Jeremiah 14:2 - Ohiatonhseratokénti

² “Judah iotsiónnion; ne ahonatahshón꞉a ne kanatowáhnenhs iawenheionhátse, nahonkwetahshón꞉a onhkwentsiáke ratihiatahkérons tsi nihotinikonhráksens, tánon ne Jerusalem tewahséntʼthos nakonhwaiénahwahse.

Jeremiah 14:2 ပူးပေါင်းရင်းမြစ်များ

Job Tánon ne Raoronhiakensera 34:28

káti ne wahatirihon꞉ni tsi nateionsénhthos ne iakó꞉ten niá꞉ien raonhà꞉ke, tánon waothón꞉teʼne tsi teionsénhthos ne iakoroniá꞉ken—

Psalms 144:14

tánon nonkwahtshenenhókons tionhnónskwahrons wé꞉so aiotiwiraiéntaʼne. Aiáwenhs tó꞉sa ahonsahionáti tsi nakonhtinéronhke, tánon tó꞉sa ónhka ahionhnikonhrót꞉thake tahionhsentʼthóseke nonhkwahnátakons.

Exodus 2:24

rahónʼha wahothón꞉teʼne tsi nihoʼnonhsèhna tánon waʼrehiá꞉rahne ne raonateriwasehronhniátshera ne Abraham, lsaac, ó꞉ni ne Jacob.

Isaiah 15:5

Nakwéri tehoséntʼthoʼse Moab; ne rotiʼnathénhawis wahontèko Zoar niaʼhónhne, tánon Eglath Shelishiyah. Asèken tsi tsionontakàrenhre ne Luhith iahatinonhtarane tehonsentos; ne tsi niehiothahínon ne Horonaim wahatiʼtsitakétsko ne atkaronhniátshera;

Isaiah 24:11

Tsi niʼiakonakwénhen thóh tsi tekanatokénserons asèken tiotnekokte notsítsa; akwékon natsenhnonniátsheras iáh teskáien; nahotsenhnonniátshera ne tsi ionwenhtsàte iotón꞉hon.

Isaiah 24:4

Né tsi watonhwenhtsá꞉te wahotsiʼióhaʼne tánon wahoshatstenserón꞉ti, ne thonattsenhnates ne tsi watonwenhtsá꞉te wathontonhnaténi; ne tsi karonhiáte wahoshatstenhserónhti ská꞉ne tsi ionwenhtsàte.

Isaiah 24:7

Notsítsia ienekirátha ienwasteske, Né watenenharíhseres onhtakénheie; ratiʼkwékon ne ronhtenikonró꞉ris tahonhnonhníserenhne.

Isaiah 3:26

Tánon ne aówenk tsi iothenhenrenhtónhnions enhiakonikonratsénhseke tánon enhiakotiónhnionhke; konwatewenhtéton, kwáh kí ohontsáke enwanítskote.

Isaiah 33:9

Nonhóntsa iotʼtiónhnion tánon ioteshatstenhseroktáhon; ne Lebanon hiorihwaʼnerakóhon tánon etʼtsiahotashókwahse; ne Sharon kwáh né꞉ne iahontsathénhake í꞉ken; tánon ne Bashan tánon ne Carmel wahotineráthenhse nenhné꞉e.

Isaiah 5:7

Asèken ne tsi ronenharaientʼthóhseron néh Sakoiá꞉ner ne ronterí꞉ios ratiʼronhiakerónons ne ne NʼIsraerʼronóns iakoton, tánon nonkweshónhas ne Judah né꞉ne rahonwesénhtsheras tsi nihoientʼthóseron; ne rorará꞉tiene ne kaiánerenh, ók ne wahatkato iakonekkwáhon; ne rorará꞉tiene ne karihwakwahriʼshióntsheras, ók nék khók wahothónhtene tehionséntʼthos!

Jeremiah 11:11

Káti nónhwa Í꞉i, ne Watiá꞉ner, wakhehiaronkáten tsi enthékaʼwe ne kahkaronniátshera ne ronhnónhake, tánon iáh thahatiniákenʼne. Tánon nónen iatenhothihénreʼte nakonháke nakhehiénahwaʼse, iáh thakhehiatahónsahthaʼte.

Jeremiah 12:11

Kwáh káiase wahonónhniaʼte nonhóntsa; akʼkénton káien iohiesáhon. Kwáh ohontsaʼkwékon kahentahkekówa iothónʼon, tánon iáh ónhka thènenh tehiontsterístha.

Jeremiah 12:4

Tóhʼ nióre nonhtionhóntsa ienwastátʼten, tánon nonhontesónhas ne kwáh niaʼtekahethákes nahonthakénheʼie? Konhtitʼtshénenhs ó꞉ni notsitenokónhas konnihéions ne tkarihónnis tsi nihotiriwáhnerens nonhtionkwetaʼshón꞉a, ónhka ne ónhkwe iónhthon, ‘Rawení꞉io iáh tehatʼkáthos tsi nitewahtiérah.’”

Jeremiah 18:22

Kén tiokwáksen iasehiaténiet nahathinenhskwenháton tsi ratiterónton ne ne kwáh iáh othènen tahonthontró꞉ri; sehiónʼnien katerontsherákon tsi tehonséntʼtho. Hionksonhionnénhni né iatiáʼtenne tánon hionkaterísthaʼien nahiontiénha.

Jeremiah 4:28

Ne tsi ionwenhtsiáte kwáh enwahtsiónʼnion; ne tsi karonhiáte kwáh entsókarahwe. Ne Roiá꞉ner wahatháti tánon iáh thatahonshahotirihwahthénien. Ónenh rothenikonhríhson tánon iáh tahonshahákthaʼte.

Jeremiah 46:12

Iakahontsakwéhkon iakorónhken ne sahtehénsehrah; Ne tsi ionwenhtsáte ne kanhanónhtʼthon tsi nateshaʼsénhthos ne kanikonhrakʼsénhtsera. Ne ronhterí꞉ios kwáh tsateshontatʼniothahiónkwas, tánon rahtiʼkwékon ohontsáke wahatiʼhiathakerónhtahne.

Jeremiah 8:21

Tewakherhiasahkwentéhon tioríwah nakonhkwetashón꞉a tsi tehonwanaskwasehronkwáton; wakatʼtiónnion; kwáh íken tsi tewahkáthonʼne.

Lamentations 2:8

Ne Roiá꞉ner kwáh thonikonrakontákwen nètho tewasontóthon ne Zion ó꞉nenk tsi enkarieniénton; Wahathenienténnion né kwáh oriwí꞉io ahrónni tsi kwáh enkariwénthonke. Ne kanikatóthonkwe óni tsi tewashonthótonkwes ó꞉nen akwékon hioreniénseron.

Lamentations 2:9

Naʼtenhenrashónhas ne tiothiʼiatháten tsi hiostókote, ne thekarenwaniónkwes kénk níwas thehiotsákons. Ne Ronnontí꞉io tánon ne rathisennowánens ó꞉nen ronahnakerákwen. Ne kaianerénsera iáh ó꞉nen thesonwatirihonniénni, tánon ne iehatiriwákens iáh othénen tesesakorihothasénnis ne Roiá꞉ner.

Lamentations 5:10

Nathonkariákon wakakwéni kwáh í꞉ken tsi wahonʼkwataríhen tsi nahonkwenʼtonkwaroh tsi nióre nonkwanéʼon thóh nihiotaríhen tsi ní꞉ioht ne iontenatharontákwa.

Hosea 4:3

Ne káti aorì꞉wa nonhóntsa ioʼtionhniónkwen, tánon ratikwé꞉kon ne nón꞉we nihatinákere enotishaststenhserónhti; skátne ne kontí꞉rios tánon notsithenokónhas ne tsi niówerare kontí꞉tses, iekaní꞉hare ne kéntionks ne kaniatarakeʼkowáhne enkontiiatháton.

Joel 1:10

Ne kahentà꞉kes iorihwaieshá꞉hons; nonhóntsa iáh othé꞉nen thatetkánios; asè꞉ken nonátsias karihwatón꞉ton, nonenhará꞉keri iehiostéhon, ne kénhie wathontkári.

Joel 1:11

Sehwanikonhrót꞉then, í꞉se ne sehwaiéntʼthos; tesewahénret, í꞉se ne sewatkwirasehrón꞉nis ne watenenharí꞉sehres, tsi kaiéntʼton nonátsias tánon ne teiotikonstón꞉res; asè꞉ken tsi nitkáhas ne kahentà꞉ke iorihwahiesháhon.

Joel 1:14

Sewaʼrihó꞉wanat naʼwenhtónhtiete, ietsihiaʼtaró꞉rok nonkweshón꞉as ne naiotokentí꞉ke raohénton ne Ní꞉io. Ietsihiaʼtaró꞉rok ne thotí꞉ions tánon ratikwé꞉kon ne tsi ionhontsá꞉ien ratiná꞉kere thóh athenhenrá꞉kon ne raononsatokentikó꞉wane ne Sewaní꞉io, tánon iaʼtesewasénhtho rahonhà꞉ke ne Roiá꞉ner.

Joel 2:6

Tsi nenhtonwaʼken, akahontsakwé꞉kon waherón꞉hiaken, ratikwé꞉kon ronahnitiokwahró꞉ron tsohotirihwaié꞉was.

Haggai 1:11

Wakstá꞉thate tsi ionwentsá꞉te—tsi ionhniarónnion, tsi kaienthóhseron nonátsa, tsi kanenʼharaienthóhseron, tánon noná꞉tas, náse onenharákeri, ne kenhieshón꞉as, tsi nahó꞉tens nonhóntsa tká꞉nios, nonkweshón꞉as tánon ne kontiʼtshé꞉nens, tánon akwé꞉kon ne raotihioʼthénhseras.

Zechariah 7:13

Tiorì꞉wa tsi iáh tehonatahonshatháton nó꞉nen enkathá꞉ti, iáh thatekherihwasherahkwén꞉ni nó꞉nenh enhonterén꞉naien.

1 Samuel 5:12

Tsi niʼiá꞉kon ne iáh teiakawenhé꞉ion ne waʼhotiʼiatórenhne takwaʼáhshon, tánon tsi nontsaró꞉ko ne kanatowanénhke iahontharátate tsik kaʼronhiáte.

1 Samuel 9:16

“Nenʼióhrhenʼne tó꞉kaʼ kiʼ tonenkaʼhá꞉wiʼke kwáh entiʼiatéʼnié꞉te shonháke rón꞉kwe thóh nèntʼre tsi tionhontsá꞉ien ne Benjamin, tánon kwáh í꞉se entiaʼtaráko naʼsakokʼkóraste nakonkwetaʼshón꞉ʼa Israerʼró꞉nons. Kwáh Rahón꞉ʼa ensakonónsthaʼte tsi nòkwah ne raoʼtishastsʼténsera ne Philistines; asèken kwáh í꞉i wakatká꞉thon ne raoʼtironiakénhsera nakonkwetaʼshón꞉ʼahs, tsioríwa tsi naʼteotihenrétha ontiaʼtórenhne.”