Jeremiah 17:5 - Ohiatonhseratokénti

⁵ Ne Roiá꞉ner ráton, “Enkheréwahthe tsi nihiákon nenhionkatkarahténi tánon onhkweshón꞉a enhonwatiʼniahesénhake, ne ne ahoshastsʼtenseráhkon ne kenhéion.

Jeremiah 17:5 ပူးပေါင်းရင်းမြစ်များ

2 Chronicles 16:12

Né áhsen-niwáhsen tióton shiʼioserakehátie sihononhtí꞉iokwe ne Asa, wahasithakénheʼie tsi natehiotenonhianíton waʼkanhratárihne ne ionhshí꞉take; ók iáh kíʼ shé꞉kon Roiá꞉ner nòkwah tsesawénon nahoiénawaʼse, ók ronhtétsients washakoniáhese.

2 Chronicles 32:8

Ónhkwe né akoshastsʼténhsera ró꞉ien, ók ní꞉i Roiá꞉ner onhkwah Ní꞉io enshonkwahiénawaʼse tánon enshonkwahterí꞉iohse.” Nonhkweshón꞉as waʼhakonikonhrahníra tsi nikawenhnoténshons ne ronnonhtí꞉io Hezekiah ne Judah waʼhenrónhnion.

Psalms 18:21

Asèken waʼkatienawáston ne raotiawenrátseras ne Roiá꞉ner, tánon iáh tewaʼkeriwanerahákskon ne tahonshonkatkaraténion rahonháke ne Rawenni꞉io.

Psalms 62:9

Nón꞉kwe ne teshonhtsérens tsi ní꞉ioht ne iahiakotonhniserón꞉ti; tsi niháti ne toʼnatonhkwetatónhnions iáh othènon tehatirihwásthas; nasehkonhtseriháren; né ratikwékon iatahonwaʼtí꞉ieste sénha iáh tehotiʼhiátatste tsi ní꞉ioht ne iotewerahrátses.

Isaiah 2:22

Tonsashewatkaraténi tsi nón꞉we nihón꞉nes nonkweʼó꞉kons, aséken ne ronónha nék khók tsi ronhnonhniseráhien tsi tehatiʼnionhkáronhte, asèken tók néh satehón꞉nas ne ronhnón꞉ha?

Isaiah 20:5

Tánon kwáh kí enhonhnikonrótʼten tánon enhontéhen né꞉ne Cush entkarihónhni né꞉ne raoʼnararát꞉tshera tánon ne Egypt ne tehonthaʼterenhsaronhkwátha.

Isaiah 36:6

Satʼkátho, né sehniaʼhésen Egypt, né꞉ne tehiotienkwí꞉riakon ne tehiothennitseriákon, nètho tehiakotsanawéhesʼte nónhka thóh enhiontsiatanéntatʼte. Tsi ní꞉ioht ne Pharaoh né ronnontí꞉io ne Egypt ratikwékon rahónha ronwaniaʼhésen.

Isaiah 59:15

Noriwí꞉io í꞉ken né tioteríhokʼte, tánon ónka akénhake tahonsahiontkaraténi tsi nó꞉kwah ne karihwahetkénsera wahonthaʼtenenhskwenháton. Né Roiá꞉ner wahatʼkátho, tánon iáh tehawerientiʼióhon né tsi iáh tekáien ne tkarihwaiéri í꞉ken.

Jeremiah 11:3

ne tsi Í꞉i, ne Watiá꞉ner Khení꞉io ne Israel, wahkheʼiénhaʼse ne karewahtátshera kwáh tsi niaʼtehionkwétahke ne iáh tahiontewénhnarahkwe tsi nikawenhnóten kí꞉ken ateriwahsehronniátshera.

Ezekiel 6:9

Ethòne nónenh ienhonwahnahnakerahkwáhthon tsi ienahkerénions nonhkweshón꞉ʼa ne tsi ionwenhtsáte, kwáh entionkehiárahne. Kwáh enhatiʼiénterehne tsi niwahkenikonhráksens tsi iáh tehonerhiashaʼtóken tánon titkáhere natehénsera ne ratikaráhkes ne tsi nikonhwahnaskáneks nakorénsons kahiathonnisónhas. Ethòne nonàken enhiahónniaʼte kwáh enhontátstion tsewahkwékon ne rahotiriwahnerahháktshera.

Hosea 1:2

Nó꞉nen ne Roiá꞉ner shontonhtsérenhte wahatá꞉ti rahonhà꞉ke ne Hosea, ne Roiá꞉ner wahawénhase ne Hosea, “Wás, ne sathateniatʼthen ne wathenawaiesátha tánon ne sawiraientháseron ne kontenakwahiesátha, asè꞉ken ne tsi ionhontsá꞉te ne ioterihwathéntion ne kowá꞉nen kanakwahieshá꞉tshera ne tsi ronwatewentéton ne Roiá꞉ner.”