Jeremiah 17:10 - Ohiatonhseratokénti

¹⁰ Í꞉i, ne Watiá꞉ner, kenikonhrísaks tánon khehiaterhiaʼsátkenʼse nonhkweshón꞉a. Shaʼthihiatátʼtsions tsi ní꞉ioht tsi tekheriwásnieʼseh né entewahnónhton tsi ní꞉ioht tsi ronónhnhe, ne entewahnónhton tsi nihontiérah.”

Jeremiah 17:10 ပူးပေါင်းရင်းမြစ်များ

1 Kings 8:39

sehiatʼthóntet tsi nihonaterénhnaien. Tasehiatʼthóntet ne tsi teshí꞉teron ne karonhiáke, shaʼsenikónhrens, tánon sé꞉ienahwas. Kwáh í꞉sek khók sateriéntare tsi nihiakononhthonʼnionhtseró꞉tens nonhkweshón꞉as ó꞉ni tsi nihiakerhiasóhtens. Tiehiatátʼtions tsi sekenhéhions tsi natahonathénhtionhke,

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

1 Chronicles 29:17

Wakateriénhtare tsi onhkweʼtaʼkwé꞉kon tsi seiaterahsát꞉kenhse tánon serientí꞉ios tsi niʼiákon ne iakotonkwetaʼkwahríhshion. Né tkarihwaiéri tánon orihwihiohón꞉we kwáh thóh niwakenikonhró꞉ten tsi akwé꞉kon í꞉se thonʼiáwi kí꞉ken, tánon wakhé꞉ken ne shonkweʼtashón꞉as né kénʼen ronatsataró꞉ron tsi ronatʼtsenhnónhni tsi nonhtahatiʼhá꞉sehron wahesawíhon.

2 Chronicles 6:30

sehiatahónsatat ne raonaterénhnaient. Seiatahónsatat ne tsi tesíteron ne karonhiáke tánon sasenikónhrens. Shonhatsíwa khók sateriéntare tsi nihonhnontónhnions nonhkweshón꞉aas raonerianésons. Tiakwahiatátʼtions tsi naskwahiéras tsi naʼtehionkwaténhtion,

Job Tánon ne Raoronhiakensera 34:11

Asè꞉ken tsi nenhtsoianénhawe ne raotiiothénseras kwáh kí enseshakokáriakse, tánon ne entsoianénhawe tsi nihatiweienó꞉tens ne enhotí꞉raʼne.

Psalms 44:21

kwáh orihwiʼiohónwe tsi aʼhisatthókenh? Tsioríhwa tsi akwékon niesateriénhtare tsi nihiakwahrihwaséhtha nonkwanontonhnióntseras.

Psalms 44:22

Ók í꞉se thesanónhtons tsi tiotʼkonhónwe ionkhinonwarhiákons, thóh nihionkhiʼiérase tsi ní꞉ioht ne teiotinakarontónha konwaʼnawent꞉tóhsere.

Psalms 62:12

tánon ne iorihwatóken kanoronkwáhtshera í꞉se sáhwenk, Ó Saiá꞉ner. Asèken kwáh kíʼ í꞉se ratikwékon tesehserihwaʼsehrakwénhnis né entsoianénhawe tsi nihotihiothénʼen.

Psalms 7:10

Rawenni꞉io sèh rahkatrenhóstha, rahónha sakohiathákwas né iakawerhiasí꞉io.

Psalms 7:9

Ó sehríhon ne raotirihwahetkénhsera ne rotirihwaʼnerenhákskon niahontókʼten, ók sahserihwaʼkwahthákwas ne iakoiánere, í꞉se ne sehiatenikonrát꞉kenhse tánon sehiaterhiakʼsátkenhse, Ó saiánere Ní꞉io.

Proverbs 12:14

Ne tkaiatawenní꞉io tsi nahò꞉ten tensaterihwaʼserákwahse tsi nahò꞉ten enhsì꞉ron tánon tsi nenhsátiere, ne enhshié꞉na tsi kiʼ nahò꞉ten tesatèn꞉tshon.

Proverbs 17:3

Ohwistanó꞉ron tánon kahwistarà꞉ken tsi iotékha teionatohétston, nok nón꞉kwe akawé꞉ri Roiá꞉ner ne nen né꞉ʼe tenhaiaʼtó꞉rehte.

Ecclesiastes 9:3

“Tewahkwékon ne sháka tsi ní꞉ioht tsi hionkwaráhre-né꞉ne kenhéiat!” Tánon kwáh eh niwahétken tsi ní꞉ioht nóia nahoténsons ne kénʼen ionwenhtsáte. Tsi nikaríwes enhiakónhnheke nónhkwe, nakonikónhra titkáhere ne wahétken tánon kanahkwáhtshera, tánon thontahiawénhstsi wahahéheʼie.

Isaiah 59:18

Né entsoianénhaʼwe tsi nihotiʼiothenseró꞉tens, ne ká꞉ti nahonsahaká꞉riaʼke; tsi sakonákwaʼse ne ronhwásons, iensheʼsakotiatónhti ne ronwáswenhs; tsi nó꞉kwah ne kawenó꞉tons ionhontsaʼkérons kwáh kí ensheʼsakokáriakʼse tsi iensakotsatón꞉ti.

Jeremiah 11:20

Ethóhʼne wakaterénnaien, “Sashaststenserowánen Saiá꞉ner, í꞉se ne tkariwaiéri teshiatorètha; í꞉se sehiatenikonrátkenʼse nonhkweshón꞉a ó꞉ni tsi nihononhnhóten. Sesnónhke nónhwe nátsien nakeriwahson꞉a; káti tahkeríhon ne akateróh꞉rohke tsi nenhsehshekárhiase kí꞉ken onhkweshón꞉a.”

Jeremiah 12:13

Nakonkwetashón꞉a onátsa wahatiʼiéntʼtho, ók kahontátsen wahathiʼientʼtwáko; wahathironhiáke tsi wahothihióten, ók iáh kíʼ thènen tsatehionénon. Ne wakarihónni tsi niwakenakwénʼen ne raothiʼientʼthótsera kwáh wakaiésah.”

Jeremiah 20:12

Ók, Sashastsʼtenserowáhnen Saiá꞉ner, í꞉se ne kwáh tkariwahiéri tsi niʼsehiateniéntha nonhkweshón꞉a; sateriénthare tsi nihonerhiasóhtens ó꞉ni tsi nihotinikonhró꞉tens. Káti ánion kónhken shaʼsehkárhiaks ne tehiakwatátʼtions, asèken sesnonhsáhke nónhwe niwáhtien naʼkerihwahsónhas.

Jeremiah 21:14

Ók enkonhréhwaʼthe ne tsi nisahtiéren. Enʼkatenonhkwahtékʼthe tsi sahnónhsohthe, tánon nótsireh akwékon enwátʼtsahaʼte nakthatsieshón꞉a. Í꞉i, ne Watiá꞉ner, wakatati.”

Jeremiah 23:2

Ne kíʼ tsi nahó꞉ten ne Roiá꞉ner, ne shaʼkoʼNí꞉io ne Israerʼró꞉nons, ráton tsi nòkwah ne ratikóras ne tsi rohnónha kaientákwen nashaʼkonatennikonhráhren ne rahonkwetashón꞉a: “Iáh teietʼtsiʼhiatennikonhraráhton nakonkwetaʼshón꞉a; wahtsishiʼhiaréniaʼte tánon wahitsihiatékwahte. Ónenh kíʼ enkwahréwahte tsi nihioriwáhtsani tsi ne sehwáhiereh.

Jeremiah 32:19

Í꞉se ne sanikonhrowáhnenh ó꞉ni tehiotenonhianíton ne iorihwaʼnerahkwahténions tsi nishiéra; akwékon nieʼsatʼkháthos tsi nihontieráhnions nonhkweshón꞉a, tánon ne tehsehriwahʼsehrakwénnis tsi nitkáhas ne rahothiwehiénnas.

Ezekiel 11:5

Ne raoshaststénsera ne Roiá꞉ner thonkeniaró꞉tharohke, tánon ne Roiá꞉ner wahakró꞉ri nahontatkhéhion nonhkweshón꞉ʼa kí꞉ken ateriwanhotátshera: “Tsiónkwe NʼIsrael, Wakateriénthare tsi nisehwathónnionhs ó꞉ni tsi nisehwatenikonhronhnihátie.

Ezekiel 14:5

Konhtiʼkwékon tí꞉ken kahiatonhnisónhas wahonwathikarenhráhkwahthe Nisraeró꞉nonhs tsi nòkwah Ní꞉ih, ók kíʼ tsi tenkeriwahsehráko aiáwenhs ahonsahtiéna ne rahothiriwahtokéntshera.

Micah 7:13

Ók ne tsi ionwenhtsá꞉te kwáh karihwaiesáhtshera enkénhake, ne ne ratinákere enhatirihón꞉ni; asè꞉ken ne naokarhiá꞉tshera tsi nihatiweienó꞉tens.

Matthew 16:27

Aseken nʼOnkȣe Roienha tentre Roniha raoiatanerakȣatsera enthoiatanerakȣatakȣenhatie, oni ne raoronhiakeronon okon, ethone Skastson tsi ensakoieritse tsini iakoiotenseroten.

Matthew 6:4

Tosa senestonhak tsi satanitenron; nok ne ianiha nʼiah othenon tehotrenhostenni, ȣene enhronni tsi tenshiariȣaserakȣase.

John 2:25

Nok oni tsi iah teresakskȣe onka nonkȣe ahonȣariȣaniratse: aseken akȣekon raienteri tsini iakaȣeriasotens nonkȣe.

Acts 1:24

Ehʼthóhʼne wahonterénnaien, “Saiáner, í꞉se akwé꞉kon senikonraientéri, káti takwanatónhas ónka kí꞉ken tenihiáse ne sehiatarákwen

Romans 6:21

Kwáh oriwihioʼónwe iáh thènen tesewaienáhon onhnahóten nahioʼiánereke tsi naʼohrihoténsons nónwa tsi sewatéhens? Kenhéion iewathihénthos neh naohrihoténsons!

Romans 8:27

Tánon neh Rawenni꞉io, kwáh onhkweʼriah꞉ne non iatehakanere, rhoteriéntare tsi niwanonthónʼnions nonikónra; Asèken nonikónra ónhkwe ahkoriwake tsi roniténtase ne Rawenní꞉io tánon neh entsioʼhianénhawe tsi nihoskhanektseróten.

Revelation 2:23

tánon kwáh enkheién꞉te nakoioʼokón꞉as nahonhní꞉heie. Tanon akwé꞉kon ne ononsatokénhtis kwáh enhiakoterienʼtá꞉rahne tsi Í꞉i katkátos noʼnikón꞉ras ó꞉ni nawé꞉ris, tánon kwáh ne entkwáion ne tsi sewahiatatʼtions ne sewahioʼténhseras tsi natehioténhtion.

Revelation 20:12

Tánon waʼkhé꞉ken ne ronenhé꞉ion, ratisennhowá꞉nens tánon ken nihatisénhnasas, ronhné꞉te ohénton tsi wanitskwaratseró꞉te, tánon ne kahiatonseraó꞉kons ontenhotonkonháton. Shé꞉kon ó꞉ni ó꞉ia kahiatónsera ontenhotónko, né꞉ne kahiatónhsera ne iónhnhe. Tánon ne ronenhé꞉ion wathonwatiiatórehte ne tahioianenhá꞉we tsi nihotiiotenhseró꞉tens, ne tsi nikaiá꞉ton ne kahiatonhserá꞉kons.

Revelation 22:12

“Sát꞉kato, kwáh iostó꞉reh tsi entke; ne kaʼrhiá꞉ke í꞉se í꞉sawe, ne naʼkahkarhiát꞉ton tsi nenhtsó꞉ianenhá꞉we ne tionkweʼtát꞉tions akoió꞉tenhsera.

1 Samuel 16:7

Ók kiʼ ne Roiá꞉ner wahawénhase ne Samuel, “Tó꞉sa ne tetsiatʼkáneren tsi nihatʼkatotieróten khéhs tonahaʼneniésonhke, tsioríhwa tsi ní꞉i rikenronníhon; asèken ne Roiá꞉ner iáh ne eh thoʼtèiot tsi tehatʼkáthos tsi ní꞉ioht nonkweʼókons tsi iontkáthos; neh ne eh teiekánereh nátste nó꞉kwah tsi niʼiehiatóten, ók ne Roiá꞉ner awé꞉ri ne tehakánere.”