Jeremiah 13:24 - Ohiatonhseratokénti

²⁴ Ne Roiá꞉ner kwáh ne he tsi watʼtatthó꞉kwahte tsi ní꞉ioht ne kahwáhe né꞉ne hiehióha ne kahentahkekó꞉wa tehiowerahtháse.

Jeremiah 13:24 ပူးပေါင်းရင်းမြစ်များ

Psalms 1:4

Ók ne rotirihwáneren iáh né èhʼthoh tèhiot, né꞉ne teshontiéren tsi ní꞉ioht nahiónsehwe tsi iahó꞉te ieká꞉has.

Isaiah 17:13

Ne iakahontsaʼkerónons iakoronkwénstatre kwáh né꞉ne wé꞉so watnekíne, ók kí ensakoʼtewenhnaiéntonhwe, tánon kwáh enhontèko nahí꞉non nónwe nienhónhne, ensakósehre tsi ní꞉ioht ne kaʼwàhe ne tsi iononhtarónhnions nohénton takáwerakwe tánon tsi niʼhioienkwáhrote nohénton thenkaweraʼtáse.

Isaiah 41:16

Ní꞉se kwáh kí ensheiásehwe tánon tsi iowerá꞉re ienhkáhawe, tánon ne tsi teioweratáse kwáh kí tenhiakoréniaʼte. Eʼthó꞉ne kí ní꞉se kwáh ensatonhnáren rahonhá꞉ke ne Roiá꞉ner; rahonhá꞉ke né Roiatatokénti khók í꞉ken NʼIsraerʼronónke ní꞉se kwáh kí ensará꞉sehse.

Jeremiah 18:17

Raothihénton ne ronwahtísons tenkhehiaréniaʼthe nakonhwehtahshón꞉a, tsi ní꞉ioht nehiokenróh꞉te ne tsitkarahkwínekens nòkwahti nitsiowehrénha. Kwáh enkhehiatsʼwaténien; Kwáh iáh thaʼkhehiatahkéna nónen ne karihwahiesáhtshera énwahwe.”

Jeremiah 9:16

Tenkhehiaré꞉niaʼte tsi rahthinakeréhnion nonhkweshón꞉ʼa né꞉ne ronónha ó꞉ni ne sahkothisotthokonkénʼen iáh tehonwatisennarónken, tánon ienkhehiaténieʼte ne ronterí꞉ios ne ronnonháke tsi nióre ne kwáh enkhehiáthonʼte.”

Lamentations 1:15

“Ne Roiá꞉ner wahostériste ne kwáh tásaste nakonkwéta raterí꞉ios; Ronterí꞉ios tasakothéniete nasakóthonte nakonkwetaʼsónhas nithotihiónsas. Wahtesakoskwáseron nakonkwetaʼsónhas tsi ní꞉ioht ne tsi tehionhiarithákwa noʼnénhare káhik.

Ezekiel 17:21

Né kwáh tahonkwetí꞉ios ne ronhtirí꞉ios tsi wahterí꞉io nónhwe nenhonwahtinonhwahrhiakónnion, tánon ne iatenhonahtháʼtereh kwáh tsik nonhwéson tsi tenhonwahnaréhniate. Ethòne ensateriéntharahne tsi Í꞉i ne Watiá꞉ner, wahkatáti.”

Ezekiel 5:12

Énska násen-haton nihionkwétahke ne tionkwetashón꞉a athonkarhiákon tánon kannratharinhétshera enhotírhiote ne tsi kanatowanénhke. Énska ne ásen-haton niháti ne꞉ne tesehwatátʼtions enhonwanawénhtʼto átste nòkwah ne tsi tekanathanákton ne kanatowáhnen. Tánon tenkhehiatʼtó꞉kwahte ne tsi ioweráhre ne énska ne ásen-háton niháti tánon akasharehkówa énkatste enkhehiatékwahte.

Ezekiel 5:2

Ne asénhaton niateshakháshion asénhnonh nónhwe náhtien ne shá꞉wenhk iohontsarásthon ne Jerusalem. Nenhwahtó꞉hetste tsi nitewahtenienténston tsi tekonhwahnahthánenh, thóh sátʼtsahat. Tesharéniat nó꞉ia ne énska násen tsi ní꞉ioht tsi teshaiakónhnion tekaiáhiat ne shá꞉wenhk ionhontsaráston tánon skwétar ásare íshasts. Tánon nonahkènkha ne ásen tsi ní꞉ioht tsi teshahiakónhnion tsi ioweráhre nenhʼné꞉e iashá꞉ti, asèken asarekówah énkatste tsi tekhehiaréniaʼte nakonhkwetashón꞉ʼa

Ezekiel 6:8

“Ók enkheríhon tohʼkàrah niháti nakonhkwetashón꞉ʼa nakonhwahniákenhse ne kariwahiesáhtshera, tánon kwáh tenhonwahnaréniathe tsi ienahkerénion nonhkweshón꞉ʼa ne tsi ionwenhtsáte.

Hosea 13:3

Eʼthó káti kwáh thóh nenhatihiató꞉theken tsi ní꞉ioht noronhnekéha iahonhawí꞉non khés kwáh né꞉ne iohawéien ne iostó꞉re teskahawehiákwah, tsi ní꞉ioht ne kawá꞉he kwáh skenénha kátses noskwenhkarà꞉ke ne tsi iethetáhkwa khés ne tsioienkwahró꞉te tsi tekatsiserá꞉ton.

Leviticus 26:33

Éntsien naterihiósera ne sonháke tánon iatenhkonhiaréniaʼte naktéhson nónhwe tsionhontsaiéntons. Ne sonhontsákes iáh ónhka tahonsaienákereke, tánon ne sanatowánens kwáh enkarihwéntʼthonke.

Zephaniah 2:2

nohénton ne kaianerénhsera aontónnhete nohénton ahontenhniseró꞉hetste, tsi ní꞉ioht ne káwahe ne tsi iahóte ká꞉tses; nohénton ne nón꞉we nahisewárane tsi niotenakwawenhráti Roiá꞉ner ahisewárahne nohénton ne raonhakwáhtshera ne Roiá꞉ner ahisahráne.

Luke 21:24

Akȣekon enhiontateniaroskare, nok enhiontatenaskȣenhaȣenseron tsi ienakerenion, nok nehne iah teiakoriȣiioston enhiontenatakȣeniioste ne Jerusalem, tsiniiore ienkanane tsinikanaton ne iah teiakoriȣiioston akaȣennisera.

Deuteronomy 28:64

“Ne Roiá꞉ner kwáh tenhtsisewaréniate tsi ienakerénion nonhkweshón꞉as, ne tsi iehiotonhontioktaníhons, tánon tho nón꞉we nenieʼtsiió꞉tenhse ne nihiohokón꞉as né꞉ne oiénte tánon onénhia ionhniátons, né꞉ne nihiohokón꞉as ní꞉se tánon ne ietsisoʼthonkonhkén꞉en iáh nonhwénton tethiʼtsishén꞉naien.

Deuteronomy 32:26

Ne Rawenni꞉io wahèn꞉ron, “Kwáh ratikwé꞉kon akhehiatónhtonke, ne káti ne kwáh iáh ónhka tahonsahonwenehiá꞉rake.”

Deuteronomy 4:27

Ne Roiá꞉ner kwáh ki tenhtsisewaréniate tsi nihatinakerénions ne tihononhontsà꞉tes, thóh nónhwe toʼkárat kók nítson iaʼtensewatá꞉tere.