Jeremiah 10:2 - Ohiatonhseratokénti

² Ráton, “Tó꞉sa ietsiweienhnáser nakorénshon; tó꞉sa tesehwathatenikonráhren ne sontekʼthíʼio ahisehwatʼkhátho ne tsi karonhiáte, ethohʼsáne nakorénshon tsi iakoteronienténni.

Jeremiah 10:2 ပူးပေါင်းရင်းမြစ်များ

Genesis 1:14

Tánon Rawenni꞉io wahén꞉ron, “Teioswátheʼk ne tsi iotenonhwaró꞉ron tsi karonhià꞉te ne taiakokháhsi nehní꞉sera tánon nokarahsnéha: tánon weʼnéhak ne tsi niwatkwenrá꞉rons tánon tsi wentaténion ó꞉ni iohsheraténion,

Jeremiah 10:1

Israerʼró꞉nons, sewatahónshatat naʼteriwahnotátshera ne Roiá꞉ner tsi nenhtsisehwathárahse.

Ezekiel 20:32

Sawatenikonhríson né꞉ne thóh nahisewahiathoténhake tsi ní꞉ioht ne ronátiakes nonhkweshón꞉ʼa, tsi ní꞉ioht nonhkweshón꞉ʼa ne ákte nónhwe tatinahkerahseráien tánon ne rahtisénhnaiens ne karonhtasónhas ó꞉ni nonénhias. Ók iáh kíʼ nonhwénhton éhtho taiáwenhne.

Leviticus 18:3

Tó꞉sa ahatísere tsi nihontseránions nonhkweshón꞉as ne Egypt, tsi nónhwe iehioteráston tisewaná꞉kerekwe, tó꞉ka ó꞉ni nonhkweshón꞉a ne tsi watonhwenhtsáien ne Canaan, tsi nónhwe nónhwa wakwahiatenháwi.

Leviticus 20:23

Tó꞉sa tehetʼtsihiateweʼiénhnak nonhkweshón꞉a né nónhwe; Kheʼhiatinekénhsere nètho ronhnonhkwetahétkens né kíʼ nahóntonh niaʼhisewatáwehiaʼte né tsionhontsáien. Wahonkatéhaʼte akwékon tsi nihatiweienhnó꞉tens ne karihwahétkens tsi nihontserá꞉nions.

Deuteronomy 18:9

“Nó꞉nen iénsewe tsi nón꞉we nihionhontsá꞉ien né꞉tho Roiá꞉ner thiawì꞉re, tó꞉sa iʼtser ne ioteriʼwatéhas tsi nihatiʼieránions nonhkweshón꞉as né꞉tho nón꞉we nihatinákere.

Judges 6:10

Wakwahróri tsi Í꞉i ne Watiá꞉ner Sewaní꞉io íken tánon kwáh tó꞉sa aietʼtsisénhnaien ne Amorʼró꞉nons rahotiní꞉ios, né꞉ne roʼnónha rahononhontsáke nónhwa nónhwe nisehwénhteron. Ók tó꞉ka iáh thaskwahthahonsatháthonke.”