Jeremiah 13:13 - Ohiatonhseratokénti

¹³ Ethóhʼne ietʼtsiró꞉ri Í꞉i, ne Watiá꞉ner, tsi kwáh enkhehiérihtse nonkweshón꞉a notsítsa ne kénʼen ionwenhtsiáte tsi nióre ne ienhothinekáthaʼne: ne ronthinonhtí꞉ios, ne Táwit nónhwe nithonatʼwatsirínon, ne rothikháres, ne rothitó꞉kense, tánon onhkwetahkwékon ne Jerusalemró꞉nons.

Jeremiah 13:13 ပူးပေါင်းရင်းမြစ်များ

Psalms 60:3

Séh hionhniénhni ne shonkwetashónhas nahatinekíra ne ionekaníron; otsítsa takwahnekanónten né nenhné꞉e wationkwahiaténhtonhkwe.

Psalms 75:8

Asèken ne ratsaná꞉ke ne Roiá꞉ner tehiontnekonthákwah ráhawe, ne tekarihwaʼkentónhkwen tsi ensakoríhwenhte ne ionkwetahét꞉kens; ne tehiontʼnekonthákwah kwáh katsanánon notsítsia ienekiráhtha né꞉ne raonakwáhtshera í꞉ken. Tahanekáweron tánon ratikwékon ne ionkwetahét꞉kens wahatinekíra. Kwáh tsi nió꞉re nonàken tonhtakastárenhne tsi wahatinekíra.

Isaiah 29:9

Tasewathatonʼnotʼtat tánon tesewatenonwarorihthónhtat, tesewathaterón꞉wek tánon tesewaronwékonk! Sewatatenonwará꞉tont, ók iáh kí otsítsa thóh thakáiere; tesewatsiaʼténtonf, ók iáh kí ionekaníron thóh thakáiere!

Isaiah 49:26

Kwáh I꞉i enkhehiónhnien ne teieshonnaríkʼkhons né꞉ne ahónhneke né kwáh roʼnónha raotiwá꞉ronhne, tánon kwáh kí né enhotiʼnonwaráthonʼte ne roʼnónha raoʼtinekwénhsa tsi shí꞉ken ní꞉ioht nonenhará꞉keri. Eʼthó꞉ne onhkweʼtakwékon enhiakotó꞉kenhse tsi I꞉i ne Watiá꞉ner í꞉ken né꞉ne shiaʼiatákwen, tánon né꞉ne shiaʼiathotaríshions, né꞉ne Roshatsʼtenhserowaʼnenhkówa né Énska í꞉ken ne Jacob.

Isaiah 51:17

Í꞉i tie, Í꞉tie! Téstan Ó Jerusalem, í꞉se ne sanekíren thóh ratshanàke ne Roiá꞉ner né꞉ne tehiotnekonthá꞉kwah kátshe ne raonakwáhtshera í꞉ken, wasnekíra kwáh tsiʼnió꞉re nonón꞉wa í꞉ken né nakéra ne tehiakoiatakentónhtha.

Isaiah 51:21

Né ká꞉ti aoríhwa satahónsatat kí꞉ken, í꞉se ne sewatkarewá꞉tons, í꞉se ne sewanonwahratónhon, ók iáh kíʼ onenhará꞉keri thóh teioiéren:

Isaiah 63:6

Akenhaʼkwahtsherákon tsi watekheiaskwahserónkwahte nonkweshón꞉has, Wakheʼiátonhte thóh akenhaʼkwahtsherákon, tánon wakhenékwaʼte né꞉ne raotiʼnekwénhsa watkenekwenhshón꞉koʼte nonwenhtsàke.”

Jeremiah 13:12

Ne Roiá꞉ner Rawenni꞉io wahakénhase, “Jeremiah, sehró꞉ri nisraeró꞉nonhs kwáh tsi niaʼtekatʼtshéthake notsítsa watʼnekaráhkwah tsi otsítsa enkanahnónhake. Tenhathiriwahsehráko tsi ronahteriéntahre tsi kwáh niaʼtekatʼtshéthake tsi otsítsa enkanahnónhake.

Jeremiah 25:27

Ethóhʼne ne Roiá꞉ner wahakénhase, “Sehró꞉ri nonhkweshón꞉a Í꞉i, ne Watiá꞉ner Keshastsʼtensetrowáhnen, kheʼNí꞉io ne Israerʼró꞉nons, kheró꞉ris nahatiʼnekírahthe tsi nióre enhothinonhwahráhthon ó꞉ni enthónstiʼke, tsi nióre ne enhatiʼhiatiénenhne tánon iáh tahatikwéni ne tahonshaʼhatíthaʼne, tsioríhwa naʼteriʼiósehra hiakhehiatenieténnireh.

Jeremiah 25:29

Entkatáshaʼwenh natsioténsehra ne kaʼkahronniátshera ne akenáhthakon. Rónnhereh onhtèken iáh seh thaʼhonwahthiréwahthe? Iáh, kwáh seh enhonwatiʼréwahthe, enthekhehiaténieʼthe ne ateriʼiósehra kwáh tsi niaʼtehionkwétahke ne tsi ionwenhtsiáte. Í꞉i, ne Watiá꞉ner Keshastsʼtenserowáhnenh, wahkatáti.

Jeremiah 51:57

Kwáh enkhehiónnien ne ratikóras nahotinonhwahráhton tánon ne ronhtenikonhratʼthó꞉kas, sakotihéntenʼse, ó꞉ni ne ronterí꞉ios. Kwáh ienhotítaʼwe tánon iáh nonhwénhton tahonshaʼhatí꞉ie. Í꞉i, ne wahkenonhtí꞉io, wakatáti; Í꞉i, ne Watiá꞉ner, Keshastsʼtenseroʼwáhnen.

Jeremiah 51:7

Ne Babylon thóh nikahiató꞉tenhne tsi ní꞉ioht ne owistanóron kátʼtse ne Roiá꞉ner rahtshanáhke ráhaweh, nètho kátshe ne꞉ne róhson nohontsakwéhkon ahatinekírahthe tánon ienhothinahkónhniaʼthe.

Habakkuk 2:16

Ne tehiontnekontáhkwa ne karewathátsheras thóh í꞉wa tsi niháhawe ne Roiá꞉ner ne saweienhtetháhkwen kwáh enhiohéstase. Kwáh iateshiá꞉ti khok tsi ensnekí꞉ra. Kwáh kíʼ né ensanonwarathón꞉te tánon nonkweshón꞉as eniesáken sanehoskontʼthí꞉ken. Tsi ní꞉ioht ne taiesarénhsaron, kwáh eniesakénron tánon eniesatehathánion!