Jeremiah 17:27 - Ohiatonhseratokénti

²⁷ Ók ónenk tsi enhionkewénhnarahkwe tánon enhatikwéniensʼte ne tsatákhaton nónhta ne tsi iawenhthatokénti. Kwáh iáh tehiówenhk ne thènenh ahathikaréni ne iorhiénatsthe ne tahonnhóhetsthe tsi iotenhenrahkáronthe ne Jerusalem né nenhwenhniseráhteke, asèken tó꞉ka éhtho nenhatíhiere, kwáh enkahté꞉kaʼthe ne tsi iotenhenrénton ne Jerusalem. Enwahtenonhkwentsahatónhake tsi rotinonhsóhtons ne rontinonhtí꞉ios ne Jerusalem, tánon kwáh iáh ónhka thahiekwéni nahiónswahthe.”

Jeremiah 17:27 ပူးပေါင်းရင်းမြစ်များ

2 Kings 22:17

Onkʼkenronníʼon tánon kwáh iehonatʼkáwen nahonwaʼnateskóntʼthaʼse nakorénhsons niʼiohokónhas, tánon ká꞉ti waʼhonkenakónʼni né naʼkwé꞉kon taʼkakwé꞉te tsi niʼonatseráhnion. Nakenaʼkwáhtshera waʼkatsironni tsi nòkwah ne Jerusalem, tánon iáh tsataʼonsakenteróntaʼne.

2 Kings 25:9

Wahatenonkwatetʼte ne Ononsatokentikó꞉wa, ne tsi kanontiʼiotseráien, tánon ne tsi rotinonshótons ne thó natonkwetaʼtónhnions ne Jerusalem,

2 Chronicles 36:19

Wahatenonkwénhtaʼwe Nononsatokentiʼkó꞉wa tánon ne kanatowanénhke, akwé꞉kon ne kanontiʼiótshera tsi kanonshó꞉ton ó꞉ni nahokwahséhtshera, tánon waʼthasonhtarihthánion ne tsi tewaʼsonthothaʼkwe ne kanatowanénhke.

Psalms 122:7

Skénnenk kénhak ne tsi sathenhenró꞉tons, tánon ahiorihwaníronhke ne tsi satenikatótons.”

Isaiah 1:20

Ók tó꞉ka ensaterahiátaʼkwe tánon enskatkónten, kwáh kí asarekówa ensanonwaríhakon; asèken ne Roiá꞉ner rotatíhon.

Isaiah 1:31

Tánon ne rahshátste rónkwe thóh nenhotiʼiátahwenh tsi ní꞉ioht ne ioientá꞉ten tsi niiostó꞉re ióteks, tánon ne rahohioténhsera tsi ne ní꞉ioht ne watʼtsirahtón꞉kwas; ronónha tánon ne raotiʼiothénseras skát꞉ne tsi enhontsatátʼtsa, tánon iáh ónhka tahiekwéni nahonsaionswáhthe.

Jeremiah 17:24

“Sehró꞉ri kíʼ onhkweshón꞉a ónenk tsi enhonthahonshaʼtháthe akwékon tsi niʼwahkahtennáhon. Kwáh iáh othènen tahathikaréni norhièna ne tahonnóhetsthe tsi iotenhenrahkáronte kíʼ kénʼen kanátaien ne tsatákhaton nónhta. Ónenhk tsi enhonnenhtaʼnóronsʼthe ne tsatákhaton nónhta ne tsi iawenhtatokénti tánon kwáh iáh othènen thaʼhotihióten.

Jeremiah 17:4

Ónenhk tsi enshaʼtsakwahríshion nonwénhtsa tkhonhiáwi, tánon kwáh enkonhiónnien nasehhiótenseh ne tesehwatátʼtsions ne tsi tionhontsáien ne kwáh iáh othènen tesehwariwahientéri, tioríwa naʼkenahkwáhtshera thóh ní꞉ioht tsi ní꞉ioht ne ótsire, tánon tsi nénhwe tsi enhiotékʼkhaʼke.”

Jeremiah 18:1

Ne Roiá꞉ner wahakénhase,

Jeremiah 21:14

Ók enkonhréhwaʼthe ne tsi nisahtiéren. Enʼkatenonhkwahtékʼthe tsi sahnónhsohthe, tánon nótsireh akwékon enwátʼtsahaʼte nakthatsieshón꞉a. Í꞉i, ne Watiá꞉ner, wakatati.”

Jeremiah 22:5

Ók tó꞉ka iáh tashaʼtewénhnarahkwe naʼkerihwahtátʼtshera, kwáh sehriwahienteríhak tsi wahkathaʼteriwahniráhti nètho kénʼen rononhtí꞉io ronónhsohte tsi kwáh tenwahréhni tsi nenhkariwénhtahne. Í꞉i, ne Watiá꞉ner wakatáti.

Jeremiah 32:29

tánon enhatitsiró꞉ten. Kwáh enhontenonhkwahtette, tienwahkwekónhaʼke ne tsi kanonhsóhtons tsi nónhwe nonhkweshón꞉a nihionkenahkonhníhon tsi wahkonwaʼtienkwahronniáten ne Baal ne karonkwenahkésons ó꞉ni tsi tahathinekáhwehron notsítsa tsi wahonwahtítatʼtse nohiáson niʼiohokónhas.

Jeremiah 39:8

Tsi nikaríwes, ne Babyloniaró꞉nons wahontenonhkwaʼtekthánion ne tsi rohnónhsohte ne ronnonhtí꞉io ó꞉ni tsi rohthinonhsóhtons nonhkweshón꞉ʼa tánon wahthonshontharihthánion ne tsi tekahnahthatátʼthonkwe ne Jerusalem.

Jeremiah 44:16

“Kwáh iáh thaʼhiakwahtahónsathaʼte tsi nahó꞉ten thakwahró꞉ri ne rahosénhnahkon ne Roiá꞉ner.

Jeremiah 49:27

Entsiró꞉ten ne tsi tewahsónhthoʼte ne tekanahtanátʼton ne Damascus tánon enkatenonhkwáhtektaʼnion ne Ronhnontí꞉io Benhadad tsi ronnónhshoʼte. Í꞉i, ne Watiá꞉ner Keshastsʼtenserowáhnen, wakatáti.”

Jeremiah 52:13

Wahatenónhkwahtekʼte Nononhsatokentiʼkówa, tánon ne tsi rohnónhsohte ne Ronhnonhtí꞉io, tánon ne tsi rohtiʼnonhsóhtons ne ronhnonhkweʼtowáhnenhs ne Jerusalem;

Jeremiah 6:17

Ethóhʼne ne Roiá꞉ner wahshakohiataráhko ne ronterí꞉ios nahonthahónsahthate nahonthakawenhnóthaʼne ne iehonráwatsthe. Ók wahonníron, “Iáh tahiakwahtahónshathaʼte.”

Jeremiah 7:20

Ne káti, Í꞉i, ne Wakenonhtí꞉io Watiá꞉ner, kwáh entʼkáweron nahkenahkwatsherowahnhátshera ne kénʼen Ononhsatokentiʼkówaʼne. Kwáh enthekhehiawerónhase nonhkweshón꞉a tánon kwáh sahtenhiothónhake ne konhtiʼtshénenhs, iekaníhare ó꞉ni ne tsi iorontó꞉tons tánon ne kaienthóhtsheras. Nakenahkwátshera thóh nenhióthon tsi ní꞉ioht nótsire iáh ónhka tahkakwéni nahónswahthe.

Lamentations 2:6

Wahtaritánion nononsatokentíke tsi nónwe nisakwasennaʼientákwaʼkwe; Wahátʼthonte ne awentatokentísons ó꞉ni neh tsiatakátons. Ronontí꞉io ó꞉ni ne ratsihénstatsi ahkénhake wahóntʼtoke ne rahonhakwátsera.

Lamentations 4:11

Ne Roiá꞉ner kwáh thokén:en tsi kasastenserakwékon tahátkaʼwe ne rahonhakwátsera; Wahatsiróten ne Zion nónwe kwáh ohontsiáke wahónni.

Ezekiel 16:41

Kwáh enhontenonhkwénthawe ne tsi sanónhsohthe tánon kwáh ionahtiokowáhnen ne konhnónhkwe enkhontkátho ne sharehwahtátshera. Tenhkóntasthe tsi sariwahiathathónhon tánon tenkhóntasthe tsi nisehʼhiawíhons ne saskarehókonhs.

Ezekiel 21:15

Iakahonniénhnis nakonhkwetashón꞉ʼa nahionhnikonhrókten tánon nahiehiatiénenhne. Né khenenhrothaníhtha ne raothinahtowáhnen nasarehkówa ne tekenthonkwahríktha tsi ní꞉ioht ne tahonnhinekaráhwe tánon iothateweiennenhtáhon naiakononhwahrhiákon.

Ezekiel 21:3

Né Í꞉i, ne Watiá꞉ner kathónhnions: Í꞉i ne kónhsonhs. Enkahsahró꞉tsion nakahsarehkówa tánon sewahkwéhkon enkwahnonhwahrhiákon, ne iakohiánere tánon ne iakoriwáhneren sahtenhiothónhake.

Ezekiel 22:8

Waskénron ne iotokéntis nakawenhsónha, tánon iáh tesenhtanorónhston nawenhthatokentíke.

Ezekiel 23:38

Tánon iáh éthok khók tèken tsi nihionahtséren. Iotihetkénton nakenonhsatokentikówa tánon tehiotihiákon nawenhtatokenhtíke, né tsi niwaktokénston.

Hosea 8:14

Ne Israerʼró꞉nons ronwahiatanikonrénhen ne sakoiatí꞉shon, tánon kanonsanó꞉rons ronatenonshonhniá꞉nion; tánon ne Judah wé꞉so nenhʼné꞉e tsi iakaiestánion watkanatanakʼkon ne kanatowanénkens; ók ó꞉tsire kí nenhné꞉e ienkaténiete nahonatákons, tánon enwatsahathánion ne tsi wathenhenró꞉tons.

Amos 1:10

Kwáh katíʼ ienkaténniehte nó꞉tsire ne tsi watenʼèn꞉rote ne tekanatahnákton ne Tyre, ó꞉tsire enwátshaʼahte ne watenʼèn꞉rote.

Amos 1:12

Ká꞉ti kwáh ó꞉tsire ienkatenniéhten ne Teman, tánon ó꞉tsire enwátshaʼhte ne tsi watenʼenhró꞉tons ne tekanatahnáktons ne Bozrah.

Amos 1:14

Kwáh katíʼ enkhtsiró꞉ten ne tsi wateʼèn꞉rote ne Rabbah, ó꞉tsire enwátshaʼahte tsi watenʼèn꞉rote ne tekanatahnákton, teniakohén꞉rehte ne wenhniserá꞉te nenionterí꞉io, ne nenkawerowanénhake né꞉tho enwenhniserá꞉te tsi tenkaweratá꞉se;

Amos 1:4

Ká꞉ti ó꞉tsire ienkaténniehte tsi thonónhsote ne Hazael, tánon kwáh enwátshaʼahte ne tsi roteʼèn꞉rote ne Benhadad.

Amos 1:7

Ká꞉ti kwáh ó꞉tsire ienkaténniehte tsi wateʼèn꞉rote ne tekanatahnákton ne kanatowanèn꞉ke ne Gaza, ó꞉tsire enwátshaʼahte nétho watenén꞉rote.

Amos 2:2

Ó꞉tsire ienkatenniénhten ne Moab, tánon kwáh enwátshaʼahte tsi watenʼènhró꞉tons ne Kerioth, tánon ne Moab kwáh enkénheie thóh shaʼtekanenhrí꞉hen tsi nateiakohenréhtha, thóh tsi satekanenhrihen tsi tehiakohenréhtha tánon tsi nikontiwèn꞉note ne iehonrawatstáhkhwa;

Deuteronomy 32:22

Nakhenakwáhtshera kwáh tenwanitonkwahnékare tsi ní꞉ioht nó꞉tsire tánon enwaʼtsaháthe akwé꞉kon ne tsi ionwenhtsà꞉te. Ienhwá꞉we nó꞉thake tiohontsá꞉te tánon enwatsaháthe ne tsi katerahthénions ne tsi iononhtarón꞉nions.

Hebrews 12:25

Shatatenhnikónrahʼrak, káti, tóh꞉sa shatarónti natiatahónsatathe tsi nikáien ne róthaʼre. Tsi niháti nenhontarónti nahonwahtahónsatathe tsi nithohtkáwenh ne Rawenni꞉io raoteriwahnotáhtshera ne tsi ionwentsiáte iáh tehothiniakén꞉en. Thóh ní꞉ioht tsi sénha káron nahitewahniákenʼne, káti, tóhkaʼ entsitewahtaróntiense tsi nikáien ne karonhiáke nónwe thathá꞉re!