Jeremiah 18:18 - Ohiatonhseratokénti

¹⁸ Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Jeremiah 18:18 ပူးပေါင်းရင်းမြစ်များ

2 Samuel 15:31

Táwit wahonwaró꞉ri nètho Ahithophel tsi raiatará꞉kwe ne ratiriwahetkéntha skát꞉ne ne Absalom. Tánon ne Táwit wahénron, “Ó Saiá꞉ner, koniaterenhnaién꞉ni, teskaraténi tsi nisakotenikonráwis ne Ahithophel ne shón꞉nia ononwaroríta.”

2 Samuel 17:14

Ne Absalom tánon ratikwé꞉kon ne ronnónkwe NIsraerʼronónke wahonhní꞉ron, “Tsi nahatenikonráieste ne Hushai ne Archró꞉non sénha ioiá꞉nere tsi ní꞉iot ne Ahithophel.” Asèken ne Roiá꞉ner roriwahniráton neh tó꞉sa ne hahatísehre ne ioiá꞉nere tsi nihothenikonráwi ne Ahithophel, káti ne nètho Roiá꞉ner nontsiérent neh enhohérase nahokarónhni Absalom.

1 Kings 22:24

Ethòne ne rotó꞉kense Zedekiah tsítres ne Micaiah niaháre, wahoranonhsáhiake, tánon waharihwanónhton, “Kát꞉ke né Roiá꞉ner Raonikonhratokénti niwakatewenhthéton tánon í꞉se tahisenitháren?”

2 Chronicles 24:21

Né Ronnontí꞉io Joash wahatiátaren nahonwateristaiénhase ne Zechariah, tánon ne kíʼ tsi nahaténhnahne ne ronnontí꞉io nonhkweʼshón꞉as wahonwanenhióhiake ne Zechariah thó atenhénrakon ne Ononsatokentiʼkówahne.

Job Tánon ne Raoronhiakensera 5:13

Tesakoʼnikará꞉ras ne ronteʼnikonrathò꞉kas ne kwáh ronónha raotinikonrathaʼtsherá꞉kon, tánon tsi nisakotinikonrá꞉wis ne ratiʼnikonrá꞉tha kwáh iostó꞉re tsi enhonatotʼtase.

Psalms 21:11

Nahontenikonrón꞉ni, tánon aiesateristaiénhase; tó꞉ka othènen ahontenikonronniánion nahonwakaré꞉wate iáh kíʼ tahonateríhwathentsiase.

Psalms 52:2

né satenikonronnihátse ne kakaronniátshera. Né senhnasáke kwáh né꞉ne kwáh iosarotíie iontkonsthonriát꞉tha í꞉ken, Tiotkonhónwe sahtsokentonhnihátses.

Psalms 57:4

Kwáh tehionkehonwaʼrónhni ne iónkshons, ne ronhnónha thóh nihatihiatóten tsi ní꞉ioht ne ónhkwe sakotiwáʼraks kénreks. Ne tsi ratinotsiótons kwáh né꞉ne osìkwe tánon kaiénkwires, né ronhnasákes kwáh né꞉ne iosarotí꞉ie.

Psalms 64:3

Né ronhnasáke thóh niiohiotí꞉ie tsi ní꞉ioht nasarekówa, thóh ní꞉ioht tsi thatiwenhnínekens ne kawenhnákʼsenhs tsi ní꞉ioht ne ahionrón꞉thate ne kanonkwahtsherák꞉sen iehióhare ne kaienkwirakénhiate,

Proverbs 18:21

Tsi nahò꞉ten enhsì꞉ron enkakwé꞉ni nakanónhstate natónhnhets, tókaʼ ó꞉ni akarihwáhtonʼte; ó꞉nenk ká꞉ti tsi enhshié꞉na tsi neniá꞉wenʼne nahò꞉ten entehsewennínekenʼne.

Isaiah 32:7

Né iakonkwetaʼheténskwah né꞉ne ratiʼnikonrá꞉tha kwáh rononkwetaʼhétken; né rontenikonrónhnis ne kwáh kariwahétken tsi nahatí꞉iere nasakotikarónhni ne iakóten tsi nisakonanowenhténhnis, iawerohátien nónho꞉wen tsi iakorihwaʼnéken ne iakóten tsi tseiériʼtse.

Jeremiah 1:19

Nonhkweshón꞉a kwáh enhiesatʼkónhten. Ók kwáh iáh tahieshaʼsénhni, asèken Í꞉i entenikwehkónhake nahontahkónhke. Í꞉i, ne Watiá꞉ner, wakatáhti.”

Jeremiah 11:19

Eh nikonhnhótenʼne tsi ní꞉ioht ne teiotinakarontónʼa owíra iakonhwahiaténhaʼwe nakonhwanonwarhiákon, tánon iáh tewakateriéntarahkwe tsi í꞉i nónhwe nihontenikonhrónnisʼkwe ne karihwahétken. Ronthónhakwe, “Ánion tewahróntsiak tsík sénha shé꞉kon iotakaríʼte; áhnion tsi tewárhio ne ne kwáh tó꞉sa ónhka ahonsahonwehiárahke.”

Jeremiah 18:11

Né káti, sehró꞉ri nonhkweshón꞉a ne Judah nónhwe ó꞉ni ne Jerusalem nónhwe tsi kahtenikonhrónnis tsi nòkwa ne rohnónha tánon katatewehienénhtas natkheréwahthe. Sehró꞉ri nahóntʼkaʼwe tsi nikariwáhneren tsi ní꞉ioht tsi rohnonhnhétie—tehontáton tsi nihatewehienʼnótens tánon tsi nahoténsons rohthihiotáties.

Jeremiah 18:19

Sók kíʼ wakahterénnahien, “Saiá꞉ner, satʼthóntek tsi nahoténsons káton tánon sathahónshaʼtat tsi nahó꞉ten rontónnions ne tehiakwahtátʼtsions tsi nòkwah ní꞉i.

Jeremiah 2:8

Ne rohkháres iáh othènenh tehoriwahnónhton, ‘Kahnónhwe níhres ne Roiá꞉ner?’ Ne kwáh Í꞉ih akonhkwéta ne rohkháres iáh tehatientéri; Ne ratiʼkoráhsons iáh tehionkewenhnahráhkwen; ne rohtitokénhse Baal rahosénnhakon tsi wahontháti tánon wahkonhwahsénnahien ne iáh othènenh tekariwástha kahiatónni.

Jeremiah 20:10

Kwáh tsík ónhka wakhathónte tsi tehiakotiénhon, “Kateronkwáhtshera tsík nónhwe níhres! Ánion káti rahtiríhton ieietʼthiró꞉ri!” Shé꞉kon ne kwáh onhkwahtenrohshon꞉a rotiráhre kíʼ nahonkeriwahnhóron. “Tó꞉ka nónhwa enwáhton ne tahonwahnikonhrahkénni,” né rónton; “Ethóhʼne entewahkwéni nahtsitewahiéna tánon ahonsehtewahkárhiaʼke.”

Jeremiah 26:11

Ethóhʼne ne rothikháres ó꞉ni ne rotitó꞉kense wahonwénhnenhse ne ohénton iehonnhéton ó꞉ni nonhkweshón꞉a, “Kí꞉ken rónhkwe tehoténtion nahonwaʼnonhwahrhiákon tioríhwa tsi wahatkónten nonhkwanáta. Kwáh tsi tesehwahonthaʼkáronthe watsisehwatʼthónteʼne.”

Jeremiah 37:13

Ók shiaʼhákehwe tsi iotenhenrahkáhronthe ne Benjamin, ne rahsenhnowáhnen ne shaʼkonikónhrahre ne ronterí꞉ios Irijah ronhwahiáts, né roʼníha ne ne Shelemiah tánon ne rohshótʼtha ne ne Hananiah, wahtátʼthaste tánon wahénron, “Sheʼhiathewenhtheʼthonhátie ne Babyloniaró꞉nons!”

Jeremiah 43:2

Ethòne Azariah ne roʼníha ne ne Hoshaiah tánon ne Johanan ne ne roʼníha ne Kareah tánon ne ronáhtsiake ne rontatʼkowáhnens ronnónhkwe wahonkwénhaʼse, “Shaʼnhowenhtánions. Ne Roiá꞉ner onhkwahNí꞉io iáh tetʼthiató꞉rion naskwahró꞉ri ne tó꞉sa Egypt nónhwe iahonshaʼhiakwahthatí꞉teron.

Jeremiah 44:16

“Kwáh iáh thaʼhiakwahtahónsathaʼte tsi nahó꞉ten thakwahró꞉ri ne rahosénhnahkon ne Roiá꞉ner.

Jeremiah 44:17

Kwáh oriwahkwékonh éhtho nenhiakwáhieʼre tsi nihionkwahrahrátston. Enhiakwáhtatʼtse ne kariwiʼiosehokónhas ne ionhkwahnonhtí꞉io ne karonhiáke, tánon entsiakwahnekáhwehron notsítsa nahiakwáhtatʼtshe, kwáh tsi ní꞉ioht niʼih nónhwa tánon ne iakhisotʼthonkonhkénʼen, ne ionhkhinonhtiʼió꞉son ó꞉ni ne ionkhihéntenhse, tsi nihatiʼhiérahkwe ne tsi kanahthaʼiéntons ne Judah ó꞉ni ne tsi tekanahtokenhéntons ne Jerusalem. Né sontahkaháwi wéso hionkwahkhwaiénthaʼkwe, hionkwahianeranstaníhaʼkwe, tánon iáh thè꞉nenh thekaiénhthaʼkwe ne tahionkwahnikonhráhren.

Jeremiah 8:8

Onhní꞉ioht tsi askwéni nashíron shanikonrowánenh tánon sehriwaientéri natianerénsehras? Sehwatʼkátho, ne kaianerénsehras ne tehotiteniónkwen ne iáh tehotiriwahkwahríshions ratiʼiátons.

Lamentations 3:62

Kontatiésons Í:i hionkʼtharákwen ó꞉ni tsi nihontenikonrónnis.

Ezekiel 7:26

Tse tsiononterásehrons ne kariwaieshá꞉tsheras, tánon ioriwató꞉ken tsiʼnihioʼnáhote ne kariwáksens entewawéronhke. Kwáh ensehnéken ne rotitó꞉kense nahatirihotáshi tsi nahó꞉ten nohénton thonatʼkáton. Ne rotikháres kwáh iáh thahóten tahotiʼiéntake nashakotirihónnien nonkweshón꞉a, tánon ne rotitstenhokónhas kwáh iáh tahóten tahotiʼiéntahke nashakonatenhnikónhron.

Leviticus 10:11

Tánon sateriwaiénhni nasherihónhnien nonhkweshón꞉as Nisraerʼró꞉nonhke akwékon ne kaianerénsehras tsi nishakothatíhon ne Roiá꞉ner ne ronónha tsi nitsawénon rahonháke ne Mahís.”

Micah 3:6

Ne káti aorì꞉wa ne sarihwà꞉ke thóh nienhiotónhake tsi nahtetiò꞉karas ne tsi niwasónhtes, iáh othé꞉nen thatahonshesatierónhnionse, tánon thentsokaráseke ne sarihwà꞉ke, iáh othé꞉nen tahonsaiesarihotháshien; Ienkará꞉kwenhne rononhà꞉ke ne rotitokénhse, tánon ne tsi niwenhní꞉seres thentsiokaráseke ne raotirihwà꞉ke.

Micah 3:7

Ne rotitokénhse kwáh enhonwanatehá꞉te, né ronthiatonserátkenhse kwáh enhonwanateháte; kwáh ratikwé꞉kon rontsá꞉nakes enhónste tsi enhatiró꞉roke ne tsi ratisaká꞉ronhte, tsiórih tsi iáh tehatiié꞉nas ne tekarihwasehrá꞉ken ne Ní꞉ione nahontá꞉we.

Malachi 2:7

Aseʼkénh tsi ratihshaká꞉ronte ne ratitsihènhstatsiʼs aó꞉wenk naionteweièn꞉tonke nattokháhtshera, tánon nonkwehshón꞉ʼahs aó꞉wenk naiakéhsake ne karihonnienníhtshera ne tsi rahshaká꞉ronte, aseʼkénh ráonha rorihwakarenién꞉nis ne Sakoiá꞉ner ne ronterí꞉ios ratironhiaʼkehró꞉nonʼs.

Luke 11:45

Ethone oni otiake ne sakotirionnienni taontati, ȣahonniron: Seȣenniio! Takȣasentenni oni nii tsinaten saton.

John 9:40

Neh ȣaonni otiake ne Pharisian netho ronneskȣe, ȣahonȣariȣanontonse, ȣaonniron: Nok nii, teiakȣaronȣekon oniken nii?