Jeremiah 10:5 - Ohiatonhseratokénti

⁵ Nètho kahiatónnis ne tesontiéren ne hionthetorhiátha ne wahiáris kahéthaien; iáh thakontiʼkwéni nahkontáhti; ónenk tsi tenkonwahnaskwénhaʼwe tioríhwa tsi iáh takonthikwéni nahkonténni. Tó꞉sa sektsanísek: iáh thaʼkontikwéni nahieshakaréwahte, tánon iáh thakontiʼkwéni ne thènen ioiánere tsi naheshaʼtiérahse.”

Jeremiah 10:5 ပူးပေါင်းရင်းမြစ်များ

1 Kings 18:26

Iahonwahiathénhawe ne té꞉ro ne tahonwénhnon, wahathikwahtháko, tánon rahonháke ne Baal wahonterénhnaien tsi nióre ne entseʼsiskaháwiʼkwe. Wathothihénrethe, “Teskwahrihwaserákwas, Baal!” tánon thóh tikonhthákwen tehothinonhniákwen tehonakwahtháse ne tsi ietsienharákwahke ne rothíson. Ók iáh kíʼ thènen taʼthehonaʼterihwaserakwénhni.

2 Chronicles 25:15

Né kí꞉ken waʼhonakónhniaʼte ne Roiá꞉ner, sók kí rotokenhséhaʼwe iahotóri tsi thénteron ne Amaziah. Né rotokenhséhawe waharihwanónhton, “Onh niʼiohtséren tsi né꞉ne kenktitsoʼnénon kaiatonhnisónhas waʼshesénhnaien nètho akwé꞉kon iáh tehiotikwénion nahiakotinonsthá꞉tonhke nahononhkweʼtashón꞉as tsi nòkwah ne saʼshastsʼténhsera?”

Isaiah 16:12

Nó꞉nen ne Moab enhatotási raonhatsí꞉wa, nó꞉nenh enhanikonrókten tsi nón꞉we ne kwáh èhʼneken tsiót꞉tes, nó꞉nenh èntre ne tsi raterenhnaientákwah nahaterénhnaien, iáh kí taohianeráhsten.

Isaiah 45:20

Tesewatatsataʼrórok tánon skát꞉ne sewáton, ákta í꞉sewet, í꞉se ne iatesewataténron tionhontsakeró꞉nons! Iáh teotí꞉ien naʼtokhátshera— né꞉ne tsi niháti ratihawinóntses nó꞉iente raoʼtihiatonhnisónhas, tánon thoʼtikontákwen konwaterenhnaiénhni ne raotiní꞉io né꞉ne iáh thaʼkakwéni naʼhiakonónsthaʼte.

Isaiah 46:1

Né Bel waʼtewatentʼtsióten, ne Nebo teiotʼtsákton, naotihiaʼtonhnishónhas né꞉ne kontírios tánon tionhnónskwarons; kí꞉ken tsi nahoténsons sawinóntie titʼkáhere né sherieniakétats ne tehiotiwisenhéion katʼtshénens.

Isaiah 46:7

Wahonhnénhsaren, wahatihawíson, wahatiʼkwahtáko tsi nón꞉we nihionát꞉te, tánon thóh nón꞉we natʼkonwákaste; iáh thaʼónton nahontorhiá꞉neron tsi nón꞉we natʼkonwátaste. Ónhka shí꞉ken iatakonwaséntʼthoʼse, iáh kí tatekarihwasehrá꞉kwas khés nahiaʼkonónsthate ne thénhne tahonanikonhrárahke.

Jeremiah 10:14

Tsi nenhiontkathóseron kí꞉ken, nonhkweshón꞉a tahiakotonniótʼtahne tánon iáh othènen karihwatésken; tánon tsi niháti ne ratihiathonniserónnis entʼthatinikónrenʼne, tioríhwa ne rahothihiatónnis tsi iáh oriwí꞉io tèken tánon iáh tekonnónnhe.

Habakkuk 2:19

Satrewátane asè꞉ken sró꞉ris ne oiénhte, “Í꞉tie!” ne iáh tewatá꞉ti onénhia, “Satatkétsko!” Akakwé꞉ni ken nahiakorihónhnien? Satkáto, owistanó꞉ron tánon kawistará꞉ken tekaiestánion, tánon kwáh iáh othé꞉non teiahonhniserá꞉ien.

1 Corinthians 12:2

Sehwahteriéntare tsi náhe iáh tethisehwetákwenne, iehtsihiatʼtaharahkwáhtakwe wéso nóiah niʼiotónne ne tsi konwahtisénnaienskwe ne iáh tehkónonne kahiatónnis.

1 Corinthians 8:4

Ne káti, ne í꞉ieks ne kákhwa ne kahiatónni konwahtitátʼtie; ionkwahteriéntare ne kahiatónni né kéntons né knahótenk ne kwáh oriwí꞉io iáh tehiónnhe; ionkwahteriéntare tsi saiátak khók ne kwáh oriwiʼioʼónwe Rawenni꞉io.

Deuteronomy 4:28

Thóh nón꞉we kwáh ienietsisén꞉naien ne nihioʼokónhas né꞉ne ónhkwe akotsána ioshahánion, ne nihioʼokónhas né꞉ne ó꞉iente nahó꞉tens ó꞉ni nonénhias nahoʼténsons, ne nihioʼokónhas né꞉ne iáh tekonhtí꞉kens iáh ó꞉ni teionathónhte, iáh thaʼtekonhská꞉hons iáh ó꞉ni tehiotíswahs.