Jeremiah 19:4 - Ohiatonhseratokénti

⁴ Né kíʼ thóh nénhtiereh tioríhwa nonhkweshón꞉a tsi iontiatanikonhrénʼen, tánon wahthontenahtátionsʼte ne tsi wahontsaʼáhthe ne wenhnekeráhkon tsi ahonwahnahtsienkwaronniáten ne thikaniʼiosehrátes né꞉ne rohnónha ó꞉ni ne shaʼkotisotʼthonkonkénʼen ó꞉ni ne rotinonhtí꞉ios ne Judah iáh othènen tehathiriwahientérisʼkwe; tánon ó꞉ni né iorihónni ne wahatínahʼne kí꞉ken wahtenáhthaien ne iáh othènen tehiakoníkonh akonekwénhsa,

Jeremiah 19:4 ပူးပေါင်းရင်းမြစ်များ

2 Kings 21:16

Ne Manasseh tsi niʼiakotsokowánen sakononwariakónhnion ne iáh othènen teiakoníkon ne tsi tekanatokenhá꞉tons ne Jerusalem kwáh watneʼkwenhsíne; né kí꞉ken iahá꞉ieste tsi niesakosaríhnon nonkweʼshón꞉as ne Judah tsi nakonwatisénhnaien ne kaiatonhnisónhas, né wakarihón꞉ni wahatirihwánerake tsi nòkwah ne Roiá꞉ner.

2 Kings 23:10

Né Ronnontí꞉io Josiah kwáh ó꞉ni wathéntionste ne Topheth, né꞉ne tsi ratisén꞉naienskwe ne kaiatónhni né Hinnom ahonrákwahkon nón꞉we, né ká꞉ti ne tó꞉sa ahónton ne roiénha khés ne sakoiénha ahonwanateskóntʼthaʼse ne raní꞉io Molech.

2 Kings 24:4

tánon sén꞉ha ne aoríhwa tsi niʼiákon ne iáh othènen teiakoníkon tsi ionthatenonwariákon. Né Roiá꞉ner iáh tehothontháton nahonsahonikónrenhse ne Manasseh.

Psalms 106:38

Waʼsakotinonwarhiakónhnion ne iahothènenh tehotistón꞉ton ratiksaʼokónhas, tánon ne raotinekenteronhtsheraʼshónhas ó꞉ni ne raotiʼiatasehtsheraʼshónhas, tánon ne iahonwaʼtíthate nahonwaʼnatsatátʼtsahaten ne raotiiatón꞉nishonhas ne Canaanró꞉nons; kí꞉ken sakotinonwaʼrhiaʼkhónhnion ne waʼhonhontsiatʼsáte.

Isaiah 59:7

Né ronhshiʼtákes thóh nienkatá꞉ke tsi nó꞉kwah ne wahhét꞉ken í꞉ken, tánon teoʼtisteríhens nahonwahnéh꞉kwahte ne iáh othènon tehoníkon; né raonanontonhnióntsheras né꞉ne wanontonhniontsheráksens í꞉ken, né nahatiʼrihwéntʼtho tánon atkaronhniátshera í꞉ken ne tsi ronahatátie ne iohahowánens.

Isaiah 65:11

Ók í꞉se tsi sewatewenhtéton ne Roiá꞉ner, ronón꞉ha rotiʼnikonrénhʼen nakenontaʼtokénti, ronón꞉ha wahontekwahratsherotónhnion né꞉ne aoriwà꞉ke ne konwanaʼtónkwa Ateraswiʼióhshera tánon wahatinekananóntkons notsí꞉tsa watnekarákwas, ne wahthotirenkénhni ne konwanaʼtónkwa Tsi Neniawénhseron.

Jeremiah 1:16

Kwáh enkheréwahte nakonhkwetaʼshón꞉a tsoríhwa tsi rothirihwáneren; ionhkatewenhtéton, ronwahthitáhti ne kariwiʼiosehʼokónhas ne thikaniʼiosehrahté꞉nions, tánon wahontsathonnisehronniáhnion tánon wahkonhwahthisénnahien.

Jeremiah 11:13

Nonhkweshón꞉a ne Judah tóh níkons rothiniʼioseráiens tsi kíʼ níkon rotiʼnataiénton ne kanatowánenhs, tánon ne ienakeréhnion ne Jerusalem kwáh eh nihiawetatʼtsáni tsi rothikétskwen ne ietsienharáhkwa naʼkonwahtienkwaronniáten nètho iáh tehiotehensehráien ní꞉io Baal tsi kíʼ níkonhs tekanatokenháton ne kanatowánenh.

Jeremiah 15:6

Íseh ne tiónkwe tahkwahkenronníhon; waskwahtswahthénien. Káti hiatkanénhstste tánon watkwahskwáhsehron tioríwa tsi wattetkwisénheʼie tsi niwahkathatienahwákon tsi niwahkenahkwénhʼen.

Jeremiah 16:11

Ethóhʼne káti iettsiró꞉ri nètho Roiá꞉ner ráhwen, ‘Iettsisotʼthonkonhkénʼen hionkatkarahthénion tánon wakonhwathisénnaien ó꞉ni wakonhwathihiótenseh ne thikontíthe niʼiohokónhas. Wahonkatewénhthete tánon iáh tehonahtewenhnaʼráhkwenh naʼkerihonniennítsheras.

Jeremiah 17:13

Saiá꞉ner, í꞉se ne Israerʼró꞉nons raonarahrátʼtshera; rahtikwékon ne ieshaʼtewenhtéton tsi enhonwanatéhaʼthe. Éhtho ní꞉ioht tsi enhatiʼhiatáthon tsi ní꞉ioht ne okenráhke kahiáton, tioríwah tsi waheshaʼtewénhtheʼte, ne Saiá꞉ner, né꞉ne ionékoʼte ne kanekí꞉io.

Jeremiah 17:20

Sehró꞉ri ne rontinonhtí꞉ios tánon nonhkweʼsónha ne Judah tánon kwáh tsi nihiákon ne Jerusalem nónhwe nihienáhkere né tiontahwehiátha ne tsi iotenhenrahkáronʼte, nahiontahónsahthaʼte tsi nahó꞉ten káton.

Jeremiah 18:15

Kíʼ ó꞉ni nakonhkwetaʼshón꞉a kwáh hiontiatanikonhrénhen; wahontsaʼáhte ne wenhnekeráhkon ne nakonhwaʼnahtsienkwahronniáten ne kahiatonnisónhas. Tahoʼnahshítiaʼke tsi ronthahíʼne, tsi nienhónʼne; iáh ónen theshatísehre norihwahkáhions; thóh nónhwe nihónʼne tsi nónhwe ne iáh tehiohiánahre.

Jeremiah 2:13

asèken nakonhkwetahshón꞉ha tékeni tsi ní꞉ioht tsi rotirihwáhneren: hionkatswahthénion, ne ionéhkote ne kanekí꞉io, tánon rothisonhiónʼni ne watnekaráhkwa, tehiothóren ne watnekaráhkwa ne iáh tahónton nahontʼnekáhren.

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 2:30

Kwáh rewáhthon, ók iáh èh tehiorihonthákwen; iáh teskwahriwáhwi nahonshaʼkwahthakwaríshion. Tsi ní꞉ioht ne kahsehró꞉hen kénreks, wáhseh hiásehthe ne shonkwétah rothitó꞉kense.

Jeremiah 2:34

Ne satʼtserónniat ne ioráhkwah ne rothíten rahothinekwénsas tánon ne iáh othèʼnenh tehothiníkonh, ók iáh ne rahothinekwénsas ne rahthinénhskwas. Ók iawehrohátien tsi akwékon ne kíʼ íken,

Jeremiah 22:17

Ók nék khók satkátos ne hiateshiáti ahisahianerásten; sehnonhwahrhiákons ne iaʼtehotiníkon tánon kwáh kahetkénsera tsi sehronhiakéntha ne shonkwetaʼshon꞉a. Ne Roiá꞉ner rotahtíhon.

Jeremiah 22:3

“Í꞉i, ne Watiá꞉ner, konnháhon ne ne ahishaʼhióten ne tkariwahiéri tánon ne ioiánere. Tàsheʼne ne iontahtenikonhrahténnis tánon é꞉ren tsi sehwahiatenháwit ne shaʼkonikonhrahtén꞉ni. Tó꞉sa sehiatiéskwen tó꞉ka ó꞉ni ne thaʼsehianikonrhiákʼten ne kenkʼtiʼthoné꞉non, ne tehonthonnahkárhias, tó꞉ka ó꞉ni ne ionahteréhons; tánon tó꞉sa ó꞉ni sehnonhwaʼrhiakónnion ne iáh othènen tehothiníkonh ne kén nónhwe niwahtenátahien.

Jeremiah 26:15

Ók kwáh sehwahriwaʼhienteríhak kí꞉ken: tó꞉ka enskwahnonhwahrhiákon, i꞉se tánon ne kíʼ kanathakonhró꞉nons tsi ensehwáhniʼke tsi wahtsiʼsehwaʼnonhwarhiákon ne iáh thènen tehosthónton, tsioríhwa tsi ne ne Roiá꞉ner thakathó꞉rion nakwahronkáten kí꞉ken.”

Jeremiah 26:23

Sahonwahiáthiʼwe rahohénton ne Ronnonhtí꞉io Jehoiakim, wahathénnhaʼne nahonhwahnonhwarhiákon tánon ne rahohierónta tsi tionʼthatsathatahástha iehonáhti.)

Jeremiah 44:3

tsioríhwah nahonkwetahshón꞉a kariwáksen tsi nihonahtiérenh tánon wahonkenhakónhni. Wakonhwahtíʼtatʼtse ne kaienhkwaráhkon ne ó꞉ia niʼiohokónha tánon wahkonhwatisénhnaien ne ne ronhnónha tánon níse tánon ne ietʼtsisotthonkonhkénʼen iáh nonhwénhton tehʼietʼtsisénhnahien.

Jeremiah 5:6

Né aoríhwa ne kénreks kahráhkon nénhtewe kwáh enhiakononhwahrhiákon; nokwáhos kahenthakeʼkówah néntʼthonʼne nashakothihiatahrahtiónko, tánon ne tá꞉kos iorahkwahrónnions tenwahthawénhrie ne raothináhthakons. Tó꞉ka nonhkweshón꞉ʼa ienhathihiákenʼne kwáh enhonwathihiatharahtiónko tsioríwa tsi nihiawehtowáhnenh ne rahothiriwahneraháktsheras tánon kwáh tiókonte tsi ronwatʼkahrahthénion ne Rawenni꞉io.

Jeremiah 7:6

Sátkaf tsi sehiatesenhnatsahténnis ne kentʼthitʼthonénon, tehonthonnakárhias, tánon ne ionateréhons. Sátkaf tsi sehnonhwarhiákons ne iáh othènenh tehiakoníkonh ne kénʼen ionwenhtsiáte. Sátkaf tsi tiennáiens ne kahiatónnis, asèken né enshathónte.

Jeremiah 7:9

Nensehnénhsko, nensehiasehthe, nenshá꞉tenahkwaieshá꞉the, nenshá꞉nowenhte nónenh sahriwahniráton, tánon nentiatienkwaronniáten ne Baal, ó꞉ni nensehsénnaien ne kahiatónnis ne iáh tesehienteríhʼne ne tiotierénton.

Lamentations 4:13

Nok thoniʼiawén:en, iehonataweiáthon neh tsi rothiriwáneren nahonkwetaʼsónhas ne iehathiriwákens tánon nahotsihénstatsis rothinhíkon Neh tsi ronnónha rothirihónni iakawenhéion nónkwe ne iathénen tehothinhíkons.

Ezekiel 20:26

Wahkheríhon ne tahontatsiathátionste né꞉ne rahonnahwenhkhónwe nathatawítsheras, tánon wakheríhon nahonwahnatsatátʼtsahate nenhtewatsérenhte enhotiwiraiéntahne rotiskenrahkéte. Né kí꞉ken wakherewáhthaʼkwe tánon nakhenatónhase tsi Í꞉i ne Watiá꞉ner.

Ezekiel 7:22

Kwáh iáh tatsióthate nónen ne kanóron akenonhsatokénti nenhkahetkéntonke, nónen ne rathinénskwas ienhontáwehiate tánon enhatihétkente.

Ezekiel 8:11

Tsáta niwáhsen niháti ne ohénton iehonnéton ne Israerʼró꞉nonhke thóh rónhneskwe, thóh rahiatáhre ne Jaazaniah ne roníha ne꞉ne Shaphan. Ne shatihiatátʼtions ne ratíhawe ne kaienkwahráhkon ionhtekathákwah, tánon ioienkwahrakethothonhátse ne kaienkwahrákon.

Daniel 11:31

Ó꞉tiaʼke ne raonkweʼtaʼshón꞉ʼa ronterí꞉iohs kwáh enhatihétkenhte tsi iotokénhti ne ononhsatokénhti. Waʼteshakotítaste nonkwehshón꞉ʼa tsi ronwanatiatatshaʼáhtha ne katshé꞉nen eʼtho nihatiweiennoténʼne tsi ronwasén꞉naienhskwe ne Rawenni꞉io. Enhonwennónnien ne iáh teiotokénhti tánon né enskonwasénnaien. Tsik thiahatiieránion tánon iáh tsiewanonhtonniónhon, tsi nateiotenonhianíhton ne wahétken ne enskonwasénnaien.

Luke 11:50

Niaonteriȣiheȣe, neh nonȣa ne kenh kaȣatsirate ahonateriȣaienhase tsinikon rotinekȣensinekenhon ne Rotitokensehakȣe tsinahe tiontonȣentsiatasaȣe.

Deuteronomy 13:13

né꞉tho otià꞉kes ne iáh othé꞉nen tehionkweʼtastathé꞉nion ne sewentióhkwakon wahonwanatahará꞉kwahte nonhkweshón꞉as ne rahotiná꞉takons né꞉ne akonwashén꞉naien ne nihioʼokón꞉as né꞉tho iáh nonhwénton teʼkonhwashén꞉naien ne tiotierénhton.

Deuteronomy 13:6

“Iekaní꞉hare ne sewathatekenʼokón꞉as tó꞉ka ó꞉ni ne sewanekenʼterasónhas tó꞉ka ó꞉ni ne sewahiataseʼtserasónhas tó꞉ka ó꞉ni kwáh ákta sewatenroʼsónhas otsohónskwakon tsi aieʼtsinikonhrà꞉reke ne ahisewashén꞉naien ne tikanihioserá꞉tes, né꞉ne nihioʼó꞉kons ní꞉se tánon ne ietsisoʼthonkonhkén꞉en iáh nonhwén꞉ton thetisewashén꞉naien.

Deuteronomy 28:20

“Tó꞉ka kariwahétken enshahiò꞉ten tánon atiatewénhthete ne Roiá꞉ner, kariwaieshá꞉tshera enhiahérase, thahisaniʼtón꞉nien, ashaʼnikonhrók꞉ten, tánon enwatheriwenhtó꞉reke ne kwáh tsík nahoʼténhsons ashateriwaténtiaʼte, tsi nió꞉re ne kwáh iostó꞉re ó꞉ni kwáh í꞉ken tsi enhiesathón꞉te.

Deuteronomy 28:36

“Ne Roiá꞉ner ieniahiaʼténhawe ó꞉ni ne sanonhtihiótshera nákte nón꞉we tionhontsá꞉ien, ne nón꞉we ní꞉se tánon ne sesoʼthonkonhkén꞉en iáh nonhwénton tsesewanákereʼkwe; tho nón꞉we ne tensehriwásniese ne niʼiohokón꞉as ne oiénte tánon onénhia nahó꞉tens ionhniáton.

Deuteronomy 28:64

“Ne Roiá꞉ner kwáh tenhtsisewaréniate tsi ienakerénion nonhkweshón꞉as, ne tsi iehiotonhontioktaníhons, tánon tho nón꞉we nenieʼtsiió꞉tenhse ne nihiohokón꞉as né꞉ne oiénte tánon onénhia ionhniátons, né꞉ne nihiohokón꞉as ní꞉se tánon ne ietsisoʼthonkonhkén꞉en iáh nonhwénton tethiʼtsishén꞉naien.

Revelation 16:6

tiorì꞉wa tsi sakotinekʼkwáhton ne rotiiatatokentískwe ó꞉ni rotitokenséhakwe, í꞉se tesheiá꞉wi nonekwénhsa ahatinekí꞉ra. Eʼtho senateonathéntion!”

Judges 5:8

Ethòne onhteriʼiosehraiénthaʼne tsi ionhontsáien né nó꞉nen Israerʼró꞉nons sonhsahonhthaterákwaʼse ase niʼiohokónhas. Né kaiéri niwenhniawehetserásen niháti ronónhkwe Nisraerró꞉nonhke, ónhka onhtèken ahiakokʼkhetaton ne tehioniatástha khés ne asíkwahra?