Jeremiah 14:4 - Ohiatonhseratokénti

⁴ Né tsioríwa tsi iáh tehiokennóres tánon iostatʼténʼen nonhóntsa, ne ratiʼiéntʼthos tsi nihonahthehénʼen; ranatkonshaséhton.

Jeremiah 14:4 ပူးပေါင်းရင်းမြစ်များ

Jeremiah 2:37

Ahèren tenthésehte ne Egypt nónwe, enshaniarénhthonʼne tsi nenhshatehénsehke. Í꞉i ne Watiá꞉ner, kwáh kekhenʼronníhon tsi niháti ne sehniahésenʼne; kwáh iáh thaʼhóten tahishahianerásten ne ronónhake nónhwe nahontháwe.”

Jeremiah 3:3

Ne aoríhwa iáh tetsokénnores, tánon ne konhkwitenékha okennorésehra iáh tetsawéhnon. Kwáh ó꞉ni éhtho nishiatóten tsi ní꞉ioht ne ioriwahiathathónʼon; iáh teshatehensehráhien.

Joel 1:11

Sehwanikonhrót꞉then, í꞉se ne sehwaiéntʼthos; tesewahénret, í꞉se ne sewatkwirasehrón꞉nis ne watenenharí꞉sehres, tsi kaiéntʼton nonátsias tánon ne teiotikonstón꞉res; asè꞉ken tsi nitkáhas ne kahentà꞉ke iorihwahiesháhon.

Joel 1:17

Ne kanenhashón꞉as tok enwatoké꞉rike ohnonhonró꞉kons, ne tsi ieientáhkwa iáh othé꞉non teská꞉ien; ne tsi ienatsiaientháhkwa kanonsarihshiónkwen tiorì꞉wa nonáhtsias tsi hiotón꞉hon.

Leviticus 26:18

“Tó꞉ka nó꞉nen orihwakwékon enhiothohétsthonke ské꞉kon kíʼ iáh teskewenhnarákwah, kwáh kíʼ tsáta nihiorihwáke tentsiásere ne sharewatátshera.

Amos 4:8

káti tekaná꞉take khehs náhsen nikaná꞉take skaná꞉taʼk khok tsi nón꞉we niahón꞉ne niahatihnekí꞉ra, tánon kíʼ iáh tshiaʼtehotiieríhse; shé꞉kon kíʼ iáh akonhá꞉ke thaʼtetisé꞉non, rá꞉ton ne Roiá꞉ner.

Deuteronomy 29:23

Ne kahenthakésons kwáh kaiáse enkénhake, ne entsioró꞉ronhke ne iontenatentásta tánon tioiótsis; iáh thahó꞉ten thakaienʼthónke, tánon shé꞉kon ne kahontátsens iáh ki tahonthakánio ne nón꞉we. Ne sonhontsà꞉kes ne tenskaieronhthárake ne tsi kanatowá꞉nens ne Sodom ó꞉ni ne Gomorrah, né꞉ne Admah tánon ne Zeboiim nón꞉we, tsi niká꞉ien ne Roiá꞉ner rorihwénktons nó꞉nen ne kwáh sihotenakwenhráti.