Jeremiah 14:13 - Ohiatonhseratokénti

¹³ Ethóhʼne wahkíron, “Sanonhtí꞉io Saiá꞉ner, shateriéntahre nètho rothitó꞉kense ronwahtiró꞉ris nonhkweshón꞉a tsi iáh thakaiéntahne nateriʼiósehra ó꞉ni nathonkarhikon, tioriʼíwa tsi sharahrátston, rónton, tsi kwáh nék khók ne skénnen enkaiénthake nonhtionhontsáke.”

Jeremiah 14:13 ပူးပေါင်းရင်းမြစ်များ

Isaiah 56:10

NʼIsraerʼró꞉nons ne ratiʼrihwanikónraʼre tsi tehatironwèkon, kwáh ratiʼkwékon iáh othènon tehonatʼtokhatsheráien; kwáh ratiʼkwé꞉kon sák tihonathaʼtónhni tsi ní꞉ioht né éʼrhar né iáh takakwéni nakaní꞉hie; ronatét꞉tiens, ratiʼiatakwénhtaʼre, ronnonhwéskwahni nahotítaʼwe.

Jeremiah 1:6

Watkerihwahsehráko, “Shanonhtí꞉io Saiá꞉ner, iáh tewahkateriéntahre onʼní꞉ioht tsi ahkatáhti; sóhtsi nitewahtiónha.”

Jeremiah 20:6

Ók ní꞉se, Pashhur, í꞉se tánon ne shaʼwáhtsire kwáh ó꞉ni enietʼtsiʼiéna tánon Babylonia nieʼniettsihiaténhaʼwe. Thóh nónhwe ienshí꞉heʼie tánon enhieshaʼhiatháta, skátʼne ne sewatenroshónʼa tsi nikáien ne wéso sehʼhianhowenhténni.’”

Jeremiah 23:17

Tsi nòkwah ne onhkweshón꞉a ne iáh tehonatʼthontháton ahonaʼthahonsahtátonʼke tsi nahó꞉ten wáhken, kwáh nék khók rónton kwáh akwékon tsienhioianeréhaʼke ne rahotiʼrihwáhke. Tánon onhkwetaʼkwékon tieshaʼkotiró꞉ris né iakononhtsistahníron nètho kariwahiesáhtshera tsi iáh nonhwénhton kén tsiahiakóhiereh.”

Jeremiah 37:19

Onhʼnihothihiaʼthawénhon ne shonkwetaʼshon꞉a rohthitokénse tsi nihieshaʼróri nètho Ronnonhtí꞉io ne Babyloniaró꞉non tsi iáh tahontaʼhiatsiatónti iáh ó꞉ni ne kahnahkeráhsehra?

Jeremiah 4:10

Ethóhʼne wahkíron, “Sahnonhtí꞉io Saiá꞉ner, kwáh tohkénʼen tsi wahsehnikonhráhten nonhkweshón꞉a ne Jerusalem! Ísenh tsi skénnenh thenkénhake, ók asahrehkówah ronahásen tsi rothiniathakáhronthe.”

Jeremiah 5:12

Ne Roiá꞉ner rahonkwetahshón꞉a wahonwathonníhaʼse tánon wahonníron, “Kwáh séh iáh thènenh taháiere. Iáh thènenh tahonthahionkwatókʼthaʼse; iáh thahitewatʼkátho nateriʼiósehra tó꞉ka ó꞉ni ne athonkarhiákon.”

Jeremiah 5:13

Ró꞉nenh nètho rotitó꞉kense kwáh iáh othènenh tehatiriwásthas nék khók ne kawehrahthárions tánon iáh thènenh tehathíhawe nateriwahnotátshera ne Roiá꞉ner nónhwe nahonthaiawénon. Ne Roiá꞉ner Ní꞉io Roshaststenserowánenh wahakénhase, “Jeremiah, ne enkarihónni tsi nahoténson kíʼ rónenh, tsi ní꞉ioht nótsire enkénhake nakewenhnasónhas ne tsiákon. Nonhkweshón꞉a tsi ní꞉ioht nóiente enkénhake, tánon nótsireh enhiakhotsiáhate.”

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Jeremiah 6:14

Thóh nihonahthatiéren tsi shíken ní꞉ioht nahkonhkwetahshón꞉a nék khók ne tehonahtenákʼkonhs. ‘Akwékon tiehiohiánere,’ rónton, nónenh nahkwékon tiewahétken.

Jeremiah 8:11

Thóh nihonahthatiéren tsi shí꞉ken ní꞉ioht nakonhkwetahshón꞉a tsi ronatʼkarewahthánions nék khók ne tehonahtenátʼkonhs. ‘Akwékon skénnenk thíken,’ tsi rónton, kwáh séh iáh skénnenk tèken.

Ezekiel 12:24

“Tsi nahtehóntere nonhkweshón꞉ʼas ne Israerʼró꞉nonhke iáh ónenh shé꞉kon tahonsakaiéntahke ne ohnówenh atetʼtshénseras tó꞉ka ó꞉ni ne iakotatharahkwáhtha ne iekariwáhken.

Ezekiel 13:22

“Tsi nishanhówenhs watesehhianikonhrhiátʼten ne tionkwetaiéris, tsi nikáien ne iáh tèkereh nakhekaréwahte. Tesehtástha ne iakonhkwetahétken nahónkʼkaʼwe ne kariwahétken tánon tsi ahathinónhsthate tsi ronónhnhes.

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

2 Tiér 2:1

Ronteriwanotatsherátsens wahonthotashiónko nonkwé꞉ne tsi nitsawénon, tánon kwá ne sáka tsi enhonthotashiónko ne rohtinówens sakotirihonniénʼnis ne sewentiókwakon. Ne kíʼ enkaionte naisewakarónniathe, nonówen ateriwanothátsheras, tánon enhonwatonníhase ne Kerístos tsi nikáien sehsakoniakénton, tánon kíʼ kwá ienhontátkwase tahontaiawénstsi ahonníheie.