Jeremiah 2:10 - Ohiatonhseratokénti

¹⁰ Tsi iatewatʼtsiénthos nòkwah niaháse tsi khawéhnhote ne Cyprus, tánon ónhkak iasehʼhiatóri tsi kharahkwínekens nòkwah né tsi tsiohontsiáien ne Kedar. Tánon kwáh ensatʼkátho tsi iáh nonhwénhton kíʼ kén éhthoh tetsawénhon.

Jeremiah 2:10 ပူးပေါင်းရင်းမြစ်များ

Genesis 25:13

Ne kí꞉ken tsi nihotisennoʼtén꞉shonʼs NʼIshmael raonekenhteron; tsheraʼshón꞉aʼhs, ronwatihsennawíhon ne tioianénha tsi nihonanakerá꞉ton: Nebaioth, ne ne thakowá꞉nen nʼIshmael roièn꞉ʼa, tánon Kedar, Adbeel, Mibsam,

1 Kings 9:9

Nonhkweshón꞉as tsi thenhatirihwasehráko, ‘Né iorihonhníhon tsi ronhwatewenhtéton ne Roiá꞉ner Raotiní꞉io, tsi nikáien ne tethesakohiatinekénʼen ne raotisót꞉tseras ne Egypt. Né iathonhsahonterihwáieste ne thiʼkaniʼioserátes tánon wakonhwatisénhnaien. Né kíʼ aoríhwa ne Roiá꞉ner taháhawe ki ken karihwaiesátseras ne ronhnonháke.’”

1 Chronicles 1:7

Tsi niehotwatsirínon ne Javan né nonkweʼshón꞉as ne Elishah, Spain, Cyprus, tánon ne Rhodes.

1 Chronicles 23:1

Nó꞉nen ne Táwit kwáh í꞉ken tsi thó꞉ionhkwe, né꞉ne roiénha Solomon wahonontí꞉iosʼte Nisraeʼró꞉nonke.

1 Chronicles 23:12

Né Kohath kaiéri né nihonekenteronhtshraiéntakwe: né꞉ne Amram, Izhar, Hebron, tánon ne Uzziel.

Psalms 120:5

Tsi niwahkíten ní꞉i, tsi thiwakonhontsáte í꞉ken ne Meshech nón꞉we, ne tsi ónenk thóh nónhwe nenhkiterónhtake tsi niwatoserótons ne Kedar!

Isaiah 21:16

Asèken nó꞉nenh ne Roiá꞉ner sahakénhase: ohénton ne tsósera, né entsioianénhaʼwe tsi niʼioseráke ronhwanáhon ne rohióthens, akwékon nahohiataneraʼkwéhtshera ne Kedar kwáh kí enwatók꞉then;

Isaiah 23:1

Ne watewenhnakaratá꞉ton ne aorihwàke ne Tyre. Sewatewenhnó꞉ten, Ósewahhonweiaʼkowátshons ne Tarshish, asèken ne tesanatanákʼton watónhton. Iáh teská꞉ien ne ionrarókstha Nó꞉nen satonhtahónhne ne Cyprus wahónt꞉toke.

Isaiah 23:12

Wahénron: ní꞉se kwáh iáh shé꞉kon tahonshasatʼtsenhnonni, Ó í꞉se ne teieshanestsiákon ne iáh tekanakwahientéri aoién꞉ha ne Sidon; téstan, iatetsáiak ne Cyprus— iekaníhare kí ne èhthoh nón꞉we iáh tsiahiʼshorihsénhtane.

Jeremiah 49:28

Kén nahóten ne Roiá꞉ner shakawénhni tsi rathitárahien ne Kedar ó꞉ni tsi kanonhtiʼiotsheráien ne Hazor, ne ne Toʼnonhtí꞉io ne Babylonia nónhwe rohienáhon ne ne Nebuchadnezzar. “Iasheʼhiatsiatónti nonhkweshón꞉a ne Kedar tánon sheʼtsokwáhthont nètho nahkonháka nahathihiató꞉ten!

Ezekiel 16:16

Satʼtserónhniat wáhshaste nasehrahsésthakwe tsi nonhwéson nishaterenhnaienthákwah, tánon kwáh tsi ní꞉ioht ne ioriwahiathathónhon, iashatatátkaʼwe ne kwáh tsík ónhka akénhake.

Ezekiel 27:21

Ne Arabiaró꞉nons tánon ne ratikoráhsons né꞉ne tsi ionhwenhtsáte ne Kedar nónhwe teiotinahkaronhtónhas ohwírah nènhʼne wahesakarhiákʼten, ó꞉ni teiotinahkaronhtónha, tánon kahiathákeras.

Ezekiel 27:6

Ne kari꞉ton karonhthasónhas Bashan né nónhwe nitotíhas né꞉ne ahontkawetserónhniaʼte; Ók ne tsisahnítskaron onénhta nènhʼne wahonʼnónhniaʼte né꞉ne Cyprus nithótih Tánon ne wahthatinahnètha ne kanónhskon né꞉ne wáhonsthe ne onotsthakówah rahonáhkare.

Ezekiel 5:7

Ónenh shaʼtahónsahtat, Jerusalem, tsi nahó꞉ten Í꞉i, ne Wakenonhtí꞉io Watiá꞉ner, katónnions. Tsi iáh teshatewenhnaráhkwen natianerénsehras ó꞉ni iáh teshatienawáston nakeriwahtátʼtsheras, sénha i꞉se wéso wahsónhni naterihotharóktshera tsi ní꞉ioht nonhkweshón꞉ʼa ne teieshatiatháton. Ne wáhtshere tsi nihotirihótens nakorénhsons.

Daniel 11:18

Ne ohnaʼkénkha kaniataraʼkehkó꞉wa nonkwá néntre tsi ienshakotiaʼtón꞉ti ne tehontonhontsanekhánion tánon ronatiohkowá꞉nen enshakoʼshén꞉ni. Nok thiháte rakó꞉ra enhoʼshén꞉ni tánon tenhótahste ne tsi nihoianerenhseráksen; kwáh ónhte ne kaierónhsera raónha ne Syria ronnontí꞉io enshó꞉raʼne.

Daniel 11:30

Kahonweiátne nenthón꞉ne ne Romans ó꞉ni enhonwaióʼtatshe, tánon kwáh í꞉ken tsi enhoteronhiénhten. “Eʼthó꞉ne ateriahtikhontsherà꞉kon tsi niénsre tánon enhateʼnién꞉ten naháhtonʼte ne raotirihwiiohstónhtshera ne Rawenni꞉io raotióhkwa. Ne enshakotahónhsatate tsi nihá꞉ti ronahtsakwaríhsion ne eʼtho karihwiiohstónhtshera.

Numbers 24:24

Ne rathinenhrénhtha entʼthontsiró꞉ten Cyprus nenhthónhne: Kwáh enshaʼkotisénhni ne Assyriaró꞉nons ó꞉ni ne Eberʼrónons, Ók kíʼ, ronhnónha ó꞉ni kwáh kíʼ tsi nènhwe tsi enhatihiatáton.”

1 Corinthians 5:1

Nónʼwah, kwàse tsi nihónen né tsi ononwahroríta kanakwaiesháh꞉tshera tsi nisewahtiéra thóh nió꞉re tsi teiotenonianíton akwékon ne iáh tethohnetákwen iáh kíʼ nèn꞉ne tahotinontáh꞉nake. Ionkróri rónkwe skát꞉ke ianónwets ne ieseshahkonisténha!

Judges 19:30

Tsi nihiákon ne wahontkátho wahé꞉ron, “Iáh nonhwénhton tetsionhkwarihwarónhken nétho ní꞉ioht! Iáh nonhwénhton kí꞉ken éhtho tehiawénhon tsi náhe nʼIsraerʼró꞉nons éhʼren tethonéthon ne Egypt! Ónenk tsi knenhtewáhiere kí꞉ken! Onhtenahó꞉ten?”