Jeremiah 13:17 - Ohiatonhseratokénti

¹⁷ Tó꞉ka iáh tahisehwathahonsahtháte, nakwahtónnhets hathaséhtonke tsi tenwahséntho né enkarihónni tsi nisewahnáie; kwáh íken tsi katsithowáhnen tsi tenkaséntho, tánon natkásehri tenwatnahwénhthe tioríhwa ne Roiá꞉ner rahonkwetaʼshón꞉a tsi iahonwathihiaténhaʼwe nahonwatinaskónhni.

Jeremiah 13:17 ပူးပေါင်းရင်းမြစ်များ

Psalms 119:136

Wé꞉so tsi watkaséntʼtho tsioríhwa nonhkweshón꞉has tsi iáh tehiontewenhnarákwa ne saianerénhsera.

Psalms 80:1

Satahónsatat, Ó sehnón꞉ne nʼIsraerʼró꞉nons, í꞉se ne waʼtsiasárihne ne Só꞉se tsi ní꞉ioht ne teiotinakaronhtónha! Sítskote ne sanitskwáhrane éhʼneken ne tsi tehanerahontiónhtons ne raronhiakerononʼkówa,

Isaiah 63:11

Eʼthóhne sahonhnehiáraʼne né tsi niʼtewenhniseraʼté꞉nionskwe né wahónhnise tkènhne, né꞉ne Mahís raonhá꞉tshera. Kaʼniehawénon tsi niká꞉ien né shesakosʼkókwen né kaniatarakheʼkówahne ratiʼkwekónkwe ne sakotiʼnikonhráraʼkwe né raoʼtiókwah? Kaniehawénon tsi niká꞉ien né rothen rononháke né raoʼnikonratokentítshera,

Jeremiah 14:17

Ne Roiá꞉ner wahakéʼnhane nakʼkheró꞉ri nonkweshón꞉a nakenikonhrakséntshera tánon nahkíron: “Aiáwens ne karáhke tahontnahwénhte ne okásehri tsi niwenhnisehrésons ó꞉ni tsi niwahsontésons, tó꞉sa nonhwénton akátʼkahwe tsi tekaséntʼthos, asèken nakonkwetaʼshón꞉a kwáh í꞉ken tsi ronatkarewáhton tánon kwáh wahetkenstsí꞉en tsi nihotironhiáken.

Jeremiah 15:17

Iáh tewahkatiesáhthon ne tsi nikawistáheks nakóren ahiakwakwekhonhatiésehke, ahionkwahieshón꞉hake tánon ahionkwatenikonhróh꞉rike. Tsi wakatewénhnarahkwe tsi niskhenáhon akonhatsíwak tsi wahkatahtíteron tánon wahkatenahkwawenhráhti.

Jeremiah 17:16

Ók, Saiá꞉ner, Iáh nonhwénhton thaʼtehionkeniʼriwahkenáhon nahsehkarónni; iáh nonhwénhton tewahkaskanékon né thènen tahotinikonhráhren. Saiá꞉ner, sahteriéntahre thíʼken; sahteriénthare tsi nahó꞉ten wáhken.

Jeremiah 22:5

Ók tó꞉ka iáh tashaʼtewénhnarahkwe naʼkerihwahtátʼtshera, kwáh sehriwahienteríhak tsi wahkathaʼteriwahniráhti nètho kénʼen rononhtí꞉io ronónhsohte tsi kwáh tenwahréhni tsi nenhkariwénhtahne. Í꞉i, ne Watiá꞉ner wakatáti.

Jeremiah 23:1

Tsi naʼtenhiotenonhianitónhake ne Roiá꞉ner rahorewahthátshera roʼnónhake ne ratikóras rohnónha shaʼkonathóntha naʼkonkwetaʼshón꞉a ó꞉ni teshaʼkonarehniátha. Ne teshontiérens ne sahkotinónhna ne teiotinakarontónha tánon sahkonathóntha nakitsenenhókonhs!

Jeremiah 23:2

Ne kíʼ tsi nahó꞉ten ne Roiá꞉ner, ne shaʼkoʼNí꞉io ne Israerʼró꞉nons, ráton tsi nòkwah ne ratikóras ne tsi rohnónha kaientákwen nashaʼkonatennikonhráhren ne rahonkwetashón꞉a: “Iáh teietʼtsiʼhiatennikonhraráhton nakonkwetaʼshón꞉a; wahtsishiʼhiaréniaʼte tánon wahitsihiatékwahte. Ónenh kíʼ enkwahréwahte tsi nihioriwáhtsani tsi ne sehwáhiereh.

Jeremiah 9:1

Kaskáneks ne kenonhtsí꞉ne ahionahwehróthake nonékanos, tánon ne khará꞉ke ahionahóthake ne ohkáhsehri, ne nahónton konhthatiekówah tánon ashonthakwékon tsi takaséntho ne ne akonhkwetashón꞉ha rahothiriwáhke tsi niháti ne ronwahthinonhwahrhiákon.

Lamentations 1:16

“Ne kíʼ aoríhwa ne kharáke kwáh thitewakʼkhaseráheʼrhe. Iáh ónka taiekwéni naionkenikonranírate; iáh ónka taiekwéni naionkenikonráhreke. Ne iónkswens ionkesénnion; nakonkwetaʼsónha kwáh iáh othénen tesohthíʼien.

Lamentations 1:2

Ahsontakwékon tewasénthos; nahokáseri watnawí꞉ne ne kanókwa꞉ke. Rathikwékon ne nahoteroserahokonkénhen, iáh né saiátat tsiaʼtetiotaténron nakonwanikonrahnírate. Neh tionatenrhóhonʼne wakonwatennínon tánon ó꞉nen rahtikwékon skonwátkon꞉te.

Lamentations 1:9

Kwák thiwéʼne nahiontkátho tsi niʼiáh tehiotkwé꞉niens, nók kwáh iáh othénen teiawenésthon nahonsterístake tsi niʼiothaterakwénni. Kwáh iotathiténrat tsi ní꞉ioht tsi thonwaiaténton; iáh tewathétseres nónkak akonwanikonranírate. Ne tehontátʼtsions ronatkwénion, tánon Roiá꞉ner iehonekénnis nataniténron.

Lamentations 2:18

O Jerusalem, seríhon ne sasontasónhas iahonwanáton ne Roiá꞉ner! Ne rahoneriánes iatekonsénthos rahonháke ne Roiá꞉ner, O nahosónta ne Jerusalem. Seríhon ne sakaséris tahontnawénte tsi ní꞉ioht ne kahonhatáties tsi niwasontésons óni tsi niwenníseres; Ne tesatatwisenhéiat tsi natesahsénthos óni tsi nisanikonráksens!

Lamentations 3:48

Neh kharàke thóh ní꞉ioht tsi kontnawíne nokáseri tsi ní꞉ioht nakahionhatátie ne tsi natehonatʼthókwen nakonkwetasónha.

Ezekiel 24:16

“Rónhkwe iaiénha,” wahénron, “nénhskak khók ièntienthe ienhihiaténhawe tsi nikáien ianorónhkwa. Tó꞉sa seriwahkáhtat tó꞉sa ó꞉ni teshasénhtho, tó꞉sa ó꞉ni tesakásehren.

Ezekiel 34:31

“Í꞉se, nakhitshénenh teiotinakaronhtónha, ne kentiókwah ne khenónhtens, í꞉se nakonhkwetashón꞉ʼa, tánon Í꞉i ne sewah Ní꞉io,” ráton ne Ronhnontí꞉io Roiá꞉ner.

Ezekiel 36:38

Ne tsi kanatowáhnenhs nónhwa ioriwenhtásehronhs kwáh éhthoh nenhtionhthonkwetaʼkáteke tsi ní꞉ioht ne Jerusalem iehioterátston titʼkonhtírahkwe teiotinakaronhtónha né꞉ne rahtítatsʼkwe tsi konhwahnahtsatatʼtsaháthaʼkwe ne tsi kakʼkwháhere. Ethòne enhonateriéntarahne tsi Í꞉i ne Watiá꞉ner.”

Ezekiel 9:4

“Wáhs akwékon nonhtáset ne kanatowahnénhne ne Jerusalem tánon rahtikenkwaráhke teshehiáton tsi nihiákon tiakonikonhrénʼen tánon ne tehiakonikónhrareh tioríhwa tsi nihioriwáke ne ioteriwahtéhas tsi kahieráhnion ne kanatowakénke.”

Malachi 2:2

Tókaʼ iáh tesewatahonhsatáthe, Tókaʼ iáh tshiaesewá꞉ien ne sewerià꞉ne naesewaiaʼtanehrákwahte nakhsèn꞉na, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, eʼthó꞉ne kiʼ ienkaténniehte ne kakaronniáhtsheraʼs ne tsonhá꞉ke tánon enkhétkenhte ne saiaʼtaterihtsheraʼs; kwáh í꞉ken tsi ó꞉nenk wakhetkénhton, tiorí꞉wa tsi iáh sewerià꞉ne tshiesewá꞉ien.

1 Samuel 15:11

“Skaʼtateriwástahni tsi rinontiʼióston ne Saul, asèken tonsahatkarahténi tsi ratʼnonteráhtieskwe, tánon iáh tehorihwaieríton nakatiawenhráseras.” Ne Samuel tsi nahonhákwen; tánon iathaséntʼtho rahonháke ne Roia꞉ner asontahkwé꞉kon.

1 Samuel 15:35

Ne Samuel iáh shé꞉kon teshó꞉ken ne Saul kwáh tsi niʼió꞉re iarenhé꞉ie, ók ne Samuel wahotiónhnionhse ne Saul. Tánon ne Roiá꞉ner tsi sathateriwástani nètho tsi ne rahónhni ne Saul nahonontí꞉ioke NʼIsraerʼronónke.