Jeremiah 11:20 - Ohiatonhseratokénti

²⁰ Ethóhʼne wakaterénnaien, “Sashaststenserowánen Saiá꞉ner, í꞉se ne tkariwaiéri teshiatorètha; í꞉se sehiatenikonrátkenʼse nonhkweshón꞉a ó꞉ni tsi nihononhnhóten. Sesnónhke nónhwe nátsien nakeriwahson꞉a; káti tahkeríhon ne akateróh꞉rohke tsi nenhsehshekárhiase kí꞉ken onhkweshón꞉a.”

Jeremiah 11:20 ပူးပေါင်းရင်းမြစ်များ

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

2 Kings 19:14

Né Ronnontí꞉io Hezekiah wahaiéna ne kahiatónhsera ne ratirihwakarénies ratiháwine tánon wahawenhnanóten. Ethòne Ononsatokentikó꞉waʼne niaháre, tánon thóh iahá꞉ien ne kahiatónhsera rahohénton ne Roiá꞉ner,

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

1 Chronicles 29:17

Wakateriénhtare tsi onhkweʼtaʼkwé꞉kon tsi seiaterahsát꞉kenhse tánon serientí꞉ios tsi niʼiákon ne iakotonkwetaʼkwahríhshion. Né tkarihwaiéri tánon orihwihiohón꞉we kwáh thóh niwakenikonhró꞉ten tsi akwé꞉kon í꞉se thonʼiáwi kí꞉ken, tánon wakhé꞉ken ne shonkweʼtashón꞉as né kénʼen ronatsataró꞉ron tsi ronatʼtsenhnónhni tsi nonhtahatiʼhá꞉sehron wahesawíhon.

Job Tánon ne Raoronhiakensera 5:8

“Ók kí ní꞉i, Rawenni꞉io ahihiatí꞉shake, tánon Rawenní꞉ioke nón꞉we ná꞉tsien nakerihwaʼshón꞉as.

Psalms 139:23

Takaterhiasát꞉kens, Ó Saiá꞉ner, tánon kí takenikonhraienhtéri.

Psalms 35:2

Sattháwa ne tehioniatastákwa tánon ne niwá꞉a iontrenhosthákwa, tánon téstann nastiénawaʼse!

Psalms 43:1

Saskatatewenhniʼióseron, Ó Sewenní꞉io, tánon teskeriwaʼkénas tsi nòkwah nonkweʼshónhas ne iáh tehonwaʼsénhnaiens Rawenni꞉io; tsi nòkwah ne ratinikonhráhtha tánon iáh tehotihiánere saskeniákent!

Psalms 57:1

Takiténhrak, Ó Sewenní꞉io, takiténhrak, asèken shonháke nón꞉we nakatón꞉nhets niʼiotekwáhsen; né tsi iotasátare ne sanerahón꞉tsa nón꞉we nenhkatekwáhsen, tsi nió꞉re ne iakothóntha kawerowánen enwaʼtó꞉hetste.

Psalms 58:10

Né tiokwetaiéris enhontonhnáren nó꞉nen enhontkátho skakarhiákon; kwáh thóh enhonrashitóhare raotinekwenhsáke ne hionkwetahét꞉kens.

Psalms 7:10

Rawenni꞉io sèh rahkatrenhóstha, rahónha sakohiathákwas né iakawerhiasí꞉io.

Psalms 7:8

Ne Roiá꞉ner tesakohiatorèhtha nonkweshónha; testsiatóret, Ó Saiá꞉ner, né tiohianénhaf tsi iáh tewakeníkon tsioríhwa tsi kwáh iaothènon tewastónhton. Í꞉se né éhʼneken satohesthakʼwen.

Psalms 7:9

Ó sehríhon ne raotirihwahetkénhsera ne rotirihwaʼnerenhákskon niahontókʼten, ók sahserihwaʼkwahthákwas ne iakoiánere, í꞉se ne sehiatenikonrát꞉kenhse tánon sehiaterhiakʼsátkenhse, Ó saiánere Ní꞉io.

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Jeremiah 12:1

“Saiá꞉ner, tó꞉ka tahithiniriwakéna nakeriwahsón꞉a, ensehriwanírathe tsi khaiéri. Shé꞉kon kíʼ ónenhk tsi enkeriwahnónhton tsi nòkwah ne ateriwakwarishióntshera ahoriwahshón꞉a. Nonhtiéren ne rononhkwetaʼhétkens tsi nihotiʼhianerasténnis? Nohtiéren ne rathinikonhrátha tsi ronateriwahthentsiénnis?

Jeremiah 12:3

Ók, Saiá꞉ner, tatsientéri; satkáthos tsi nikatiérah tánon tsi nióre tsi konʼnorónhkwa. Sehiatíser kí꞉ken ionkwetaʼhétkens tsi ní꞉ioht ne teiotinakarontón꞉a akonwanáhtsioʼwe; sehiatennikonhráhren tsi nióre iakáhewe nakonhwatinonhwarhakon.

Jeremiah 15:15

Ethóhʼne wahkíron, “Saiá꞉ner, í꞉se sahnikonhrahiéntas. Tahkehiárak tánon tatsniénon. Tahkeríhon nahonsatkárhiaʼte tsi niháti ne hionkeronhiakéntha. Tó꞉sa sheʼhiatenikonhkátsʼtat né ahonahteriwahténtiaʼseh nahionkenonhwahrhiákon. Sehʼhiárak tsi í꞉se shaʼriwáhke tsi hionkenikonhrahʼkarewáhtha.

Jeremiah 17:10

Í꞉i, ne Watiá꞉ner, kenikonhrísaks tánon khehiaterhiaʼsátkenʼse nonhkweshón꞉a. Shaʼthihiatátʼtsions tsi ní꞉ioht tsi tekheriwásnieʼseh né entewahnónhton tsi ní꞉ioht tsi ronónhnhe, ne entewahnónhton tsi nihontiérah.”

Jeremiah 17:18

Tahséhʼhion ne atehénsehra tsi nikáien ne ionkeronhiakéntha, ók sastsiatáko ní꞉i Saiá꞉ner. Sehnánonks ne kateronkwáhtshera, ók tó꞉sa ní꞉ih tatʼterónkwen. Thaséhion ne karihwaʼiesáhtshera tánon tesehiathárit.

Jeremiah 20:12

Ók, Sashastsʼtenserowáhnen Saiá꞉ner, í꞉se ne kwáh tkariwahiéri tsi niʼsehiateniéntha nonhkweshón꞉a; sateriénthare tsi nihonerhiasóhtens ó꞉ni tsi nihotinikonhró꞉tens. Káti ánion kónhken shaʼsehkárhiaks ne tehiakwatátʼtions, asèken sesnonhsáhke nónhwe niwáhtien naʼkerihwahsónhas.

Lamentations 3:58

“Í꞉se saskeʼniákente, Saiá꞉ner, tánon waseniákente tsi kónnhe.

Lamentations 3:59

Tsi tenshatórete taskhéʼnhe, sateriéntare tsi nihionkatʼkontáhon.

Lamentations 3:64

“Sherèwat tsi nihothiʼhiéren, O Saiá꞉ner;

Ezekiel 11:5

Ne raoshaststénsera ne Roiá꞉ner thonkeniaró꞉tharohke, tánon ne Roiá꞉ner wahakró꞉ri nahontatkhéhion nonhkweshón꞉ʼa kí꞉ken ateriwanhotátshera: “Tsiónkwe NʼIsrael, Wakateriénthare tsi nisehwathónnionhs ó꞉ni tsi nisehwatenikonhronhnihátie.

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

Philippians 4:6

Tó꞉sa thènen tesewathatenikonráren, ók oriwakwékon sewaterennahienthatsherákon tsi sewariwahnónhtons ne Rawenni꞉io tsi nahó꞉ten tesehwathonwenhtió꞉ni. Nónenh thènen iensewaterénnahien ne rahonháke, kwáh oriwí꞉io kénhak sewéneste tsi tentsisewahnonhweráhton.

2 Timothy 4:14

Alexander ne raristakerónon kwáh wéso tsi ratʼkaronníʼon; ne Roiá꞉ner tehorihwaserákwase tsi nihotiéren.

1 Tiér 2:23

Nónen enhonwanikonrakaréwate, iáh nonwénton tathetoriwaserákwen nasakonikonrakaréwate; neh saharonhiáken, iáh thahóten tehoterónkwen, nók Rawenni꞉ióke nónwe naháien ne karharáh꞉tsera, ne tkariwaiéri tsi tehaiatorétha.

Revelation 18:20

Satonhná꞉heras, o karonhiá꞉ke, í꞉se ne sewaiatatokéntis tánon ne sewateriwanhótha tánon ne iesewahriwákens! Asè꞉ken ne Ní꞉io thokáwen ne kariwenhthátsera ní꞉se ahisewatʼkónten naón꞉ha.”

Revelation 2:23

tánon kwáh enkheién꞉te nakoioʼokón꞉as nahonhní꞉heie. Tanon akwé꞉kon ne ononsatokénhtis kwáh enhiakoterienʼtá꞉rahne tsi Í꞉i katkátos noʼnikón꞉ras ó꞉ni nawé꞉ris, tánon kwáh ne entkwáion ne tsi sewahiatatʼtions ne sewahioʼténhseras tsi natehioténhtion.

1 Samuel 16:7

Ók kiʼ ne Roiá꞉ner wahawénhase ne Samuel, “Tó꞉sa ne tetsiatʼkáneren tsi nihatʼkatotieróten khéhs tonahaʼneniésonhke, tsioríhwa tsi ní꞉i rikenronníhon; asèken ne Roiá꞉ner iáh ne eh thoʼtèiot tsi tehatʼkáthos tsi ní꞉ioht nonkweʼókons tsi iontkáthos; neh ne eh teiekánereh nátste nó꞉kwah tsi niʼiehiatóten, ók ne Roiá꞉ner awé꞉ri ne tehakánere.”

1 Samuel 24:15

Aiá꞉wens ne Roiá꞉ner thóh nón꞉we natahaiatórehte tánon ahontahátkaʼwe ne karihwenhtáhtshera tsi natetiá꞉tere ní꞉i tánon ní꞉se. Aiá꞉wens ahakenhénhion, tánon nahontahákene, ó꞉ni nahonsahakeniákente tsi nòkwah ní꞉se.”