Jeremiah 15:15 - Ohiatonhseratokénti

¹⁵ Ethóhʼne wahkíron, “Saiá꞉ner, í꞉se sahnikonhrahiéntas. Tahkehiárak tánon tatsniénon. Tahkeríhon nahonsatkárhiaʼte tsi niháti ne hionkeronhiakéntha. Tó꞉sa sheʼhiatenikonhkátsʼtat né ahonahteriwahténtiaʼseh nahionkenonhwahrhiákon. Sehʼhiárak tsi í꞉se shaʼriwáhke tsi hionkenikonhrahʼkarewáhtha.

Jeremiah 15:15 ပူးပေါင်းရင်းမြစ်များ

Nehemiah 13:22

Eʼthò꞉ne wakheién꞉hase ne Levites né꞉tho tehiotonhontsó꞉hon nahonsahontsatóhare tánon thetón꞉ne nahontenhnikónraren tsi iotenhenrakáronhtes ne nahonhniseratokéntiste ne Sabbath wenhniserá꞉te. Kwáh ó꞉ni sehiá꞉rak, á꞉ke Ní꞉io, tánon sanitenratskónhak ne tioianénhaf ne iawetowá꞉nen sanoronkwáhtsheras.

Nehemiah 13:31

Tánon noién꞉te tsi nithatiiéstha tsi nienkáhewe, tánon nenhtewatiérenhte enwahiárih. Takhehiá꞉rak tanon tatiataté꞉rist, a꞉keʼNí꞉io.

Nehemiah 5:19

Taʼkweʼhiárat tánon tatiatatérist, akeʼNí꞉io, asè꞉ken akwé꞉kon ne ioiánere tsi nikhehiatiérase kí꞉ken onkweshón꞉a.

Nehemiah 6:14

Sehiarák, akeNí꞉io, ne Tobiah tánon ne Sanballat, neh nisehre tsi nihó꞉tihiotenhseró꞉tens tánon ó꞉ni ne Noadiah ne iotó꞉kenhse tánon notsá꞉kes ne rotitó꞉kenhse ronón꞉ha wahá꞉tirihwakwé꞉ni nahonterón꞉ne.

Job Tánon ne Raoronhiakensera 10:7

ethosà꞉ne saterièn꞉tare né꞉tho tsi iaothén꞉non tewakení꞉kon, tánon iáh ónhka nahonsahiontsiathotaríhsi ne shatsaʼnà꞉ke

Psalms 102:24

“O akeNí꞉io,” ká꞉ton, “tó꞉sa iathatiathénhaf tsikʼsénhak shé꞉kon kénk nitewaʼtiónha, í꞉se ne sonhnhehónwe í꞉ken ó꞉ni kwáh tsi waʼhewaʼtsiratátse enkénhake.”

Psalms 106:4

Takehiá꞉rak, Ó Saiá꞉ner nó꞉nenh ensehiénawaʼse ne shonkwetaʼshón꞉has; thowaʼtiatawénhtet nó꞉nenh ensehsehiatáko;

Psalms 119:84

Thóh shé꞉kon nenhkariwéshon꞉ke enskateráhrate? Kát꞉ke kwáh enhsehréwate tsi niháti ne ionkenronhiakéntha?

Psalms 17:3

Waskateriasát꞉kenhse, waskenataré꞉nase ne tsi niwashón꞉tes, waskateniénhten, iáh thaónten thasettshénrih ne aonhetkéntake nakonháke; iáh tewakerihwaiéntase né tsiksahkáronte tsi iáh thakariwaiesáhthake.

Psalms 39:13

Tó꞉sa ó꞉nenh séhkon thontakatkenhsehrénhten né nahónton ahonhtiénhtahne nattsenhnonhniátshera, nohénton akíheie.”

Psalms 44:22

Ók í꞉se thesanónhtons tsi tiotʼkonhónwe ionkhinonwarhiákons, thóh nihionkhiʼiérase tsi ní꞉ioht ne teiotinakarontónha konwaʼnawent꞉tóhsere.

Isaiah 38:3

“Sasehiá꞉ran ó꞉nen Saiá꞉ner, wakonhianiténhten, tsi ní꞉ioht tsi tewakatekhaʼhákwen ne sahénton né꞉ne aóskon tewetákwen tsi kerhiasakwékon í꞉ken, tánon thóh niwatiéren nahó꞉ten ne ioiánere ne sahénton.” Tánon ne Hezekiah otsitówa tsi waʼthaséntʼtho.

Jeremiah 12:3

Ók, Saiá꞉ner, tatsientéri; satkáthos tsi nikatiérah tánon tsi nióre tsi konʼnorónhkwa. Sehiatíser kí꞉ken ionkwetaʼhétkens tsi ní꞉ioht ne teiotinakarontón꞉a akonwanáhtsioʼwe; sehiatennikonhráhren tsi nióre iakáhewe nakonhwatinonhwarhakon.

Jeremiah 15:10

Tsi nióre tsi iáh tewakatʼtsennónhni kónhkwe! Nonhtiéren ne akenisténha tsi ionkenahkerátston ne tsi ionwenhtsáte? Ónenhk tsi kwáh niaʼtehionkwetahke ne tsi ionwenhtsáte tsi tehiakwahriwahkéna. Iáh tewakatwisthaʼníhen iáh ó꞉ni tehionkwisthaʼníhen; shé꞉kon kíʼ hiontkenrensehrónni.

Jeremiah 15:20

Kwáh enkonhiasonthónnien ne iohníron otsínekwar tehiowístahron karísthatsi enkénhake tsi nióre ne ne rónnhereh eh nenhiáwenhne. Ensehwaterí꞉io, ók iáh kíʼ tahieshaʼsénni. Kwáh entenikwekónhake nahonthakónhne ó꞉ni nakonhiathanónhsthate.

Jeremiah 17:16

Ók, Saiá꞉ner, Iáh nonhwénhton thaʼtehionkeniʼriwahkenáhon nahsehkarónni; iáh nonhwénhton tewahkaskanékon né thènen tahotinikonhráhren. Saiá꞉ner, sahteriéntahre thíʼken; sahteriénthare tsi nahó꞉ten wáhken.

Jeremiah 18:23

Ók, Saiá꞉ner, sahteriéntareh akwékon tsi nihonahtenikonhrónni nahionkenonhwahrhiákon. Tó꞉sa shaʼsehnikónhrens tsi nihonnonhkwetaʼhétkens tó꞉sa ó꞉ni shaʼsehnikónhrens ne raoʼtirihwaʼneraháktshera. Tehsehʼhionhontióient ne tsi sehsénhnion ó꞉ni kén niásehreh tsík sénha shé꞉kon shanakwénʼen.”

Jeremiah 20:11

Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.

Jeremiah 20:12

Ók, Sashastsʼtenserowáhnen Saiá꞉ner, í꞉se ne kwáh tkariwahiéri tsi niʼsehiateniéntha nonhkweshón꞉a; sateriénthare tsi nihonerhiasóhtens ó꞉ni tsi nihotinikonhró꞉tens. Káti ánion kónhken shaʼsehkárhiaks ne tehiakwatátʼtions, asèken sesnonhsáhke nónhwe niwáhtien naʼkerihwahsónhas.

Jeremiah 20:8

Nónen enkatá꞉ti, ónenhk tsi tshiaʼtenkasénhtho tánon tenwakʼkénrehte, “Ionteriʼiosehranónhwe! Kahkaronniátshera!” Saiá꞉ner, thihiontiéron ó꞉ni kwáh tiókonhte tsi hionkenikonhraʼkarewáhtha ne tkarihónnis tsi konhiaterihwahnhothánis.

Lamentations 3:64

“Sherèwat tsi nihothiʼhiéren, O Saiá꞉ner;

Lamentations 3:66

Sehiatórat tánon kwáh shehiáthont neh tsi ionwentsiáte!”

Matthew 10:22

Ii aksenna enhietsisȣate nonkȣeokon; neok tanon enhatsennonni ne iatenrokten.

Matthew 19:29

Nok onka kiok enhoteȣenteton, kanonsa, tehatennontere, iatennosenha roniha ronistenha, ok neʼsʼenʼs rone, sakoienhokonha toka onȣentsia nii akeriȣake oni aksennakon, teȣenniaȣe isinonȣe tsi nenshaiena, nok enhoientane nonronnheke onȣe onȣesentserakon.

Luke 21:17

Akȣekon ok oni enhiestsisȣenseron nii akeriȣake.

Romans 12:19

Tóhsa nonwénton kanhakwatserákon tsi ahonsaskáriake, tewatenrosónhas, nók kek tseríhon Rawenni꞉io rahonhakwátsera írats. Asèken noriwatokénti wáton, “I꞉i kwáh se enshekáriaʼke tánon enshekeréwaʼthe, ráton ne Roiá꞉ner.”

Romans 8:35

Ónhka káti, ahiekwé꞉ni neh tahonwahsiotaríʼsih ne Kerístos tsi nikáien ne shonkwanorónkwa? Ne kariwahʼhétken ahkakwé꞉ni onhtèken, tòhka ó꞉ni neh thènen ahionkwanorónsten tòhka ó꞉ni neh thènen karonhiakénsera tòhka ó꞉ni natonkariákon tòhka ó꞉ni katentetserákon tòhka ó꞉ni ne thènen ahiotʼterontónhake tòhka ó꞉ni ne kenhéhiat?

2 Corinthians 5:11

Ionkwaterién꞉tare nahò꞉ten kén꞉ton nahonwakweniénste ne Roiá꞉ner, ó꞉ni kwáh ieiakhiʼnikonhrhá꞉reks ne niaʼteionkwé꞉take raonhà꞉ke niá꞉ien. Rawenni꞉io raonhá꞉ʼa khók roterién꞉tare tsi nitewaweiennò꞉ten, nok aiá꞉wens aisewaterién꞉tarake tsi nitionkweʼtò꞉tens.

2 Timothy 4:14

Alexander ne raristakerónon kwáh wéso tsi ratʼkaronníʼon; ne Roiá꞉ner tehorihwaserákwase tsi nihotiéren.

Revelation 18:20

Satonhná꞉heras, o karonhiá꞉ke, í꞉se ne sewaiatatokéntis tánon ne sewateriwanhótha tánon ne iesewahriwákens! Asè꞉ken ne Ní꞉io thokáwen ne kariwenhthátsera ní꞉se ahisewatʼkónten naón꞉ha.”

Revelation 6:10

tsiathotihén꞉rehte tsi nihatiwén꞉na, “Shasatstenhserowanenhkó꞉wa Saiá꞉ner, saiatatokénhti ó꞉ni oriwihioʼón꞉we í꞉ken, thóh nenhkariwé꞉shonke tsi nió꞉re ní꞉se ienseriwénhte tsi enserewá꞉te ne ronhnonhontsakeró꞉nons tsi ionkhinonwariatkhónnion?”

Judges 16:28

Ethòne ónen ne Samson wahaterénhnaien, “Sanonhtí꞉io Saiá꞉ner, asatʼthónthate, Sewenní꞉io sathóntat saskehiárah; sathónhtat, Ní꞉io, táskon ne kashastsʼténsera énskak khók iesewáteratst, né káti ne énskak khók iekáient akʼkwéni ne sathahonsahiáwenhne ne kí꞉ken Philistiaró꞉nons ne tehionkʼkharathákwen.”