Jeremiah 20:11 - Ohiatonhseratokénti

¹¹ Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.

Jeremiah 20:11 ပူးပေါင်းရင်းမြစ်များ

Psalms 129:2

“Iotkatátse tionkatsatónhtion ne shiʼtewatiónha, nek kík shá꞉ka iáh tehionkesénhnion.

Psalms 35:26

Aiáwenhs ratikwé꞉kon ne roʼnatonnáhere tsi nòkwah nakateraswatsenhéntsera ahonwaʼnatéhate tánon tahontenikhonratkhashiónko; aiáwenhs tsi nihá꞉ti ne ionhkatatkowanaténhni atehénsera tsakoróhrok tánon kaʼkenronhniátsera.

Psalms 40:14

Aiáwenhs tsi niháti ne ronteniéntʼtha nahionkenonwaʼrhiákon, iehiokonhthakwénhak tsi ronhwaʼtisénhni tánon tehonwananitonniáten! Aiáwenhs tsi niháti ne ronatʼtsenhnónhni tsi natewaʼkanikónhrahre sonwaʼnátʼtat tánon ronhwaʼthisenhnáksat!

Psalms 47:2

Asèken ne Roiá꞉ner, né꞉ne kwáh tót꞉te, tsi rohiatanerákwat, ohontsakwékon tsi ronontiʼiotserowánen.

Psalms 6:10

Aiáwenhs Raʼtikwé꞉kon ne iónkswenhs kwáh enhontéhen tánon kwáh í꞉ken tsi enhotiʼterónhne; aiáwenhs tahonsahontkaraténi tánon tahontaiawénhstsi enhonwaʼnatéhate.

Psalms 65:5

Í꞉se teskwaʼrihwasehrakwénhnis tsi teskwáwis natesenhniétshera, tánon ronwaʼsenhnakarátat ne Rawenni꞉io ne nonkwahiatakenátshera í꞉ken; í꞉se nonhkwahrahrát꞉tshera í꞉ken kwáh titkakwékton ne tsi iehiotonhontiotʼtaníhon nió꞉re iéken tánon ne ahinónhson nió꞉re tkaʼniataré꞉nions ne kaniatarakekowát꞉tsions.

Psalms 66:5

Káts tánon sewatkátho tsi nahoténsons ne Rawenni꞉io rohioténhen: tsi niʼiorihwaʼnerákwah tsi nisahkotseráse nonkweshón꞉ha.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Isaiah 41:14

Tó꞉sa sáteronh, í꞉se notsinonwanhéta Jacob, í꞉se nontsinón꞉wa Israel! Kwáh kí enkonsniénon, rá꞉ton ne Roiá꞉ner; né shiaʼiatákwen né꞉ne Roiatatokénti khók í꞉ken ne Israerʼronónke.

Isaiah 45:16

Ratikwé꞉kon tsi enhonwanatéhaʼte tánon tehonanitonniénhni, ne ratiʼiatonhniserón꞉nis teonanitonhniénhni tsehatiʼkwékon.

Jeremiah 1:18

Aseken satʼkato wakonhionhnien nonhwa wenniserate thóh nenh shiathohténhake tsi ní꞉ioht ne tekanahtáhnenh, oni karistatsis kanawahates, tanon notsinekwar asontashonhas ne ne ohontsakwekon aoriwáke, ne nonhne ne Rotinonhtiios ne Judah raotitriwake, oni ne aotiriwakens ne nikontiniios, oni ne raotiriwakens ne rotitsihenstatsis, oni ne raotiriwakes nonhkweshonhas tsi ionwentsaien.

Jeremiah 1:19

Nonhkweshón꞉a kwáh enhiesatʼkónhten. Ók kwáh iáh tahieshaʼsénhni, asèken Í꞉i entenikwehkónhake nahontahkónhke. Í꞉i, ne Watiá꞉ner, wakatáhti.”

Jeremiah 1:8

Tó꞉sa setʼtsaníhsek, asèken entenikwekónhake nahontáhkonhke, Í꞉i, ne Watiá꞉ner wahkahtáti!”

Jeremiah 15:15

Ethóhʼne wahkíron, “Saiá꞉ner, í꞉se sahnikonhrahiéntas. Tahkehiárak tánon tatsniénon. Tahkeríhon nahonsatkárhiaʼte tsi niháti ne hionkeronhiakéntha. Tó꞉sa sheʼhiatenikonhkátsʼtat né ahonahteriwahténtiaʼseh nahionkenonhwahrhiákon. Sehʼhiárak tsi í꞉se shaʼriwáhke tsi hionkenikonhrahʼkarewáhtha.

Jeremiah 15:20

Kwáh enkonhiasonthónnien ne iohníron otsínekwar tehiowístahron karísthatsi enkénhake tsi nióre ne ne rónnhereh eh nenhiáwenhne. Ensehwaterí꞉io, ók iáh kíʼ tahieshaʼsénni. Kwáh entenikwekónhake nahonthakónhne ó꞉ni nakonhiathanónhsthate.

Jeremiah 17:18

Tahséhʼhion ne atehénsehra tsi nikáien ne ionkeronhiakéntha, ók sastsiatáko ní꞉i Saiá꞉ner. Sehnánonks ne kateronkwáhtshera, ók tó꞉sa ní꞉ih tatʼterónkwen. Thaséhion ne karihwaʼiesáhtshera tánon tesehiathárit.

Jeremiah 22:22

Ne ietʼtsihéntenʼse tsi ioweráhre ienhiakohiaténhaʼwe, ne tisehwatenróh꞉honʼne ne ronteríʼioskwe ronwahtíʼienʼne tánon ronwahthinhóton, ne sehwanáthakons iothehénʼen tánon konwahtehénston tioríhwah ne tsi nihioriwáhke ne kariwahétken shaʼhioténʼen.

Jeremiah 23:40

Kwáh enkheiénhaʼse ne tsi nénhwe enhontehénsehke tánon ne kakenronniátshera iáh nonhwénhton tahonsahkanikonhrénʼen.”

Jeremiah 32:18

Sehnésthon ne iorihwahthó꞉ken sahnoronkwáhtshera raoʼtihénton ne tewenhniawehetseráhsen nihionkwéhtahke, ók kíʼ ó꞉ni sehrewáhtha nonhkweshón꞉a né karihónnis ne raoʼthirihwahnerahákʼtshera ne ronwahtiʼienokónha. I꞉se ne teshaʼtenonhianíton ó꞉ni sashaststenseró꞉wahnenh Ní꞉io; i꞉se ne Saiá꞉ner Sashastsʼtenserowáhnenh.

Daniel 12:2

Ronatiohkowá꞉nen ne ó꞉nen ronenhé꞉ion shé꞉kon enshontónnhete: ó꞉tiaʼke tsi nén꞉we enhonatonnhárake, ó꞉tiaʼke tsi né nén꞉we enhonatehénʼen.

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

2 Timothy 4:17

Nók ne Roiá꞉ner wahakarískothe ó꞉ni tahákon ne kasatsʼténsera, neh natkwéni akerihówahnahthe nakananónhake nateriwahnothátsera ratikwékon ne iáh tehatisitaerónons nahónronke; tánon sakeniákenʼne nahionkeriwénton nahonkihéion.