Jeremiah 17:17 - Ohiatonhseratokénti

¹⁷ Tó꞉sa ní꞉se tatʼterónkwen; isèhke nónhwe nikathasehtáhkwah nónen énwahwe ne kariwahetkénsehra.

Jeremiah 17:17 ပူးပေါင်းရင်းမြစ်များ

Job Tánon ne Raoronhiakensera 31:23

Waʼkteronhkwén꞉nis natkaronhniá꞉tsera; ók ne tiorì꞉wa tsi thontahá꞉taʼne nahontahakatiaʼtón꞉ti kwáh kí iáh tatkwé꞉ni niakatashón꞉teren.

Psalms 41:1

Iakotáskats tsi nihiákon ronwenhnéiare ne rotíten; ne Roiá꞉ner ensakosniénon nó꞉nen thènen tehonanikónhrahre.

Psalms 59:16

Ók kíʼ ne tekeríhwakwe tsi nisashaststenhserowánen; kwáh iorakaréni tsi tenhkeríhwakwe ne iorihwató꞉ken sanoronkwáhtshera niaʼtehioronhketsheráke. Asèken í꞉se nakatenhenra í꞉ken tánon í꞉seke nón꞉we nikatasehtákwah nó꞉nen thènenh tekanikónhrare.

Jeremiah 16:19

Saiá꞉ner, i꞉se ne teskè꞉nhes ó꞉ni teskáwis ne kashastsʼténsera; í꞉se tatienahwáse nónen ne thènen tekanikónhrahre. Nonhkweshón꞉a tsi iotonhontsiokʼthaníhon tsík nonhwéson nenthónne tánon enhiahiéron, “Hiaʼkhisotʼthonkonhkénʼen nék khók rotiʼiénthaʼkwe ne iáh tekonnónhneʼkwe niʼiohokónhas, ne kwáh iáh thènenh tekariwástha kahiatonnisónhas.

Jeremiah 17:13

Saiá꞉ner, í꞉se ne Israerʼró꞉nons raonarahrátʼtshera; rahtikwékon ne ieshaʼtewenhtéton tsi enhonwanatéhaʼthe. Éhtho ní꞉ioht tsi enhatiʼhiatáthon tsi ní꞉ioht ne okenráhke kahiáton, tioríwah tsi waheshaʼtewénhtheʼte, ne Saiá꞉ner, né꞉ne ionékoʼte ne kanekí꞉io.

Jeremiah 17:7

“Ók kwáh enhihiatatérisʼte nónhka enhakeniaheséhaʼke.

Joel 3:16

Tánon ne Roiá꞉ner kwáh enhatonrá꞉ien ne Zion nón꞉we, tánon thethawenhnákare Jerusalem nitewé꞉tha, tánon ne tsi karonhiá꞉te ó꞉ni ne tsi ionhontsá꞉te enhioʼwá꞉ke. Ók kiʼ ne Roiá꞉ner rahónha teshakó꞉nes neʼ rahonkweʼtashón꞉as, rohiataní꞉ron tsi nokwáh nonkweshón꞉as Nisraeró꞉nonke.

Nahum 1:7

Ne Roiá꞉ner tsi thoriwaié꞉ri, kwáh roiataní꞉ron tsi nitesakones ne wenhniserontákwen ne tekanikòn꞉rare; teshá꞉kones tsi niiá꞉kon ne raonhà꞉ke ienhiontekwáhsen,

Ephesians 6:13

Nekáti ónen í꞉sewats ne Rawenni꞉io rahoriwasónha! Kwáh enskwéni tsi tentswenʼnaráko ne iáswens nónen entʼthiatiathónti; tánon nónen iatensenókten tsi tiaterí꞉io, séhkon kíʼ énstake.