Jeremiah 16:14 - Ohiatonhseratokénti

¹⁴ Ne Roiá꞉ner ráton, “Táhwe ne tsi nikawistáheks nónen nonhkweshón꞉a kwáh iáh tahonshahathiriwahniráttsheʼke nakonháke tsi í꞉i ne konhnhehónwe Ní꞉io tsi nikáien tetheshakohiathinekénʼen ne Israerʼró꞉nons tsi tiohontsáien ne Egypt.

Jeremiah 16:14 ပူးပေါင်းရင်းမြစ်များ

Psalms 81:11

“Ók nakonkwetaʼshón꞉has iáh tehonaʼtahonsatáton nakewénhna; nʼIsraerʼró꞉nons iáh tehionkewenhnarákwen.

Psalms 81:7

Nó꞉nen satesanikónhrare iaskeʼnáton, tánon sakonhniákenʼte; Tsi nón꞉we nikatasehtákwa né꞉ne tsi tehioweratáse, watkonrihwasehrákwahseʼ thóh nón꞉we nakonhiateniénhten ne tsi tionáwerote ne Meribah. Selah

Exodus 20:2

“Í꞉i ne Watiá꞉ner Sewaní꞉io tsi nikáien ne tethiaiathinekènʼen ne Egypt, tsi nónhwe tshieʼsanaskonhníʼne.

Jeremiah 32:37

Kwáh ensehkhehiatharó꞉rohke nonhkweshón꞉a ne tsík nonhwéhsons nónhwe iaʼtekhehiarehniáton ne naʼkenahkwahtsherákon ó꞉ni tsi niʼwahkatenahkwawenhráhti, kwáh kénʼen nónhwe niʼwahtenátaien naʼtenthekhehiaténhaʼwe tánon enkheríhon ne skénnenhk tsi ahatíteronthaʼke.

Micah 6:4

Asè꞉ken tetkwahiathénha ne tsi tiohontsá꞉ien ne Egypt, tánon skwahiathákwen ne tsi kanónhshote ne iakonaskón꞉nis; tánon iekheiateniéton sahén꞉ton ne ne Mahís, Aaron, tánon ne Miriam.

Deuteronomy 15:15

Sehwehiárak tsi í꞉se ó꞉ni sewanaskwahkén꞉ne ne Egypt nón꞉we tánon ki ne Roiá꞉ner sewaNí꞉io sehtsisewahiatotaríshion; ne káti aorì꞉wa nón꞉wa tkwá꞉wis kí꞉ken kariwatà꞉tshera.

Deuteronomy 20:1

“Nó꞉nen enshaterihiósera tsi nokwáh ne tetsatà꞉tsons tánon ensatkátho ne otsónhkwas ó꞉ni ne koshá꞉tens tánon ne ronterí꞉ios ne ieshentioʼkwakén꞉nion, tó꞉sa shetshà꞉nik. Ne Roiá꞉ner saNí꞉io, tsi raónha shaniakénton ne Egypt nón꞉we, kwáh ensenikwekónhake.