Jeremiah 2:32 - Ohiatonhseratokénti

³² Ne iónkwe kén nitiohiónha ionikónhres kén ne ahowistahnorohsónhas, khés ne ioniáhkhe nahotierónniat ne enhióniaskte ne iakoniasta natseronniat? Ók nahiothónʼon nahonsehtonke nakonhkwetahshón꞉ʼa sénha wéso wenhnisehráhke ionkenikonhrénʼen.

Jeremiah 2:32 ပူးပေါင်းရင်းမြစ်များ

Genesis 24:22

Nó꞉nen ne iotiniaʼkwáhere wakontihnekakhwèn꞉tane, né rón꞉kwe wahatáko kaiá꞉rakon ne kwáh tkanó꞉ron ohwistanó꞉ron ne ieʼnionhsà꞉ke teionteʼwahsharáhkwa ahsén꞉non ne skaiènhta niiókste ó꞉ni tékeni né kwáh kowá꞉nens ohwistanó꞉rons atenentsháhnhaʼs oié꞉riʼ ne nikaiènhtake niiókststeʼs,

Genesis 24:30

Kwáh tsi niiohstó꞉re wahatkáhtho ne ieʼnionhsà꞉ke teionteʼwahsharáhkhwa, tánon natenentsháhnha né iatenoʼsénha ienentshawiʼtà꞉ke iakótston, tánon sahothón꞉teʼne nakowennaʼó꞉konʼs ne iatenoʼsénha Rebekah, “Sahaktháhrhahse ne rón꞉kwe,” tsítreʼs ne rón꞉kwe niahá꞉re; tá꞉non tho ítreʼs kontiiaʼtákta ne oniaʼkwáhere í꞉rate ohnaweráktha.

Genesis 24:53

Tánon ne rahnhá꞉tshera wahrotahshión꞉ko nohwistanoronʼshón꞉a ne kawistarà꞉kens ó꞉ni nohwistanoronʼshón꞉ʼa, tánon natsheronniáhtsheraʼs, tánon Rebekah wahshaká꞉on. Tánon ó꞉ni kanorón꞉shonʼs wahshakowíʼhon ne ronwahtsí꞉ʼa tánon ne ontatenisténha.

2 Samuel 1:24

Ó naothonwisénhtseras NʼIsraerʼronónke, tetsisewasént꞉thos ne Saul, raón꞉ha tsi sewasheronhniáton ne onekwénhtara sewatserón꞉nias, ne iókwats, raón꞉ha tsi sewatsténhni ne atnió꞉tas ne owistanó꞉rons í꞉kens ne sewatʼtseronhniakwáhkes.

Psalms 106:21

Waʼhonwaʼhiatanikónhren ne Rawenni꞉io, ne seshakoskontákwen, tsi rahónha ne iorihowáʼnenhs rohiothénhen ne Egypt nón꞉we,

Psalms 9:17

Áhnion né ronhnonkwetahétken Sheol nón꞉we nienhónhne, ratikwékon nón꞉kwe ne ronhwahiatanikonhrénhen ne Rawenni꞉io.

Isaiah 17:10

Asèken ní꞉se tsiatanikonhrénhen ne Ní꞉io ne ne sahiatakenátshera í꞉ken, tánon iáh tesèhiare nosténhra ne tsi sathasehtákwah; né kí aoríhwa, iawerohátien tsi ne saientʼthótons ne kahonwarí꞉ios tánon sakwahtakwenhátons ne kaiataterítsheras ne raotirihwákes ne tiʼononhontsátes niʼioʼokónhas,

Isaiah 57:11

Ónhka wahiaterónhkwe tánon wesaterónhne né ká꞉ti tsi wasanó꞉wenhte, tánon iáh teskehiaʼráhon khés naskanontonniónhon? Iáh kén sák thiwakatatónhni tánon tewakateronhwékon, tánon ká꞉ti iáh tesketsaníkon?

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Jeremiah 13:10

Ki ronnonhkwetaʼhétkens iáh tehonatʼthontáton nahionkathahonsahtátonke. Shé꞉kon éhthoh nihotinonhtsistahníron ó꞉ni ronhnonkwetaʼhétken tsi nitiothónʼne, tánon konhwathisénnaien ó꞉ni tekonhwathiriwásnieʼse ne óiah niʼiohokón꞉a. Kwáh káti, éhthoh nenhothiʼiátawen tsi ní꞉ioht kí꞉ken niwaniatarésah ne ne kwáh iáh othènen tehtioiánere.

Jeremiah 13:25

Ráhwen kén kíʼ nenhshaiátahwen. Kén ní꞉ioht tsi iatehoriwahiénthase tsi nenhiaiérahse, tsioríhwah tsi ettsiathanikonhrénʼen tánon né tahsehiéthaʼkwe ne rohthinówenhs niʼiohokón꞉a.

Jeremiah 18:15

Kíʼ ó꞉ni nakonhkwetaʼshón꞉a kwáh hiontiatanikonhrénhen; wahontsaʼáhte ne wenhnekeráhkon ne nakonhwaʼnahtsienkwahronniáten ne kahiatonnisónhas. Tahoʼnahshítiaʼke tsi ronthahíʼne, tsi nienhónʼne; iáh ónen theshatísehre norihwahkáhions; thóh nónhwe nihónʼne tsi nónhwe ne iáh tehiohiánahre.

Jeremiah 2:11

Iáh nonhwénhton ne ónhkak ónhkwe ne tahiakothatáhwi ne ní꞉io, iawehrohátien tsi iáh tóhske tèhken. Ók nahkonhkwéta wahtionkanitiónkwaʼkwe, ne Ní꞉io tsi nikáien ne shakokweniénston, ne rahtiní꞉ios ne iáh othènenh thahatikwéni nashakothihiatahkéna.

Jeremiah 2:33

“Kwáh orihwiʼiohónwe tsi sahteriéntahre onhní꞉ioht tsi asehsherésons ne tehontatskáhres. Shé꞉kon ne kwáh wahthonwisenhtsherákʼsen enwáhton ne thèʼnenh ahkawehienthétahne ne sonháke.

Jeremiah 23:27

Rónnhereh ne atetʼtsienséhrah shakotiró꞉ris naʼkonhkwetaʼshón꞉a ne enkarihónni nahiontiatahnikónhren, kwáh tsi ní꞉ioht ne shaʼkotisotthonkonhkénʼen tsi hiontiathanikonhrénʼen tánon Baal nòkwah niaʼhónne.

Jeremiah 3:21

Wahonahonshón꞉kothe onontoharahkésons: né꞉ne Israerʼró꞉nons tehonséntʼthos ó꞉ni ronahnihténton tioríhwah tsi kariwahnerahatʼtsherákon tsi ní꞉ioht tsi rononhnhétseʼne tánon ronwahnikonhrénʼen ne Roiá꞉ner raotiʼNí꞉io.

Ezekiel 22:12

Ótiakes ne shonkwetaʼshónha ronatkárhiase tsi ensakonáhsehte. Ótiakes rathikarháiens ne wahtehiárons nenshakotiwístani ne ótiakes Nisraeró꞉nonhs tánon rothikwáhtses tsi nishakonahteniakatsʼténhni. Ionkenikonhrénhen.” Ne Ronhnontí꞉io Roiá꞉ner wahatáti.

Hosea 8:14

Ne Israerʼró꞉nons ronwahiatanikonrénhen ne sakoiatí꞉shon, tánon kanonsanó꞉rons ronatenonshonhniá꞉nion; tánon ne Judah wé꞉so nenhʼné꞉e tsi iakaiestánion watkanatanakʼkon ne kanatowanénkens; ók ó꞉tsire kí nenhné꞉e ienkaténiete nahonatákons, tánon enwatsahathánion ne tsi wathenhenró꞉tons.

Deuteronomy 32:15

“Ne Roiá꞉ner rahonkweʼtashón꞉as wahothikwahtséne, ók wahonwatewéntete; kwáh í꞉ken tsi wahonré꞉senh tánon wé꞉so rothikhwá꞉ien. Wahonwatewénthete ne Rawenni꞉io ne shakohiathí꞉son tánon wahonwakénron ne roshatstenhserowá꞉nen shakhoniakéntha.

Revelation 21:2

Tánon waʼkatkáto ne onatatokénti, né꞉ne á꞉se Jerusalem, tahiosnentonhá꞉tie karonhiá꞉ke Niió꞉ne nontá꞉we, kaweienhnenhtá꞉on tsi ní꞉iot ne iehiá꞉tase iakoraséston tsi rotiniát꞉ke ne rónhkwe.

Judges 8:34

tánon iáh ónenh teshonwahiótenhse ne Roiá꞉ner Rahotiʼní꞉io, tsi rahónha seshakoniakénton tsi nòkwah ne tehontátʼtsons ne ratihiatatʼthónties.