Jeremiah 14:19 - Ohiatonhseratokénti

¹⁹ Saiá꞉ner kwáh kén oriwiʼiohónwe tsi sehkenronníhon ne Judah? Nonhtiéren tsi niséhsons ne Zionró꞉nons? Onhnonhtiéren tsi éhtho nióre tsi niwahétken tsi niʼskwakarewáhthon ne ne iáh tahiakwahkwéni ne ahonshahionkwaʼtewihrónnien? Skénʼnon hiakwésaks, ók iáh othènen teiawénhon ne aiohianeréhake; hionkwaskanéhʼkon ne ahonshaʼhiakwahiewénhtahne, ók khèkenk kahterontserahónwe.

Jeremiah 14:19 ပူးပေါင်းရင်းမြစ်များ

2 Chronicles 36:16

Ók kaierónhsera waʼhonwenhnónhni ne Rawenni꞉io raonhkweʼtaʼshón꞉a ne ratirihwakarénies, ronatharón꞉tion ne raowenhnahókon tánon sakotisterís꞉tha ne raonhkweʼtaʼshón꞉a rotitokenséhakwe, tsi nió꞉re nonàken ne Roiá꞉ner iáh tieshokwénion ne ahonsahothatiénenhke washakonákwahse ne raonhkweʼtaʼshón꞉a thóh nió꞉re tsi tehiotenonhnianíton iáh kanèka tsiahónhne nahatiniákenʼne.

Job Tánon ne Raoronhiakensera 30:26

Nó꞉nen ne siwaʼké꞉rare ne ioiánere, karihwahétken ón꞉we; nó꞉nen ne siwaké꞉rare ne kaswathétshera tetiò꞉karas ón꞉we.

Psalms 78:59

Ne Rawenni꞉io kwáh waʼhoteʼnhakwawenhrát꞉tse nó꞉nen sahatkátho, kwáh kíʼ tóh kénʼen tsi waʼsakokénhron ne Israerʼró꞉nons.

Psalms 89:38

Ók ó꞉nen watskénron; onhnnontséren tsi ní꞉ore tsi tsenákwase tsi nikáien tiatará꞉kwen nahonontí꞉ioke

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Jeremiah 12:7

Ne Roiá꞉ner ráton, “Wakatewénhteʼthe ne Israel; Wahkhekénron ne kehiataráhkwen nonhkweshón꞉a. Tatkhéhion nónhkwe ne kenorónkwah thóh raothishaststenserákon ne ronwathísons.

Jeremiah 12:8

Ne khehiatharáhkwen nónhkwe wahonkatkarahténi; tsi ní꞉ioht ne kénreks karhákon íhwes wathotihénreʼte nahkonháke, tánon káti wahkhéson.

Jeremiah 15:1

Ethóhʼne ne Roiá꞉ner wahakénhase, “Shé꞉kon ne Mahís o꞉ni ne Samuel né kénʼen aníthake ahionkanitenthaséheke, kwáh iáh thaʼkhenatónhase kí꞉ken onhkweshón꞉a thènen ne kenténron. Sehiónnien ne ahéren ahónnhethe; sehiónnien ne éhren rónnhek tsi nónwe níhkes.

Jeremiah 15:18

Nonhtiéren tsi iehiontkhontáhkwen tsi wahkeronhiáken? Nonhtiéren tsi niwahkatkarewáhton tsi iáh testiewénhtas? Nonhtiéren tsi iáh tesehwahthewhirónnis? Né kén ísehre ne taskenikonhrhiáten tsi ní꞉ioht ne watʼnekíne wastátens tsi niwahkénnhes?”

Jeremiah 30:12

Ne Roiá꞉ner washakawénhaʼse nonhkweshón꞉a, “Tsi sehwatkarehwáhton iáh tahonsontkwahtáko, tsi sehwatkareʼwáhton iáh tahonshontewiʼrónni.

Jeremiah 30:13

Kwáh iáh ónhka tetionkwéthaien ne tahetʼtsiriwásnieʼseh, iáh tekanonhkwahtsheráien tsi niʼsehwatsiaʼthakwahrákson, iáh tewahrahratʼtseráhien nahonsehsewahiewénhthaʼne.

Jeremiah 51:5

Í꞉i, ne Watiá꞉ner KeʼNí꞉io Keshastsʼtenseroʼwáhnen, iáh tekhehiatewenhthéton ne Israel ó꞉ni ne Judah, iáh wehrohátien tsi rotiʼriwáhnerenh tsi nòkwah ní꞉i, ne Rotokénti ne Israel.

Jeremiah 6:30

Ne enhonwatinahthonkwahke iáh othènen tehathiriwasthas iáh othènen tehiorihonte, tsioríhwa Í꞉i, ne Watiá꞉ner, wakhekenron.”

Jeremiah 7:29

“Sehwatʼtsiónnion, tiónkwe ne Jerusalem; sehwahthatenonhkar tánon íseh iasehwáhti. Tesehwahríwak ne hionthatiathatahástha karénna ne onhotoharahkésons, tsioríwa Í꞉i, ne Watiá꞉ner, wakenahkwénʼen tánon wakhekénron nakonhkwetahshón꞉a.

Jeremiah 8:15

Hiakwaskáneks ne skénnenh tánon iakáhewe ne ahonshontetiénton, ók iáh othènenh tehiorihonthákwen; khék kahteronkwahtsheraʼónhwe.

Jeremiah 8:22

Iáh kén thènenh tetkanonhkwaʼtseráien ne Gilead nónhwe? Iáh kén tethonatetsientsheráien? Nonhtiéren, káti, nakonhkwetaʼshón꞉a tsi iáh teshonwathitiénton?

Lamentations 2:13

O Jerusalem, tekanóron Jerusalem, onʼnahóten akíron? Onʼní꞉ioht tsi akonnikonranírate? Iáh àrok wenton nónkak éhʼtho nióre tsi teiakoronʼiakénhen. Ne sakaronniátsera kwá iáh othénen tekáneren tsi ní꞉ioht ne kaniatarakeʼkówa; kwáh iáh othénen tehióien nahiorahratseraiéntake.

Lamentations 2:22

Wasehonráron ne iónkswens nahathinenrínekenwe nahionkterónkwen neh akonháke, Tánon kwáh iáh ónka tahónton nahiontèko neh thóh wenniseráte tsi nisanakwénhen. Wasakonásethe neh kehioʼokónha, tsi nikáien ne kheiehiáron óni khenorónkwaʼkwe.

Lamentations 4:17

Ne kaienawashétsera iáh nonwénton tèhio, wahakhihiathisháke tsi nióre ne iáh tsietionkwakwénion. Kwáh tió꞉konte tsi hiakhirárekwe ne thóhnon nahotahonénon tsi nónwe tkanakeraserá꞉ien né kwáh iáh thènen tehotí꞉ien nahontahatíʼieste.

Lamentations 5:22

Kátonʼken tsi nénwe tsi takwakenronníʼon? Iáh kén tiehiótokʼte ne sanahkwátsera?

Micah 1:12

Asè꞉ken ne Maroth nón꞉we niienákere iakorarénion tsi nateiakostériens nahonsonterihwakwahtá꞉ko, tiorì꞉wa ne karihwahét꞉kens Roiá꞉ner nón꞉we nitsiostsnénton thóh ón꞉we tsi iotenhenrakà꞉ronte ne Jerusalem.

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.