Jeremiah 2:31 - Ohiatonhseratokénti

³¹ Israerʼró꞉nons, sahtahónshatat tsi nikáton. Tsi kénh ní꞉ioht ne kahráhkon thóh nitsiathótenʼne tsi nòkwah ní꞉se, tsi ní꞉ioht ne tetiókahras ó꞉ni iotonwenhtsiátʼteron? Nonhtséren, káti, tsi sáhton tsi thóh nénhsehre tsi nenhtesehnónhwehʼne, kwáh iáh nonhwénhton íhne nòkwah tahthahóntahse?

Jeremiah 2:31 ပူးပေါင်းရင်းမြစ်များ

1 Kings 11:22

“Nonhtsé꞉ren?” ne ronhnonhtí꞉io waharihwanónhton. “Onhkerihwaʼnó꞉ronh ken né thènhnen ahonthakonhiáwiʼke? Né kén ahoríhwa tsi í꞉sehre sanakerahseráhkon niahonshá꞉se?” “Kwáh nék takeríhon thóh niahonsàke,” ne Hadad tsi watorihwaʼseráhkwahse ne ronhnontí꞉io. Ók kíʼ rahonakerahserákon hionsá꞉re. Tsi ronhnontí꞉io íken ne Edom nónhwe, ne Hadad kwáh í꞉ken tsi ronhkwetákʼsenhne, kwáh í꞉ken tsi shakósonskwe Nisraerʼró꞉nons.

2 Chronicles 31:10

ó꞉ni ne Azariah né꞉ne Ratsihenstó꞉wanenhne, né꞉ne Zadok nón꞉we nithotwatsiríhnon, wahawénhase, “Nonhkweʼshón꞉as tsi tahatihá꞉sehron ne raoʼnatathawí꞉tsheras Nononsatokentiʼkówahne, tánon iatekaiéri tsi ní꞉kon naʼiéhke tánon iawetowáhnen waʼhothátere. Thóh kí꞉ken ní꞉kon wahonkwahthónhnien tsioríhwa ne Roiá꞉ner tsi waʼshakoiatatérisʼte né rahonkweʼtaʼshón꞉as.”

Job Tánon ne Raoronhiakensera 21:14

Ronhwén꞉ni ne Rawenni꞉io, ‘Tó꞉sa othé꞉non takwatsté꞉ris! Iáh teiakwaská꞉neks nahionkwahterienʼtá꞉rane ne saweiénhnas.

Psalms 10:4

Né ronkwetahétken tsi nihotatkowaná꞉thon tsi nihanontónhnions né Rawenni꞉io iáh othènon thahakerihwatsiénriase iáh othènon tehatsterístha.

Psalms 12:4

Ronton, “Né nonkwenhnáson ionkwatsteniáron; í꞉ih onkwáwenh né tsitewashakáronte—ónka ahionkhiʼiatakwení꞉ioke?”

Proverbs 30:9

Tókaʼ só꞉tsi wé꞉so aontáhskon nón꞉wa, enkí꞉ron iáh thaʼteskoniatonhwentsó꞉ni. Nok tókaʼ wakí꞉ten, tókaʼ nón꞉wa enkenénhsko tánon enhiiatéhaʼte Akení꞉io.

Isaiah 45:19

Iáh othènon tewakatatíhon notsahonskwáhkon, thóh tsi ionhontsáien ne tetsiókaras; Iáh tekheiénhni tsi nitotʼwatsiríhnon ne Jacob, “Takwahiaʼtísak ne tsikʼtshiewátion nón꞉we.” I꞉i ne Watiá꞉ner né katróris norihwí꞉io í꞉ken, Né kenéstha tsi nahó꞉ten ne tkarihwaiéri í꞉ken.

Jeremiah 2:20

Ne Ronontí꞉io Roiá꞉ner ráton, “Israel, wahónniseh tsi náhe tkénʼne wahsehriwáhson natianerénsehra; iáh tesatʼthontháton nahskewenhnahráhkwen ó꞉ni nahsekʼsénnaienhke. Ne kwáh tiótʼtes ionniarónnion tánon oronhthonkónhsons ne óhonthes niwahshokótens né tsénnahiens ne iáh thènenh tekarihwástha kahiatónnis.

Jeremiah 2:25

Israel, tó꞉sa shaʼshithakwáhras, tó꞉ka ó꞉ni nahsatʼthónthate ne tsi shaniathakáronte naiostátʼten né tsi sehshé꞉res ne thikaniʼiosehrahthénions. Ók sáhton, ‘Iáh tatʼkwéni ne ahonshakhákehte. Khenonhwéhon ne thihononhontsátes niʼiohokónhas tánon kwáh enkhésehre.’”

Jeremiah 5:5

Ne ienkhehiató꞉renʼne ne rothishaststenseráhien tánon tenhiakwahtháren. Orihwiʼiohónwe tsi ronahteriénthare tsi niharihwahnónhtons ne Raotiní꞉io, tsi natehothonwenhtioni ne Roiá꞉ner tsi nahóntiereh.” Ók rathikwékon kwáh rothikenrahthaníhon ne Roiá꞉ner raohianerénsehra tánon iáh tehonatʼthontháton nahonwahwenhnahráhkwen.

Jeremiah 5:6

Né aoríhwa ne kénreks kahráhkon nénhtewe kwáh enhiakononhwahrhiákon; nokwáhos kahenthakeʼkówah néntʼthonʼne nashakothihiatahrahtiónko, tánon ne tá꞉kos iorahkwahrónnions tenwahthawénhrie ne raothináhthakons. Tó꞉ka nonhkweshón꞉ʼa ienhathihiákenʼne kwáh enhonwathihiatharahtiónko tsioríwa tsi nihiawehtowáhnenh ne rahothiriwahneraháktsheras tánon kwáh tiókonte tsi ronwatʼkahrahthénion ne Rawenni꞉io.

Ezekiel 14:5

Konhtiʼkwékon tí꞉ken kahiatonhnisónhas wahonwathikarenhráhkwahthe Nisraeró꞉nonhs tsi nòkwah Ní꞉ih, ók kíʼ tsi tenkeriwahsehráko aiáwenhs ahonsahtiéna ne rahothiriwahtokéntshera.

Hosea 13:6

Nó꞉nen sakhenón꞉te, kwáh kí wahonáthane; wahonerientí꞉io, tánon wahoneriasí꞉ione; ne káti aorì꞉wa wahontsatanikónhren.

Amos 1:1

Ne raowennaʼó꞉kons ne Amos, ne ne teiotinakarontón꞉ʼa shakotiʼnikón꞉rare ratikwekonhátieʼskwe ne ne Tekoa nón꞉we. Ne tsi nahatkáhtho ne Israel aorihwá꞉ke ne ne tsi nihotenhniseraténionʼskwe ne Ronnontí꞉iohkwe Uzziah ne Judah nón꞉we neh nón꞉ne ó꞉ni tsi nihotenhniseraténionʼskwe ne Ronnontí꞉iohkwe Jeroboam ne roʼnihkénhen ne ne Jehoash ráonha ne Ronnontí꞉iohkwe Nʼisraelronón꞉ke, ne ne Teiohserá꞉ke ohén꞉ton shaʼtiaonhtsíshonhkwe neh nón꞉we.

Micah 6:9

Né raowén꞉na ne Roiá꞉ner iatehawénhnaras ne kanatowanénhke (tánon ne ionteʼnikonratókha ehiekwénienste ne raoshén꞉na): Sewathahónsatat, O kentióhkwa tánon ne thóh sewanákere ne kanatowanénhke!

1 Corinthians 4:8

Ónen kén akwékon sáien tsi natesatonwentióni? Ónenk kén shahkwáhtse? Ronontí꞉io kén wahsháh꞉ton, iawerohátien tsi iáh thóh tethewahiatóten? Ioianeréh꞉ki, Aiawenskén꞉en Aisewahnontí꞉ioke, né káti nahíoʼton skát꞉ke aionkwahnontí꞉ioke.

Deuteronomy 31:20

Kwáh ki ienkhehiaʼténhawe ne tsi tiohontsarénhse ó꞉ni iohontsí꞉io, tsi ki nikhehiararatstén꞉ni ne shakotisoʼthonkonhkén꞉en. Thóh nón꞉we kwáh tsi ní꞉kon tehonathonhontsó꞉ni tsi enhothikwahiéntake, tánon ionhwénhsen tsi ní꞉ioht tsi enhonhnón꞉neke. Ók ki tenhontkaraté꞉ni nó꞉ia nihioʼokón꞉as enkonhwatishén꞉naien. Kwáh enhiontkénron tánon tenhatihiáke nakateriwaʼseronhniá꞉tshera,

Deuteronomy 32:15

“Ne Roiá꞉ner rahonkweʼtashón꞉as wahothikwahtséne, ók wahonwatewéntete; kwáh í꞉ken tsi wahonré꞉senh tánon wé꞉so rothikhwá꞉ien. Wahonwatewénthete ne Rawenni꞉io ne shakohiathí꞉son tánon wahonwakénron ne roshatstenhserowá꞉nen shakhoniakéntha.

Deuteronomy 32:18

Wahonwahiathanikónhren ne Rawenni꞉io, ne rahonáwenk shakohiathákwas, tsi niká꞉ien ne teshakó꞉wi natónnhets.