Jeremiah 11:19 - Ohiatonhseratokénti

¹⁹ Eh nikonhnhótenʼne tsi ní꞉ioht ne teiotinakarontónʼa owíra iakonhwahiaténhaʼwe nakonhwanonwarhiákon, tánon iáh tewakateriéntarahkwe tsi í꞉i nónhwe nihontenikonhrónnisʼkwe ne karihwahétken. Ronthónhakwe, “Ánion tewahróntsiak tsík sénha shé꞉kon iotakaríʼte; áhnion tsi tewárhio ne ne kwáh tó꞉sa ónhka ahonsahonwehiárahke.”

Jeremiah 11:19 ပူးပေါင်းရင်းမြစ်များ

Job Tánon ne Raoronhiakensera 28:13

Ne rónkwe iáh teoterièn꞉tare tsi nikanó꞉ron; iáh thaón꞉ton thóh thakatsenhriónhke ne tsi ionhwentsá꞉te ne iakónhne.

Psalms 109:13

Aiáwens né raowáʼtsires ratikwékon ahonhníheʼie; aiáwens ne óia tahatinekwenhsatátse ahonwaʼhiatanikonhrénhʼen.

Psalms 112:6

Asèken ne tionkwetaiéri iáh né nonwénhton tahiakorihwaʼnorónsthen; kwáh nenhné꞉e enhonwenehiárake tsi nénhwe enkénhake.

Psalms 116:9

Tewaʼkatonhontsóni thóh nón꞉we nahonkathaténhronhke tsi ionhontsáien ne iakónnhe tánon tsaták꞉ta nón꞉we nakónnheke.

Psalms 142:5

Í꞉seke iatkahsénhtho, Ó Saiá꞉ner; Wakíron, “Í꞉se ne tsi katashetákwah í꞉ken, ne nakáwenk ne tsi ionhontsáte ne iakónnhe.”

Psalms 27:13

Tewakethákwen ká꞉ti tsi enkatkáto ne raoianeréhtshera ne Roiá꞉ner né tsi ionhontsáien ne iakónnhe!

Psalms 31:13

Asèken waʼkát꞉thonte iakotsokowáʼnen tehiakotsahonskwáhkare tsi nòkwah ní꞉i katerontserowaʼnen tewaʼkatiatháton! Tsi iathonterihwáʼieste waʼhontenikonhrón꞉ni tsi nahiontiérase, tsi nahontenikonhríhsa nahionkenonwaʼrhiákon.

Psalms 35:15

Ók nó꞉nen tewaʼkanikónhrare ratikwékon rohnatʼtsenhnónhni, tánon waʼhonnitsiokwaróhroke ne thaʼhiontsiéron; ne kénk thiʼtonéhnon waʼhonkenonhwenhserá꞉rio tánon iohotikonhthákwen ionhkenonhwarehétkons.

Psalms 52:5

Ók Rawenni꞉io kíʼ enhiakarón꞉ni tsi nénhwe enkénhake; kwáh ienhiaiéna tánon enthiaiatinekénsthakwe tsi sanón꞉sohte; kwáh éhʼren enhiaiatenháwite ne tsi ionhontsáien tsi ratíteron ne ronhnón꞉nhe. Selah

Psalms 83:4

Rón꞉ton, “Káts, ánion ietihiátont nʼIsraerʼró꞉nons; Né kasénhna Israel kwáh tó꞉sa nonwénhton ónhka ahionsaʼiakehiárake.”

Proverbs 10:7

Enhonwenehiá꞉rake ne thotirihwaié꞉ri tsi né꞉ʼe ní꞉ioht ne kaiaʼtateríhtshera, nok ne iáh tetionkweʼtaié꞉ri iohsnó꞉re enhshonwatiiaʼtaʼnikónhrhen.

Proverbs 24:15

Tóhsa tho nenhshiaʼtoʼténhake tsi ní꞉ioht ne iáh tetionkweʼtaié꞉ri ronteʼnikonhrón꞉ni nahshakotinénhsko ne thotirihwaié꞉ri tókaʼ ó꞉ni iahatíhawe raotinonhsaʼshón꞉ʼa.

Proverbs 7:22

Thontaiawénhstsi ká꞉ti waháhsere, rohsharí꞉ne tsi shí꞉ken ní꞉ioht ne teiotiná꞉kares waʼkonwarióhsere, tsi shí꞉ken ne oskenón꞉ton iotiaʼkaróntion tsi nón꞉we tewaterístaien

Isaiah 32:7

Né iakonkwetaʼheténskwah né꞉ne ratiʼnikonrá꞉tha kwáh rononkwetaʼhétken; né rontenikonrónhnis ne kwáh kariwahétken tsi nahatí꞉iere nasakotikarónhni ne iakóten tsi nisakonanowenhténhnis, iawerohátien nónho꞉wen tsi iakorihwaʼnéken ne iakóten tsi tseiériʼtse.

Isaiah 38:11

Wá꞉kiron, kwáh iáh tahí꞉ken ne Roiá꞉ner ne tsi iohontsáien ne iakónnhe; Iáh shé꞉kon tahonsakheiatʼkátho nonkweshón꞉has ne tsi ienakeré꞉nion tsi ionwenhtsáte.

Jeremiah 1:19

Nonhkweshón꞉a kwáh enhiesatʼkónhten. Ók kwáh iáh tahieshaʼsénhni, asèken Í꞉i entenikwehkónhake nahontahkónhke. Í꞉i, ne Watiá꞉ner, wakatáhti.”

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Jeremiah 20:10

Kwáh tsík ónhka wakhathónte tsi tehiakotiénhon, “Kateronkwáhtshera tsík nónhwe níhres! Ánion káti rahtiríhton ieietʼthiró꞉ri!” Shé꞉kon ne kwáh onhkwahtenrohshon꞉a rotiráhre kíʼ nahonkeriwahnhóron. “Tó꞉ka nónhwa enwáhton ne tahonwahnikonhrahkénni,” né rónton; “Ethóhʼne entewahkwéni nahtsitewahiéna tánon ahonsehtewahkárhiaʼke.”

Jeremiah 26:8

tánon kwáh tsi niʼiostó꞉re wáksa tsi nahkatáti tsi nihakenáhon nètho Roiá꞉ner, wahontiéna tánon wathotihénreʼthe, “Ahówennhk nahieshaʼnonhwahrhiákon ne kíʼ aoriwáhke!

Lamentations 3:60

Sateriéntare tsi nióre tsi hiónkswens, neh hiónkswens tánon ó꞉ni tsi natehionkwaskótani.

Ezekiel 32:24

“Ne Elam thóh rónhneskwe, skátke ne rahonatʼtsathónkwas nahonkwetaʼshón꞉ʼa ronhterí꞉io tehiokwataséhthon. Rathikwékon tsi wahterí꞉io ronhwatinonhwahrhiakónhnion, tánon iahónsnenhthe, iakʼtsehonwahtiwahrahkwétaron, né꞉ne tsi tiohontsáien ne kenhéion. Tsi ronhnónhnhekwe kateronhkwáhtshera tehonarieniáton, ók kíʼ nónhwa ónenh rathihiatiónhni rohnenhéion tánon rohnahtehénʼen.

Daniel 9:26

Ne nó꞉nen ienwatókten enhonwário ne Rawenni꞉io raonkwé꞉ta ne kwáh iáh thé꞉nen thahonhí꞉kon. Ne kanatowá꞉nen ó꞉ni ne ionterennaientáhkhwa tenkaríhton ne tsi enhshakonenhrénhten tsi niká꞉ien ne Rawenni꞉io roiatarákwen nákte non nithawé꞉non ne kwáh roʼshatstenhserowá꞉nen rakó꞉ra. Ne tsi ienwatókten eʼtho neniá꞉wenʼne tsi ní꞉ioht nawenhnó꞉ton, tsi enwaterí꞉ioke ó꞉ni ne karihwaiesátshera tsi eʼtho ní꞉ioht tsi rokwatákwen ne Rawenni꞉io.

Hosea 9:8

Ne rotokénhse ne roterihwanikonrará꞉ni náke ní꞉io tsi nokwáh ne Ephraim, ethosà꞉ne notsì꞉ténha tesakonikararánis kwáh tió꞉konte rahoháhake rón꞉nes, tánon wateriwatsáton ne Raononsatokentikó꞉wane ne Raoní꞉io.