Jeremiah 12:7 - Ohiatonhseratokénti

⁷ Ne Roiá꞉ner ráton, “Wakatewénhteʼthe ne Israel; Wahkhekénron ne kehiataráhkwen nonhkweshón꞉a. Tatkhéhion nónhkwe ne kenorónkwah thóh raothishaststenserákon ne ronwathísons.

Jeremiah 12:7 ပူးပေါင်းရင်းမြစ်များ

2 Kings 21:14

Kwáh enkehiatsakwahríhʼshi nonkweʼshón꞉ʼas niaʼtenonathátere, tánon thó ienkeiátʼkaʼwe ronón꞉hake ne teontát꞉tsons, roʼnón꞉ha nènhʼne enʼonwaʼtisénhni tánon enhonwaʼnonhontsanénsko.

Psalms 106:40

Eʼthóhʼne ne raonakwáhtshera ne Roiá꞉ner né wahatʼtsenhanétakwe tsi nòkwah ne onhkweʼshón꞉ha, tánon waʼshakokénhron ne kwáh rahónha raʼhonkweʼtashón꞉has;

Psalms 78:62

Sakonákwahse ne rahonkwetaʼshón꞉has, tánon waʼsakoríhon ne ronhwaʼtíshons nahonwatinonwarhiá꞉kon.

Isaiah 2:6

Ó Ní꞉io sehiatewenhtéton ne shonkwetaʼshónha, Ó tsi ronónshote ne Jacob. Kwáh thiʼtatíhere nonkweʼó꞉kons tehontʼkónstas ne tsitkarakwínekens nithonhnétha tánon tehontʼkónstha kwáh tsi ní꞉ioht ne Philistines, tánon tehonatatenenhtsawáhkons ne tihononhontsátes.

Jeremiah 11:15

Ne Roiá꞉ner ráton, “Nónhkwe ne khenorónkwa kariwahétken tsi nihontiéra. Kahnithatihianerensehrénhas nakenonhsatokéntiʼke ahonnésehke? Rónnereh onhtèken enhatikwéni ne tahatítasʼte ne kariwaiesáhtshera tsi ronrahratsthánions ó꞉ni tsi rathítats tsi konhwanatsiatatʼtsahátha ne katʼtshénens? Ethóhʼne onhtèken enshonthonnáren?

Jeremiah 14:19

Saiá꞉ner kwáh kén oriwiʼiohónwe tsi sehkenronníhon ne Judah? Nonhtiéren tsi niséhsons ne Zionró꞉nons? Onhnonhtiéren tsi éhtho nióre tsi niwahétken tsi niʼskwakarewáhthon ne ne iáh tahiakwahkwéni ne ahonshahionkwaʼtewihrónnien? Skénʼnon hiakwésaks, ók iáh othènen teiawénhon ne aiohianeréhake; hionkwaskanéhʼkon ne ahonshaʼhiakwahiewénhtahne, ók khèkenk kahterontserahónwe.

Jeremiah 17:4

Ónenhk tsi enshaʼtsakwahríshion nonwénhtsa tkhonhiáwi, tánon kwáh enkonhiónnien nasehhiótenseh ne tesehwatátʼtsions ne tsi tionhontsáien ne kwáh iáh othènen tesehwariwahientéri, tioríwa naʼkenahkwáhtshera thóh ní꞉ioht tsi ní꞉ioht ne ótsire, tánon tsi nénhwe tsi enhiotékʼkhaʼke.”

Jeremiah 22:5

Ók tó꞉ka iáh tashaʼtewénhnarahkwe naʼkerihwahtátʼtshera, kwáh sehriwahienteríhak tsi wahkathaʼteriwahniráhti nètho kénʼen rononhtí꞉io ronónhsohte tsi kwáh tenwahréhni tsi nenhkariwénhtahne. Í꞉i, ne Watiá꞉ner wakatáti.

Jeremiah 23:33

Ne Roiá꞉ner wahakénhaʼse, “Jeremiah, nónenh nónhkak naʼkonhkwetaʼshón꞉a tó꞉ka ó꞉ni ne rotó꞉kenhse tó꞉ka ó꞉ni ne rokháres enhieshaʼriwahnónthonse, ‘Onh ne nahó꞉ten ne Roiá꞉ner raoʼteriwahnhotátshera?’ tsi tensehriwahseráko, ‘Í꞉se tsherhieʼniaksténni ne Roiá꞉ner, tánon káti enhiaiathontháko.’

Jeremiah 23:39

Orihwiʼiohónwe tsi tenkhehiáthaʼkwe tánon ahínonʼnióre ienkhehiatónti tsi nónhwe níkes, skátne ne kanatowáhnenh nètho tekhehiáwi ne shaʼkothisotʼthonkonkénʼen.

Jeremiah 51:5

Í꞉i, ne Watiá꞉ner KeʼNí꞉io Keshastsʼtenseroʼwáhnen, iáh tekhehiatewenhthéton ne Israel ó꞉ni ne Judah, iáh wehrohátien tsi rotiʼriwáhnerenh tsi nòkwah ní꞉i, ne Rotokénti ne Israel.

Jeremiah 7:14

Onhkati, nahtiérahse ne Shiloh kwáh kíʼ éhtho nenhtiérahse nakenonhsatokénti, tsi ne nisehniahésen. Kén kíʼ nónhwe niwahtenáhthaien tetkhehiáwi ne shasótʼtshera tánon ní꞉se, kwáh ne sáka tsi ehʼnénhtiere tsi nitiérahse ne Shiloh.

Jeremiah 7:29

“Sehwatʼtsiónnion, tiónkwe ne Jerusalem; sehwahthatenonhkar tánon íseh iasehwáhti. Tesehwahríwak ne hionthatiathatahástha karénna ne onhotoharahkésons, tsioríwa Í꞉i, ne Watiá꞉ner, wakenahkwénʼen tánon wakhekénron nakonhkwetahshón꞉a.

Ezekiel 24:21

Nisraeró꞉nonhs nahonthakwáhion kí꞉ken ateriwahnothátshera: Sehwahthatónhni tsi nikashástsʼte nononhsatokentiʼkówa. Tionwéskwahni nahisehwahkenhénhion tánon niahisehwahnahtaréhnen, ók kíʼ ne Roiá꞉ner henhahétkente. Tánon ne kén nithotihiónsa ne sehwahwatsiráhkon ne Jerusalem nónhwe niatehonathaténron kwáh tsi wahterí꞉io nónhwe nenhonwahtinonhwahrhiákon.

Hosea 11:1

Ne shihatsáha Israel, rinorón꞉kwakwe, tánon Egypt nón꞉we iahí꞉naton ne riiénha.

Hosea 9:15

Akwé꞉kon ne raotirihwahetkénhseras Gilgal nón꞉we tiotáhsawe; thóh nón꞉we niewakénon tsi wakhéson. Tiorì꞉wa tsi nikarihwahétkens ne raotihiothénhseras kwáh kí enkheiatí꞉nekenhwe nakenonsatokentikówane. Kwáh iáh shé꞉kon thahonsakhenorónhkwe; ratikwé꞉kon ne rahonnonkweʼashón꞉as ne ronaterihóntons ionkanowenhtén꞉nis.

Joel 2:15

Sewathá꞉tist ne iehonrawátstha ne Zion nón꞉we; sewarihowánat tsi ensewenhtóntiete! Iahitsinontʼset nonkweshón꞉a ne naierihwatokentíste raohénton ne Ní꞉io!

Joel 3:2

kwáh enkhehiaʼtaró꞉rohke ratikwé꞉kon ne niateiakahontsiákes tánon ienkhehiaʼténhawe nahonráhkwakon Jehoshaphat, tánon thóh nón꞉we naʼthenkhehiatórete, tsi ronónha nakonkweʼtashón꞉as í꞉ken nʼIsraerʼró꞉nons, tiorì꞉wa tsi nateshakonareniáton tsi ratinákeres nonkweshón꞉as. Tehotihiakhónhnion nakonhóntsa,

Luke 21:24

Akȣekon enhiontateniaroskare, nok enhiontatenaskȣenhaȣenseron tsi ienakerenion, nok nehne iah teiakoriȣiioston enhiontenatakȣeniioste ne Jerusalem, tsiniiore ienkanane tsinikanaton ne iah teiakoriȣiioston akaȣennisera.

Deuteronomy 33:12

Tsi nokwáh tsi ratiʼtá꞉raien ne Benjamin wahèn꞉ron: “Ne kí꞉ken ne kentá꞉raien ne Roiá꞉ner shakonorónhkwa ó꞉ni teshakónes; Shakohiaʼtanonhnáties tsi niwenhniseréhsons, Tánon rahothinenhrí꞉hen rèn꞉teron.”