Jeremiah 2:13 - Ohiatonhseratokénti

¹³ asèken nakonhkwetahshón꞉ha tékeni tsi ní꞉ioht tsi rotirihwáhneren: hionkatswahthénion, ne ionéhkote ne kanekí꞉io, tánon rothisonhiónʼni ne watnekaráhkwa, tehiothóren ne watnekaráhkwa ne iáh tahónton nahontʼnekáhren.

Jeremiah 2:13 ပူးပေါင်းရင်းမြစ်များ

2 Kings 22:17

Onkʼkenronníʼon tánon kwáh iehonatʼkáwen nahonwaʼnateskóntʼthaʼse nakorénhsons niʼiohokónhas, tánon ká꞉ti waʼhonkenakónʼni né naʼkwé꞉kon taʼkakwé꞉te tsi niʼonatseráhnion. Nakenaʼkwáhtshera waʼkatsironni tsi nòkwah ne Jerusalem, tánon iáh tsataʼonsakenteróntaʼne.

Psalms 36:9

Asèken í꞉se tesatkáwas nahontón꞉nhete norihwaʼkwékon; né꞉ne saswatʼthétsera tehionwasʼwatʼtheténhnis tsi natsiónnhe.

Ecclesiastes 1:14

Oriwahkwékon wakatʼkáhton tsi nikahioténhen né kénʼen ionwenhtsáte, tánon wakonhró꞉ri, kwáh akwékon iáh othénen tehioríhonte. Kwáh thóh ní꞉ioht tsi ní꞉ioht nowèra akonhwásehre.

Ecclesiastes 1:2

Kwáh iáh othènenh tehiorihowá꞉nen, iáh othènenh tehiorihowá꞉nen, ráton ne sakorihonhniénhni. Tsi iakónhnhe iáh othénen tehioríhonte, akwékon iáh othénen tekástha.

Ecclesiastes 12:8

Iáh othé꞉nen tehioríhonte, iáh othé꞉nen tehioríhonte, ráton ne sakorihonhniénhni. Kwáh akwékon iáh othé꞉nen tehioríhonte

Ecclesiastes 2:11

Ethòne wakanonhthónnionhwe noriwahkwékon tsi niwatsioténhen tánon tsi niewakátre tsi eh niwatiéren, tánon wakátʼtoʼke tsi kwáh iáh othénenh tehiorihontákwen. Kwáh thóh ní꞉ioht tsi síken ní꞉ioht nowèra konwásehre—né kwáh iáh othénenh tekariwáhstha.

Ecclesiastes 2:21

Kwáh iatenhsatátʼtsahathe ne sanikonrowahnáhtshera knahótenk ensahióten, satʼthokhátshera, tánon tsi nisaweienteʼthá꞉hon, tánon ethòne ónhkak khók akwékon ensehiénhase né iáh othénenh tehotihioténhen. Kwáh iáh othénenh tehioríhonte, tánon iáh tetkariwahiéri!

Ecclesiastes 2:26

Rawenni꞉io thakáwas natokhátshera, karihonnienhnítshera, ó꞉ni natsenhnonhniátshera tsi nihiákon ne thonwanikonhraiérits, ók sakohioténstha ne iakoriwáhneren né nahatiró꞉rohke ó꞉ni nahathithonhnionhniánion, né káti nahónton né ahonthasakónonh ne thonwanikonhraiérits Rawenni꞉io. Kwáh oriwahkwékon iáh othénenh tekástha. Kwáh thóh ní꞉ioht tsi síken ní꞉ioht ne owèra konhwásehre.

Ecclesiastes 4:4

Onhkaterientarahnèʼna káti ó꞉ni nonhtséren nónhkwe tsi niehiakótre iakohióthe né꞉ne ahiakohianerásten: Né aoríhwa né tsi rothinósen tsi nahoténsons ne tehonnonhsanékens rotí꞉ien. Ók iáh kíʼ thén꞉nenh tekástha. Thóh ní꞉ioht tsi ní꞉ioht ne owéra konhwá꞉sehre.

Isaiah 1:3

Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.

Isaiah 1:4

Ah, sewarihwaneraháts꞉kon tsiónkwe, nonkweʼókons ne iakorieniakétes ne kariwanerahák꞉tsheras, ne ratiksaokónhas ne rotiʼióte ne karihwahétken, ne sakotiʼiohokónhas ronón꞉ha ne ronaterihwathentsatonhátie ne karihwahetkénsera, ronónha ronhwahiatanikonhrénhen ne Roiá꞉ner, ronónha kwáh ronhwakenronhníhon ne Rohiatatokénti ne NÍsraerʼronónke, ronónha kí kwáh ronatsiatontákwen ne rahonháke!

Isaiah 12:3

Kwáh atsenhnonhniaʼtsherákon tsi iensnekótsienhte ne tsi ionaweró꞉tons ne kaiatakená꞉tshera.

Isaiah 5:13

Né꞉se wahónhni nakonkweʼtashón꞉ʼahs wahonhnakeráko asèken tsi iáh othénon teotinikonraién꞉tas; ne raononkwetaʼshónhas ratiʼsenhnowánens atonhkariákon rohtirió꞉tha, tánon ne thiʼkáionk ónkwe kwáh neh enhotírhiote tsi nihotiniatáttens.

Isaiah 55:2

Nontiéren tsi né sewatʼwistatieshátha tsi nahó꞉ten né iáh kanatarotèken, tánon né satatsiothénston tsi nahó꞉ten ne iáh thaʼhiakawerientí꞉io? Kwáh ioianeré꞉hak tsi takwatahónsatat, tánon ne í꞉sewak tsi nahó꞉ten ne ioiánere, tánon né sathaterientiʼiósthen ne kwáh tkatʼkwí꞉io.

Isaiah 63:8

Asèken ráwen, “Oriwiʼiohónwe né kí꞉ken nakonkwetaʼshón꞉has í꞉ken, ratiksaʼokónha ronón꞉ha né iáh tahonnó꞉wenhte”; tánon né wahá꞉ton rahónha ensesakoskontáko

Jeremiah 1:16

Kwáh enkheréwahte nakonhkwetaʼshón꞉a tsoríhwa tsi rothirihwáneren; ionhkatewenhtéton, ronwahthitáhti ne kariwiʼiosehʼokónhas ne thikaniʼiosehrahté꞉nions, tánon wahontsathonnisehronniáhnion tánon wahkonhwahthisénnahien.

Jeremiah 14:3

Ne rohtikwahtsénion iashakonathóri ne rahotináhtsheras nahatinekahkóha onékanos; tsi tsionáhwerohʼte niahónʼne, ók iáh tehothinekatʼtsénrion; shaʼhónnewe iáh thènenh tekanekahráhtse ne rahotitʼtseshón꞉a. Wathonnikonhróh꞉ko tánon wahthonanithónnien, wahontʼkonhsáhsete.

Jeremiah 15:6

Íseh ne tiónkwe tahkwahkenronníhon; waskwahtswahthénien. Káti hiatkanénhstste tánon watkwahskwáhsehron tioríwa tsi wattetkwisénheʼie tsi niwahkathatienahwákon tsi niwahkenahkwénhʼen.

Jeremiah 17:13

Saiá꞉ner, í꞉se ne Israerʼró꞉nons raonarahrátʼtshera; rahtikwékon ne ieshaʼtewenhtéton tsi enhonwanatéhaʼthe. Éhtho ní꞉ioht tsi enhatiʼhiatáthon tsi ní꞉ioht ne okenráhke kahiáton, tioríwah tsi waheshaʼtewénhtheʼte, ne Saiá꞉ner, né꞉ne ionékoʼte ne kanekí꞉io.

Jeremiah 18:14

Ne kwáh tsionitsténrahtes ne Lebanon nonhwénhton kén ne iáh tahiotenieʼtharáhke? Ne tsi kahionhatáhtie ne tsi tsionónhthe nitsawéhnon nonhwénhton kén nahiostátʼtenke?

Jeremiah 19:4

Né kíʼ thóh nénhtiereh tioríhwa nonhkweshón꞉a tsi iontiatanikonhrénʼen, tánon wahthontenahtátionsʼte ne tsi wahontsaʼáhthe ne wenhnekeráhkon tsi ahonwahnahtsienkwaronniáten ne thikaniʼiosehrátes né꞉ne rohnónha ó꞉ni ne shaʼkotisotʼthonkonkénʼen ó꞉ni ne rotinonhtí꞉ios ne Judah iáh othènen tehathiriwahientérisʼkwe; tánon ó꞉ni né iorihónni ne wahatínahʼne kí꞉ken wahtenáhthaien ne iáh othènen tehiakoníkonh akonekwénhsa,

Jeremiah 2:11

Iáh nonhwénhton ne ónhkak ónhkwe ne tahiakothatáhwi ne ní꞉io, iawehrohátien tsi iáh tóhske tèhken. Ók nahkonhkwéta wahtionkanitiónkwaʼkwe, ne Ní꞉io tsi nikáien ne shakokweniénston, ne rahtiní꞉ios ne iáh othènenh thahatikwéni nashakothihiatahkéna.

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 2:26

Ne Roiá꞉ner ráton, “Kwáh tsi ní꞉ioht ne rahnénhskwas tsi nenhonwahtéhate nónenh enhonwahiéna, káti kwáh sehwahkwékon ne Israeronónhke tsi enietʼtsihiatéhate— ne sehwahnonhtiʼiótsheras ó꞉ni ne ronahterihóntons, ne tionkwetahshón꞉a ne rothikháres ó꞉ni ne rothitó꞉kense.

Jeremiah 4:22

Ne Roiá꞉ner ráton, “Nakonhkwethashón꞉as kwáh thoʼnahthónnokʼthe; iáh tehiontientéri. Thóh nihonnonhnótens tsi ní꞉ioht ne tehonahtenonhwahroríhthonʼte ratiksahokónhas; iáh tehotíhien nahothinikonhrahiéntahʼne. Tsi nihathiwéienhte ne kariwahétken tsi nahóntiereh, ók thóh thinórons tsi nahóntiereh ne ioiánereh.”

Jeremiah 5:26

Ne kariwahétkens rotiʼiótens skátʼke rathináhkere nakonkwetaʼshón꞉a; rathihiatahkerontátie rothiráhre tsi ní꞉ioht ne ronthaharáiens notsitén꞉a akonwahtiʼiéna, ók né ronahteristhaienthákwen nónkwe ashakotiʼiéna.

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Ezekiel 14:5

Konhtiʼkwékon tí꞉ken kahiatonhnisónhas wahonwathikarenhráhkwahthe Nisraeró꞉nonhs tsi nòkwah Ní꞉ih, ók kíʼ tsi tenkeriwahsehráko aiáwenhs ahonsahtiéna ne rahothiriwahtokéntshera.

Ezekiel 47:1

Ne rónhkwe thóh nionsahakashá꞉rine tsi iehionthawehiatákwa Nononsatokentiʼkówane. Nonèka thóh tionékothe náhkon ne tsi iehionthawehiathákwa tánon tsitʼkarahkwínekens nokwáhti niahawenonhátie, tsi niehiotseráhton Nononsatokentiʼkówa. Thóh tionekénʼen nàkon ne entiéne nokwáhti í꞉ken Nononsatokentiʼkówahne ehʼiotohétston ne entiéne nokwáhti ne ietsienharáhkwa.

Micah 2:8

“Hiasehiatsiatónhti nakonkweʼtashón꞉as kwáh tsi ní꞉ioht ne tesehwataʼtions; washeiatawitáshi ne tsi nihá꞉ti ronhnatohestonhátie tseshetákwen; iáh né tehonhnonthónhnions naterihió꞉sera.”

Micah 6:3

“O akonkweʼtashón꞉as, onhnikwahié꞉rase? Onh nahó꞉ten tsi natakwahwiseheiáton? Teskwahrihwaʼserákwas!

Zechariah 13:1

“Nó꞉nenh né꞉tho kawistáhets enwáhwe,” rá꞉ton ne Roiá꞉ner Roshatstenhserowá꞉nen, “ne ionehkotehón꞉we kwáh enkanonhthónkwenhke nahonshahonthonnahkanón꞉ni tsi nithonatwatsirí꞉nonh ne Táwit ne nónhne sáhka Jerusalemró꞉nons tsi nokwáh ne rahotiriwahneraháktshera ó꞉ni tsi nokwáh ne rahothihiatonhnishón꞉ʼa

John 4:10

Ȣahenron ne Iesos tsi tontahaȣennaȣeron: Neh nasienterihake ne Niio raotanitenrasera, hatsienterihake oni onka ne ȣaiariȣanontonse atsnekanonte ise aontesatierenton atseriȣanontonni, nok ne raonha aonsaianekanonten ne kanekiio.

John 4:11

Tontakenron ne tsiothonȣisen Saianer! iah othenon tesaien nasetsientakȣe tanon ioshonȣes; kah kati nekenh naontesanekenha ne kanekiio?

John 4:14

Nok tanon nenhanekira nenhinekanonte iah nonȣenton tiiahonsahoniatathen, aseken ok nehe nenhinekanonte ienȣatnaȣeronni ne rahonhake ne iah taonsteske tiotkon tanon enhiohnekotake tsi niienhenȣe.

John 7:37

Nok nonen neh nonaken iotonniseroheststakȣen ne ȣentanorons, etho ihres ne Iesos, tehohenretta raton: tokasenonȣa onkakiok roniatathens, karo itret, nok ihine ranekira.

Deuteronomy 31:16

Ne Roiá꞉ner wahawénhase ne Mahís, “Kwáh iostó꞉re enshí꞉heie, tánon nó꞉nen ensenheiónhke nonhkweshón꞉a iáh tahonsahothiriwatokénhake nakonhà꞉ke tánon tenhatihiáke nateriwaʼseronhniá꞉tshera ne watʼson skátke ne ronhnónha. Enhionkatewenhthéte tánon ne enskonhwatishén꞉naien ne thikáhiont nihioʼokón꞉as ne tsi ionhontsá꞉ien ne ó꞉nen thóhwa thoniahón꞉ne.

2 Tiér 2:17

Kí꞉ken onkwesónha ne tesontiérens ne iostatʼtén꞉en tsi tionékote, tsi ní꞉ioht notsikéras ioháwi tsi teioweratáse; Rawenni꞉io sakonatʼtarakwénni ne tsi nónwe ne kwáh tetiokaraskówa.

Revelation 21:6

Eʼthó꞉ne wahakénhase, “Ó꞉nen ontè꞉sa! Í꞉i ne tsiotserentá꞉kwen ó꞉ni nonakénkha, né꞉ne tsiotasawáhkwen tánon tsi ieiotót꞉te. Ne rotiniatát꞉tens í꞉i kwáh enkhenená꞉nonte tsi enkhé꞉ion thóh nénhtewe tsi tsió꞉nekote noné꞉kanos natón꞉nhets.

Revelation 22:1

Eʼthó꞉ne ne raronhiakeró꞉non wahakenatónhase tsi kaniataratátie nonekanos ne natónnhest í꞉ken, thóh natehiostwá꞉te tsi ní꞉ioht ne teiostahrát꞉te otsishé꞉ra, thóh nontahionehnonhátse raohitskwáhrane ne Ní꞉io tánon ne teonakarontón꞉ha owí꞉ra

Revelation 22:17

Ne Roʼnikonrí꞉ioston tánon ne ioniát꞉ke iá꞉ton, “Káts.” Tánon ahnion onkwé꞉takweʼkon nón꞉ka enhiakó꞉tonhtene ieron, “Káts.” Tánon ahnion ón꞉ka ne iakó꞉niatatʼtens káts. Ahnion ón꞉ka ne ionská꞉neks nahieiena noneká꞉nos ne ionnheón꞉we tsi enhionthá꞉ton.

Judges 10:13

Ók shé꞉kon kíʼ waskwahtewénhthete tánon né nóia nihiohokónhas wesewasénhnaien, káti iáh shé꞉kon tahonsakwahniákenthe.

1 Samuel 12:10

Eʼthó꞉ne iathonséntʼtho rahonhá꞉ke ne Roiá꞉ner, tánon wahonhní꞉ron, ‘Ionkwarihwanerenhákskon, tsioríhwa tsi entsitewaʼtewenhthéton ne Roiá꞉ner, tánon ne waeʼthiʼió꞉tense ne Baal tánon ne Astartes; ók ó꞉nenh kiʼ saskwaniá꞉kenk ne rontsanákes ne ionkíswens, tánon í꞉se enskwaiótenʼse.’