Jeremiah 21:1 - Ohiatonhseratokénti

¹ Ne ronontí꞉io Zedekiah ne Judah tahoténieʼte ne Pashhur ne ne Malchiah roiénha ó꞉ni ne rokháres Zephaniah ne ne Maaseiah roiénha ne tsi nihoriwahnónhton:

Jeremiah 21:1 ပူးပေါင်းရင်းမြစ်များ

2 Kings 22:13

“Wáhs tánon iatserihwanón꞉tons ne Roiá꞉ner ní꞉i akerihwá꞉ke ó꞉ni nonkwetaʼkwé꞉kon ne Judah tsi nòkwah ne kaʼrihonnienhnítsera kí꞉ken kaiatónhsera. Né Roiá꞉ner shonkwahnákwahse tsiorí꞉wa ne ietishothonkonhkénʼen tsi iáh ètho tehotiʼiéren tsi niwá꞉ton kí꞉ken kaiatónhsera tsi ó꞉nenʼk ètho nahotiʼiérenhke.”

1 Chronicles 3:15

Né Josiah kaiéri nihonekenteronhtsheraʼiéntaʼkwe: né꞉ne Johanan, Jehoiakim, Zedekiah, tánon ne Joahaz.

2 Chronicles 36:17

Ká꞉ti ne Roiá꞉ner tahoiaténhaʼwe ne ronnontí꞉io ne Babyloniaró꞉non niashakotiatónhti. Né ronnontí꞉io waʼshakononhwarhiakhónnion ne ken nithotiʼiónhsa ne Judah nón꞉we kwáh ó꞉ni Ononsatokentiʼkówaʼne iahontáweiaʼte. Iáh othènen teshó꞉ien ne kenhténron nón꞉ka ashakótenhre, kenkʼnahontahotí꞉ionke khés nahonthaiakóhionhke, rónhkwe khés ne iónhkwe akénhake, iakononwátʼtani khés naiakotakaríhteke. Né Rawenni꞉io ratikwé꞉kon rahónha waʼhoiathakweʼní꞉iosʼte.

Nehemiah 11:12

Tánon ne ronthatekenʼokón꞉as, ronón꞉ha ne rotiiò꞉tenskwe ne tsi kanónshote né꞉ne shaʼté꞉kon tewenhniáwe tánon tewáhsen-tékeni nihá꞉tikwe; tánon ne Adaiah, né꞉ne roʼiénha ne Jehoram, né꞉ne roʼiénha ne Pelaliah, né꞉ne roʼiénha ne Amzi, né꞉ne roʼiénha ne Zechariah, né꞉ne roʼiénha ne Pashhur, né꞉ne roʼiénha ne Malchijah.

Jeremiah 29:29

Ne Zephaniah wahakewenhnahnhótʼthase,

Jeremiah 35:4

tánon tsi Ononhsatokentiʼkówahne takhehiaténhaʼwe. Tsi thóh thinákʼthaien ne ratiʼkwekónʼne ne ne rotokenhséhaʼkwe Hanan ne roʼníha ne ne Igdaliah. Kí꞉ken ionákʼthaien ne ne kanhotsioharáhke ne ne tsi ronákʼthaien ne Maaseiah ne roʼníha ne ne Shallum, iorihowáhnen tsi ní꞉ioht tsi roteríhonte Nononsatokentikówahne, tánon ákta ne tsi ionakʼthaiénton ne ó꞉ia ronahterihóntons.

Jeremiah 37:1

Ne Ronnonhtí꞉io Nebuchadnezzar ne ne Babylonia nónhwe Zedekiah wahonnonhtí꞉iosthe, tsi ní꞉ioht ne Jehoiachin ne tsi wathonwénhtsiaien ne Judah, ne Zedekiah ne rohniha ne ne Josiah, ók ne Jehoiachin ne rohníha ne nènhne ne Jehoiakim.

Jeremiah 37:17

Ishiʼnonhwéha ne Ronnonhtiio Zedekiah rohteriwahnieʼtonhátie niahonshaʼhiontiaténhaʼwe, tánon thóh nónhwe kahnónhskon ne kahnonhtiʼhiotsherákon kwáh onhkenonhwáhak khók íken waʼhakeriwahnónhtonseh, “Thé꞉nenh kén roʼteriwahnietonhátie ne Roiá꞉ner?” “Hén kwáh íken,” Wakʼkheriwahsehráhko, tánon hiakahthasóntheren, “Enhieshaʼtiakwahríshi rahonháke ne Ronnonhtí꞉io ne Babylonia nónhwe.”

Jeremiah 37:3

Ne Ronnonhtí꞉io Zedekiah iahoterihwahniéthen ne Jehucal ne rohníha ne ne Shelemiah tánon ó꞉ni ne rohkháres Zephaniah ne ne rohníha ne Maaseiah nahakerihwahnónhtonʼse niakaterénnahien rahonháke ne Roiá꞉ner onhkwahNí꞉io né rahotiʼrihwáhke nonhtionkwetaʼshón꞉a.

Jeremiah 37:7

nahiʼiénhaʼse ne Zedekiah, “Ne Egyptró꞉non ronterí꞉ios tahónne nahieshasniénah, ók kíʼ enshontén꞉tiʼkiʼ.

Jeremiah 38:1

Shephatiah ne roʼníha ne ne Mattan, ne Gedaliah ne roʼníha ne ne Pashhur, ne Jehucal ne roʼníha ne ne Shelemiah, tánon Pashhur ne roʼníha ne ne Malchiah wahonatʼthónteʼne tsi akherohríhsehke nonhkweshón꞉a nètho

Jeremiah 38:14

Nó꞉ia ionhsahkáhewe Ronnonhtí꞉io Zedekiah wahaténnhaʼne niahiontiaténhaʼwe ne asénhaton nihionnonhkáronthe nononhsahtokentiʼkówahne, tánon wahénron, “Knahótenk enhkonhʼriwahnónhthonʼse, tánon tewahkathonwenhtsióni ne kwáh oriwahkwéhkon noriwihiohónwe asekró꞉ri.”

Jeremiah 52:24

Tánon ishiʼnónhwe, ne Nebuzaradan ne꞉ne rahsenhnowáhnen, iashaʼkohiaténhaʼwe nònhʼne ne nashakonhóton Seraiah ne꞉ne ratsihenstowáhnenh tánon ne rohiatanónhʼne Zephaniah, tánon ne áhsen niháti ne ohénton iehonʼné꞉ton tehontenhenráhnonhʼne.