Jeremiah 13:22 - Ohiatonhseratokénti

²² Tó꞉ka ensehriwahnonhton onhnontiéren kí꞉ken tsi kwáh akwékon eh ne shahiátahwen— nonhtiéren ne sattserónniat tsi onhterahtiónko tánon waheshasehronniáhshion tánon thontaheshanónhtonse— né tsioríhwa ne shariwahneraháktshera tsi natehiotenonhnianíton.

Jeremiah 13:22 ပူးပေါင်းရင်းမြစ်များ

Isaiah 20:4

káti ne ronnontí꞉io ne Assyria iensakosárihne ne Egyptró꞉nons tsi ensakonhóton ó꞉ni ne Cushró꞉nons tsi ní꞉ioht ne ronwaʼnanahkerakwáhton, kwáh sathenhiótonke né꞉ne kén nithoʼtiiónsas ó꞉ni ne rotiʼtstohokónhas, raoʼtinehóskonk thí꞉ken tánon raoʼnaskawetóskonk, tánon ne tsehotiʼnahtsakétote, ne nahotehénhsera ne Egypt.

Isaiah 3:17

Ne Roiá꞉ner ne ensakononwatʼtáten nahiotinonkwíserenhne kwáh onahónstha enkónton ne kontinontsínes ne Zion akohioʼokónhas, tanon ne Roiá꞉ner kwáh kokʼnón꞉we thenrónhni ne tsi iotiríhwaien.

Isaiah 47:8

Nón꞉wa thóh nón꞉we nasáronk kí꞉ken, í꞉se ne serihwanorónhkwa nonwesénhtsheras, thóh shískoʼte tsi niʼiorihwaníron, sáton ne seriá꞉ne, “I꞉ik wá꞉hi, tánon iáh ónhka nakóren tekáien tsi nó꞉kwah ní꞉i; Kwáh iáh thaʼkátsien tsi ní꞉ioht ne ioteréhons khés nakerihwaienteríhaʼke ne iakotónhni ratiksaʼokónha”—

Jeremiah 13:26

Kwáh rahónha ne Roiá꞉ner enhiasehronniási tánon enhianotstónni nahiatéhaʼthe.

Jeremiah 14:16

Nonhkweshón꞉a tsi nikáien ne ronwahtiró꞉ri kíʼ nahorihoténshons kwáh ne sáhka tsi enhonwahtinonhwarhiákon. Ne raothihieronthashón꞉a kanathakónson ne Jerusalem ienwáhtionke, tánon iáh ónhka tahontetʼtsénri nahonwatihiatáta. Kwáh kíʼ ratikwékon tsi eh nenhotihiátawen—tsewahkwékon ne rotiniákʼkons ó꞉ni ne shaʼkotihienhokónhas. Kwáh ne enkónhniaʼte nahatikárhiakʼte ne raotiriwahneraháktshera.”

Jeremiah 5:19

Nónenh enhathirihwanónhton nonhtiéren kíʼ tsi éhtho niwahtieráhnion, sehró꞉ri Jeremiah, kwáh tsi ní꞉ioht tsi ionkatʼkarahthénion ó꞉ni ne watʼkhonhwariwásnieseh ne thikánionk kahiatónni ne rahononhontsiáke, ne káti tenhonwathiriwásnieseh ne thihátiʼte ne tionhontsiáien ne iáh ronónha tehathihiathaʼkwení꞉io.”

Lamentations 1:8

Nahorensaróntsera iotónʼon; ahoʼnhostóskon íken tánon titkonwanonthónni tsi konwaié꞉nen. Iahonséhna tánon hiotkonsaséhton tsi niwatéhens. Kwáh ahónha ne Jerusalem waʼtewathatsatátsionsʼte neh kwáh tehiotenonianíthon ne kariwanerahákʼtshera.

Ezekiel 23:26

Tenhathiráhtion tsi enhiesahsehronhniáshion tánon ienhatíhawe ne sawistanoronhsónhas.

Hosea 12:8

Ne Ephraim iá꞉wenh, “Ah, wakwáhtse, Iatetsá꞉ti wakeró꞉ron natsiokowáhtsera; akwé꞉kon í꞉i wakeró꞉ron iáh ne kanikonrá꞉ton tekatsénron nakonhà꞉ke né꞉tho karihwané꞉renh ne í꞉ken.”

Hosea 2:10

Ó꞉nenh kí enkeroróksi nahotehénsera raotihénton naoskareshón꞉as, tánon iáh ónhka tathahonsahionkshotarísi nahonhà꞉ke.

Hosea 2:3

tó꞉ka iáh thataká꞉taʼne kwáh kí enkenotstón꞉ni tánon ahonotstóskon enkénhake tsi niiotónhne sonhnakeráte, tánon ne enkonhniáte tsi ní꞉ioht ne iáh ónhka taienakéreke, tánon ne enkonhniáte tsi ní꞉ioht ne iahonwenhtsathénhake, tánon ne enkenonwarià꞉konhkwe naioniatatʼten.

Hosea 2:5

Asè꞉ken ne konhwanisthénha ne iotswátonhne ne kanakwaiesátshera; tsi niká꞉ien ne iakawenhnakerátston atehenserákon tsi nihiotié꞉ren. Asè꞉ken iáwenh, “Kwáh kí enkheséhreson naskareshónhas; ronónha ionkenataranónhtens tánon ionkhenanóntens, ne teiotinaʼkarontónha ononwé꞉ron tánon nakeniatarahashónhas, nakénhie iakeiewáthas tánon ne katonhwesenhtákwah ohnekashón꞉as.”

Nahum 3:5

Kwáh kíʼ konhiát꞉konhte, ráton ne Roiá꞉ner ne Roshatstenhserowanenhkó꞉wa, Kwáh kíʼ enkonré꞉waʼte ní꞉se, Nineveh! Kwáh kíʼ enkonnós꞉tonhni tánon enkerí꞉hon nonkweshón꞉ha naiesáken enhontkátho akwé꞉kon tsi ní꞉iohterihwaʼtseren ne tierón꞉ke.

Zephaniah 1:12

Tánon kwáh é꞉tho nenhkaháwike entiatísake ne Jerusalem iehasehrénhas énkatste, tánon kwáh enkheréwate nonhkweshón꞉as ne iontatón꞉ni ók thóh ratitskwáhere raotiriwanerathatʼtserakon, tsi nihiákon ne iónhton nakawériane, “Né Roiá꞉ner kwáh iáh thahóthen tahontaharihwaié꞉rihte khés ne thé꞉nen karihwahétken aohiò꞉then.”

Deuteronomy 18:21

“Ahónton nahisanerá꞉ko onhní꞉ioht tsi askwéni nasatró꞉ri nó꞉nen ne rotokénhse rahoteriwanotátshera iáh Roiá꞉ner nón꞉we tetiawè꞉non.

Deuteronomy 7:17

“Tó꞉sa ne sewanonhtonniónhek thí꞉ken onhkweshón꞉as ne ronatiohkowá꞉nen tsi ní꞉se ní꞉ioht tánon iáh tahisewakwéni naieʼtsihiatínekenhwe.

Deuteronomy 8:17

Ethóh káti, kwáh tó꞉sa nonhwénton né꞉ne ahisewanonhtón꞉nionʼwe ne í꞉se kók sewashatsténhsera ó꞉ni tsi wesewahiò꞉ten tsi wesehwakwaʼtshéne.