Jeremiah 2:19 - Ohiatonhseratokénti

¹⁹ Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 2:19 ပူးပေါင်းရင်းမြစ်များ

1 Kings 18:18

“Iáh í꞉i tetʼtsirónhnis thèken,” ne Elijah watharihwaseráko. “Kwáh íh꞉se—í꞉se tánon ne iaʼníha. Iáh thesathewenhnarákwah ne Roiá꞉ner rahorihwatátʼtseras tánon né tshénhnaiens ne kahiatónhni Baal.

2 Chronicles 12:5

Né Shemaiah né꞉ne rotokenséhakwe Ronnontí꞉ioke ne Rehoboam niaháre tánon ne Judahró꞉nons sakotihéntenhse né ronatiataró꞉ronhne Jerusalem né nahonhwaniákenhse ne Shishak. Wasakawénhase: “Né kí: ken ne Roiá꞉ner taiaterihwaniéthaʼse: ‘Takatewenhtéton, káti ó꞉nen rahonháke ne Shishak ionhsakoniatewénhtethe.’”

2 Chronicles 21:10

Né Edom thóh kíʼ nikaríhwes tsi ahonhatsíwa í꞉ken. Kwáh kí꞉ken thóh nikaháwiʼkwe ne kanatowanénhke ne Libnah ó꞉ni wahakonenhrakári, né aoríhwa ne Jehoram tsi rotewenhthéton ne Roiá꞉ner, ne sakoní꞉ioʼkwe ne sakotisoktonkonhkénʼen.

2 Chronicles 25:16

“Kát꞉ke onhtèken,” ne Amaziah waʼthorihwihiatʼse, “Í꞉se kén kwahiatarákwen naʼtiatenikonhrahsónhterase ne ronnontí꞉io? Sát꞉kaf tsi sáthare, tó꞉ka iáh enkonhnonwarhiákhon!” Káti ne rotokenhséhakwe wahát꞉kaʼwe kíʼ, ók niáhreʼkwe kíʼ wahénron, “Ó꞉nen kí onhkateriénhtaraʼne ne Rawenni꞉io tsi í꞉rehre ahiáthonte tsioríhwa tsi nisatieránion kí꞉ken orihwakwé꞉kon tánon waʼshatarónhti tsi nihkonhiatenikonhráhwisʼkwe.”

Psalms 36:1

Nó꞉nen nón꞉kwe enhieriwáʼnerake, kwáh éhʼtho ní꞉ioht tsi shí꞉ken ní꞉ioht nón꞉kak ahiontattharáhnike nakawerhiáne; tsi ionhnontónhnions iáh thatehiotonhontsóhon nahitshaníhsehke ne Rawenni꞉io.

Exodus 33:6

Káti nónen èren sonhsahónhnete tsi ionónhte ne Sinai, nʼIsraerʼró꞉nons iáh ónen teshoʼnástons nowistanoronhsónhas.

Proverbs 1:31

Tho ká꞉ti enhshié꞉na tsi naʼtesatén꞉tshon tánon tsi nihsatieránion né꞉ʼe ensanonhwaktá꞉ten.

Proverbs 1:32

Ónhka ne iáh tshiekaié꞉ri tsi nihonaterién꞉tare enhonníheie né tsi iáh thahatiié꞉na ne attokháhtshera. Nón꞉kwe ne iáh thaʼteiakoʼnikonhráthe enhontkarón꞉ni né tsi iáh oʼthé꞉nen thaʼtehonaʼnikónhrhare.

Proverbs 5:22

Rotirihwanéren raotiioʼténhsera tho ní꞉ioht tsi ní꞉ioht ne waterístaien. Ne iohontiá꞉tenhke tsi rotirihwanéren.

Isaiah 3:9

Tsi nihatikonshó꞉tens ne tsi iakorihwanirátis; rontró꞉ris ne raotirihwaneraháktsheras kwáh né꞉ne Sodom, iáh kí tehotirihwaséhton. Enshontateriwáhsten! Asèken ronónha iahontátʼkwaʼse ne karihwahetkénhsera.

Isaiah 5:5

Tánon kí ó꞉nen kwáh enkonhró꞉ri nahó꞉ten kwáh tsi nénhtiere ne tsi wakatenenhárhare. Kwáh entʼtóskare ne ókwire waʼthenhenronhniáton, tánon kwáh enkariwáton; kwáh téntrí꞉te nahonshontasónhas, tánon tenwaskwahserónhkwen.

Isaiah 50:1

Né aoríhwa rá꞉ton ne Roiá꞉ner: Kaʼnónwe nikáien ne sanisténha akohiaʼtónsera ne tetiontekhaʼshátha né tsi í꞉seh ieshékhere ne sanisténha nakonháke? Khés ká꞉ton kén ónhkak tsi nihá꞉ti ne khekaròtani ronón꞉ha ne wakheiathenhnínonse ní꞉se? Iáh, né wakarihónhni ne sarihwaneraháktsheras tsi wahesathenhnínon, tánon né꞉ne saterihwatewatónhtsheras wakarihónhni ne sanisténha tsi wahontateʼnhó꞉ton.

Jeremiah 1:16

Kwáh enkheréwahte nakonhkwetaʼshón꞉a tsoríhwa tsi rothirihwáneren; ionhkatewenhtéton, ronwahthitáhti ne kariwiʼiosehʼokónhas ne thikaniʼiosehrahté꞉nions, tánon wahontsathonnisehronniáhnion tánon wahkonhwahthisénnahien.

Jeremiah 13:22

Tó꞉ka ensehriwahnonhton onhnontiéren kí꞉ken tsi kwáh akwékon eh ne shahiátahwen— nonhtiéren ne sattserónniat tsi onhterahtiónko tánon waheshasehronniáhshion tánon thontaheshanónhtonse— né tsioríhwa ne shariwahneraháktshera tsi natehiotenonhnianíton.

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 3:22

Thonʼtahsehwáhket, tsi nítsion ne tsi sehwatkarahtheniénni ne Roiá꞉ner; kwáh ensehtsisehwáhtsiente ó꞉ni entsitsiónnien nahisehwahriwahtó꞉kenhake. Sáhton, “Hén, thontahiákwe rahonháke ne Roiá꞉ner tsioríwah tsi rahónʼa nonhkwahʼNí꞉io.

Jeremiah 4:18

Judah, kwáh iasatátkwahse ne tsi ní꞉ioht tsi sonnhétieʼne tánon tsi nikarihoténsons tsi nishatieráhnion. Sahriwahneraháktshera kí꞉ken éhtho nahkásah ne karonhiakénsehra; kwáh wahthisehrhiasháwehesthe.

Jeremiah 5:22

Í꞉i ne Watiá꞉ner; nonhtiéren tsi iáh teskhetsiánis? Nonhtiéren tsi iáh teshahiathisónkwa nakʼkénton? Wakenehsahronkóntion ne tahkawahnátʼte ne kaniatarahkheʼkówa, ne iahontkónhthaʼkwe tahontʼwáhnahke ne ne iáh tahónton tahkahiáiake. Ne kaniatarahkheʼkówah ne tahiowehrahtháse, ók iáh kíʼ tahónton ne iahonthóhetste; ne iononhthakwarontáties nahioronkathónhake, ók iáh kíʼ thahónthon ne iathakonnótʼkaweh.

Jeremiah 5:24

Iáh nonhwénhton tesehwanonhthonniónhon naskwakwéniensʼte, ethosáne iewahkateniéton ne kanenahkhéka okennoréhsehras ó꞉ni ne konkwitenékha okennorésehras tánon tkwáwis nahisehwaientkwáko ne niaʼtehioseráhke.

Jeremiah 5:6

Né aoríhwa ne kénreks kahráhkon nénhtewe kwáh enhiakononhwahrhiákon; nokwáhos kahenthakeʼkówah néntʼthonʼne nashakothihiatahrahtiónko, tánon ne tá꞉kos iorahkwahrónnions tenwahthawénhrie ne raothináhthakons. Tó꞉ka nonhkweshón꞉ʼa ienhathihiákenʼne kwáh enhonwathihiatharahtiónko tsioríwa tsi nihiawehtowáhnenh ne rahothiriwahneraháktsheras tánon kwáh tiókonte tsi ronwatʼkahrahthénion ne Rawenni꞉io.

Jeremiah 7:19

Ók Í꞉i onhtèken ne kwáh ahiontʼkahrewahthe? Iáh, ronónhak khók rontatkarewáhtha ó꞉ni ronthatehátha.

Jeremiah 8:5

Nonhtséren káti, akonhkwetahshón꞉a, tsi tahkwatʼkarahthénion tánon kwáh iáh thathiʼtisehwákthons? Ietʼtsihiatienawásthon ne sehwahiatónʼnis tánon iáh tesehwatʼthóntats ne Í꞉i nòkwah nathahontésehwe.

Ezekiel 23:30

Í꞉se kí꞉ken thóh nashatatiérahse. Í꞉se ne watʼthonwisenhtsheráksen nakahontsakwékon tánon ne wahteshataʼtsiatháʼtsionste ne rahotiʼhiatonhnisónhas.

Ezekiel 39:24

Tahkhéhion tsi nahtehonaténhtion ne tsi natehotihiathátion ó꞉ni tsi nihotiriwahnerenháksons, tánon wakhehiatkarahthénien.”

Hosea 11:7

Nakonkweʼtashón꞉as tehonatsiatonháties tsi nihonatekwenháties nakonhà꞉ke. Né꞉ne kwáh è꞉neken tókte iehonwanatónhnions, ók kwáh ki iáh tesakowisarakwénhnis.

Hosea 13:9

Kwáh enkonhiatónhte, O Israel; ónhka aiekwé꞉ni naiesaiatakéna? Asè꞉ken í꞉i ne saienawaséhtshera í꞉ken.

Hosea 14:1

Tonhtásehwe, O Israel, rahonhà꞉ke ne Roiá꞉ner Sewaní꞉io, asè꞉ken tesewarakwénhtaras ne karihón꞉nis sehwarihwaneraháktshera.

Hosea 4:16

Kwáh tsi nihionontsistaní꞉ron ne tionhnónskwaron owí꞉ra, né Israel kwáh se ionontsistaní꞉ron; ahakwé꞉ni ken ne Roiá꞉ner ó꞉nen asakonónte tsi ní꞉ioht ne teiotinakarontón꞉as ne watenhenrowá꞉nenhne kontì꞉teron?

Hosea 5:5

Tsi nihatináhie ne Israerʼró꞉nons ne iakokaronhniátha ne rahonhà꞉ke; Ephraim thóh raotinhitsherá꞉kon tonashítsiats; Judah ó꞉ni skátne tsi tonashitsiats.

Hosea 7:2

Ók iáh kí tsatehonhnontónhnions né꞉tho kwáh akwé꞉kon ké꞉iare ne rahotiriwaneraháktseras. Ó꞉nen kí nón꞉wa tsi nihatiweienó꞉tens ne tehonatsatháton, kwáh akʼkénton rónhnes.

Hosea 9:1

Tó꞉sa satónhnare, O Israel! Tó꞉sa satatʼtsenhnakarátat nashatatonhkwetowá꞉nate tsi nihatiié꞉ra ne thihononhontsá꞉tes; asè꞉ken ne satswathákwen tsi satʼthokhóktha, éhren satatsiathenhawí꞉ton tsi nokwáh ne Saní꞉io. Ne sanonwéhon ne tsothakwahkaré꞉ni tsi nikonhwakariakséhakwe tsi nón꞉we nikaswenhkarakwénhtare ne tsi rathithetáhkwa.

Amos 8:10

Kwáh né꞉e thetʼténiete tsi nisewathenhniotʼtha nahonsehsewatʼtiónhnion, tánon akwé꞉kon ne sewarenhnashón꞉as kaʼnikonratsénhtsera ienwáton; Kwáh sewakwé꞉kon ká꞉iare ensewatseronhniá꞉te, tánon sewakwé꞉kon ensewathatenónhkare; Kwáh ne entionhniáte tsi ensewatiónhnion tsi shí꞉ken ní꞉ioht nenskát꞉khok sewanekenteronhtseraiéntakwe ne rawenhé꞉ion, tánon ne tsi ieiotot꞉te kwáh né꞉ne wenhniserát꞉sen í꞉ken.

Micah 1:5

Akwé꞉kon kí꞉ken ne wakarihón꞉ni ne raorihwaneraháktsheras ne Jacob tánon né꞉ne karihwaneraháktsheras ne tsi kanónshote Nisraeró꞉nonke. Onhnahó꞉ten ne raorihwaneraháktshera í꞉ken ne Jacob? Iáh ken né꞉ne Samaria teiorihwá꞉ke? Tánon nahó꞉ten nenhné꞉e nehé꞉neken iokwenrá꞉re í꞉ken ne Judah? Iáh ken né꞉ne Jerusalem tè꞉ken?

Zechariah 7:11

“Ók nakonkweʼtahshón꞉ʼa kwáh wahontenonhtsistatʼshá꞉te iáh tehonatʼthontháton nahonthahonshá꞉thate. Wahonteʼnikonrahnhó꞉ton

Romans 3:18

khés nahothiweientetáʼon nahonwatsianíseke ne Rawenni꞉io.”

Judges 10:13

Ók shé꞉kon kíʼ waskwahtewénhthete tánon né nóia nihiohokónhas wesewasénhnaien, káti iáh shé꞉kon tahonsakwahniákenthe.