Jeremiah 18:20 - Ohiatonhseratokénti

²⁰ Ne karihwahétken ne kén ne ahokarhiátshera ne iohiánereh? Ethohʼsáne rohtisonhiónni nakerihwáhke né hiatiátenʼne. Sehʼhiáranh tsi ní꞉ioht tsi iewahkénon ne sonháke nahkhehiatátsaʼse, ne ne tó꞉sa kanahkwahtsherákon tsi kén niahséhʼiereh.

Jeremiah 18:20 ပူးပေါင်းရင်းမြစ်များ

Job Tánon ne Raoronhiakensera 6:27

Ní꞉se kwáh kí ó꞉ni ohontsá꞉ke ensanenhiontséseron ne kanenhiató꞉kens tsi nasheiaʼtará꞉ko ne tehontonhnakáriaks, tánon enhsewaterihwaserón꞉ni ne raoteroseraʼshón꞉as.

Psalms 106:23

Né káti aoríhwa wahén꞉ron kwáh kíʼ ensakótonʼte— tó꞉ka iáh ne Mahís, ne roiatará꞉kwen, thaʼtahontahotáhon né tahotiʼtharáhon ne Rawenni꞉io tánon nahó꞉re, ne tahonsahakarahténi ne raonakwátshera ne tó꞉sa asakononwaʼrhiákon.

Psalms 119:95

Ne ronhnonkwetahét꞉kens tehonannénraien nahionkenonwahrhiá꞉kon, ók kanonhtonhniónkwas tsi nahó꞉ten kéntons.

Psalms 35:12

Tsi ní꞉ioht ne ioiánere tsi nahionkatiérase; karihwaʼhetkénsera tionkátsenhse; né rotihióte ne tsi kónnhe ne tó꞉sa othènen ahonsakasthátonke.

Psalms 35:7

Né꞉ne iáh othènen tetsiorihón꞉niʼon waʼhonkateristaiénhase; tánon iosónhwes waʼhatisonhniónhni né iatsiátenhne tánon ahionhtsiéna.

Psalms 38:20

Tsi ní꞉ioht ne ioiánere tsi nahionkatiérase karihwahetkénsera tionkátsenhse; hionkát꞉konte tsioríhwa tsi kateniént꞉tha ne tkarihwaiéri tsi nakátiere.

Psalms 57:6

Né iónkshons wahonaharónhti ne nahiontiéna; né tonhkeróhrokte ne kanikonhraronhiakénhsera. Waʼhatishonhniónhni tsi nón꞉we niwákʼkhate né꞉ne etʼhiatsiáthenhne, ók ronónhak khók ehʼhiahatihiáthenhne. Selah

Psalms 7:15

Raʼshonhiónhnis, kwáh rashonwèstha, tánon thóh iahahiáthenhne tsi rosonhiónhni.

Proverbs 17:13

Tókaʼ ne enseskáriaʼkte ne wahétken ne aonaktà꞉ke ne ioiánere, iáh ki nonwén꞉ton é꞉ren thá꞉wehte ne ioʼtáksen ne sanónhskon.

Proverbs 26:27

Nón꞉kwe shakonaterístaiens ronnónha kiʼ enhshonatkarenhrákwaʼse. Nón꞉kwe nónhka enthontáhsawen tenhothitarenhne ronnónha ne tenhshotiiaʼtó꞉rarake.

Ecclesiastes 10:8

Tó꞉ka shí꞉ken entionhhiónhni, thóh ienshá꞉tenhne; tó꞉ka iatenshashontót꞉kaʼwe, óniare ensahkári.

Jeremiah 11:14

Jeremiah, tó꞉sa saterénnaien nakonháke tó꞉ka ó꞉ni askaniténthaʼse ne ronónha rahotirihwáke. Ne nónen tehonanikónrhare tánon entionkenáton nakheiénahwaʼse, kwáh iáh tahkhehiatahónsahthaʼte.”

Jeremiah 14:20

Hionkwariwáhneren tsi nòkwa ní꞉se, Saiá꞉ner; kwáh hiakwariwahnírats ne hiatehiakwahiáti onhkwahriwahneraháktsheras tánon ó꞉ni ne hiakisotʼthonkonhkénʼens rahotiriwahneraháktsheras.

Jeremiah 15:1

Ethóhʼne ne Roiá꞉ner wahakénhase, “Shé꞉kon ne Mahís o꞉ni ne Samuel né kénʼen aníthake ahionkanitenthaséheke, kwáh iáh thaʼkhenatónhase kí꞉ken onhkweshón꞉a thènen ne kenténron. Sehiónnien ne ahéren ahónnhethe; sehiónnien ne éhren rónnhek tsi nónwe níhkes.

Jeremiah 17:18

Tahséhʼhion ne atehénsehra tsi nikáien ne ionkeronhiakéntha, ók sastsiatáko ní꞉i Saiá꞉ner. Sehnánonks ne kateronkwáhtshera, ók tó꞉sa ní꞉ih tatʼterónkwen. Thaséhion ne karihwaʼiesáhtshera tánon tesehiathárit.

Jeremiah 18:19

Sók kíʼ wakahterénnahien, “Saiá꞉ner, satʼthóntek tsi nahoténsons káton tánon sathahónshaʼtat tsi nahó꞉ten rontónnions ne tehiakwahtátʼtsions tsi nòkwah ní꞉i.

Jeremiah 18:22

Kén tiokwáksen iasehiaténiet nahathinenhskwenháton tsi ratiterónton ne ne kwáh iáh othènen tahonthontró꞉ri; sehiónʼnien katerontsherákon tsi tehonséntʼtho. Hionksonhionnénhni né iatiáʼtenne tánon hionkaterísthaʼien nahiontiénha.

Jeremiah 27:18

Tó꞉ka shí꞉ken kwáh tó꞉kenske ahothitokenséhaʼke ó꞉ni tó꞉ka ahatíhawahke naʼkateriwahnhotátshera, ietʼtsiró꞉ri hionkeriwahnónhtons, í꞉i ne Watiá꞉ner Keshastsʼtenserowáhnen, iáh tatkheríhon ne natʼtsokowáhtsera ne iothaténron ne Ononhsatokentikówahne ó꞉ni ne tsi ronónhshoʼthe ne ronnonhtí꞉io ne iakáhake ne Babylonia.” (

Jeremiah 5:26

Ne kariwahétkens rotiʼiótens skátʼke rathináhkere nakonkwetaʼshón꞉a; rathihiatahkerontátie rothiráhre tsi ní꞉ioht ne ronthaharáiens notsitén꞉a akonwahtiʼiéna, ók né ronahteristhaienthákwen nónkwe ashakotiʼiéna.

Jeremiah 7:16

Ne Roiá꞉ner wahénron, “Jeremiah, tó꞉sa sheʼhiaterennaiénhas kíʼ onhkweshón꞉a. Tó꞉sa teshaséntho ne ronónha rahothiríwahke, tó꞉sa tahkahnítenthe, asèken iáh tahkonhiathahónsahthaʼte.

Lamentations 3:59

Tsi tenshatórete taskhéʼnhe, sateriéntare tsi nihionkatʼkontáhon.

John 10:32

Iesos tontasakoȣennaȣeron nok ȣahenron: Eso ioriȣake ȣakȣanatonhase ne tkariȣaieri neneh Rakenineha teȣakha: kah kati nonȣa nikaien takȣanenhiohiahaktane?

John 15:25

Neh ki tanon nehne ne iakaierine tsini kaiaton ne raotiiatonserakon: ok tiȣakstonstston tsi ionksȣenhon.

1 Samuel 19:4

Nó꞉ia sahiórenhne Jonathan watononwehráton ne Táwit rahohén꞉ton ne roní꞉ha Saul, tánon wahawénhase, “Áhnion tó꞉sa ne ronnontí꞉io rahrihwánerak tsi nòkwah ne raonhá꞉tshera Táwit; tsioríhwa tsi iáh neh tehorihwáneren tsi nó꞉kwah ní꞉se, tánon neh aoríhwa ne raohioténhseras tsi niʼioiá꞉nereh tsi nihiahiótenhse ní꞉se;