Jeremiah 18:13 - Ohiatonhseratokénti

¹³ Ne Roiá꞉ner ráton, “Sehrihwanónhtons nonhkweshón꞉a nonhwénhton kén né nikarihó꞉ten eh nahiawénhʼen Nonhkweshón꞉a ne Israel iorihwatsáni tsi nihonatiéren!

Jeremiah 18:13 ပူးပေါင်းရင်းမြစ်များ

Isaiah 36:22

Ethó꞉ne ó꞉nen ne Eliakim né roienkénʼen ne Hilkiah, rahónha né roterihóntaʼkwe ne tsi kanontiʼiotseráien, tánon ne Shebna sakohiatónhnikwe, tánon ne Joah né꞉ne roienkénʼen ne Asaph, Shebna, tánon né Joah rahónha ne rakaraientérikwe tsi nitsawénon, iahohiató꞉rene ne Hezekiah ne raotserón꞉nia ioterátionkwe, tánon wahorioriánion ne raowenhnashónhas ne Hezekiah.

Isaiah 66:8

Ónhka kén iakorihwarónhken né thóh ní꞉ioht? Ónka iakotʼkáton né thóh ní꞉ioht? Ahónton kén nonwénhtsa ahonná꞉kerate né sewenhniserákok akénhake? Ahónton kén né iakahontsaʼkeró꞉nons ahonsahiontateniákente né kénk nakariwésonhke? Eʼthohʼsàne né kwáh tsi niʼiosnó꞉re né Zion wakaroniáken wahakonákeratsʼte nakoiohʼokónha.

Jeremiah 14:17

Ne Roiá꞉ner wahakéʼnhane nakʼkheró꞉ri nonkweshón꞉a nakenikonhrakséntshera tánon nahkíron: “Aiáwens ne karáhke tahontnahwénhte ne okásehri tsi niwenhnisehrésons ó꞉ni tsi niwahsontésons, tó꞉sa nonhwénton akátʼkahwe tsi tekaséntʼthos, asèken nakonkwetaʼshón꞉a kwáh í꞉ken tsi ronatkarewáhton tánon kwáh wahetkenstsí꞉en tsi nihotironhiáken.

Jeremiah 18:14

Ne kwáh tsionitsténrahtes ne Lebanon nonhwénhton kén ne iáh tahiotenieʼtharáhke? Ne tsi kahionhatáhtie ne tsi tsionónhthe nitsawéhnon nonhwénhton kén nahiostátʼtenke?

Jeremiah 23:14

Ók sénha wahétken wahkatkáton ne Jerusalem nónhwe tsi nihothiʼiéren ne rotitokénse: wahontenakwaʼiésaʼte tánon wahonnonhwenhtánion; wahshaʼkothiʼiénawahse nonhkweshón꞉a ne wahétken tsi nahatiʼieráhnion. Ne ne tó꞉sa ónhka ahióntkaʼwe tsi nihontiérah ne kariwahétken. Nakonháke kwáh rahtikwékon tsi ronnonhkweʼtahétken tsi ní꞉ioht nonhkweshón꞉a ne Sodom tánon ne Gomorrah.

Jeremiah 31:4

Shé꞉kon énska iesehwáhteratsʼthe nahonshakwahriwahsehrónnien. Shé꞉kon énska iesehwáhteratsʼte tentsisehwáhkwe ne ienahkwahétʼtha tánon kwáh athonnahrahkwahʼtsherákon tsi tenʼtsisehwahniónniaʼkwe.

Jeremiah 5:30

“Karihwáksen ó꞉ni tiothónnek tsi naháwenhʼne tsi ionwenhtsiáte:

Lamentations 1:15

“Ne Roiá꞉ner wahostériste ne kwáh tásaste nakonkwéta raterí꞉ios; Ronterí꞉ios tasakothéniete nasakóthonte nakonkwetaʼsónhas nithotihiónsas. Wahtesakoskwáseron nakonkwetaʼsónhas tsi ní꞉ioht ne tsi tehionhiarithákwa noʼnénhare káhik.

Hosea 6:10

Nonkweshón꞉as Nisraeró꞉nonke wakatká꞉ton ne iatetsoketó꞉te ioterihwatéha; ne Ephraim ahonkwè꞉ta ne wathokóktha thóh nón꞉we nikentéron, ne Israel tekonwaiathatiónston.

Amos 5:1

Ne Amos wahèn꞉ron sewatahónsahtat kí꞉ken karén꞉na tsi nathenkwahrihwáhkwahse O tiónkwe Nisraerónons:

Amos 5:2

Konwanonhwarhiá꞉kon, iáh ó꞉nen thatahonsakátane, né꞉ne iáh tekanakwahienté꞉ri Israel; konwatewenhtéton naónha ahonhontsá꞉ke, iáh tehiahonkweʼtaien nakonwasnié꞉non tahonsakátane.

1 Corinthians 5:1

Nónʼwah, kwàse tsi nihónen né tsi ononwahroríta kanakwaiesháh꞉tshera tsi nisewahtiéra thóh nió꞉re tsi teiotenonianíton akwékon ne iáh tethohnetákwen iáh kíʼ nèn꞉ne tahotinontáh꞉nake. Ionkróri rónkwe skát꞉ke ianónwets ne ieseshahkonisténha!

1 Samuel 4:7

ne Philistines wahotíʼteronhne; asèken wahonníron, “Ní꞉ioʼokónhas wahón꞉newe tsi watoseróhtons.” Kwáh ó꞉ni wahonníron, “Ionkwentenhtá꞉sere! Asèken iáh nonwénhton kí꞉ken thotetsawénhon.