Jeremiah 17:18 - Ohiatonhseratokénti

¹⁸ Tahséhʼhion ne atehénsehra tsi nikáien ne ionkeronhiakéntha, ók sastsiatáko ní꞉i Saiá꞉ner. Sehnánonks ne kateronkwáhtshera, ók tó꞉sa ní꞉ih tatʼterónkwen. Thaséhion ne karihwaʼiesáhtshera tánon tesehiathárit.

Jeremiah 17:18 ပူးပေါင်းရင်းမြစ်များ

Job Tánon ne Raoronhiakensera 16:14

Ratkarewatánions thó꞉ka nathontahatasawá꞉nion; thontahakaráthate tsi ní꞉ioht ne raterí꞉ios.

Psalms 35:4

Saiá꞉ner, sehsénhni tánon sehkénron tsiniháti ne ronhteniént꞉tha nahionkenonwaʼrhiá꞉kon! Sahsehiáktat tánon tesehianitón꞉niaten ratikwé꞉kon ne ronhtenikonrón꞉nis nahiontkaréwate!

Psalms 35:8

Ánion natkaronniátsera í꞉tewe ne rononháke ne kwáh iáh othènen tahontahotirá꞉reke. Tánon ne á꞉ahre ne ronaséhton né enhiakowenónhni tsi ní꞉nioht ne waʼtaháro; thóh ahárahkon iehatihiáthen—né enhiakothónhte.

Psalms 40:14

Aiáwenhs tsi niháti ne ronteniéntʼtha nahionkenonwaʼrhiákon, iehiokonhthakwénhak tsi ronhwaʼtisénhni tánon tehonwananitonniáten! Aiáwenhs tsi niháti ne ronatʼtsenhnónhni tsi natewaʼkanikónhrahre sonwaʼnátʼtat tánon ronhwaʼthisenhnáksat!

Psalms 70:2

Aiáwenhs tsi niháti ne ronteniéntʼtha nahionkenonwaʼrhiákon, ronhwaʼtisénhni tánon tehonwananitonniáten! Aiáwenhs tsi niháti ne ronatʼtsenhnónhni tsi natewaʼkanikónhrahre sonwaʼnátʼtat tánon ronhwaʼthisenhnáksat!

Psalms 71:1

Shonháke, Ó Saiá꞉ner, nón꞉we nikeniahésen; Tó꞉sa nonwénhton satthóntat nahionkatéhate

Jeremiah 1:17

Shaʼtahtewehiennénhtah, Jeremiah; wáhs tánon sehró꞉ri oriwahkwékon tsi nikonhríhonte ne ahsíhron. Tó꞉sa ó꞉nen shaʼsehtshaníhsek. Khés kwáh enkonhiónʼnien ne sénha enshaterónsehke nó꞉nen skátʼke ensehwésehke.

Jeremiah 11:20

Ethóhʼne wakaterénnaien, “Sashaststenserowánen Saiá꞉ner, í꞉se ne tkariwaiéri teshiatorètha; í꞉se sehiatenikonrátkenʼse nonhkweshón꞉a ó꞉ni tsi nihononhnhóten. Sesnónhke nónhwe nátsien nakeriwahson꞉a; káti tahkeríhon ne akateróh꞉rohke tsi nenhsehshekárhiase kí꞉ken onhkweshón꞉a.”

Jeremiah 12:3

Ók, Saiá꞉ner, tatsientéri; satkáthos tsi nikatiérah tánon tsi nióre tsi konʼnorónhkwa. Sehiatíser kí꞉ken ionkwetaʼhétkens tsi ní꞉ioht ne teiotinakarontón꞉a akonwanáhtsioʼwe; sehiatennikonhráhren tsi nióre iakáhewe nakonhwatinonhwarhakon.

Jeremiah 14:17

Ne Roiá꞉ner wahakéʼnhane nakʼkheró꞉ri nonkweshón꞉a nakenikonhrakséntshera tánon nahkíron: “Aiáwens ne karáhke tahontnahwénhte ne okásehri tsi niwenhnisehrésons ó꞉ni tsi niwahsontésons, tó꞉sa nonhwénton akátʼkahwe tsi tekaséntʼthos, asèken nakonkwetaʼshón꞉a kwáh í꞉ken tsi ronatkarewáhton tánon kwáh wahetkenstsí꞉en tsi nihotironhiáken.

Jeremiah 16:18

Kwáh enkhehiónnien tewahtsásehre tsi enshatikárhiaʼke ne rahotiriwahneraháktshera ó꞉ni tsi nihatiweiennáksens, tioríhwah tsi natehothitiónston nakonhóntsa ne ne kahiatónni wahkarihónni thóh nióre tsi iáh thènen tewahthonnhetsherástha tsi ní꞉ioht ne iawenhéion awenheióntha, tánon né rotinahnónkton ne kahiatonnisónhas.”

Jeremiah 17:13

Saiá꞉ner, í꞉se ne Israerʼró꞉nons raonarahrátʼtshera; rahtikwékon ne ieshaʼtewenhtéton tsi enhonwanatéhaʼthe. Éhtho ní꞉ioht tsi enhatiʼhiatáthon tsi ní꞉ioht ne okenráhke kahiáton, tioríwah tsi waheshaʼtewénhtheʼte, ne Saiá꞉ner, né꞉ne ionékoʼte ne kanekí꞉io.

Jeremiah 17:16

Ók, Saiá꞉ner, Iáh nonhwénhton thaʼtehionkeniʼriwahkenáhon nahsehkarónni; iáh nonhwénhton tewahkaskanékon né thènen tahotinikonhráhren. Saiá꞉ner, sahteriéntahre thíʼken; sahteriénthare tsi nahó꞉ten wáhken.

Jeremiah 17:19

Ne Roiá꞉ner wahakénhase, “Jeremiah, wáhs iaʼsehrihowahnáhten naʼkateriwahnhoʼtátshera nonhkweshón꞉a tsi thóh naʼtenhenrahkáronthe, né nónhwe ne rontinonhtí꞉ios ne Judah nihonthohéstha nónen enthontáwehiaʼte ó꞉ni nenhatihiákenʼne ne kanátakon; ethóhne kwáh akwékon nonhtáset tsi níkon iotenhenrenʼthónnions ne Jerusalem.

Jeremiah 20:11

Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.

Deuteronomy 33:11

Saiá꞉ner, seienáwas tsi ratiʼtá꞉raien nahatishátstenhne; Serenhtí꞉io tsi nenhotihiò꞉ten. Tesehnénhstsiat ratikwé꞉kon ne ronhwatí꞉sons; Kwáh tó꞉sa nonhwénton shé꞉kon tahonthahontkétsko.”

Revelation 18:6

Thóh nonsatiéras nahón꞉ha tsi ne niiakoiérase nakorénhsons, tánon tetsá꞉ser tsi saská꞉rhias tsi ne niiotiéren ne ahón꞉ha; tétsests sénha kanekashátstet nahoriwà꞉ke kaksákon nahón꞉ha teioiéston.