Jeremiah 13:16 - Ohiatonhseratokénti

¹⁶ Ehʼtsisehwahkwéniensts ne Roiá꞉ner, sehwaNí꞉io, Nohénton nahontaháhaʼwe ne tetiókaras, tánon enthisahsihʼtiá꞉ke ne tsi ionnonhtahrónnions; nohénton ne kwáh ahonthahakárasʼthe ne ne kaswatʼthétshera saskanékskwe.

Jeremiah 13:16 ပူးပေါင်းရင်းမြစ်များ

Job Tánon ne Raoronhiakensera 3:5

Áhnion ne tetiò꞉karas tánon ne kwáh tetioʼkaraskó꞉wa ne watsataʼkwení꞉iost. Áhnion ne otsì꞉keras thóh tekenterónhtan; Áhnion ne kwáh tetsahonhniserákaras ne hiothenhniseratéronk.

Psalms 107:10

Ótiakes nonkweʼshón꞉ha thóh nón꞉we nihiakonnhétie tsi nón꞉we ne kwáh tetiókaras, ratinhó꞉tons oronhkwáhsa ratineréntston,

Psalms 107:14

thontasakohiatínekenhwe ne tsi tetiókaras ó꞉ni tsi ratinhó꞉tonhkwe, tánon waʼtharonkwahshiá꞉kon ne ratineréntstonhne.

Psalms 29:2

Satróri tsi nihionerákwat ne Roiá꞉ner raosénhna; etʼtsénhnaien ne Roiá꞉ner thóh nón꞉we ne iotokénti raononsatokentiʼkówa.

Psalms 44:19

Eʼthohʼsáne thóh nón꞉we naskwakát꞉we tsi rón꞉nes ne kariotátʼsens kwáh iáh othènen tetiakwakwéneskwe ne thènen nahonsahiakwáiere; thóh nón꞉we iaskwatewénhthete tsi nón꞉we ne kwáh tetiókaras tehiahontsakonhátsie ne kenhé꞉ion.

Exodus 10:21

Ne Roiá꞉ner ethòne wahawénhaʼse ne Mahís, “Iashanenhtsakétsko tsi tkaronhiáthe, tánon ne tetsiokaraskówa iatekaiéri tsi nenkaténsonhke naiakoseronko kwáh entkarohró꞉ke ne tsi ionhóntsaien ne Egypt.”

Proverbs 4:19

Né꞉ʼe raotiháha né꞉ʼe rotirihwanéren thóh naʼtetió꞉karas tsi ní꞉ioht nahsonthén꞉ne né꞉ʼe tenhatihraʼkwénhtaraʼne ne tsi iáh thahóntkahtho nahò꞉ten tahonahsì꞉tiaʼke.

Ecclesiastes 11:8

Tesewatenonhwerahthónsek niaʼtehiosehráhke nenh tiónnheke. Iáh tewatsʼterístha tonikaríwes ashón꞉nheke, sehiá꞉rak kwáh sénha karíhwes nenhsíheie. Kwáh iáh othé꞉nen tekáien nahionskanéksehke.

Isaiah 5:30

Kwáh enhontonráien ne thóh enwenhniseráteke, kwáh tsi ní꞉ioht tsi iorákare ne kaniatarakhekowàne. Tánon ne tseiáta iahiontkátho tsi tionhontsá꞉te— kwáh nènhneʼe nek khók tsi wakaronhióroke. Tánon ne teioswát꞉the né꞉ne tahiokarásthen tsi niʼiotsatarónhnions.

Isaiah 59:10

Tiosehrón꞉kwas né tsi wasonthaʼtátie kwáh né꞉ne teieronwékon, tiosehrón꞉kwas kwáh tsi ní꞉ioht ne iáh thatehatiʼkáras; tionkwasí꞉tsiaks nó꞉nen éntie nónh níkare kwáh né꞉ne asonhthénhne akénhake, tsi nón꞉we nihónhnes né ronathonhnatakaríh꞉te tsi sí꞉ken ní꞉ioht nahionkwenhéion.

Isaiah 59:9

Né ká꞉ti aoríhwa ne karihwenhthá꞉tshera ahí꞉non nió꞉re í꞉tewes nontionhá꞉ke, tánon ne karihwaʼkwahrishióntshera iáh tehionkwahiaʼtórens; né ionkwahrá꞉re ne teioswát꞉the, tánon sewatʼkátho! thóh káien ne tetsiókaʼras; tánon né tahioswátheʼke, ók thóh nón꞉we nítewe nasá꞉takon.

Isaiah 60:2

Asèken ne tetsiókaras kwáh né thentʼkaróroksʼte ne tsi ionwenhtsáte, tánon kwáh entsakokarásthen nonkweʼshónhas; ók né Roiá꞉ner kwáh tenʼiaswát꞉theʼte ní꞉se, tánon ne raoʼiatanerakwáhtshera enwaténeste shonháke.

Isaiah 8:22

khés ohontsáke thensontʼkáneren, ók nék khók kí enhiontʼkátho ne teionikónrharah tánon tetsiókaras, ne tetsiokaráston ne kanikonraronhiakénsera; tánon thóh ienhonwahtiʼiatón꞉ti tsi tetsokaraskówa.

Jeremiah 14:19

Saiá꞉ner kwáh kén oriwiʼiohónwe tsi sehkenronníhon ne Judah? Nonhtiéren tsi niséhsons ne Zionró꞉nons? Onhnonhtiéren tsi éhtho nióre tsi niwahétken tsi niʼskwakarewáhthon ne ne iáh tahiakwahkwéni ne ahonshahionkwaʼtewihrónnien? Skénʼnon hiakwésaks, ók iáh othènen teiawénhon ne aiohianeréhake; hionkwaskanéhʼkon ne ahonshaʼhiakwahiewénhtahne, ók khèkenk kahterontserahónwe.

Jeremiah 2:6

Kwáh iáh othèʼnenh kahriwahʼtetionkónhnisʼkwe, ethohʼsáne sehkheniakénhton ne Egypt nónhwe tánon wahkhehiasáhrihne iatsiatsótʼkaʼwe ne kahentahkeʼkówa: né ionwenhtsiáien né꞉ne iahonwentsiát꞉ten tánon onesahrónkwa ioshonʼwénion, iostátʼten ó꞉ni iothonwenhtsiátʼteron thóh nónhwe iáh ónhka tehienáhkeʼre ó꞉ni kwáh iáh ónhka tehiontohétsta né nónhwe.

Jeremiah 23:12

Tsi enhonthahíta kwáh tenhiahotsiskwáhthonke ó꞉ni tentiokaráhsehke; Thenkhehniotáhko tánon enhatihiatiéʼnènhne. Enthékhawe ne karihwahiesáhtsera ne rononháke; ne rahonatrewahtátshera tsi tawéʼse ne iakáhewe. Í꞉i, ne Watiá꞉ner, wakatáti.

Jeremiah 4:23

Iakatʼkáhtho nonwenhtsiáke—kwáh iáh thaʼhóten tekáien káiase íken; tsi iotsikerahrónnion—kwáh iáh thaʼteioswátʼthe.

Jeremiah 50:6

“Nakonhkwetaʼshón꞉a tsi ní꞉ioht ne tehiotinakaronhtónʼa ionahtiathaʼtónʼon. Ne shaʼkónonhne wahshaʼkothaharáhkwahte tánon tsi tiononhtarónhnion iasahkótkaʼwe. Wakontiathá꞉ton tánon iáh teskonnéhiaʼre onhní꞉ioht tsi iahonsakónʼne ne iahonshaʼhiakonatsiátarahse nonáhtsiake.

Jeremiah 6:21

Tánon káti kwáh enkhehiónnien kí꞉ken onhkweshón꞉ʼa nahothahonahsíhtsiake tánon nahathihiatiénenhʼne. Ne iatatró꞉nah ó꞉ni ne sahkothiʼienhokónhas kwáh enhonníheie, tánon ó꞉ni ne ateró꞉sehras ó꞉ni ne tehonʼnonhsahnekʼkhánions.”

Jeremiah 8:15

Hiakwaskáneks ne skénnenh tánon iakáhewe ne ahonshontetiénton, ók iáh othènenh tehiorihonthákwen; khék kahteronkwahtsheraʼónhwe.

Lamentations 4:17

Ne kaienawashétsera iáh nonwénton tèhio, wahakhihiathisháke tsi nióre ne iáh tsietionkwakwénion. Kwáh tió꞉konte tsi hiakhirárekwe ne thóhnon nahotahonénon tsi nónwe tkanakeraserá꞉ien né kwáh iáh thènen tehotí꞉ien nahontahatíʼieste.

Ezekiel 21:15

Iakahonniénhnis nakonhkwetashón꞉ʼa nahionhnikonhrókten tánon nahiehiatiénenhne. Né khenenhrothaníhtha ne raothinahtowáhnen nasarehkówa ne tekenthonkwahríktha tsi ní꞉ioht ne tahonnhinekaráhwe tánon iothateweiennenhtáhon naiakononhwahrhiákon.

Ezekiel 34:12

kwáh tsi ní꞉ioht tsi shakotinikónhrahre ne rahotitʼtshénenh teiotinahkaronhtónha ne tehionahrénion tánon shé꞉kon sahkonhwatihiataróh꞉roke. Kwáh tentekhehiaténhawe ne tsiknonhwésons niatehionahréhnion nètho tetsiókaras, kahkaronhniatsherowáhnen tewenhnisehrónhte.

Ezekiel 36:15

Nonwénhtsa iáh shé꞉kon tahonsahiakotahónsahthaʼte nonhkweshón꞉ʼa tahonwahthiʼiéron tó꞉ka ó꞉ni ne ahonwatistéristhe. Nonhwénhtsa iáh shé꞉kon tahonsahiakonénhsko ne raotiksatashón꞉has. Í꞉i, ne Wakenonhtí꞉io Watiá꞉ner, wakatáti.”

Joel 2:2

ne enwenhniserá꞉te tsi nathentsiokaráseke tánon kwáh thentsoká꞉rawe, ne enwenhniserá꞉teke enhiotsatarónhnionke tánon iáh shó꞉tsi tahonsahionkentónke! Kwáh né꞉ne tahiorenhenhátie thóh tewaʼré꞉ni tsi ionhnontarónhnions ronatiohkowá꞉nen tánon ratiʼshátstes onkweshón꞉as; ne ní꞉ioht iáh nonhwén꞉ton thóh tetsawénhon ne wahón꞉nise tkénhne, iáh ó꞉ni nonhwén꞉ton shé꞉kon thóh tahonsaiá꞉wenhne tsi niahawenonhátie.

Amos 4:13

Asè꞉ken sewtkáhtho, tsi niká꞉ien ne ráhsaʼahs ne tsi ionontahrónnions, rawerón꞉nis kí nénhné꞉e, shakorihotahshièn꞉nis nonkwehó꞉kons; tethaʼkahraráhstha nohrhonʼké꞉ne nikahá꞉wi, tánon é꞉neken nihatohétstha ne tsi ionhontsá꞉te— né꞉ne Roiá꞉ner, ne Rawenni꞉io rotokénhti í꞉ken, ne ne raosèn꞉na!

Amos 5:18

Ionikonrát꞉sat asè꞉ken ní꞉se nesewaskáneks ne rawenhní꞉sera ne Roiá꞉ner! Nontié꞉ren tsi tesewatonhontsó꞉ni ne rawenhní꞉sera ne Roiá꞉ner? Kwáh tetiò꞉karas, iáh thateioswát꞉te;

Malachi 2:2

Tókaʼ iáh tesewatahonhsatáthe, Tókaʼ iáh tshiaesewá꞉ien ne sewerià꞉ne naesewaiaʼtanehrákwahte nakhsèn꞉na, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, eʼthó꞉ne kiʼ ienkaténniehte ne kakaronniáhtsheraʼs ne tsonhá꞉ke tánon enkhétkenhte ne saiaʼtaterihtsheraʼs; kwáh í꞉ken tsi ó꞉nenk wakhetkénhton, tiorí꞉wa tsi iáh sewerià꞉ne tshiesewá꞉ien.

John 12:35

Tontahenron ne Iesos; Sekon nikariȣessa teseȣasȣathetseraien: seȣatenti kati sekon ok nateseȣasȣathe, sotsi iotteron onȣa tontiseȣakaraȣe: aseken nasatakon rotentionhatie, iah ki tehoterientare kah ȣare.

Joshua 7:19

Ne Joshua wahawénhase, “Koniénha, orihwí꞉io satró꞉ri kén꞉en rahohénton ne Roiá꞉ner, ne Sakoní꞉io Nisraerʼró꞉nonke, tánon serihwaní꞉rat. Takró꞉ri ó꞉nenh tsi nishatié꞉ren. Tó꞉sa shatheʼniénten naskerihwasénhten.”

1 Tiér 2:8

Tánon nóia noriwatokénti wáton, “Onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko.” Watiakoniotáko tsioríhwa tsi iáh tethonetákwen nowénna; neh tsi nisakoriwisaháni ne Rawenni꞉io.

1 Samuel 6:5

Káti ó꞉nenk tsi ensewatsiaʼtonhniseronniáhnion niwásas tahonsakaierontárake tsi wesewatkarotakwarontáseron sewatsiatonhniseronniá꞉nion otsinionká꞉ron nètho waʼhatihétʼkente nohón꞉tsa, tánon taʼtsítson kaiatanerakwátshera ne sakoʼNí꞉io NʼIsraerʼró꞉nons; tokaʼnón꞉wa iáh thaʼtahonsahotsanátsʼteke ne tsonhá꞉ke ó꞉ni ne sewaní꞉ios tánon ne tsonhontsáke.