Jeremiah 17:13 - Ohiatonhseratokénti

¹³ Saiá꞉ner, í꞉se ne Israerʼró꞉nons raonarahrátʼtshera; rahtikwékon ne ieshaʼtewenhtéton tsi enhonwanatéhaʼthe. Éhtho ní꞉ioht tsi enhatiʼhiatáthon tsi ní꞉ioht ne okenráhke kahiáton, tioríwah tsi waheshaʼtewénhtheʼte, ne Saiá꞉ner, né꞉ne ionékoʼte ne kanekí꞉io.

Jeremiah 17:13 ပူးပေါင်းရင်းမြစ်များ

Psalms 22:4

Shonháke ne iakhisotthonkonhkénʼen thonetákwenhne; tsi thonethákwenhne, tánon I꞉se shesheniakénton.

Psalms 69:29

Ók waʼkeronhiáken tánon wákanikonroktáhon; tatsiatakará꞉tat, Ó Sewenní꞉io, tánon saskenónstat!

Psalms 71:5

Asèken í꞉se Saiá꞉ner nakarahrátʼtsera í꞉ken, tkonhietákwen Ó Saiá꞉ner kwáh shiʼtewatiónha nióre ahonsakaʼkéte.

Psalms 73:27

Tsi nihiákon ne iesatewenhtéton kwáh kíʼ enhiehiatháton; kwáh kíʼ ensehiátonhte tsi nihiákon ne iáh tehiakorihwató꞉ken tsi nòkwah ní꞉se.

Psalms 97:7

Akwékon tsi nihatisénhnaiens ne kaiatonnishónhas waʼkonwanatéhaʼte, tsi niʼiákon né thóh nón꞉we nateierénhsarons ne iáh othènon tekarihwásthas kaiatonnishónhas; ratikwékon ne niʼiohokónhas tehontsátʼtons raohénton ne Roiá꞉ner.

Proverbs 10:7

Enhonwenehiá꞉rake ne thotirihwaié꞉ri tsi né꞉ʼe ní꞉ioht ne kaiaʼtateríhtshera, nok ne iáh tetionkweʼtaié꞉ri iohsnó꞉re enhshonwatiiaʼtaʼnikónhrhen.

Proverbs 14:14

Nón꞉kwe ne iáh tetiakorihwaié꞉ri enieié꞉na tsi nahò꞉ten teiakotèn꞉tshon. Nok ne tionkweʼtaié꞉ri teniakoterihwaʼserákwahse tsi nahò꞉ten iakoioʼtén꞉ʼen.

Isaiah 1:28

Ók tsi niiá꞉kon ne ronwát꞉konte ne Ní꞉io ó꞉ni ne rotirihwánerens tsi kwáh enhonwanátonte tetsá꞉ron, tánon tsi niʼiákon nenhonwarihwaiesáthen ne Roiá꞉ner kwáh kí enhiontatátonhte.

Isaiah 66:5

Sewatahónsatat né raowénhna né Roiá꞉ner, í꞉se né ensewaiatíshonʼkwe né raoʼwénhnake: Né kwáh í꞉se tionkwetaʼshón꞉has iesáhswenhse tánon iesatewenhtétonne nakʼsénhna iorihonhníhon wá꞉ken, “Ahnion né Roiá꞉ner ronwahiatanerá꞉kwat, né káti nahónton aiawatkátho né satonhnhaʼrátshera”; ók kí ronónha né kwáh enhonwanatéhaʼte.

Jeremiah 14:8

Kwáh ísek khók ne Israerʼró꞉nons ieshaniahésen; ísek khók seskwahniakéntha tsi nòkwah ne kariwahiesáhtshera. Onhnonhtiéren tsi ehnishathatiéren tsi shí꞉ken ní꞉ioht ne thihionkwétahthe akénhake nonhtionwenhtsiáke, tsi ní꞉ioht ne tehonthawénhrie tsiokaráktserak khók tsi nónhwe nenhonnónhweʼte?

Jeremiah 17:17

Tó꞉sa ní꞉se tatʼterónkwen; isèhke nónhwe nikathasehtáhkwah nónen énwahwe ne kariwahetkénsehra.

Jeremiah 17:18

Tahséhʼhion ne atehénsehra tsi nikáien ne ionkeronhiakéntha, ók sastsiatáko ní꞉i Saiá꞉ner. Sehnánonks ne kateronkwáhtshera, ók tó꞉sa ní꞉ih tatʼterónkwen. Thaséhion ne karihwaʼiesáhtshera tánon tesehiathárit.

Jeremiah 17:5

Ne Roiá꞉ner ráton, “Enkheréwahthe tsi nihiákon nenhionkatkarahténi tánon onhkweshón꞉a enhonwatiʼniahesénhake, ne ne ahoshastsʼtenseráhkon ne kenhéion.

Jeremiah 19:4

Né kíʼ thóh nénhtiereh tioríhwa nonhkweshón꞉a tsi iontiatanikonhrénʼen, tánon wahthontenahtátionsʼte ne tsi wahontsaʼáhthe ne wenhnekeráhkon tsi ahonwahnahtsienkwaronniáten ne thikaniʼiosehrátes né꞉ne rohnónha ó꞉ni ne shaʼkotisotʼthonkonkénʼen ó꞉ni ne rotinonhtí꞉ios ne Judah iáh othènen tehathiriwahientérisʼkwe; tánon ó꞉ni né iorihónni ne wahatínahʼne kí꞉ken wahtenáhthaien ne iáh othènen tehiakoníkonh akonekwénhsa,

Jeremiah 2:13

asèken nakonhkwetahshón꞉ha tékeni tsi ní꞉ioht tsi rotirihwáhneren: hionkatswahthénion, ne ionéhkote ne kanekí꞉io, tánon rothisonhiónʼni ne watnekaráhkwa, tehiothóren ne watnekaráhkwa ne iáh tahónton nahontʼnekáhren.

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 50:7

Kwáh tsi nihiákonh ne enhonwahtiʼhiatatʼtsénhri tsi iahonwahnahtsatónti. Ne tehontátʼtions wahonníronh, ‘Kwáh iakwahtaʼtewenhní꞉io ne iahiakihiatsiatónti, asèken rotiriwáhneren tsi nòkwah ne Roiá꞉ner, káti tsi nahakwáhiere iáh kíʼ thaʼtehionkwahteriéntawehre. Ne sakothisotʼthonkonhkénʼen tonwethá꞉kwenʼne ne Roiá꞉ner, tánon ronónha ó꞉ni tehiothonhontsiohónʼne nahonahteriwatoʼkénston ne rahonháke.’

Ezekiel 13:9

Ónenh kwáh thó꞉wah akwahréwahthe kíʼ sewahtó꞉kense í꞉se ne iáh tó꞉kenske tèken tsi sewahtashataráhnis tánon tsiónʼnis nahonthaharáhko ne iesehwahriwáhkens. Iáh éhtho tahisehwésheʼke nònhnen nakonkwetashón꞉ʼas enhontkenhnísa ne tahatihiató꞉rehte; ne sehwahsenhnasónhas iáh etʼthakárahke tsi rathisenhnarónhnions ne tsi rathináhkeres ne Israerʼró꞉nons; kwáh iáh nonhwénhton tsahonséhsewe ne tsi thitionhontsáien. Ethòne ensewahteriéntarahne tsi Í꞉i ne Wakenonhtí꞉io Watiá꞉ner.

Ezekiel 16:63

Kwáh enskonhnikónhrense akwékon tsi nateshaterientawénhrie, ók kíʼ kwáh ensehiárahke tánon sóhtsi enshatehénsehke ne thasaskwéksi.” Ne Ronhnontiio Roiá꞉ner wahatáti.

Ezekiel 36:32

Israel, tewahkatonwenhtióhni nahisateriéntarahne tsi nikatieráhnion kí꞉ken iáh í꞉se teseriwáhke. Tewahkatonhwenhtióhni nahsatʼtó꞉ken natehénsehra ó꞉ni ne kakenronhniátshera tsi nihsatieráhnions. Í꞉i, ne Wakenonhtí꞉io Watiá꞉ner wakatáti.”

Daniel 12:2

Ronatiohkowá꞉nen ne ó꞉nen ronenhé꞉ion shé꞉kon enshontónnhete: ó꞉tiaʼke tsi nén꞉we enhonatonnhárake, ó꞉tiaʼke tsi né nén꞉we enhonatehénʼen.

Joel 3:16

Tánon ne Roiá꞉ner kwáh enhatonrá꞉ien ne Zion nón꞉we, tánon thethawenhnákare Jerusalem nitewé꞉tha, tánon ne tsi karonhiá꞉te ó꞉ni ne tsi ionhontsá꞉te enhioʼwá꞉ke. Ók kiʼ ne Roiá꞉ner rahónha teshakó꞉nes neʼ rahonkweʼtashón꞉as, rohiataní꞉ron tsi nokwáh nonkweshón꞉as Nisraeró꞉nonke.

Zechariah 13:1

“Nó꞉nenh né꞉tho kawistáhets enwáhwe,” rá꞉ton ne Roiá꞉ner Roshatstenhserowá꞉nen, “ne ionehkotehón꞉we kwáh enkanonhthónkwenhke nahonshahonthonnahkanón꞉ni tsi nithonatwatsirí꞉nonh ne Táwit ne nónhne sáhka Jerusalemró꞉nons tsi nokwáh ne rahotiriwahneraháktshera ó꞉ni tsi nokwáh ne rahothihiatonhnishón꞉ʼa

Zechariah 9:12

Thontáhsewe, ne ieʼtsinakerahkwáhthon ók ó꞉nen tsi sehwahrarahtierá꞉ien; thontáhsewe ne sewahtená꞉thake tsi nón꞉we ne sakʼthí꞉ken. Ó꞉nen ki enkwahró꞉ri tentiáhsere tsi enskwahkárhiaʼse ne enkenikwekónhake tsi ni wé꞉so sewahronhiakén꞉en.

Luke 10:20

Tosa ki sane neh aeseȣatonnharat tsi teietsiniarorarakon nonatkonson; neh tanon aeseȣatonnharaste tsi tiseȣasennare ne Karonhiake.

John 4:10

Ȣahenron ne Iesos tsi tontahaȣennaȣeron: Neh nasienterihake ne Niio raotanitenrasera, hatsienterihake oni onka ne ȣaiariȣanontonse atsnekanonte ise aontesatierenton atseriȣanontonni, nok ne raonha aonsaianekanonten ne kanekiio.

John 4:14

Nok tanon nenhanekira nenhinekanonte iah nonȣenton tiiahonsahoniatathen, aseken ok nehe nenhinekanonte ienȣatnaȣeronni ne rahonhake ne iah taonsteske tiotkon tanon enhiohnekotake tsi niienhenȣe.

Acts 28:20

Neh aoríhwa wakeriwanónton ne akwáken ó꞉ni taitewatháren. Neh iorihonníʼon, kíʼ ní꞉ioht tsi keronkwasáneren, neh rarihónnis tsi nikáien ne Israerʼró꞉nons thonwetákwen.”

1 Timothy 1:1

Kór nón nitiawénon, rohteriwahnotáni ne Ié꞉sos Kerístos tsi nihonháʼon ne Rawenni꞉io Sonkwaiathákwen ó꞉ni Kerístos Ié꞉sos nonkwarahrátʼtshera—

Revelation 20:15

tánon ón꞉ka nakoshén꞉na iáh tekaktsénhrion nakahiátonke ne kahiatonserá꞉kon ne iónhnhe thóh iahonwatiiatónhti tsi kanià꞉taro nótsire.

Revelation 21:6

Eʼthó꞉ne wahakénhase, “Ó꞉nen ontè꞉sa! Í꞉i ne tsiotserentá꞉kwen ó꞉ni nonakénkha, né꞉ne tsiotasawáhkwen tánon tsi ieiotót꞉te. Ne rotiniatát꞉tens í꞉i kwáh enkhenená꞉nonte tsi enkhé꞉ion thóh nénhtewe tsi tsió꞉nekote noné꞉kanos natón꞉nhets.

Revelation 22:1

Eʼthó꞉ne ne raronhiakeró꞉non wahakenatónhase tsi kaniataratátie nonekanos ne natónnhest í꞉ken, thóh natehiostwá꞉te tsi ní꞉ioht ne teiostahrát꞉te otsishé꞉ra, thóh nontahionehnonhátse raohitskwáhrane ne Ní꞉io tánon ne teonakarontón꞉ha owí꞉ra

Revelation 22:17

Ne Roʼnikonrí꞉ioston tánon ne ioniát꞉ke iá꞉ton, “Káts.” Tánon ahnion onkwé꞉takweʼkon nón꞉ka enhiakó꞉tonhtene ieron, “Káts.” Tánon ahnion ón꞉ka ne iakó꞉niatatʼtens káts. Ahnion ón꞉ka ne ionská꞉neks nahieiena noneká꞉nos ne ionnheón꞉we tsi enhionthá꞉ton.

Revelation 7:17

séken ne teiotinaʼkarontón꞉a owí꞉ra ne thóh í꞉res nashén꞉non tsi niwanitskwaratseró꞉te kwáh raónha enshekonónhna, tánon raónha kwáh iensakohéntenhse ne tsi tioné꞉kote ne iónhne, tánon Ní꞉io kwáh enshakokaseró꞉kewe ne niatekakahserá꞉ke ne ratiká꞉rakes.”