Jeremiah 10:4 - Ohiatonhseratokénti

⁴ tánon ne karahsesthákwen ne kawistaráhken ó꞉ni owistanóron. Tánon ne tehionathatsenawáhkon tsi kanonwahró꞉ton né ne tó꞉sa ahonthonsénʼne.

Jeremiah 10:4 ပူးပေါင်းရင်းမြစ်များ

Psalms 115:4

Né raotihiatonnhisónhas kawistaráken tánon owistanórons í꞉ken, ónhkwe akosnón꞉sa ióshon.

Psalms 135:15

Né raotiʼiathonhniserahsónhas nonhkweshón꞉has né꞉ne kawistará꞉kens tánon nowistanórons, né iahónhni nónkwe akosnón꞉sas.

Isaiah 44:12

Né rawistónhni raierontónhnis tánon tehaswenhtawénhres, iehnekonréstha ráts꞉tha tsi raierontónhnis, tánon né tsi nihanenshá꞉saste né ráts꞉tha tsi raristatharihátha; wahathonkárhiaʼke tánon tahioserón꞉nenhte tsi nihasátste, iáh tehanekíra nonékanos tánon waʼthawisénheʼie.

Isaiah 46:6

Tsi ní꞉iakon ne tseiakokthonró꞉hon nowistanóron tsi tsaketákwas nakonathatserákon, tánon iekontserihara ne kawitará꞉kens— wahhonwánhaʼne ne rawistanorontserónni, né꞉ne wahaniʼioserónniaʼte; eʼthó꞉ne wahontsiaʼtiénenhte tánon wakonwasénhnaien!

Isaiah 46:7

Wahonhnénhsaren, wahatihawíson, wahatiʼkwahtáko tsi nón꞉we nihionát꞉te, tánon thóh nón꞉we natʼkonwákaste; iáh thaʼónton nahontorhiá꞉neron tsi nón꞉we natʼkonwátaste. Ónhka shí꞉ken iatakonwaséntʼthoʼse, iáh kí tatekarihwasehrá꞉kwas khés nahiaʼkonónsthate ne thénhne tahonanikonhrárahke.

Hosea 13:2

Tánon nón꞉wa iehotikontákwen rotirihwanerenháties tánon ronónha ronhthatsatonhniseronhnién꞉nis, né꞉ne kahiatonhnishón꞉as ne kawistará꞉kens ne tsioianénhas tsinihotinikonraiéntas, akwé꞉kon né꞉ne rawistón꞉ni rasahánions. “Ronónha ietsiiateskóntʼtas,” enhonhní꞉ron. Nonkweshón꞉as tionhnónskwahron owí꞉ra kahiatonhnishón꞉as tekonwatinoronhkwahnióntons!

Habakkuk 2:19

Satrewátane asè꞉ken sró꞉ris ne oiénhte, “Í꞉tie!” ne iáh tewatá꞉ti onénhia, “Satatkétsko!” Akakwé꞉ni ken nahiakorihónhnien? Satkáto, owistanó꞉ron tánon kawistará꞉ken tekaiestánion, tánon kwáh iáh othé꞉non teiahonhniserá꞉ien.