Jeremiah 2:21 - Ohiatonhseratokénti

²¹ Thoʼní꞉ioht tsi kónhteron tsi ní꞉ioht ne kwáh tekaiesthásion watenenharísehres né꞉ne kwáh tkanenhí꞉io. Ók satʼkátho tsi niahishahiátawenh! Thóh nahshiató꞉tenʼne tsi ní꞉ioht ne iótkens, iáh thènenh tehioríhonte wathenenharísehres.

Jeremiah 2:21 ပူးပေါင်းရင်းမြစ်များ

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

Genesis 32:28

Eʼthó꞉ne ne rón꞉kwe wahén꞉ron, “Kwáh kíʼ ó꞉nen iáh Jacob thaonsaiesanaʼtónhkhwake, ók Israel, aseʼkénh wetsaterí꞉io ne Rawenni꞉io ó꞉ni nonkwehshón꞉a, tánon kíʼ wahsatkwé꞉ni.”

Psalms 44:2

Í꞉se kwáh sahtshanáke khók wásaste tsi waʼsehiatínekenhwe nonkweshón꞉has, ók í꞉se sheséhteron nonkweshón꞉has ne raʼononhontsáke; í꞉se waʼserihwahetkénten nonkweshónhas, í꞉se waʼsehiawí꞉hon ne ioiáneres athatahwí꞉tsheras ne shonkwetaʼshónhas;

Psalms 80:8

Egypt niteskwahiaténha kwáh shí꞉ken né꞉ne waʼtenenharíhsehres nihiakwaiató꞉ten; waʼsehiatékwahte ne tihononhontsátes tánon thóh nón꞉we nonsaskwénhteron ne rahononhontsákes.

Psalms 80:9

Waskwahthonhontsasehrón꞉nien, tánon thóh nón꞉we nahtionkwanátʼtanírah kwáh ohontsaʼkwékon tsi waʼtsakwahréni.

Exodus 15:17

Taʼsehiatínionhthe tánon washé꞉teron ne tsi sateʼnonhtáʼhere, nètho athená꞉ta tsi i꞉se, Saiá꞉ner, saráhkwen eh hashiʼterónh꞉take, nononsatoʼkénti tsi iateshá꞉ti sanonsónhni.

Isaiah 1:21

Tsi nahohiátahwen ne iorihwatokénhne Né kanatowanénhke tsiotahkwakareni iahónton! Ieioterátston ne nahón꞉ha kwáh kaiatananónhne ne kaiáneren, ne karihwakwariʼshióntshera ahonhàke nón꞉we nikénteron— ók ó꞉nen sakonashé꞉thas satíteron nahonháke!

Isaiah 27:2

Né thóh enwenhniserateke: Né ioiá꞉nereh tsi iotenenhará꞉reh, neh teserí꞉wahkwat!

Isaiah 41:8

Ók ní꞉se, Israel, akenhá꞉tshera, Jacob, rahónha rihiatará꞉kwen, Abraham nón꞉we nitotʼwatsirínon, onhtiaʼténhro;

Isaiah 5:4

Nahóten shé꞉kon sénha tsi nahontserénhke tsi nòkwah ne wakenenharaiéntʼton ne iáh thóh nahontsiérenke? Nó꞉nen siwakeráhre ne wé꞉so ahonkenenharaienhtáʼhon, onhnonhtiéren tsi karakónha iahónhton?

Isaiah 60:21

Né shonkwetaʼshónhas kwáh kí enotiʼiánereʼke; kwáh enhontiénawasʼte nonhóntsa né tsi nénhwe enkénhake. Ronónha né tehiorenhá꞉ron í꞉ken ne watsiénthon, né naoʼhioténhsera ne katshanáke, né kí nahón꞉ton ahiontiaʼtanerákwahte.

Isaiah 61:3

né nahontakheʼhiatʼkáwenh tsi nihá꞉ti ne ronatʼtiónhnion né Zion nón꞉we— nahontakhéhion ne otsítsa kakahkwenhtonniáton tsi ní꞉ioht né꞉ne akénhake ne wakenrontákwen okénhra, né꞉ne kénhie ne atsenhnonniátshera í꞉ken tsi ní꞉ioht né꞉ne akénhake nahiakhotiónhnionke, né nateweiárah ne kanonhweratónhtshera tsi ní꞉ioht né꞉ne akénhake ne kanikonhraksénhtshera. Né enhonwatinatónhkwahke karíhton karónh꞉ta né꞉ne karihwaʼkwahrihshiónhtshera í꞉ken, tsi roiéntʼthon ne Roiá꞉ner, né naré꞉neste ne raoʼiatanerakwáhtshera.

Jeremiah 11:16

Iehioterátsʼthon ne khenathónkwen ne iotenerahthakáte iakenʼiehwátha karónta, kwáh titkáhere ne wahí꞉ios; ók nónhwa, thóh ní꞉ioht tsi iotsarókwen tsi ní꞉ioht ne iowérenh enkatékʼkahte nahonerahthasónha tanon tentiákon ne ahonenhrahsónha.

Jeremiah 11:17

“Í꞉i, ne Watiá꞉ner, Keshaststenserowánen, kwénteron ne Israel ó꞉ni Judah; ók kíʼ nónhwa kariwahiesáhtshera tkheteronkwáhtha. Kwáh ronónha iahontátʼkwahse tioríhwa tsi wahétken tsi nahóntiere; wahonkenakónhni né tsi wakonhwatátseh nakonhwatienkwaronniáten ne Baal.”

Jeremiah 5:10

Ienkhehiaténieʼte ne tehontátʼtions nahatíhiake nahkonhkwetahsón꞉a rothinenharahientʼthósehron, ók iáh kíʼ tiahathikónhtahkwe nakonwahnáhthonte. Enkheró꞉ri nahathinahtoskarónko, tsioríwa thíken onahtehsonʼa tsi iáh i꞉ih tewahkáwenk.

Lamentations 4:1

Tsi natehiostarátʼthekwe nonkwáhwenk nowistanóron iáh ó꞉nen tatetsiostarát:te; Ne tekaneniaserónnionʼkwe nononsatokentíke kanatakónsons tehiotáron.

Ezekiel 15:2

“Rónhkwe iaiénha,” wahénron, “Onhní꞉ioht ne ahoiénte ne watenenharísehres nahiothohétsten ne oiáhson nikaienthótens, ne watenenharísehres ahonenhrahsónhas thóh nònhʼne tehiotwathaséhʼon tsi keríthons ne karahkónhson?

Matthew 21:33

Seȣataonsatat sekon oiah tekariȣakentonkȣen; saiatat ne ronkȣe ȣahanenharaientho, ȣahatehenronni, oni tsi ienekonniata tanon tahanikatoten ne iononsaniron; ethone onen ȣasakoni ne ratinenharaienthos, nok ȣahatenti.

St. Mark 12:1

Ethone are onen tonsasakoriȣakentonkȣen, ȣahenron: Saiatat ne ronkȣe ȣahanenharaientto, ȣahatehenronni aktatie, ȣaronni teionhiaritakȣa, ȣahanonsonni oni neiononsaniron, ethone tasakoni ne ratinenharaienthos.

Luke 20:9

Ethone are onen tonsasakoriȣakentonkȣen nonkȣeokon ȣahenron: Enskat oni nah neronkȣe ȣahanenharaientho, nok ratinenharaienthos ȣasakohni, nok kariȣes tsinahe rotention.

John 15:1

II ne kanenharakȣeniio, nok ne Rakeniha ranenharaienthos.

Deuteronomy 32:32

Ne tehontà꞉tsons, eh nihotiriwanéren tsi ki ní꞉ioht ne Sodom tánon ne Gomorrah; tsi ní꞉ioht ne watenenharíhseres ne wahianihióntha ne wahiákʼsenhs ó꞉ni iakoriótha,

Deuteronomy 4:37

Tiorí꞉wa tsi shakonorónhkwa ne ietsisothonkonʼkén꞉en, í꞉se waʼtsisewahiataráko, tánon rahónʼa raoshaststenserowanáhtshera waʼrátste tsi tontatsisewahiaʼtí꞉nekenhwe ne Egypt.

Joshua 24:31

Tsi nahe rónhnheʼkwe ne Joshua, nonhkweshón꞉ʼas ne Israerʼró꞉nonhke nónhwe ronwahiotensehakwe ne Roiá꞉ner, tánon ne shá꞉renheie nek kik saka iahonthasonhtenren tsi nikaríwes nètho sakotihentenhse ró꞉nonhnhekwe né ró꞉nonha ronatkhaton orihwaʼkwékon ne Roiá꞉ner tsi nihohiotenhʼen ne Israel ahoriwake.