Jeremiah 11:15 - Ohiatonhseratokénti

¹⁵ Ne Roiá꞉ner ráton, “Nónhkwe ne khenorónkwa kariwahétken tsi nihontiéra. Kahnithatihianerensehrénhas nakenonhsatokéntiʼke ahonnésehke? Rónnereh onhtèken enhatikwéni ne tahatítasʼte ne kariwaiesáhtshera tsi ronrahratsthánions ó꞉ni tsi rathítats tsi konhwanatsiatatʼtsahátha ne katʼtshénens? Ethóhʼne onhtèken enshonthonnáren?

Jeremiah 11:15 ပူးပေါင်းရင်းမြစ်များ

Psalms 50:16

Ók ne Rawenni꞉io sakawénhni ne ionkwetatsensʼhokónha: “Káh nitéshas tsi aisaianerenhseraiénthake nasatroriáte natianerénhseras, khés né꞉ne asatrorhiáte nakaterihwasehronniátseras?

Psalms 60:5

Tasát꞉kaf natesenhniétshera ne sesehweientethákwen, tánon teskwahrihwaʼserákwas, ne káti nahónton tsi niʼiákon ne senonrónhkwah ahiontateniákenʼte.

Proverbs 10:23

Teiotenonhwarorí꞉tonte naiontonhnhá꞉ren ne thé꞉nen naióntiere ne wahétken. Nón꞉kwe rotiʼnikonhrowá꞉nen rononʼwéskwani nahò꞉ten wattokhahtsherí꞉io.

Proverbs 15:8

Roiá꞉ner rotonhnháhere nó꞉nen tionkweʼtaié꞉ri ronaterén꞉naien, nok ráhswens ne thatíhas karihwiioseʼokón꞉ʼa ne rotirihwanéren.

Proverbs 2:14

nónhka ietshénrieʼs nateʼnikonhroiáhtshera tánon iakaonʼwéskwani nahò꞉ten iáh tetkariwaié꞉ri, iáh oʼthé꞉nen kiʼ tekariʼwáhsta,

Proverbs 21:27

Roiá꞉ner ráhswenhs nó꞉nen iáh tetionkweʼtaié꞉ri aontahonwahawíhten ne karihwiioshokón꞉ʼa naterennaientatsherá꞉kon ne tsi wanonhtonnionhtseráksens tsi ní꞉ioht tsi ronnonhtonniónhkwas.

Proverbs 26:18

Nónhka nakó꞉ren tahsherihwaierónnion tánon ahsì꞉ron, “Nek ne wakatswà꞉ton,” ne shá꞉ka nónhka tehanonhwahrawénrie iontswaʼtáhkhwa rotatonniaʼtén꞉ni ne iakohnonhwarhiakons.

Proverbs 28:9

Tókaʼ ne kaianerénhsera iáh thahsatewèn꞉narahkwe, Rawenni꞉io enhàhswen ne saterennaientáhtshera iáh thahatahónhsatate.

Isaiah 50:1

Né aoríhwa rá꞉ton ne Roiá꞉ner: Kaʼnónwe nikáien ne sanisténha akohiaʼtónsera ne tetiontekhaʼshátha né tsi í꞉seh ieshékhere ne sanisténha nakonháke? Khés ká꞉ton kén ónhkak tsi nihá꞉ti ne khekaròtani ronón꞉ha ne wakheiathenhnínonse ní꞉se? Iáh, né wakarihónhni ne sarihwaneraháktsheras tsi wahesathenhnínon, tánon né꞉ne saterihwatewatónhtsheras wakarihónhni ne sanisténha tsi wahontateʼnhó꞉ton.

Jeremiah 12:7

Ne Roiá꞉ner ráton, “Wakatewénhteʼthe ne Israel; Wahkhekénron ne kehiataráhkwen nonhkweshón꞉a. Tatkhéhion nónhkwe ne kenorónkwah thóh raothishaststenserákon ne ronwathísons.

Jeremiah 13:27

Iáken ètho nishaieráhnion tsi nahoténsons ne rahriwáhshons. Iáken tsi sehnonhteratiésons ne iatehothihiánere niʼiohokónhas ne tsi ionniarónnions ó꞉ni ne tsi kahenthakérons, tsi ní꞉ioht ne rónkwe shakoskáneks ne thehianonhsahnéken ró꞉ne tó꞉ka ó꞉ni tsi ní꞉ioht ne ranaskónhni ráhsehres ne onètien. Tiónkwe ne Jerusalem, sehwarihwaieshá꞉on! Tóh nióre né kwáh tahonthetionkwetaʼhiérihke?

Jeremiah 15:1

Ethóhʼne ne Roiá꞉ner wahakénhase, “Shé꞉kon ne Mahís o꞉ni ne Samuel né kénʼen aníthake ahionkanitenthaséheke, kwáh iáh thaʼkhenatónhase kí꞉ken onhkweshón꞉a thènen ne kenténron. Sehiónnien ne ahéren ahónnhethe; sehiónnien ne éhren rónnhek tsi nónwe níhkes.

Jeremiah 2:2

nahkherihowahnáhten kí꞉ken ateriwahnothátshera onhkwetahkwékon ne Jerusalem nónhwe. “Kahiáre tsi nisariwatokénhne ne shitisaiónhakwe, tsi nió꞉re tsi takenoronkwáhkwe ne shontonhtsérente sashonkeniniá꞉ke; wasetʼnonteratsésons ne iahonwenhtsatʼténhake, thóh nonhóntsa né꞉tho areʼkok shikaiéntʼtho.

Jeremiah 23:11

Ne Roiá꞉ner ráton, “Ne rothitó꞉kense ó꞉ni ne rotikháres kwáh iáh tehothiniʼioseráhien; Iekènʼa kheʼharáhse kariwáksen tsi nihóntiera ne ononhsatokentiʼkówaʼne.

Jeremiah 3:14

“Iáh teshewahriwahtó꞉ken tiónkwe, thonthásehwe; í꞉ih akonhkwethashón꞉a. Tsi sehwahiatʼtátʼtion ienkwahiaténhawe ne ne skanáhtha tánon tehionkwéthake ne skanatát꞉shon, tánon tsi tionónhte ne Zion nienskwahiaténhawe.

Jeremiah 3:8

Judah ó꞉ni iotkáthon tsi tetiontsiaʼtetkhásion ne Israel tánon érenh tiatenhawíthon tioríhwa tsi wahkatʼkahrahténion ó꞉ni iohrihwahiathathónʼon onhthathónni. Ók Judah, ne ne Israel iáh tehiorihwahthóken tiathatekénʼa, iáh tekatʼtsiánisʼkwe. Ahónʼa ó꞉ni iorihwahiathathónʼon iahónton

Hosea 3:1

Ne Roiá꞉ner shé꞉kon sahakénhase, “Wás, iashenó꞉ronht tiontonwí꞉sen nahónha ó꞉nen ioskaraien tánon kí watenakwahiesátha, kwáh thóh ní꞉ioht tsi senóront tsi kí nisakonorónhkwa ne Roiá꞉ner nonkweshón꞉as Nisraeró꞉nonke, iawerohátien tsi thóh nokwáh niehoné꞉non ne tikaniioserá꞉tes tánon roné꞉kas ne tkanenhára watenatáronhte.”

Matthew 22:11

Nok nonen sisakotkensere ne Ronontiio-koȣa tsiniiakon iakotekkȣahere; saiatat ȣahoken nʼiah tehotseronniaton ne iontenniotakȣa.

Luke 8:28

Akȣa neok ȣahoken ne Iesos, ȣathohenrete, nok ȣahosennaien, ȣathoionstsothase nok ȣahenron: ohnahoten ionkeniriȣaien, Iesos, Niio Iaienha? Konnekennis tosa askeronhiakente.

Romans 11:28

Ne tsi wahathikénron ne kariwí꞉ios, ne Rawenni꞉io, wahsakoriwásten ne Sitaeró꞉nons, neh káti ahoríwah ensewaiénawaʼse níse ne iáh Tesewariwiʼióstons. Ne káti ahoríwah Rawenni꞉io sakoiatarákwen, ne iorihónʼni Rawenni꞉io sakorahrasténʼni neh ronwathinihókon tsi wahatiwahtsiratháties tiotkonʼónwe raónha enhonténrokes.

1 Corinthians 13:6

Kanoronkwátshera iáh né tewahtsienʼnonniá꞉tha ne kariwáksen, ók ne wahtsienʼnonniathákwa ne kariwahkwahrishióntshera.

Titus 1:15

Kwá tsík nahóten aóskon íken tsi nikáien ne ronnónha ó꞉ni oriwí꞉io íken; nónkwe ne iekheriasí꞉io tsi nahò꞉ten iontkáthos akwé꞉kon tie ioiánere, nók tsi niháti ne ratiweiennáksens tánon iáh tehthonetákwen akwékon kíʼ nénhne tshiewahetken.

Ne꞉ne Sák Rohiaton 4:16

Nók ónen kwáh íhken tsi satatón꞉ni, tánon tesathaterénsaron; kwá tsík nahiotónhake tsi tahiontaterénsaron tsi wahétken.