Jeremiah 17:23 - Ohiatonhseratokénti

²³ Ne shaʼkothisotʼthonkonhkénʼen iáh tehionkathahonshatáton iáh ó꞉ni thènen karíhwa tehonnónhni. Khèkok, wahontenontsisthanírahʼthe; iáh tehionkathahonshatáton iáh ó꞉ni thènen tehothiweienthetáhon nakonháke.

Jeremiah 17:23 ပူးပေါင်းရင်းမြစ်များ

Psalms 50:17

Asèken iáh tesenón꞉wes naiesatakwaríhshion, tánon í꞉seh iesá꞉tses nakewenhnahókons.

Proverbs 1:3

Ensarihónnien tsi ní꞉ioht tsi ahsónhnheke ne tkaié꞉ri, aontesarihwaié꞉rike tánon aiesarihwakwarihshiónhake.

Proverbs 1:5

Kí꞉ken karihonnienníhtshera enká꞉nahne attokháhtshera sénha enhotiʼnikonhrowáhnha ne rotiʼnikonhrowá꞉nenʼs enhshakotiʼnikòn꞉ron ne ronateweiénhston.

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Proverbs 5:12

tánon enhsí꞉ron, “Oh niiotié꞉ren tsi iáh nonwén꞉ton tshiakeweientéhtaʼne? Oh niiotié꞉ren tsi iáh nonwén꞉ton tewakathontá꞉ton nónhka aiontianakwaríhsi?

Proverbs 8:10

Né꞉ʼe será꞉ko nahò꞉ten enkonrihónnien né꞉ne iá꞉we kahwistarà꞉ken; ne será꞉ko ne karihonnienníhtshera tsi ní꞉ioht ne kwáh tioiánere ohwistanó꞉ron.

Isaiah 48:4

Né aoríhwa waʼkateriéntaraʼkwe tsi niʼsewahtenikonrakʼsáton, tánon ne sewahniá꞉rake karisthá꞉tsi sewahtsinonʼiátare tánon ne sewahkenkwaráke otsínekwar niʼkaristó꞉ten í꞉ken,

Jeremiah 11:10

Thóh nionsahónʼne tsi nithatiʼriwahneraháksʼkwe ne sakothisotʼthonkonhkénʼen, ne ne iáh tehonatʼthontháton ne èthoh nahatíhieʼre tsi niwáhken; né wakonhwathisénnaien ne thikáhionk niʼiohokónha. Tetsáron ne Israel ó꞉ni ne Judah tehotihiákon ne ateriwaʼsehronniátshera tsi nikhesenhénni ne sakotisotʼthonkonhkénʼen.

Jeremiah 19:15

nètho ne Roiá꞉ner Roshaststenserowáhnenh, ne ne Israerʼró꞉non sahkohʼNí꞉io, ráhwenh, “Entétkhaweh ne kén nónhwe kíʼ tsi kanahtowáhnenh tánon ó꞉ni ne aktatsesónhas kanahtaʼiénton akwékon ne karewahtátshera tsi ehʼnénhtiereh tsi niwáhken, tioríhwa tsi nisehwaʼnonhtsistaníron ó꞉ni kwáh iáh tesehwahthahónsahtats tsi nikáton.”

Jeremiah 32:33

Wahonkatswahthénien; ethosáne iewatkonhtáhkwen kherihonniénni, iáh kíʼ tahontahónsahthaʼte ó꞉ni nahatiʼweienthéthaʼne.

Jeremiah 35:15

Iewakʼkhonthákwenh ieʼkhehiathó꞉res tionháke nahkhenhátsheras ne rothitó꞉kenʼse, tánon ietʼtsiró꞉ri naʼisehwahtiakwahríshi tsi niʼsehwahweienʼnáksens tánon ne sehwahióhten ne tkariwahiéri. Ietʼtsiretiarónhon ne tó꞉sa aietʼtsisénhnaien ne thiʼkaniʼioserahténions, ne ne iaʼisehwahkónthaʼkwe thóh nónhwe naʼisehwenhterónthaʼke tsi ionhwénhtsaien ne tkwáhwi ó꞉ni ne ietʼtsisotʼthonkonkénʼen. Ók kíʼ iáh teʼskwahthahonsahtáton iáh ó꞉ni karíhwah tetionníhon.

Jeremiah 5:3

Oriwihiohónwe ne Roiá꞉ner tsi né réhsaks ne tewehthákwen. Iahién꞉ton, ók iáh othènen karíhwa thesónni; wahthiaskwahséhrahkwe, ók iáh teshathontháton nahishaweienthetháhon; Shanonhtsisthaʼníron tánon iáh thathetsisatkarahthénion tsi nòkwa ne sahriwahnerahákʼtsheras.

Jeremiah 6:8

Jerusalemró꞉nons, kí꞉ken ne tekanikónrahre né ahisharonkáten, tó꞉ka iáh enkonhiatewénhthete; Ne tsi sahnahthowánenh ne enkónhniathe ne kahenthakeʼkó꞉wa, tsi nónh ne iáh ónhka teienáhkere.”

Jeremiah 7:28

Kwáh ensheró꞉ri ne raothitiókwa tsi iáh tehionkewenhnaráhkwa, ne Roiá꞉ner raotiʼNí꞉io, tó꞉ka ó꞉ni thonónhwe nihatiwehienthétah tsi nihonatʼrewáhton. Ne kariwahkwarishón꞉tsehra iawenhéion. Akwékon ónenh iáh tetietharáhkwa.

Ezekiel 20:13

Ók ki shé꞉kon ki ó꞉ni ne kahentakekowa wahontsenhnaksate. Wathá꞉tihiake natianerensehras tánon wahatikenron nakeriwahtátʼtsheras, né꞉ne tkáhas natónhnhets nónhka enhiontewénhnarahkwe. Kwáh í꞉ken tsi iáh tehotikweniénston nawenhtatokéntike. Kwáh wakathateweiennenhtáhonʼne nahóntʼtoʼke ne kashastsʼtenseranánon nakenahkwáhtshera thóh ne kahentakekówa tánon akhehiathónton.

Ezekiel 20:16

Wakaráhratsʼte tioríhwa tsi wahatikénronh nakeriwahtátʼtsheras, wathatíhiake natianerénhsehras, ó꞉ni wahathihétkente nawenhtatokénhtike—ne tahathiráhko né akonhwathisénhnhaien ne kahiatonhnisónhas.

Ezekiel 20:21

“Ók nètho ratinekwenhsathá꞉tse kwáh nònhne ionhtsenhnaksáton. Tehothihiákon natianerénsehra ó꞉ni nakeriwahtátʼtsheras, tsi nitkáhas natónnhets nónhka nenhkonhwathiwénhnarahkwe. Rothihetkénton nawenhthatokenhtíke. Wakatatewehienhnenhtáhonhne nahóntʼtoke ne kwáh kashastsʼtenseranáhnon nakenahkwáhtshera thóh nónhwe ne kahentakekówahʼne tánon ratikwékon akhenonhwahrhiákonʼke.

Zephaniah 3:7

Waʼken, “Orihwiiohón꞉we tsi kwáh ensetkweniénstake tánon enshéna naká꞉wenk ne tiakohaharáhtha. Káti iáh tahonatsiatʼse tsi nón꞉we nihatinákere akwé꞉kon nienhatiié꞉na tsi nahoʼténhsons káhi ne rononhà꞉ke.” Ók iostó꞉re tsi wathatí꞉taʼne tánon iahontashónteren wahatirihwahetkénte akwé꞉kon tsi nihonatiéren.

Acts 7:51

“Tsi nisanontsistaníron!” ne Stephen hiahatasónteren tsi róhtare. “Tsi niseweriasák꞉sens, tsi naʼtesewahontakwékon tsi nòkwa ne Rawení꞉io rahoteriwanothátsera! Kwáh tsietʼtsiʼiéren ne ietʼtsisottonkonkén꞉ens: í꞉se ó꞉ni iáh nonwénton thetsisewawenʼnarhákwen ne Ronikonratokénti!

Judges 6:10

Wakwahróri tsi Í꞉i ne Watiá꞉ner Sewaní꞉io íken tánon kwáh tó꞉sa aietʼtsisénhnaien ne Amorʼró꞉nons rahotiní꞉ios, né꞉ne roʼnónha rahononhontsáke nónhwa nónhwe nisehwénhteron. Ók tó꞉ka iáh thaskwahthahonsatháthonke.”