Jeremiah 15:19 - Ohiatonhseratokénti

¹⁹ Ne kíh kí꞉ken ne Roiá꞉ner wathariwahsehráko, “Tó꞉ka tentèseh, enskonhiéna, tánon shé꞉kon ensestiótenseh. Tó꞉ka tsi ní꞉ioht ne iáh othenènenh tekariwástha tsi ahishátharahke wahsatró꞉ri ne ioríhonthe ateriwahnhotátshera, íseh shé꞉kon ne akonhkwétah enkénhake ne rotó꞉kense. Nonhkweshón꞉a isèhke nienshón꞉ne, tánon iáh thaʼtehiothonhontsióhon níse rononháke niahonshá꞉se.

Jeremiah 15:19 ပူးပေါင်းရင်းမြစ်များ

1 Kings 17:1

Né rotó꞉kense Elijah ronhwáiasts, né꞉ne Tishbe nónhwe nihanákere né꞉ne Gilead ahonhtonhwenhtsáke, wahawénhase ne Ronhnonhtí꞉io Ahab, “Raosénhnakon ne Roiá꞉ner, né ronhnhehónwe sako Ní꞉io Nisraerʼró꞉nonke, tsi nikáien rihióthenhse, Wakonhróri tsi kwáh iáh tahonsahioháweʼiaste khés nahiokénhnore né꞉ne tékeni khés násenh nihioseráke nikaríhwes tsi nióre ienskíronh thóh nahonsahiáwenhne.”

Exodus 4:12

Káti, ó꞉nen wáhs! Enhkonsniénon nahsatáti, tánon enkonró꞉ri nahó꞉ten ensíhron.”

Proverbs 22:29

Takenaʼtón꞉hahs nónhka raioʼtenhserí꞉io, tánon enkonnaʼtón꞉hahse ónhka sénha ionkweʼtí꞉io tánon tehotèn꞉tshon skátne ahonné꞉sheke ne rotinontí꞉ios.

Jeremiah 1:9

Ethóhʼne ne Roiá꞉ner thontahatiáthate, skwentàhke iahaiéna, tánon wahakénhase, “Sahtahónsahtat, tkonhiáwis nohwenhnahshón꞉a nahshatáhtsiaʼte.

Jeremiah 15:1

Ethóhʼne ne Roiá꞉ner wahakénhase, “Shé꞉kon ne Mahís o꞉ni ne Samuel né kénʼen aníthake ahionkanitenthaséheke, kwáh iáh thaʼkhenatónhase kí꞉ken onhkweshón꞉a thènen ne kenténron. Sehiónnien ne ahéren ahónnhethe; sehiónnien ne éhren rónnhek tsi nónwe níhkes.

Jeremiah 20:9

Ók nónen enkíron, “Kwáh enhihiatahnikónhren ne Roiá꞉ner tánon iáh ónen teskahtátis ne raosénnahkon,” thóhʼne ne saterihwanhotátshera thóh nenháwenhne tsi ní꞉ioht nótsire iothékha ne tsiathákon. Iaʼtewahkatatʼtsiaháton ne thóh ahonthónthaʼke, ók iáh tatkwéni nahonkathoráhrakon.

Jeremiah 35:19

Káti Í꞉i, ne Watiá꞉ner Keshastsʼtenserowáhnen, ne khe Ní꞉io ne Israerʼró꞉nons, wahkaráhratsʼthe nètho Jonadab né roʼníha ne Rechab kwáh tiókonthe tsi roskenrahkéʼthe enhowirahiénthake nahatiotenséheʼke.”

Jeremiah 4:1

Ne Roiá꞉ner ráton, “Ne Israerʼró꞉nons, tó꞉ka í꞉sehwere ne tahontesehwáhkete, ók kíʼ íʼnokwa nathontáhsehwe. Tó꞉ka sehwahrihwató꞉ken nakonháke ó꞉ni éhren sehwaháwit ne kahiatónnis ne íksons,

Jeremiah 6:29

Ne karisthatsi kwáh íken tsi watharihatha, ók ne kahiase karisthatsis iáh tekawistahnahwenhtha iáh ó꞉ni tahtekanahwenhtha. Kwáh iáh othènen tekariwastha nahonsahkhekwatahko nakonkwetahshón꞉ʼa, tsioríhwa tsi nikáien ne ronnonhkwetahetkens iáh éhren tehonwathihiatenhawitha.

Lamentations 1:11

Nahonkwetaʼsónhas ronnonsenénʼnes tsi rathikwísas nahóten hahónneke; watontáton ne raotiʼientátseras ne káhkwa né꞉ne ahonónnheke. “Takenʼénion Saiá꞉ner, tátkens tsi nikonnakʼsen,” ne kanatowá꞉nen tewaséntsos.

Ezekiel 2:7

Kwáh ónenhk tsi enteséhion nakateriwahnhothátshera tó꞉ka kén enhontahonshá꞉tahte khés ne iáh. Ók iáh kíʼ tahontahonsháthaʼte. Asèken kwáh kíʼ ronhteriʼioserahnónhwe!

Ezekiel 22:26

Ne rothikháres tehothihiákon natianerénsehras tánon iáh othènenh tehathikweniénstha nahoténsons ne iotokénti. Iáh othènenh tatehathitíhas nahó꞉tens ne iotokénti tánon ne iáh teiotokénti. Iáh teshakotirihonniénhnis tsi natetʼtsaktíhen ne iotkwéniens tánon ne iáh teiotkwéniens oriwahsónhas, tánon iáh othènenh karíhwah tèken nawenhtatokenhtíke. Né iónhnis nonhkweshón꞉ʼa ne Isareró꞉nonke iáh tehiontkweniénstha.

Ezekiel 44:23

“Né rothikháres ónenk tsi enshakotirihónhnien nakonhkwethashón꞉ʼa tsi natetsatʼthíhen nahó꞉ten ne iotokénti tánon ne iáh tehiotokénti, tánon tsi nathetsatʼthíhen né sahoiéhren iotkwéniens tánon ne iáh tehiotkwéniens.

Leviticus 10:10

Ónenk tsi ensewaienterésthaʼkwe tsi natetsiatʼthíhen tsi nahó꞉ten ne Rawenni꞉io rahówenk tánon né thikáhionk íken, tsi naʼtetsiatthíhen ne iáh tehiotkwéniens tánon ne iotkwéniens.

Leviticus 14:57

Kí꞉ken kaianerénhseras né tekaiatorétha nónen ne knahó꞉tenk iáh tehiotkwéniens tánon nó꞉nen iotkwéniens íken.

Jonah 3:2

Wahén꞉ron, “Eʼtho nón꞉we niahá꞉se tsi tkanatowá꞉nen ne Nineveh, iaʼserí꞉waien ne aterihwahnotáhtshera ne kaiaʼtorehtáhtshera tkoniá꞉wi.”

Zechariah 3:7

ne Roiá꞉ner Roshatstenhserowá꞉nen tsi ráhwen: “tóka enshatewenhnhárahkwe natianerénhsera tánon ne enshateriwahténtiahte ne kahioʼténhsera tsi nitkonhiá꞉wi, ethò꞉ne ki ienskóntahkwe nahshateriwatsté꞉riste Nahkenonhsatokenhtí꞉ke ó꞉ni nahotenáhthake, tánon enwahkatʼthónteke ne shaterennahienthátsheras, kwáh tsi ní꞉ioht tsi niwakatʼthónte ne ratironhiakeró꞉nonhs rahonahterennahienthátsheras ne akʼkhénton rón꞉nete.

Luke 1:19

Nok ne Raronhiakeronon Tontahenron: II ne Kabriel rahohenton ne Niio ihkete, nok neh tionkatoriatakȣen ne tahetenitharen, oni nakonrori neh nikariȣiios.

Luke 10:16

Onka ehtsihseȣataonsatasts, rakataonsatasts; Nok ne ehtsiseȣaȣennonties, rakeȣennonties; nok ne rakeȣennonties roȣennonties ki ne takatennieton.

Luke 12:12

Aseken Ronikonratokenti hentsitsion tsinahoten enseȣenron neh nenkahaȣi.

Luke 21:15

Aseken akȣa ii enkion nethone ne kanikonriio kaȣenniio oni tsiniiore ne iah onka takakȣeni aietsiriȣaiakse oni aietsirihorarake ne ietsiriȣasȣens.

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

Acts 20:27

Asèken iáh thènen theʼtewakathotʼtákwen tsi wakerihowanhá꞉thon noriwakwékon tsi nihotenikonrónni ne Rawenni꞉io.

2 Corinthians 5:16

Kwáh í꞉ken tsi iakwatateʼnikòn꞉rare ne tóhsa taiakhiiaʼtó꞉rehte nonkweʼshón꞉ʼa onʼnhahonnon꞉notenhake, thosane ieioteratston thoʼní꞉ioht tsi tetshitewaiaʼtoré꞉ton ne Kerístos.

Galatians 1:10

Éhʼken ní꞉ioht tsi shí꞉ken ní꞉ioht ne kateniéntʼtha nakʼkwéni nónkwe ahionkeriwaníratʼtse? Kwáh iáh! Nahóten tewakathonwentió꞉ni nehne Rawenni꞉io ahakeriwaníratʼtse! Kateniéntʼta kén naksennowanénhake nonkwétake? Tóhkaʼ shékon ne kateniéntʼta neh naiáwenne, Iáh kíʼ tahihiotenséhake ne Kerístos.

Galatians 2:5

iáh kíʼ tatehionkhinikonrakénnion, Asèken neh tehionkwathonwentiónnine nahiakwanónstathe ne oriwiʼiohónwe ne kariwí꞉io níse sewariwáke.

Hebrews 5:14

Ne iokhwáh ní꞉ron, né꞉ne ne iakotehiáron akówenk, tsi iakoweientetáhon eniekwéni tahiekháshion tsi natetsátere ne iohiánere tánon ne wahétken.

Jude 1:24

Tsi nikáien ne rokwénion nahiaʼiatanónstate tánon iáh othé꞉nen tahianihtséron tánon rahohénton ensathonnárake ne rahoiatanerahkwatsherákon—