Jeremiah 18:23 - Ohiatonhseratokénti

²³ Ók, Saiá꞉ner, sahteriéntareh akwékon tsi nihonahtenikonhrónni nahionkenonhwahrhiákon. Tó꞉sa shaʼsehnikónhrens tsi nihonnonhkwetaʼhétkens tó꞉sa ó꞉ni shaʼsehnikónhrens ne raoʼtirihwaʼneraháktshera. Tehsehʼhionhontióient ne tsi sehsénhnion ó꞉ni kén niásehreh tsík sénha shé꞉kon shanakwénʼen.”

Jeremiah 18:23 ပူးပေါင်းရင်းမြစ်များ

Psalms 119:126

Óʼnen iehióhe ne Roiá꞉ner knahá꞉iere, asèken ne saianerénhsera tehiotsá꞉kon.

Psalms 35:4

Saiá꞉ner, sehsénhni tánon sehkénron tsiniháti ne ronhteniént꞉tha nahionkenonwaʼrhiá꞉kon! Sahsehiáktat tánon tesehianitón꞉niaten ratikwé꞉kon ne ronhtenikonrón꞉nis nahiontkaréwate!

Psalms 56:8

Sateriéntare tsi natewakanikónhrahre; sateweientónhnion tsi nisatá꞉rion natkaséris ne kattshétakon. Iáh kén tesahiatónhnion ne sahiatonhserákon?

Psalms 59:5

Téstann, Saiá꞉ner Ní꞉io ne Sashaststenhserowánen, tánon tá꞉se nastienawáse; kwáh í꞉se satkátho, í꞉se séh Ní꞉io ne Israerʼró꞉nons. Téstann tánon sehré꞉war thí꞉ken kahiatónhni konwasénhnaiens; tó꞉sa ónhka sehnóns꞉tat tsi niháti ne iotʼteronhónwe rontenikonronniánions ne karihwahétken. Selah

Isaiah 10:3

Ónh nénh꞉shere nenhtewenhniseráte ne karehwahthátsera, natkaronhniátshera né꞉ne kwáh ahí꞉non nió꞉re nènhtewe? Ónka aiesaiénawaʼse, tánon kaʼnónwe nénhshien ne satsokowátshera,

Isaiah 2:9

Tánon káti ne rónhkwe kwáh kíʼ enhaniténhte, tánon onhkwetakwékon ehʼtàke iakontónhon— tó꞉sa kí sashenikónhrens, Saiá꞉ner!

Jeremiah 11:23

Watʼkwathákwen ne kawistáheks nahontakáhaʼwe ne kariwahiesáhtshera ronónhake ne Anathoth, tánon nónen énwahwe nètho kawistáheks, kwáh iáh ónhka tsiatahiotáhteʼre.”

Jeremiah 15:15

Ethóhʼne wahkíron, “Saiá꞉ner, í꞉se sahnikonhrahiéntas. Tahkehiárak tánon tatsniénon. Tahkeríhon nahonsatkárhiaʼte tsi niháti ne hionkeronhiakéntha. Tó꞉sa sheʼhiatenikonhkátsʼtat né ahonahteriwahténtiaʼseh nahionkenonhwahrhiákon. Sehʼhiárak tsi í꞉se shaʼriwáhke tsi hionkenikonhrahʼkarewáhtha.

Jeremiah 17:18

Tahséhʼhion ne atehénsehra tsi nikáien ne ionkeronhiakéntha, ók sastsiatáko ní꞉i Saiá꞉ner. Sehnánonks ne kateronkwáhtshera, ók tó꞉sa ní꞉ih tatʼterónkwen. Thaséhion ne karihwaʼiesáhtshera tánon tesehiathárit.

Jeremiah 17:4

Ónenhk tsi enshaʼtsakwahríshion nonwénhtsa tkhonhiáwi, tánon kwáh enkonhiónnien nasehhiótenseh ne tesehwatátʼtsions ne tsi tionhontsáien ne kwáh iáh othènen tesehwariwahientéri, tioríwa naʼkenahkwáhtshera thóh ní꞉ioht tsi ní꞉ioht ne ótsire, tánon tsi nénhwe tsi enhiotékʼkhaʼke.”

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Jeremiah 26:11

Ethóhʼne ne rothikháres ó꞉ni ne rotitó꞉kense wahonwénhnenhse ne ohénton iehonnhéton ó꞉ni nonhkweshón꞉a, “Kí꞉ken rónhkwe tehoténtion nahonwaʼnonhwahrhiákon tioríhwa tsi wahatkónten nonhkwanáta. Kwáh tsi tesehwahonthaʼkáronthe watsisehwatʼthónteʼne.”

Jeremiah 26:8

tánon kwáh tsi niʼiostó꞉re wáksa tsi nahkatáti tsi nihakenáhon nètho Roiá꞉ner, wahontiéna tánon wathotihénreʼthe, “Ahówennhk nahieshaʼnonhwahrhiákon ne kíʼ aoriwáhke!

Jeremiah 37:15

Kwáh íken tsi hionkenáhkwahse tánon wahonténnhane nahionkenonhwenhsehráhrhio tánon nahionkhenhóton tsi rohnónhshoʼthe ne Jonathan, né shaʼkohiatónhni ne tsi tehiehiathohrehtákwah, né tsi rohnónhshoʼthe hionthaʼtenhotónkwah rohnonhniáthon.

Jeremiah 38:4

Ethóhʼne ne ronahterihóntons ronnonhtí꞉ioʼke niaʼhónʼne tánon wahonníron, “Kí꞉ken rónkwe ónenhk tsi enhonwáhrhio. Kíʼ tsi ní꞉ioht tsi róhthareh teshaʼnikonhkonhrhiatʼténnis ne ronterí꞉ios kíʼ kénʼen kanatowáhnen, tánon thóh nishaʼkohiérahse tsi nihiákon iaʼtehiakothaténron ne kanatowáhnen. Iáh tehatheniéntha nashaʼkohiénawahse nonhkweshón꞉a; kwáh nek khók írehre nashaʼkokahréwahthe.”

Jeremiah 6:15

Ronthéhes onhtèken tioríhwa tsi nihonahtiéren kíʼ kén iotheriwatéhas? Iáh, tehonahthehénʼen; akwékon iáh tehonahtheriénthare onhní꞉ioht ne onekwénthara nahathihiathótenʼne. Tánon káti kwáh éhtho ní꞉ioht tsi enthathihiátenʼne tsi kíʼ ní꞉ioht ne ronáhtsiakes; Nónenh enkheréwahthe, kwáh totʼtsienwatót꞉ten ne ronónha. Í꞉i, ne Watiá꞉ner, wakatháti.”

Jeremiah 6:21

Tánon káti kwáh enkhehiónnien kí꞉ken onhkweshón꞉ʼa nahothahonahsíhtsiake tánon nahathihiatiénenhʼne. Ne iatatró꞉nah ó꞉ni ne sahkothiʼienhokónhas kwáh enhonníheie, tánon ó꞉ni ne ateró꞉sehras ó꞉ni ne tehonʼnonhsahnekʼkhánions.”

Jeremiah 7:20

Ne káti, Í꞉i, ne Wakenonhtí꞉io Watiá꞉ner, kwáh entʼkáweron nahkenahkwatsherowahnhátshera ne kénʼen Ononhsatokentiʼkówaʼne. Kwáh enthekhehiawerónhase nonhkweshón꞉a tánon kwáh sahtenhiothónhake ne konhtiʼtshénenhs, iekaníhare ó꞉ni ne tsi iorontó꞉tons tánon ne kaienthóhtsheras. Nakenahkwátshera thóh nenhióthon tsi ní꞉ioht nótsire iáh ónhka tahkakwéni nahónswahthe.

Jeremiah 8:12

Akonkwetashón꞉a, wesehwahtehénʼken tsioríwa tsi nesehwahtiéreh kí꞉ken ioteriwatehasónhas? Iáh, kwáh iáh thènenh tesehwahthehénʼen; akwékon iáh tesehwateriéntahre onhní꞉ioht ne onekwéntahra nahisehwahiató꞉tenʼne! Tánon káti éhtho ní꞉ioht tsi entisehwahiátenʼne tsi ní꞉ioht ne ronátiakes tsi thóh thihiaténʼen; Nónenh enkwahréwahte, thók niensewatókthase. Í꞉i, ne Watiá꞉ner, wakatáti.

Lamentations 3:60

Sateriéntare tsi nióre tsi hiónkswens, neh hiónkswens tánon ó꞉ni tsi natehionkwaskótani.

Lamentations 3:61

“Sehiathontéhon tsi nihionkenikonrakʼsáton, O Saiá꞉ner; oriwakwékon sateriéntare tsi naʼtehonskóhthas.

Luke 21:22

Aseken onen nehne kareȣatatsera enȣenniserontakȣen; noriȣakȣekon akanane tsini kaiaton.

Romans 2:5

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.