Jeremiah 12:3 - Ohiatonhseratokénti

³ Ók, Saiá꞉ner, tatsientéri; satkáthos tsi nikatiérah tánon tsi nióre tsi konʼnorónhkwa. Sehiatíser kí꞉ken ionkwetaʼhétkens tsi ní꞉ioht ne teiotinakarontón꞉a akonwanáhtsioʼwe; sehiatennikonhráhren tsi nióre iakáhewe nakonhwatinonhwarhakon.

Jeremiah 12:3 ပူးပေါင်းရင်းမြစ်များ

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

1 Chronicles 29:17

Wakateriénhtare tsi onhkweʼtaʼkwé꞉kon tsi seiaterahsát꞉kenhse tánon serientí꞉ios tsi niʼiákon ne iakotonkwetaʼkwahríhshion. Né tkarihwaiéri tánon orihwihiohón꞉we kwáh thóh niwakenikonhró꞉ten tsi akwé꞉kon í꞉se thonʼiáwi kí꞉ken, tánon wakhé꞉ken ne shonkweʼtashón꞉as né kénʼen ronatsataró꞉ron tsi ronatʼtsenhnónhni tsi nonhtahatiʼhá꞉sehron wahesawíhon.

Job Tánon ne Raoronhiakensera 23:10

Ók kí roterièn꞉tare tsi natekatekhaháhkwa; nó꞉nen rakateʼniénhten, tsi thenʼtiá꞉kenhne kwáh ne ne owistanó꞉ron.

Psalms 11:5

Ne Roiá꞉ner sakorihwaniráti ne tionkwetaiéri, ók sakósons ne ronhnonkwetahétkens né꞉ne ratinóronhkwe ne iáh kaiáneren te꞉ken.

Psalms 139:23

Takaterhiasát꞉kens, Ó Saiá꞉ner, tánon kí takenikonhraienhtéri.

Psalms 17:3

Waskateriasát꞉kenhse, waskenataré꞉nase ne tsi niwashón꞉tes, waskateniénhten, iáh thaónten thasettshénrih ne aonhetkéntake nakonháke; iáh tewakerihwaiéntase né tsiksahkáronte tsi iáh thakariwaiesáhthake.

Psalms 26:1

Takerihowanáten tsi iáh tewaʼkeníkon, Ó Saiá꞉ner, tsioríhwa tsi thóh nitiéra tsi nahó꞉ten ne iohiánere, tánon kwáh iehiokonthákwen tsi í꞉se tkoniethákwen iáh thathetewakenikónrahke.

Psalms 7:9

Ó sehríhon ne raotirihwahetkénhsera ne rotirihwaʼnerenhákskon niahontókʼten, ók sahserihwaʼkwahthákwas ne iakoiánere, í꞉se ne sehiatenikonrát꞉kenhse tánon sehiaterhiakʼsátkenhse, Ó saiánere Ní꞉io.

Jeremiah 15:15

Ethóhʼne wahkíron, “Saiá꞉ner, í꞉se sahnikonhrahiéntas. Tahkehiárak tánon tatsniénon. Tahkeríhon nahonsatkárhiaʼte tsi niháti ne hionkeronhiakéntha. Tó꞉sa sheʼhiatenikonhkátsʼtat né ahonahteriwahténtiaʼseh nahionkenonhwahrhiákon. Sehʼhiárak tsi í꞉se shaʼriwáhke tsi hionkenikonhrahʼkarewáhtha.

Jeremiah 17:16

Ók, Saiá꞉ner, Iáh nonhwénhton thaʼtehionkeniʼriwahkenáhon nahsehkarónni; iáh nonhwénhton tewahkaskanékon né thènen tahotinikonhráhren. Saiá꞉ner, sahteriéntahre thíʼken; sahteriénthare tsi nahó꞉ten wáhken.

Jeremiah 17:18

Tahséhʼhion ne atehénsehra tsi nikáien ne ionkeronhiakéntha, ók sastsiatáko ní꞉i Saiá꞉ner. Sehnánonks ne kateronkwáhtshera, ók tó꞉sa ní꞉ih tatʼterónkwen. Thaséhion ne karihwaʼiesáhtshera tánon tesehiathárit.

Jeremiah 20:12

Ók, Sashastsʼtenserowáhnen Saiá꞉ner, í꞉se ne kwáh tkariwahiéri tsi niʼsehiateniéntha nonhkweshón꞉a; sateriénthare tsi nihonerhiasóhtens ó꞉ni tsi nihotinikonhró꞉tens. Káti ánion kónhken shaʼsehkárhiaks ne tehiakwatátʼtions, asèken sesnonhsáhke nónhwe niwáhtien naʼkerihwahsónhas.

Jeremiah 48:15

Ne Moab tánon nahonahtowáhnenhs kariwahthónton; ne kwáh tsiahonkwetí꞉iosʼkwe nithotiʼhiónsas ronwahnahwénhtʼthon. Í꞉i ne Wahkenonhtí꞉io, ne Watiá꞉ner Waʼkeshastsʼtenserowáhnenh, tánon wahkatá꞉ti.

Jeremiah 50:27

Akwékon ó꞉ni ietsihiáthont nahotsenenhókonhs tsi natenhiotenonhianithónhake ne rahotirihwáhke, ó꞉ni! Kwáh ratikwékon ietsihiawénhtho! Asèken ónenh iakáhewe nahorewahtáhtshera.”

Jeremiah 51:4

Enhathihiatiénenhʼne nahonní꞉heʼie rahononhontsáke ne Babyloniaró꞉nons, ronhwahnaháson nahonní꞉heʼie nahonahtaʼkónhsons.

John 21:17

Sekon are sahenron onen neh nasenhaton: Simon Jonas iaienha takenoronkȣaken? ȣahonikonraksen ne Tier tsi asen natontahatnaneta tsi raton: takenoronkȣa ken? tontahenron kati: saianer ise noriȣakȣekon tsienteri, saterientare tsi konnoronkȣa. Tontahenron ne Iesos: shenont kinio naketsenenhokon.

Ne꞉ne Sák Rohiaton 5:5

Tsi sónnhekwe ne kén owentsiáke kwáh titkárakwe ne hiotkwéniens ó꞉ni atenikonrhoriátsera. Wahsathatarésensʼte ne tsi tewenʼniserónte neniesanonwarià꞉khon.

2 Tiér 2:12

Nók kiʼonhkwesónha sahotiʼiéren tsi nihontíe꞉ra, tsi ní꞉ioht ne karahkónha kontírhios tsi ionahnakeráton neh꞉ne akonwatiʼiéna ó꞉ni akonwatírhio; tsi iesakonatiathónties neh nasakotikaréwathe kwáh tsi nahóten ne iáh tehotinikonraiéntas. Kwáh káti thoʼní꞉ioht tsi enhonwanahthónthe tsi ní꞉ioht ne karahkónha kontírhios,