Jeremiah 12:12 - Ohiatonhseratokénti

¹² Iatehioiahiát꞉ton akwékon ne tiothonhontsathónʼnions ne kahentahkekó꞉wa nonhkweshón꞉ʼa tahónne nahontiéronkwe. Iewakatheniéton nateriʼiósera nakariwénhtonke nonwenhtsiakwékon; ne kwáh iáh ónhka tahónton ne skénnen tsi aienáhkerehke.

Jeremiah 12:12 ပူးပေါင်းရင်းမြစ်များ

Isaiah 34:6

Né Roiá꞉ner raosharehkówa; kwáh ionekwenhsarón꞉nion, né iawerónhnion ne iorénhsen, né꞉ne raotinekwénhsa ne teiotinakarontónhas owirasónhas tánon ne kaiatákeras, né iawerónh꞉nion ne ioréhsens raotistiéseris ne teotinakaronhtón꞉has owirasónhas. Asèken ne Roiá꞉ner rateskóntane ne Bozrah nón꞉we, né꞉ne teiotenonhianíton tsi nenhionthatenonwarhiakónhnion ne tsi ionhontsáien ne Edom.

Isaiah 57:21

Iáh tehotí꞉ien ne skénnon, rá꞉ton nakeʼNí꞉io, ne iakorihwáneren.

Jeremiah 15:2

Nónen enhieshariwahnónhtonse kahnónhwe niahónʼne, sehró꞉ri tsi wáhken: Ótiake né tehonwahtihiathónkwen ne kanhrahtharinhétshera enhotírhiothe— kwáh ehʼnónhwe nienhonthahíʼne! Ótiake né tehonwahtihiatónkwen nateriʼiosehráhke nónhwe nahonníheie— kwáh kíʼ ehʼnónhwe nienhonthahíʼne! Ótiake né tehonwahtihiathónkwen né athonkarhiákon enhotírhiote— kwáh kíʼ ehʼnónhwe nienhonthahíʼne! Ótiake né tehonwahtihiatónkwen né hiahonwahtihiaténhaʼwe ne tsitiontatenonhtónkwah— kwáh kíʼ ehʼnónhwe nienhonthahíʼne!

Jeremiah 16:5

“Iáh teshá꞉wenk ne iashatáwehiaʼte ne kanónhskon tsi nónhwe ne iakohtʼtsiónnion. Tó꞉sa ónhka sehnikonhrahnírat. Iáh ónen tiahonshakatahsóntheren nahonsatkhehiathatérisʼte nakonhkwetahshón꞉a ne skénnen tó꞉ka ó꞉ni nakhenésten ne kanoronkwáhtshera ó꞉ni nathaniténron.

Jeremiah 25:11

Kí꞉ken ohontsaʼkwékon ne enwáhton ne ioriwenhtáhon ó꞉ni káhiaʼse enwáhton tánon kwáh tiothónnek nahionkʼkátho, tánon ne tehonʼthonhontsaʼnekʼkhánions ne Babylonia nónhwe kwáh ronnonhtí꞉io enhionwahiénthoʼse ne ne tsáta niwáhsen niʼiosehráhke nikaríwes.

Jeremiah 3:2

Iaskenhénhion nonhothoharahkésons. Iáh kén kahnèka tehiokwénrahre kanónhwe ne étho ní꞉ioht tsi ahishatoriáneronke tsi ní꞉ioht ne iorihwahiatahtónʼon? Ohwahátʼtah wahshateráhrate nahsaskahrónni, tsi ní꞉ioht ne Arab teshakonenhrahiénnis ne kahráhkon nahshakonikonhráhten. Wahteshathonhontsiáʼshonste ne tsi nisharihwahiathathónʼon.

Jeremiah 3:21

Wahonahonshón꞉kothe onontoharahkésons: né꞉ne Israerʼró꞉nons tehonséntʼthos ó꞉ni ronahnihténton tioríhwah tsi kariwahnerahatʼtsherákon tsi ní꞉ioht tsi rononhnhétseʼne tánon ronwahnikonhrénʼen ne Roiá꞉ner raotiʼNí꞉io.

Jeremiah 30:5

“Onhkatʼthóntehne onhtsaró꞉ko ne kateronkwáhtsera, ne onhtsaró꞉ko ne kateróntsera tánon iáh ne thèken ne skénnenh.

Jeremiah 34:17

Káti ónenh, Í꞉i, ne Watiá꞉ner, enkíron tsi iáh teskwahwenhnahráhkwen; tsi iáh thaʼtetsitsihiáwi rahtiʼkwékon ne Israerʼró꞉non ne rahonaʼthawewenhnihiótshera. Kwáh ioiánereh, néki, enkwáhion naʼthatewenhnihiótshera: ne naʼthatewenhnihiótshera ne ne tsi wahterí꞉io nónhwe nenhsehwénheʼie, kannrahtharinhetsherákon, ó꞉ni naʼthonkarhiákon. Kwáh tsi niaʼteienahkerahseráhke ne tsi ionwenhtsiáte tsi enietʼtsanísehke tsi nenhʼkwahiérahse.

Jeremiah 4:27

Ne Roiá꞉ner ráhwenh nètho kwáh ohontsiakwékon káiase enwáhton, ók kwáh kíʼ iáh tiahasáhate nahariwénhtho.

Jeremiah 46:10

Ne kí꞉ken ne rawenhnísehra ne Ronnonhtí꞉io Roiá꞉ner Roshastsʼtenseroʼwáhnen: ónhwah wenhnisehráhte kwáh enshaʼkáhrhiaʼke; ónhwa wenhnisehráhte kwáh enshakoréhwahte ne ronhwáhsons. Ne rahoshaʼrekówah kwáh enhiakohiathakári tsi nióre iaʼtenhiohiériseh, tánon enkahnekírah ne raoʼtinhekwénhsa tsi nióre iaʼtenhiohiériʼse. Ónhwa wenhniseráhte ne Roshastsʼtenseroʼwáhnenh shaʼkotsiatatʼtsaháthon ne shaʼkowénhthon ne ne othoréhke nokwáhti ne tsi kaniatharahtátsie ne Euphrates.

Jeremiah 47:6

Wathisahénrehte, ‘Rahoshareʼkówah ne Roiá꞉ner! Tohʼnikaríwes tsi ensehrehniaʼniónsehke? Hionshaʼséhta ne tsi watheʼthahástha ne shaʼsahrekó꞉wa, thóh tsathítat tánon thateshaʼtóhtat!’

Jeremiah 48:2

ne raorenshaʼrónhtshera ne Moab iohthónhon. Ne tehontátʼtsions wahatiʼiéna ne Heshbon tánon wahontenikonhrónhni nahonwahnháthonʼte nonhkweshón꞉a ne Moab nónhwe. Ne tsi kanátaʼien ne Madmen enkonhwáskwehke; ne ronhterí꞉ios thóht tsienhónʼne.

Jeremiah 8:15

Hiakwaskáneks ne skénnenh tánon iakáhewe ne ahonshontetiénton, ók iáh othènenh tehiorihonthákwen; khék kahteronkwahtsheraʼónhwe.

Lamentations 3:17

Wahkenikonrén:en nahóten nen:ne ne ahthakarithétsera ó꞉ni neh skénnen tánon nahtsennónʼnia.

Ezekiel 14:17

“Tó꞉ka ni ó꞉ni nonhtiérenk aterihiósehra entʼkhétsko nètho nónhwe nikanahkerahsehráhien tánon hienkaténiethe ne karihwahthóntha ionteriʼiosthá꞉kwahs tánon enhiakóthonte nonhkweshón꞉ʼa ne sáhka ne katʼtshénenhs,

Ezekiel 21:28

“Rónhkwe iaiénha, iasehriwáhken. Sehrihówahnat tsi nahó꞉ten Ní꞉i, ne Wakenonhtí꞉io Watiá꞉ner, kherorhiánions ne Ammonró꞉nons, né꞉ne sakotinikonhráksáhtha ne Israerʼró꞉nons. Sheiénhas: ‘Nasarekówah iotateweiennenhtáhon naiakóthonthe: Tekastaratʼthéton naiakononhwahrhiákon, tahontʼtsiráhreke tsi ní꞉ioht ne tahonniné꞉karahwe.

Ezekiel 21:4

Kwáh énkatsʼte nakasahrekówa tsi enhkhehiatkónhten nonhkwetakwékon entiéne entewahthásawenh tsi nióre ne othoréke ienkanihárahne.

Ezekiel 21:8

Ne Roiá꞉ner wahakénhase,

Ezekiel 21:9

“Rónhkwe iaiénha, Iasehriwáhken. Sehró꞉ri nonhkweshón꞉ʼa tsi nahóten Ní꞉ih, ne Watiá꞉ner, katónhnions: Asarekówa, asarekówah ne kakothí꞉ie tánon tekastaratʼthéton.

Ezekiel 5:2

Ne asénhaton niateshakháshion asénhnonh nónhwe náhtien ne shá꞉wenhk iohontsarásthon ne Jerusalem. Nenhwahtó꞉hetste tsi nitewahtenienténston tsi tekonhwahnahthánenh, thóh sátʼtsahat. Tesharéniat nó꞉ia ne énska násen tsi ní꞉ioht tsi teshaiakónhnion tekaiáhiat ne shá꞉wenhk ionhontsaráston tánon skwétar ásare íshasts. Tánon nonahkènkha ne ásen tsi ní꞉ioht tsi teshahiakónhnion tsi ioweráhre nenhʼné꞉e iashá꞉ti, asèken asarekówah énkatste tsi tekhehiaréniaʼte nakonhkwetashón꞉ʼa

Leviticus 26:33

Éntsien naterihiósera ne sonháke tánon iatenhkonhiaréniaʼte naktéhson nónhwe tsionhontsaiéntons. Ne sonhontsákes iáh ónhka tahonsaienákereke, tánon ne sanatowánens kwáh enkarihwéntʼthonke.

Amos 9:4

Tánon ethosà꞉ne niahontatenó꞉ton raotihénton ne tehontat꞉tions, thóh kí nón꞉we nenhkénane nasareʼkó꞉wa ahiakowent꞉to; tánon kí kwáh thenkhehiatkáneren ne nahotikaréwate tánon iáh ne naotihianerásthen.

Zephaniah 2:12

Kwáh ó꞉ni í꞉se Cushró꞉nons kwáh ne ensawénhto nakasareʼkó꞉wa.

Deuteronomy 32:42

Natsienkwéris kwáh ne enwaʼtsánon ne rahotinekwénhsa, tánon nakasharekó꞉wa kwáh enhotinonhwarià꞉kon ratikwé꞉kon nenhiontsiotà꞉tse. Kwáh iáh ónhka takhenónhstate nónhka nahiakwahterí꞉io; iekaníhare ne ronatkarewátons ó꞉ni ne rathinó꞉tons tsi enhonhníhieie.’

Revelation 6:4

Tánon thóh waʼrá꞉we ó꞉ia koshá꞉tens, teionekwenhtá꞉rate nihashokó꞉ten thóh nón꞉tare tsi tewanitskwaratseró꞉te; ne rosathéntse Ní꞉io roshatstenhserá꞉wi nasakoterí꞉ioste nonkwehó꞉kon ne tsi ionwenhtsá꞉te, ne káti ne tahionthatawenhthóhseron; tánon ne Ní꞉io wasarowá꞉nen thó꞉wi.