Jeremiah 17:24 - Ohiatonhseratokénti

²⁴ “Sehró꞉ri kíʼ onhkweshón꞉a ónenk tsi enhonthahonshaʼtháthe akwékon tsi niʼwahkahtennáhon. Kwáh iáh othènen tahathikaréni norhièna ne tahonnóhetsthe tsi iotenhenrahkáronte kíʼ kénʼen kanátaien ne tsatákhaton nónhta. Ónenhk tsi enhonnenhtaʼnóronsʼthe ne tsatákhaton nónhta ne tsi iawenhtatokénti tánon kwáh iáh othènen thaʼhotihióten.

Jeremiah 17:24 ပူးပေါင်းရင်းမြစ်များ

Exodus 15:26

Wahénron, “Tó꞉ka kwáh tohʼkènʼen enskwahʼwén꞉narahkwe tsi thóh nenhsewáiere tsi nahó꞉ten íkere ne tkariwaiéri tánon ensewateweiénton nakeriwaʼtáʼtseras, Iáh kíʼ thènnenh thaʼkwahréwaʼhte ne kannrahʼtariné꞉tsheras tsi né niʼkhehiérahse ne Egyptró꞉nons. Í꞉i, ne Watiá꞉ner, tsi nikáien né tsi skwatsiéntha.”

Exodus 20:8

“Sehwehiárak ne tsaʼthakʼháton nónhta, sewenhniseratoʼkéntist.

Isaiah 21:7

Nó꞉nen enshakóken kosáhtens tahotishátenhtie, tsoianátʼtions, tewahóntes tahotishátentse, ioʼtiniakwáher tahotishá꞉tenʼtse, tseríhon kwáh hátʼta tsi raʼtenhnikonráhren, kwáh raʼtenhnikonráhren.”

Isaiah 55:2

Nontiéren tsi né sewatʼwistatieshátha tsi nahó꞉ten né iáh kanatarotèken, tánon né satatsiothénston tsi nahó꞉ten ne iáh thaʼhiakawerientí꞉io? Kwáh ioianeré꞉hak tsi takwatahónsatat, tánon ne í꞉sewak tsi nahó꞉ten ne ioiánere, tánon né sathaterientiʼiósthen ne kwáh tkatʼkwí꞉io.

Ezekiel 20:20

Ne tsiónhniat nawenhthatokentíke nahiotokentónhake, káti né nawéneste nateriwahsehronhniátshera ionhkwáhshon, ó꞉ni ensewehiaráhkwen tsi Í꞉i ne Watiá꞉ner sewah Ní꞉io.

Zechariah 6:15

Ronhnón꞉kwe nahinónhson nón꞉we thathinahkerénion eʼthò꞉ne nahonshahatinonhsón꞉ni ne Raononhsatokénhti ne Roiá꞉ner. Tanon nó꞉nenh enskanónhshison, enshaterienʼtá꞉rahne né꞉tho tsi Roiá꞉ner iehakató꞉rion ne shonhà꞉ke. Tóh꞉ki nenhiá꞉wenhne tó꞉ka kwáh entiewén꞉narahkwe ne Roiá꞉ner Saní꞉io.

Deuteronomy 11:13

“É꞉tho káti, sewatewénhnarak kí꞉ken kariwatà꞉tsheras ne thakwawí꞉hon nón꞉wa wenhniserá꞉te; tsi sewanorónhkwak ne Roiá꞉ner sewaNí꞉io tánon seweriasakwé꞉kon tsi tsisewahiò꞉tens.

Deuteronomy 11:22

“Sewatewénhnarak tsi taseweʼtahkwénhak orihwakwé꞉kon tsi nakwahró꞉ri: Tsi sewanorónhkwak ne Roiá꞉ner sewaNí꞉io, thóh naʼsewá꞉iere tsi nihá꞉ton, tánon sewariwató꞉kenk tsi nokwáh ne raónha.