerusalem;

Ezekiel 15:7

tánon enkheréwahthe. Ónenh énska nótsire sohnatsathotaríshion, ók kíʼ nónhwa nótsire kwáh enhiakotsatátʼtsahathe. Nónenh enhkheréwahthe, kwáh ensewahteriéntarahne tsi Í꞉i ne Watiá꞉ner.

Ezekiel 24:11

Ónen notsínekwar karísthatsi onhàk nonahtsiókonk iésken oswenhtháke ísren tánon seríhon ne kwáh onekwénhtara naiáwenhne tsi nahiotaríhen. Ethòne nontàk kwáh shé꞉kon tsi nitiorenhnáhonʼne enskanatsíhioʼne nónenh ne oskénrah enwahtsahathónhake,

Leviticus 17:10

Tó꞉ka ónhka Nisraerʼró꞉nonhs tó꞉ka ó꞉ni ne tehononhontsátes ne skátʼne ratinákere enhatiwáraʼke ne shé꞉kon iotenekwénsa, ne Roiá꞉ner enshaʼkhók karathéni kíʼ tánon iáh kíʼ shé꞉kon Rawenni꞉io rahonkwéta tahonsahonatenathónkwen.

Leviticus 26:17

Kwáh kíʼ enkonhiatʼkónhten, né nahónton ne kwáh ahieshassénhni, tánon tsi nikáien ne sèhsons kwáh kíʼ enhiesatkórasʼthe; thoʼnióre tsi enshaterónhsehke kwáh kíʼ enshaʼtekwenhá꞉tie nó꞉nen iáh ónhka tehieshá꞉sehre.

Amos 2:5

Katíʼ kwáh ó꞉tsire ienkatenniéhten ne Judah, tánon ne enwatshaʼáhte ne tsi watenʼenhró꞉tons ne tekanatahnáktonʼs ne Jerusalem.

Amos 9:4

Tánon ethosà꞉ne niahontatenó꞉ton raotihénton ne tehontat꞉tions, thóh kí nón꞉we nenhkénane nasareʼkó꞉wa ahiakowent꞉to; tánon kí kwáh thenkhehiatkáneren ne nahotikaréwate tánon iáh ne naotihianerásthen.

Zechariah 1:6

Nakenhatsherahó꞉kons ne rothitokenséhakwe nón꞉we nitsawè꞉nonh tsi tekhehiá꞉wi ne ietsisoʼthonkonhkén꞉en tsi kheró꞉ri tánon kheronkahtén꞉ni, ók iáh othé꞉nen karì꞉wa tehononhʼni tánon wahathironhiáken tsi niahá꞉wenhne. Ethò꞉ne shahontatré꞉wahte tánon wahathiriwahní꞉rahte tsi Í꞉i, ne Watiá꞉ner Wakeshatstenhserowá꞉nen, kherewáhthon tsi natehonhaténtʼtion tánon tsi niwahkatenikonrón꞉niʼne tsi niénhtiere.’”