Jeremiah 17:11 - Ohiatonhseratokénti

¹¹ Nónhkwe nenhiehiéna nowísta ne kanikonhráton tsi ní꞉ioht ne otsiténha watkhanónhshiaʼke ne ne iáh ahónha tehioninónhsoh. Ne nónen kwáh enhothakarí꞉teʼke enhóthonse ne raoʼtsiokowáhtshera, tánon ne tsi iehióthokʼte kwáh iáh othènen tèsken tsi ní꞉ioht ne thohthónnhokʼthe.

Jeremiah 17:11 ပူးပေါင်းရင်းမြစ်များ

Job Tánon ne Raoronhiakensera 20:21

Kwáh iáh thahó꞉ten tsiatetsotathénhraskwe ne ará꞉ke; ne káti aorì꞉wa ne raokwahséhtshera iáh kíʼ thatakawisátsteke.

Psalms 49:13

Sewatkátho tsi nihotihiátawenhs tsi nihát꞉ti ne rononháhak khók ronhthateniahésen, tsi nihonatʼthahítake tsi nihonerienhtí꞉ios tsi nihothikwáhtse. Selah

Psalms 55:23

Ók í꞉se, Ó Sewenní꞉io, iensehiáthente tsi nón꞉we ne kwáh tioshón꞉wes; né sakonaséhtha tánon natiokenthashónhas kénk nentontíhionke enhonnhíheie. Ók kwáh kíʼ shonháke nón꞉we nenhtewakethakwénhake.

Proverbs 13:11

Tókaʼ só꞉tsi watié꞉sen tsi enhsakwáhtsheʼne sénha iohsnó꞉re entsisà꞉ti. Tókaʼ sénha wentó꞉re tahsatèn꞉tsha sénha ki wé꞉so ensaièn꞉take.

Proverbs 15:27

Tókaʼ enhsateʼnién꞉ten ne iáh tetkarihwaié꞉ri tahsnaʼnéta tsi tahsatèn꞉tsha, ienhsheiaʼtenhá꞉wihte ne sahwá꞉tsire tsi tensewaʼnikonhrhá꞉ren. Tóhsa oʼthé꞉nen tsé꞉na nahò꞉ten iáh tetkarihwaié꞉ri aiesatkáriaʼkse nothé꞉nen tánon karí꞉wes enhshónhnheke.

Proverbs 21:6

Ne iáh teioterihwakwaríhshion tsi enhshié꞉na ne kakwahtshéhsera iohsnó꞉re tsi entsisáhtonʼse, ne entkarihón꞉ni tsi kenheiá꞉tne niensaiaʼténhawe.

Proverbs 23:5

Sahwísta iohsnó꞉re ienwáhtshaʼahte tsi shí꞉ken taonttsiraríkhon tánon waʼtkanerahontshón꞉taʼne tsi ní꞉ioht ne á꞉kweʼks waʼtká꞉ten.

Proverbs 28:16

Ne rakó꞉ra iáh tehó꞉ien ne wattokhahtsherí꞉io shakowihshá꞉tha, sók ne ónhka ráhswens nahò꞉ten iáh tetkariwaié꞉ri karí꞉wes rakó꞉ra enkénhake.

Proverbs 28:20

Nón꞉kwe ne iakorihwakwaríhshion tiótkon eniakotonhnhá꞉rake tánon enká꞉nahne tsi iakónhnhe. Tókaʼ tesasteríhens naiesakwáhtsheʼne tsi nonkwá꞉ti iáh tetkariwaié꞉ri ensatré꞉wahte.

Proverbs 28:22

Ne ronnónhaʼk khók rontaté꞉iahre tehotisteríhens nahotikwáhtsheʼne, iáh tehonttókhas kátke kententéhtshera tahotíhkwahte.

Proverbs 28:8

Tókaʼ ensakwáhtsheʼne ne tsi shenaʼtonhkwén꞉nis nónhka ahshehwístani wé꞉so nahatikáriaʼke nowí꞉ra, sakwahtshéhsera akó꞉ren enieié꞉na né shakotinorónhkhwa ne rotí꞉ten.

Jeremiah 22:13

Tsi nikarihwahiesahtsheroʼwáhnenh nónhka ne ne roʼtenonhshonniáton ne iáh tetkariwahiéri tánon né rokowahnáhthon ne kanikonhráton; shaʼkahonniénnis ne rahonkwetaʼshón꞉a sehwatiéren tsi ahothihióten tánon iáh teshaʼkokárhiakʼse tsi natehonahténtion.

Jeremiah 22:17

Ók nék khók satkátos ne hiateshiáti ahisahianerásten; sehnonhwahrhiákons ne iaʼtehotiníkon tánon kwáh kahetkénsera tsi sehronhiakéntha ne shonkwetaʼshon꞉a. Ne Roiá꞉ner rotahtíhon.

Jeremiah 6:13

“Onhkwetahkwékon, ahiesenhnowánenhke tó꞉ka ó꞉ni kentʼnaiesénhnaske, ronteniéntʼtha kanikonhráhthon tsi ní꞉ioht tsi ahontʼwisthónni; iekaníhareh ne rotitó꞉kense ó꞉ni ne rothikháres sahkotinikonhraténnis nonhkweshón꞉ʼa.

Jeremiah 8:10

Káti kwáh ahonkwetahsehsónhas tentetʼkhéhion ne rahotihentahsónhas tánon ne rothiniákons né nonhnè sá꞉ka. Kwáh onhkwetahkwékon, ahiakonkwetowahnénhke tánon kénk nahiesénnaske, hionteniéntha kanikonhráhton tsi ní꞉ioht tsi ahiontʼwistónni. Akwékon ne rothitó꞉kenhse ó꞉ni ne rothikháres sahkothinikonhrahténnis nonhkweshón꞉a.

Amos 3:10

Iáh tehonaterién꞉tare oh ní꞉ioht tsi ahotiriwatokénhake, rá꞉ton ne Roiá꞉ner, tsi niiá꞉kon ne ne iakoteweienʼtónties ne kaianerenhseráksens tánon kanenhskwáhtsera ne raotinonhskónhsons.

Micah 2:9

Ne konhnónkwe konhtiʼterónhton nahotinonskónhsons ne nakonhkweʼtashón꞉as í꞉ken wahetsiiatí꞉nekenhwe tsi nihiotinonhshí꞉ioskwe; iaesewáhawe natiatanerakwáhtshera tsi waetsí꞉kwah ne akotiiookón꞉as né꞉ne tsi nénwe enkénhake.

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Zephaniah 1:9

Ne thóh enwenhniserá꞉teke kwáh enkheréwate ratikwé꞉kon ne iáh tsiahatiratane ne tsi tekanoháronkwe nó꞉nen ienhontawehiate, ne rotinenskwenhaton oni rotinikonraton tanon ne wahatinonsitkon ne tsi rotinonhshotons ne raotikoswetsera.

Zechariah 5:4

Ne Roiá꞉ner Roshatstenhserowá꞉nen ráton ienhaténiethe kí꞉ken karewahthátshera, tánon ienhiakonnonhsohrénʼne kwáh tsi niatehionkwè꞉take ne ienénhskwas ó꞉ni tsi nihiá꞉kon ne ionnhowénhtha nó꞉nen iakorihwahní꞉raton. Akonónhskon enkaiénthake tánon enhiakohetkénten.”

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Matthew 23:13

Nok ki tanon nise seȣententasere ne Seȣaiatons oni Pharisian Akonȣara! iestsinnhotonse nonkȣeokon naiontaȣeiate ne Karonhiake; iah ki tanon oni nise teseȣataȣeiatane, iah oni teietsiiaȣis niienre iakataȣeiat, nʼiaiontaȣeiate.

Luke 12:20

Nok ne Niio raton nehne: sentent iah tesanikonrat! Onȣa kenh ȣasontate entsiesariȣanontonse ne Satonnhests; onka enȣastste tsinikon saroron?

1 Timothy 6:9

Onk tsi nihiákon ne꞉ne íʼienreh nahiakokwátse꞉ne iehiehiátens nahiakonikonrotáko tánon iehiathótares tsi wahterístaien ne wéso nononwahroríta tánon ne iakokaronniátha naskanéktseras, ne tiakohiathéntha nahiakokarónni ó꞉ni kariwaiesáhtsera.

Titus 1:11

Kwá tehiotonwentióʼon nahonwanáskweke, ne tsi kwá iewahtsirakwékon sakotinikonraksátha ne tsi ne sakotirihonniénnis tsi nahóten ne iáh tathehiothonwentióʼon, tánon akwékon ne karihónnis tsi nihiotéha tsi nihonahtéttien tsi ní꞉ioht tsi rontʼwistónnis.

2 Tiér 2:14

Kwáh iáh tahóten nóhia tatehontkathonniónkwah nók nek khók nahonatesennaiéntaʼne nahontenakwaiésathe; tsi nihonthonkarhiák꞉tha ne kariwáneren iáh tiatehothiʼiérise. Sakonaterístaiens ne iakotsihióha. Thoʼní꞉ioht tsi karihonniénni ne rahonerhiá꞉ne nahonatetʼtsénhake. Thóh nón nihatihiatóron ne Rawenni꞉io rahorewathatsherákon!

2 Tiér 2:3

Tánon thóh tsi nihonatétʼtsen kí꞉ken rohtinówens sakotirihonniénnis neh enhontʼwistónniathe tsi niʼietsiʼróris ne wakʼkarísons. Ónen kwá thóh tsi náhe ne rahononkwéta Rariwéntha sihotatheweiennentáʼon, tánon ne Sakowenkʼthos kwá íken tsi roièʼon!