Jeremiah 16:21 - Ohiatonhseratokénti

²¹ “Éhthoh káti,” ráton ne Roiá꞉ner, “Énskak ienwáteratsʼthe enkhehiónnien nonhkweshón꞉a naʼiakoteriéntahrahne nakeshastsʼténsera ó꞉ni tsi niʼwakeshastsʼtenserowáhnen; enhonaʼteriéntahrahne tsi Í꞉i ne Watiá꞉ner.”

Jeremiah 16:21 ပူးပေါင်းရင်းမြစ်များ

Psalms 83:18

Tánon sehtokáhten tsi kwáh séh shonháhak khók í꞉ken, né sasénhna né꞉ne Roiá꞉ner í꞉ken, né꞉ne kwáh ohontsakwékon tisaʼshaststenhserowánen.

Psalms 9:16

Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Exodus 14:4

Kwáh enhinonhtsisʼthanírahʼte, tánon kwáh enhiaʼsehréson, tánon nahkateʼsenhʼniétshera tsi nʼòkwah ne ronhnonhtí꞉io ó꞉ni ne rahoʼtiókwah ne ronhterí꞉ios entewakʼkhawíten ne kaʼkweniensʼthátshera. Ethòne ne Egyptró꞉nons enhoʼnahteriéntarahne tsi Í꞉i ne Watiá꞉ner.” Ne lsraerʼró꞉nons kwáh et nahaʼtí꞉hiere tsi nihonwatiró꞉ri.

Exodus 15:3

Ne Roiá꞉ner raterí꞉ios; né꞉ne Roiá꞉ner raosénhna.

Exodus 6:3

Khehiaʼthotashiénʼni ne Abraham, ó꞉ni ne lsaac, ó꞉ni ne Jacob tsi Wakeshatsʼtenseroʼwáhnen Ní꞉io, ók iáh kíʼ né tewakathatonhniáton Watiá꞉ner ne roʼnonhàke tsi ne naʼiontsenterestaʼkwe natʼsenhnató꞉kenti.

Isaiah 43:3

Asèken Í꞉i ne Watiá꞉ner í꞉ken né Saní꞉io, né꞉ne Roiatatokénti khók í꞉ken ne Israerʼronónke, né꞉ne shiaʼiatákwen. Tká꞉wi ne Egypt né꞉ne ahonsehsanerénhsi, tánon ne Seba né꞉ne tahonthaʼtawístakwe ní꞉se.

Jeremiah 33:2

Ne Roiá꞉ner, tsi rahónʼa rahonhontsíshon, rahónʼa rahontsiasehrónni tánon wahakwahtháko tsi waháien, wahatʼthárahse. Ne rahónʼa raosénna ne ne Roiá꞉ner wahénron,

Ezekiel 24:24

Ethòne ʼÍ꞉ih Ezekiel thenteskwahteʼnienténsthe; kwáh eh nenhsehwáiere tsi niwahtieráhnion. Ne Roiá꞉ner ráton ne nónenh kíʼ étho nenhiáwenhne, kwáh ensewahteriéntarahne tsi rahónha ne Ronhnontí꞉io Roiá꞉ner.”

Ezekiel 24:27

Kwáh ne sahenhnísehra ensehshèna ne sawénhna ne sahthonhníne, tánon tensehwahtharónhnion. Né kí꞉ken ní꞉se ne kaienteresthákwen tsi nòkwah nonhkweshón꞉ʼa, tánon enhonahteriéntarahne tsi Í꞉i ne Watiá꞉ner.”

Ezekiel 25:14

Nakonhkwetashón꞉ʼa Israerʼró꞉nons enskonhwahkárhiakse ne Edom nakeriwáhke, tánon enkhonhiónnien ne Edom nahóntʼtoʼke nakenahkwahwenhráhtshera. Edom enhioteriéntarahne tsi nahó꞉ten kéntons noriwahsónhas tsi ensetkárhiake.” Ne Ronhnontí꞉io Roiá꞉ner wahatáti.

Ezekiel 6:7

Nonhkweshón꞉ʼa kwáh tsík nonhwéson tsi enhiontatenonhwahrhiakónnion, tánon tsi niʼiákon ne iateniakotátereh kwáh enhatiriwahnírahte tsi Í꞉ih ne Watiá꞉ner.

Amos 5:8

Né꞉ne tsi niká꞉ien ne rotsistokonhniánion ne iohshónte ienekaráhkwa tánon ne ratórats, tánon ne kwáh tetiò꞉karas tetsoswát꞉tes noronhkè꞉ne, tánon nenhtieʼkè꞉ne oʼkaráhsa iesewá꞉tons, tánon kaniatarakeʼkowáhne iehanekákwas, tánon è꞉neken ne tsi ionhontsá꞉te tanekawé꞉rons, né raoshén꞉na né꞉ne Roiá꞉ner í꞉ken,