Jeremiah 12:5 - Ohiatonhseratokénti

⁵ Ne Roiá꞉ner ráton, “Jeremiah, tó꞉ka tenswisénheie tsi natesehwaréron nonhkweshón꞉a, onhní꞉ioht tsi tahisehwaréron ne kosáhtens? Tó꞉ka iáh taskwéni ne shé꞉kon nék nastáke ne kahetáhke, onhní꞉ioht tsi ahishateriwaténtiaʼse ne ne karahkhonkó꞉wa ne Jordan?

Jeremiah 12:5 ပူးပေါင်းရင်းမြစ်များ

1 Chronicles 12:15

Né wískhaton niwenhnitakéhaton ne niaʼteioseráke nó꞉nen ne Jordan kaniataratátse enwenhnó꞉ton natsakʼthónties, tenhatiniataríh꞉iake, tánon enshaʼkotiʼiatínekenhwe nonkweʼshón꞉as nahonrákwahkons ienakerénions tetsarón꞉kwen nòkwahti né꞉ne nákon tánon ne tsi iatewatʼtsénthos nokwahtíson ne tsi kaniataratátse.

Proverbs 24:10

Tókaʼ satsiʼió꞉ha nó꞉nen nahò꞉ten tekaʼnikónhrhare, kwáh í꞉ken kiʼ tsi satsiʼió꞉ha.

Proverbs 3:11

Konién꞉ʼa nó꞉nen Roiá꞉ner tenhiawénneke satahonhsí꞉iohst tsi wahiaronká꞉ten.

Jeremiah 11:21

Nonhkweshón꞉a ne Anathoth tehonahthonwenhtsióniʼne nahionkenonhwarhiákonʼke, tánon wahonkró꞉ri tsi enhionkenonhwarhiákon tó꞉ka ientkónhthakwe nakateriwanhóten ne Roiá꞉ner raotheriwahnhotátshera.

Jeremiah 26:8

tánon kwáh tsi niʼiostó꞉re wáksa tsi nahkatáti tsi nihakenáhon nètho Roiá꞉ner, wahontiéna tánon wathotihénreʼthe, “Ahówennhk nahieshaʼnonhwahrhiákon ne kíʼ aoriwáhke!

Jeremiah 36:26

Ethóhʼne ne ronnonhtí꞉io wahónnhaʼne ne roiénha Jerahmeel, skátke ne Seraiah ne ne Azriel roiénha tanon ne Shelemiah né roʼníha ne ne Abdeel, nahiontiénah ó꞉ni ne rakhiatónnis Baruch. Ók kíʼ ne Roiá꞉ner sonkeniʼhiathashéthonʼkwe.

Jeremiah 49:19

Tsi ní꞉ioht ne kénreks thontaharókʼkaʼwe ne kwáh ioterahtó꞉hon ne kaniataratʼtóntie ne Jordan tsi nieʼiawénonh ne kahentí꞉io konwahtiʼterontákwah, kwáh èntʼke tánon enkhehiónnien ne Edomró꞉nons thentsawénhstsi enhontèko ne rahotiʼnakerahseráhkon. Ethòne enhihiataráhko ne rahnenhrahkweʼní꞉io nashaʼkokkórasʼte nonhkweshón꞉a. Ónhka aiekwéni ne ónhkak tahontahionkateniéntenste? Ónhka áienre nahionkenenhrótʼthaʼse? Nahakorahseróh꞉ten ahakwéni nahatsotátʼtshe tsi niwahkatenikonhríson?

Jeremiah 50:44

“Kwáh thóh ní꞉ioht tsi éntke tsi ní꞉ioht ne kénreks thontakahrót꞉kaʼwe ne kwáh ioterahtó꞉hon ne Jordan nónhwe, iaʼtsiakonitiónkwahkwe ne teiotinakaronhtón꞉a ne tsi konhwahthiteronhtákwah kónhnes. Enkahtèkwahte ne Babylon ne ahonhónhtiake, tánon í꞉i enhihiataráhko nashaʼkohéntese kwáh tsi nenhtkenónhwehne. Ónhka ahiekwéni ne tahonthaʼhionkateniéntesʼthe? Ónhka áhienre nahionkenenhrót꞉thaʼse? Onhnahakorahsehró꞉ten ahakwéni tahátʼtasʼthe?

1 Tiér 4:12

Tekanórons tewatenrosónhas, tóhsa kiʼsewaneráko tsi nihiononwakthetseratʼtsáni tensewathóhetste tsi nisewaronhiáken, kwáh thóh nahiothónhake tsi síken ní꞉ioht ne kwáh knahótenk ó꞉ia ní꞉ioht tsi nisewahiátawens.