Jeremiah 12:10 - Ohiatonhseratokénti

¹⁰ Rohnatiokowáhnenh ne thihotiʼnakerasehrátes ratikóras rothiriwénhkton ne wakenenharahientʼthóhseron; rohtirathatiéson natkénthake; ne wakonhontsihione kahentakekóhwa wahonnónhniaʼte.

Jeremiah 12:10 ပူးပေါင်းရင်းမြစ်များ

Isaiah 3:14

Ne Roiá꞉ner iahatáhweiaʼte nasakoriwenhtánion ne thohtí꞉ions tánon ne sakotihénthense rahonkweʼtashón꞉ʼahs: Kwáh í꞉se iesewasaháton ne tsi kanenharaientʼtóhseron; tsi nahoténsons ietsinenskwenháton ne iakothenténion sewanonskónsons ieskakérons.

Isaiah 43:28

Né ká꞉ti wahónhni khehetʼkenton ne ronaterihóntons nononsatokentikówaʼne, Iehiʼiatʼkáwen ne Jacob tsi nó꞉kwah natkaronhniá꞉tshera, tánon Israel né nènhneʼe nakonwakenrenhserón꞉ni.

Isaiah 63:18

Né senhtiokwahtoʼkéntis nikarihwésha tsi wahontiénawasʼte; ók kí ó꞉nenh né iesháswenhs eʼtàke waonáti watʼtonskwaserónhkwahte ne sanonsatokentiʼkówa.

Jeremiah 23:1

Tsi naʼtenhiotenonhianitónhake ne Roiá꞉ner rahorewahthátshera roʼnónhake ne ratikóras rohnónha shaʼkonathóntha naʼkonkwetaʼshón꞉a ó꞉ni teshaʼkonarehniátha. Ne teshontiérens ne sahkotinónhna ne teiotinakarontónha tánon sahkonathóntha nakitsenenhókonhs!

Jeremiah 25:38

Ne Roiá꞉ner shaʼkotewenhthéton ne rahonkwetaʼshón꞉a thóh nihoiéren tsi ní꞉ioht ne kénreks éhren wáhethe nahoshón꞉wahkon. Tsi naʼtehiothenonhianíton nateriʼiósehra ó꞉ni ne Roiá꞉ner iotʼtheronkówah raoʼnahkwáhtshera karáhkon wahrónniaʼthe ne kanahkeráhsera.

Jeremiah 25:9

‘Ienkhehiaténieʼthe ratikwékon nonhkweshón꞉a ne othoréke thatiʼterónton ó꞉ni nakenhátsera, Nebuchadnezzar ne ne ronnonhtí꞉io ne Babylonia nónhwe. Entekheʼhiaténhaʼwe nahonterí꞉io ne Judah ó꞉ni tsi niháti né nónhwe nihatiʼnáhkere ó꞉ni ne tehonʼthonhontsaʼnekkhánions. Kwáh enkhehiáthonʼte kí꞉ken onhkweshón꞉a tánon ne tehonʼthonhontsaʼnekʼkhánions tánon ne iaʼtenkheiénrahseh ne ioriwenhthásehrons ne tsi nénhwe, ne ne tehiotenonhianíton ó꞉ni tsiotónnek nahiontktʼho. Í꞉i, ne Watiá꞉ner, wakatáti.

Jeremiah 3:19

Ne Roiá꞉ner ráton, “Israel, tewahkathonwenhtióni nakonhiatiénawasthe tsi ní꞉ioht ne í꞉ih aketshá꞉tha akénhake tánon entkónhhion ne ionwenhtsí꞉io, né꞉ne kwáh tiowenhtsí꞉io ne onhwenhtsiakwékon. Tánon wáhkereh Rákeni enskenahthónkwahke tánon tó꞉sa shé꞉konh nonhwénhton ahéreh ahonsáhsehte tsi nónhwe níkes.

Jeremiah 39:3

Ne nónenh sahkonhwahiéna ne Jerusalem, rahtiʼkwékon ne thóhʼnatsʼennahtes ne Ronhnontí꞉io rahonkwetahshón꞉a ne ne Babylonia nónhwe tahónʼne tánon wahóntien ne asènhnon nónhwe nihiotenhenrahkáhronʼte, thóh íkahre ne Nergal Sharezer, Samgar Nebo, Sarsechim, tánon nó꞉ia Nergal Sharezer.

Jeremiah 6:3

Rontinonhtí꞉ios thóh nónhwe nenhontenátaien skátke ne rahonnonhkwetashón꞉has ronterí꞉ios. Kanatatʼthóntie enhonthathosehrotónnion, tánon sahtihiatátʼtion kwáh tsi nónhwe nenhonskáneke tsi enhonnátahien.

Jeremiah 9:10

Wakíron, “Tenkaséntʼthoseh ne tsi iononhtharónʼnions ó꞉ni tenkasénthoseh ne tsi konwathiʼteronthákwahs nahtenhenráhkonhs ne katshénenhs, tsioríhwah tsi akwékon iostatʼténhen, tánon iáh ónhka éhtho nónhhwe tetionthohénstha. Tsi nahionatʼtsiarokwáhtonke ne katshéʼnenh iáh ónenh ónhka tetsiakóthonʼte; otsitenokónhas ó꞉ni ne konhthitshénenhs kák tiehionénonh.”

Ezekiel 34:2

“Rónhkwe iaiénha,” wahénron, “Sehrihontháko ne ratikoráhsonhs ne Israel. Iasehriwáhkens, sehró꞉ri tsi nahó꞉ten ne í꞉ih, ne Wakenonhtí꞉io Watiá꞉ner, kheró꞉ris: Ensehwatʼréwahthe, í꞉se ne katʼtshénen iettsinikónhrahre ne Israel! Sehwahthatenikonhráhrak, ók tó꞉sa kíʼ nonhwénton ietʼtsiʼiatstérists ne teiotinahkaronhtónha.

Ezekiel 34:5

Tsioríhwa ne teiotinatkaronhtónha tsi iáh tehiononhkwétaien nasakotenhnikonhráhren, tsiatehionahréhnion, tánon konhtírhios konhwahtinonhwahrhiákonh tánon konhwatiwáhrats.

Daniel 8:13

Eʼthó꞉ne onkwathón꞉teʼne tehniiáhshe tehnironhiaʼkehró꞉non tehotíhthare tánon ne shaiá꞉ta raronhiaʼkehró꞉non wahoriʼwahnóntonhse ne ó꞉ia raronhiaʼkehró꞉nón, “Tó nikarí꞉wes kí꞉ken tsi nahoténshons né weʼnehstánion né kaserénhtakon ne eh naiohtonhátie? Tó nikarí꞉wes ne karihwanerenʼáktshera tenionaktahkwenníheke naterennaientátshera ó꞉ni tsi konwatiaʼtatshaʼáhtha ne katshé꞉nen tsi né iontienkwaronniaʼtáhkhwa ne niaʼtewenhniserá꞉ke? Tó nikarí꞉wes ne karonhiá꞉ke tkentióhkwaien ó꞉ni ne ononhsatokénhti tenhonwanahskwaʼseronkwá꞉take?”

Zechariah 7:14

Ne teskaieróntahre ne tehioweratá꞉se tahkherahthakwáhte tsi nón꞉we ionhshahathinahkérahte ne thitionhontsá꞉te. Kí꞉ken ne iowenhtsí꞉io kwáh ontkénsthe kwáh iáh ónhka tetienahkeréhkwe.”

Luke 21:14

Akȣa kati onȣa ok saok iaseȣatennikonrisa, netosa othenon aeseȣatennikonraienton tsinahoten enseȣenron nethononȣe nenkahaȣi.

Revelation 11:2

ók tó꞉sa sateʼnién꞉ten naotenhenrá꞉kon nononsatokentikó꞉wa; thóh ne niiotónhak, asè꞉ken né꞉ne ronwaná꞉wi ne ronhnonhontsakeró꞉nons, tánon kwáh enhatirathatsésons nhonatatokénti né꞉ne kaié꞉ri niwáhsen tékeni niwenhnì꞉take nikarí꞉wes.