Jeremiah 11:17 - Ohiatonhseratokénti

¹⁷ “Í꞉i, ne Watiá꞉ner, Keshaststenserowánen, kwénteron ne Israel ó꞉ni Judah; ók kíʼ nónhwa kariwahiesáhtshera tkheteronkwáhtha. Kwáh ronónha iahontátʼkwahse tioríhwa tsi wahétken tsi nahóntiere; wahonkenakónhni né tsi wakonhwatátseh nakonhwatienkwaronniáten ne Baal.”

Jeremiah 11:17 ပူးပေါင်းရင်းမြစ်များ

2 Samuel 7:10

Tánon ní꞉i enkheiatenatará꞉kwahse nakonkwetashón꞉ʼahs Israerʼró꞉nons tánon thóh nón꞉we nenhkheteron, ne káti thóh nón꞉we nenhatiʼterónhtake kwáh ronónha enhonakwenhkhónweke, tánon iáh shé꞉kon thatahonsahonwatiʼnikonráren; tánon ne ronhnonkwetahétkens kwáh iáh shé꞉kon nonwénhton tahonsahonwatiʼroniákente; tsi nitsiotónhne ne tsiotserénhton,

2 Chronicles 28:25

Kwáh tsi ní꞉kons ne kanatowánens ó꞉ni ne kenʼnikanatásas ne Judah tsi waronniánion ne iatehiakorihwihióstons nahonterenhnaiéntakwahke, thóh nón꞉we nenhontsaháthaʼke ne kanethanórons ne tihiononhóntsates kontiniʼiohokónhas aotirihwáke. Thóh kí꞉ken nahá꞉wenhne tsi tahatatʼthawíthaʼse ne Roiá꞉ner raonhakwáhtsheras, né꞉ne sakoʼNí꞉iokwe ne sakosokʼkénʼen.

Psalms 44:2

Í꞉se kwáh sahtshanáke khók wásaste tsi waʼsehiatínekenhwe nonkweshón꞉has, ók í꞉se sheséhteron nonkweshón꞉has ne raʼononhontsáke; í꞉se waʼserihwahetkénten nonkweshónhas, í꞉se waʼsehiawí꞉hon ne ioiáneres athatahwí꞉tsheras ne shonkwetaʼshónhas;

Psalms 80:15

né watenenharíhsehres né kwáh í꞉se sehseweienhteʼthákwen saiéntʼton.

Psalms 80:8

Egypt niteskwahiaténha kwáh shí꞉ken né꞉ne waʼtenenharíhsehres nihiakwaiató꞉ten; waʼsehiatékwahte ne tihononhontsátes tánon thóh nón꞉we nonsaskwénhteron ne rahononhontsákes.

Isaiah 5:2

Tsi ní꞉ioht ne tahathontáiake tánon waʼhanenhiaróhroʼke né waʼhaiéntʼtho né kwáh tekaiestáshion watenenharíseres; kwáh satekahetíhen ne watenenharíseres nón꞉we nahanikatóten, waʼhanatʼthaserónhnien tsi nón꞉we naháien ne tewahiaríhtha; rohrahrá꞉kwe ne kanenharí꞉io ahonenharaiéntaʼne, ók ne takáhawe ne karahkónha onénhare.

Isaiah 61:3

né nahontakheʼhiatʼkáwenh tsi nihá꞉ti ne ronatʼtiónhnion né Zion nón꞉we— nahontakhéhion ne otsítsa kakahkwenhtonniáton tsi ní꞉ioht né꞉ne akénhake ne wakenrontákwen okénhra, né꞉ne kénhie ne atsenhnonniátshera í꞉ken tsi ní꞉ioht né꞉ne akénhake nahiakhotiónhnionke, né nateweiárah ne kanonhweratónhtshera tsi ní꞉ioht né꞉ne akénhake ne kanikonhraksénhtshera. Né enhonwatinatónhkwahke karíhton karónh꞉ta né꞉ne karihwaʼkwahrihshiónhtshera í꞉ken, tsi roiéntʼthon ne Roiá꞉ner, né naré꞉neste ne raoʼiatanerakwáhtshera.

Jeremiah 1:14

Wahakénhase, “Karihwahiesáhtshera kwáh tenhtsonekónhti nothoréhke nokwáti kwáh rathikwékon enhotiráhre ne kénʼen rahtináhkere nonhwenhtsiáke,

Jeremiah 11:11

Káti nónhwa Í꞉i, ne Watiá꞉ner, wakhehiaronkáten tsi enthékaʼwe ne kahkaronniátshera ne ronhnónhake, tánon iáh thahatiniákenʼne. Tánon nónen iatenhothihénreʼte nakonháke nakhehiénahwaʼse, iáh thakhehiatahónsahthaʼte.

Jeremiah 11:13

Nonhkweshón꞉a ne Judah tóh níkons rothiniʼioseráiens tsi kíʼ níkon rotiʼnataiénton ne kanatowánenhs, tánon ne ienakeréhnion ne Jerusalem kwáh eh nihiawetatʼtsáni tsi rothikétskwen ne ietsienharáhkwa naʼkonwahtienkwaronniáten nètho iáh tehiotehensehráien ní꞉io Baal tsi kíʼ níkonhs tekanatokenháton ne kanatowánenh.

Jeremiah 12:2

Enséntʼtho, tánon enkaterónten; enkonhtehiáron tánon enwahianihiónten. Tiotkonhónwe iohiánere tsi ní꞉ioht tsi ieshatharákwen, shé꞉kon kíʼ kwáh iáh sóhtsi thènen tehiesónni.

Jeremiah 18:15

Kíʼ ó꞉ni nakonhkwetaʼshón꞉a kwáh hiontiatanikonhrénhen; wahontsaʼáhte ne wenhnekeráhkon ne nakonhwaʼnahtsienkwahronniáten ne kahiatonnisónhas. Tahoʼnahshítiaʼke tsi ronthahíʼne, tsi nienhónʼne; iáh ónen theshatísehre norihwahkáhions; thóh nónhwe nihónʼne tsi nónhwe ne iáh tehiohiánahre.

Jeremiah 18:8

ók ethonʼne nonhkweshón꞉ʼa tonshahiontkaratéhni tsi nihiakonhkwetahétken, kwáh iáh ethohʼthatiéren tsi niwáhken.

Jeremiah 19:15

nètho ne Roiá꞉ner Roshaststenserowáhnenh, ne ne Israerʼró꞉non sahkohʼNí꞉io, ráhwenh, “Entétkhaweh ne kén nónhwe kíʼ tsi kanahtowáhnenh tánon ó꞉ni ne aktatsesónhas kanahtaʼiénton akwékon ne karewahtátshera tsi ehʼnénhtiereh tsi niwáhken, tioríhwa tsi nisehwaʼnonhtsistaníron ó꞉ni kwáh iáh tesehwahthahónsahtats tsi nikáton.”

Jeremiah 2:21

Thoʼní꞉ioht tsi kónhteron tsi ní꞉ioht ne kwáh tekaiesthásion watenenharísehres né꞉ne kwáh tkanenhí꞉io. Ók satʼkátho tsi niahishahiátawenh! Thóh nahshiató꞉tenʼne tsi ní꞉ioht ne iótkens, iáh thènenh tehioríhonte wathenenharísehres.

Jeremiah 24:6

Kwáh enkheʼhiatennikonhrháren tánon thentekhehiaténhaʼwe ne kén nónhwe nihiohontsáien. Ensheʼkhekétsko tánon iáh tahonshaʼkhehiatiéskwen; ensehkhétheron tánon iáh tahthahonshaʼkehiáthaʼkwe.

Jeremiah 26:13

Ónenhk tsi tentsisehwahtáton tsi ní꞉ioht tsi tionnhétie tánon tsi nahorihoténsons tsi niʼsehwatiéras, tánon ónenhk tsi entsisehwahwénhnarahʼkwe ne Roiá꞉ner sehwahʼNí꞉io. Tó꞉ka éhtho nenhsewáhiere, tenhshoteriwahthénien ne kaʼkahronniátshera raienséhrehne ne tionháke.

Jeremiah 26:19

Ne Ronnonhtí꞉io Hezekiah ó꞉ni nonhkweshón꞉a ne Judah nón꞉we iáh ronónha tehonwahnonhwahrhiákon ne Micah. Khèkok, ne Hezekiah wahthorénsahron ne Roiá꞉ner tánon wahateniénten ne ahonthahoriwáhwaʼse. Tánon káti ne Roiá꞉ner thonshahoteriwahthénien tsi niháwenh enshaʼkoiénhaʼse ne kakahronniátshera ne ronónhake. Ók nónhwa ónenh thóhʼwa í꞉i ahontethewáhaʼwe ne kaʼkahronniátshera nontionhakéson.” (

Jeremiah 32:29

tánon enhatitsiró꞉ten. Kwáh enhontenonhkwahtette, tienwahkwekónhaʼke ne tsi kanonhsóhtons tsi nónhwe nonhkweshón꞉a nihionkenahkonhníhon tsi wahkonwaʼtienkwahronniáten ne Baal ne karonkwenahkésons ó꞉ni tsi tahathinekáhwehron notsítsa tsi wahonwahtítatʼtse nohiáson niʼiohokónhas.

Jeremiah 32:30

Kwáh tsi tiotáhsahwe ne ratiʼkarahtónkwah nonhkweshón꞉a ne Israeronónhke ó꞉ni nonhkweshón꞉a ne Judah nónhwe ionkenikonhraksáhton tánon ionkenahkonníhon ne tsi nihonahtiéren.

Jeremiah 35:17

Káti nónhwa, Í꞉i, ne Watiá꞉ner Keshastsʼtenserowáhnen, ne kheʼNí꞉io ne Israerʼró꞉non, enkwaiénhaʼse ne tiónkwe ne Judah ó꞉ni ne Jerusalem oriwahkwékon ne kahkaronniátshera ne wahkarahrátston. Kwáh kíʼ thóh nénhtiere tsioríwa tsi iáh tesehwathahonsahtáton nónenh sahkwahthárahse, tánon iáh thaʼtesehwariwahseráhkwen nónenh siakwahnáhton.”

Jeremiah 36:7

Tó꞉ka kíʼ nónhwa shé꞉kon tensontkarahténi tsi nihatiʼweiennáksens tánon ahonʼwahriwahnónhtonse ne Roiá꞉ner ahonshaʼsakonikónhrenhse nohénton sóhtsi ahiokaraháthaʼne. Asèken ne Roiá꞉ner ne tehiotenonhianíthon rahonhakwáhtshera tsi ohénton tonwahnaronkahténni.”

Jeremiah 40:2

Ne rasennhowáhnenh wahakahtsiathatískwahte tánon wahénron, “Ne Roiá꞉ner iaʼNí꞉io kakahronhniátshera rohteronkwáhthon kí꞉ken nónhwe nihionhóntsiaien,

Jeremiah 40:3

tánon ónenh éhthoh naháhiere tsi niháwenh. Àhkwe kíʼ tsi naháwenhne ne tsioríwah ne shonkwethashón꞉a tsi rotirihwáhneren tsi nòkwah ne Roiá꞉ner ó꞉ni ronwahwenhnónhtion.

Jeremiah 42:10

‘Tó꞉ka ehnishaʼnikonhróh꞉ten nahsehnáhkerehke kíʼ kénʼen ionhwénhtsaien, ethóhʼne kíʼ enskonhkétsko tánon iáh thaʼtahonthakonhiátenʼte; enskónhteron tánon iáh thaʼtahonshaʼkonhiátahkwe. Ne kahkahronhniátshera ne tkonhawiténhni kwáh íken tsi kowáhnen onhkenikonhráksahte.

Jeremiah 44:5

Ók iáh tesewahthahonshaʼtáhton iáh ó꞉ni karíhwa tetiónhni. Iáh tesehwahtiakwahríshion ne kariwáksen tsi nisehwahtiérah tsi ietʼtsihiatsienʼkwahronhniaténhni ne ó꞉ia niʼiohonkónhas.

Jeremiah 44:8

Onhʼnonhtsiéren tsi takenhakónhnis tsi ne senhsénnahiens ne kahiatónhnis tánon tsi sehiatshenkwahronhniaténhnis ne ó꞉ia niʼiohokónhas ne kénʼen nónhwe Egypt, tsi nónhwe nitisénon nahonshaʼsenáhkerehke? Ne kén ahoríhwah eh niséhrah ne ne ashaʼtahtáhthonte, ne káti ne kwáh niaʼtehionkwétahke ne tsi ionhwenhtsáte ne tahieshaʼiéron tánon sahsénhna á꞉honste tsi enhontewenhnákʼsahte?

Jeremiah 45:4

“Ók Í꞉i, ne Watiá꞉ner, etʼtháke sehwahkáties tsi nahó꞉ten ne wákson tánon skótshions tsi nahó꞉ten ne waʼtsiéntʼthon. Kwáh ohontsaʼkwáhkon tsi kíʼ éhʼtho nénhtiereh.

Jeremiah 7:18

Ne ratiksaʼokónhas rathiʼientahró꞉roks ne iontekahthákwa, ne ronnónhkwe rontʼtsienhónnis, tánon ne konnʼonhkwe tehiotisehrahwénhrie nakonhwanahtharónnien ne kahiatónni né konhwahnathónkwa Ionnonhtí꞉io ne Karonhiáke. Kwáh ó꞉ni thóh thinekawéhron notsítsia nakonwathítatʼtie nóia kahiatónnis, né꞉ne ahiontʼkahréwahthe.

Jeremiah 7:9

Nensehnénhsko, nensehiasehthe, nenshá꞉tenahkwaieshá꞉the, nenshá꞉nowenhte nónenh sahriwahniráton, tánon nentiatienkwaronniáten ne Baal, ó꞉ni nensehsénnaien ne kahiatónnis ne iáh tesehienteríhʼne ne tiotierénton.

Ezekiel 17:5

Ethòne iaháhawe ne onénha ne tsi iohontsáien ne Israerʼró꞉nonhke tánon ne꞉ne kwáh tiohontsí꞉io nónhwe nahaiéntho, tsi nónhwe ne tiókonhte kanekáien naiawehiáronh.

Hosea 10:1

Nisraeró꞉non kwáh í꞉ken tsi iokwáts tsi ní꞉ioht tsi watenenharí꞉sehres tsi niwé꞉so wahianihiontʼtha. Ne sénha wé꞉so enwahianihiónten sénha kí wé꞉so ensrónh꞉ni ne ietsenhará꞉kwa; ne raonakeráhsera tsi nenhioianerásthen, sénha kí wahaianeráste ne kanawahatashón꞉as ne tsi raterenhnaientáhkwa.